ﺋﺎﻣﯧﺮﯨﻜﺎ ﯞﻩ ﺋﻪﻧﮕﻠﯩﻴﻪ ﭘﺎﻛﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﭘﻪﺭﯞﯨﺰ ﻣﯘﺷﻪﺭﺭﻩﭘﻜﻪ ﺑﯧﺴﯩﻢ ﺋﯩﺸﻠﯩﺘﯩﺸﻨﻰ ﻛﯜﭼﻪﻳﺘﺘﻰ

ﭘﺎﻛﯩﺴﺘﺎﻧﺪﺍ ﻫﻪﺭﺑﯩﻲ ﻫﺎﻟﻪﺕ ﻳﯜﺭﮔﯜﺯﯛﻟﯜﯞﺍﺗﻘﺎﻥ ﯞﻩ ﺋﻪﺩﻟﯩﻴﻪ ﺧﺎﺩﯨﻤﻠﯩﺮﻯ ﻫﻪﺩﻩﭖ ﻗﻮﻟﻐﺎ ﺋﯧﻠﯩﻨﯩﯟﺍﺗﻘﺎﻥ ﺑﯩﺮ ﭘﻪﻳﺘﺘﻪ، ﺋﺎﻣﯧﺮﯨﻜﺎ ﻗﻮﺷﻤﺎ ﺷﺘﺎﺗﻠﯩﺮﻯ ﯞﻩ ﺋﻪﻧﮕﻠﯩﻴﻪ ﭘﺎﻛﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﭘﻪﺭﯞﯨﺰ ﻣﯘﺷﻪﺭﺭﻩﭘﻜﻪ ﺑﯧﺴﯩﻢ ﺋﯩﺸﻠﯩﺘﯩﺸﻨﻰ ﻛﯜﭼﻪﻳﺘﯩﭗ، ﭘﺮﯦﺰﯨﺪﯦﻨﺖ ﺳﺎﻳﻠﯩﻤﯩﻨﻰ ﺋﯚﺯ ﯞﺍﻗﺘﯩﺪﺍ ﺋﯚﺗﻜﯜﺯﯛﺷﻨﻰ ﺗﻪﻟﻪﭖ ﻗﯩﻠﺪﻯ.

ﺭﻭﻳﺘﯧﺮﺱ ﺋﺎﮔﯧﻨﺘﻠﯩﻘﯩﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﻫﺎﺯﯨﺮ ﺋﻮﺗﺘﯘﺭﺍ ﺷﻪﺭﻗﺘﻪ ﺯﯨﻴﺎﺭﻩﺗﺘﻪ ﺑﻮﻟﯘﯞﺍﺗﻘﺎﻥ ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻛﺎﻧﺪﯨﻠﯩﺰﺍ ﺭﺍﻳﺲ، ﻣﯘﺷﻪﺭﺭﻩﭘﻨﯩﯔ ﭼﻮﻗﯘﻡ ﻫﻪﺭﺑﯩﻲ ﻓﻮﺭﻣﯩﺴﯩﻨﻰ ﺳﯧﻠﯩﭗ ﺗﺎﺷﻼﭖ، ﻫﻪﻗﯩﻘﯩﻲ ﺋﺎﯞﺍﻡ ﺧﻪﻟﻘﻨﯩﯔ ﻟﯧﺪﯨﺮﻯ ﺑﻮﻟﯘﺷﻰ ﻛﯧﺮﻩﻛﻠﯩﻜﯩﻨﻰ ﺗﻪﻛﯩﺘﻠﯩﮕﻪﻥ. ﺋﯘ ﻣﯘﻧﺪﺍﻕ ﺩﯦﮕﻪﻥ: "ﭘﺮﯦﺰﯨﺪﯦﻨﺖ ﻣﯘﺷﻪﺭﺭﻩﭖ ﻫﻪﺭﺑﯩﻲ ﻓﻮﺭﻣﯩﺴﯩﻨﻰ ﺳﯧﻠﯩﯟﯨﺘﯩﻤﻪﻥ ﺩﯦﮕﻪﻥ ﺋﯩﺪﻯ. ﺋﻪﻟﯟﻩﺗﺘﻪ ﺑﯘ ﺑﯩﺮ ﭼﻮﯓ ﺋﯩﻠﮕﯩﺮﯨﻠﻪﺵ."

ﭘﺎﻛﯩﺴﺘﺎﻥ ﻛﯧﻠﻪﺭ ﻳﯩﻠﻰ ﻳﺎﻧﯟﺍﺭﺩﺍ ﺋﯚﺗﻜﯜﺯﯛﺷﻨﻰ ﭘﯩﻼﻥ ﻗﯩﻠﻐﺎﻥ ﭘﺮﯦﺰﯨﺪﯦﻨﺖ ﺳﺎﻳﻠﯩﻤﻰ، ﻫﺎﺯﯨﺮ ﻳﯜﺭﮔﯜﺯﯛﻟﯜﯞﺍﺗﻘﺎﻥ ﻫﻪﺭﺑﯩﻲ ﻫﺎﻟﻪﺕ ﺗﯜﭘﻪﻳﻠﻰ ﭘﺎﻛﯩﺴﺘﺎﻧﻨﯩﯔ ﻏﻪﺭﺏ ﺋﻪﻟﻠﯩﺮﯨﺪﯨﻜﻰ ﺋﯩﺘﺘﯩﭙﺎﻗﺪﺍﺷﻠﯩﺮﯨﻨﻰ ﺋﻪﻧﺪﯨﺸﯩﮕﻪ ﺳﯧﻠﯩﯟﺍﺗﻘﺎﻥ ﺑﻮﻟﯘﭖ، ﭘﺎﻛﯩﺴﺘﺎﻥ ﺑﺎﺵ ﻣﯩﻨﯩﺴﺘﯩﺮﻯ ﺷﻪﯞﻛﻪﺕ ﺋﻪﺯﯨﺰﻧﯩﯔ ﺑﯩﻠﺪﯛﺭﯛﺷﯩﭽﻪ، ﭘﺎﻛﯩﺴﺘﺎﻧﺪﺍ ﺋﯚﺗﻜﯜﺯﯛﻟﯩﺪﯨﻐﺎﻥ ﭘﺮﯦﺰﯨﺪﯦﻨﺖ ﺳﺎﻳﻠﯩﻤﻰ ﺋﯚﺯ ﯞﺍﻗﺘﯩﺪﺍ ﺋﯧﻠﯩﭗ ﺑﯧﺮﯨﻠﯩﺪﯨﻜﻪﻥ.

ﺋﻪﻣﻤﺎ ﭘﺎﻛﯩﺴﺘﺎﻥ ﺑﺎﺵ ﻣﯩﻨﯩﺴﺘﯩﺮﻯ، ﺳﺎﻳﻼﻣﻨﯩﯔ ﻛﯧﻠﻪﺭ ﻳﯩﻠﻰ ﻳﺎﻧﯟﺍﺭﺩﺍ ﺋﯚﺗﻜﯜﺯﯛﻟﯩﺪﯨﻐﺎﻥ ﻳﺎﻛﻰ ﺋﯚﺗﻜﯜﺯﯛﻟﻤﻪﻳﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺋﯧﻨﯩﻖ ﺑﯩﺮ ﻧﻪﺭﺳﻪ ﺩﯦﻤﯩﮕﻪﻥ.

ﭘﺎﻛﯩﺴﺘﺎﻥ ﺋﺎﻣﯧﺮﯨﻜﯩﻨﯩﯔ ﺋﻪﻟﻘﺎﺋﯩﺪﻩ ﯞﻩ ﺗﺎﻟﯩﺒﺎﻧﻼﺭﻏﺎ ﻗﺎﺭﺷﻰ ﻛﯜﺭﻩﺵ ﻗﯩﻠﯩﺸﺘﯩﻜﻰ ﺋﯩﺘﺘﯩﭙﺎﻗﺪﯨﺸﻰ ﺑﻮﻟﯘﭖ، ﻣﻪﻟﯘﻡ ﺑﻮﻟﯘﺷﯩﭽﻪ، ﺋﯚﺗﻜﻪﻥ ﺑﻪﺵ ﻳﯩﻞ ﻣﺎﺑﻪﻳﻨﯩﺪﻩ ﺋﺎﻣﯧﺮﯨﻜﺎ ﭘﺎﻛﯩﺴﺘﺎﻧﻨﯩﯔ ﻫﻪﺭﺑﯩﻲ ﻫﻪﻣﻜﺎﺭﻟﯩﻘﻰ ﺋﯘﭼﯘﻥ ﭘﺎﻛﯩﺴﺘﺎﻥ ﺗﻪﺭﻩﭘﻜﻪ 10 ﻣﯩﻠﻴﺎﺭﺩ ﺩﻭﻟﻼﺭ ﺋﯩﻘﺘﯩﺴﺎﺩﻯ ﻳﺎﺭﺩﻩﻡ ﺑﻪﺭﮔﻪﻥ. (ﺟﯜﻣﻪ)