ﭘﺎﻛﯩﺴﺘﺎﻧﻨﯩﯔ ﻫﻪﺭﺑﯩﻲ ﻫﺎﻟﻪﺕ ﺋﯧﻼﻥ ﻗﯩﻠﯩﺸﻰ ﺧﻪﻟﻘﺌﺎﺭﺍ ﺟﻪﻣﯩﻴﻪﺗﻨﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﺘﻰ

ﺷﻪﻧﺒﻪ ﻛﯜﻧﻰ ﭘﺎﻛﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﭘﻪﺭﯞﯨﺰ ﻣﯘﺷﻪﺭﺭﻩﭖ ﭘﯜﺗﯜﻥ ﻣﻪﻣﻠﯩﻜﻪﺕ ﺑﻮﻳﯩﭽﻪ ﺟﯩﺪﺩﯨﻲ ﻫﻪﺭﺑﯩﻲ ﻫﺎﻟﻪﺕ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ، ﺧﻪﻟﻘﺌﺎﺭﺍ ﺟﻪﻣﯩﻴﻪﺗﻨﯩﯔ ﻧﺎﺭﺍﺯﯨﻠﯩﻖ ﻗﻮﺯﻏﺎﻟﺪﻯ. ﻳﻪﻛﺸﻪﻧﺒﻪ ﻛﯜﻧﻰ ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻛﻮﻧﺪﺍﻟﯩﺰﺍ ﺭﺍﻳﯩﺲ ﺋﺎﻣﯧﺮﯨﻜﯩﻨﯩﯔ ﺑﯘ ﻣﻪﺳﯩﻠﻪ ﻫﻪﻗﻘﯩﺪﯨﻜﻰ ﻣﻪﻳﺪﺍﻧﯩﻨﻰ ﺑﺎﻳﺎﻥ ﻗﯩﻠﯩﭗ، ﺋﺎﻣﯧﺮﯨﻜﯩﻨﯩﯔ ﻣﯘﺷﻪﺭﺭﻩﭘﻨﯩﯔ ﻫﻪﺭﺑﯩﻲ ﻫﺎﻟﻪﺕ ﺋﯧﻼﻥ ﻗﯩﻠﯩﺸﺘﯩﻦ ﺋﯩﻠﮕﯩﺮﯨﻼ ﺑﯘﻧﯩﯖﻐﺎ ﻗﺎﺭﺷﻰ ﭼﯩﻘﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻜﻰ ﭘﺎﻛﯩﺴﺘﺎﻧﻨﯩﯔ ﻧﯚﯞﻩﺗﺘﯩﻜﻰ ﯞﻩﺯﯨﻴﯩﺘﯩﺪﯨﻦ ﺧﺎﺗﯩﺮﺟﻪﻣﺴﯩﺰﻟﯩﻚ ﻫﻪﺱ ﻗﯩﻠﯩﭗ، ﭘﺎﻛﯩﺴﺘﺎﻧﻨﯩﯔ ﺩﯦﻤﻮﻛﺮﺍﺗﯩﻚ ﺗﯜﺯﯛﻣﻨﻰ ﺗﯧﺰﺩﯨﻦ ﺋﻪﺳﻠﯩﮕﻪ ﻛﻪﻟﺘﯜﺭﯛﺷﯩﻨﻰ ﺗﻪﻟﻪﭖ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﯩﺰ 'ﻫﺎﺭ ﻗﯩﻠﻐﺎﻥ.

ﺋﺎﻣﯧﺮﯨﻜﺎ ﺗﻪﺭﻩﭖ ﭘﺮﯦﺰﯨﺪﯦﻨﺖ ﭘﻪﺭﯞﯨﺶ ﻣﯘﺷﻪﺭﺭﻩﭘﻨﯩﯔ ﯞﻩﺩﯨﺴﯩﮕﻪ ﯞﺍﭘﺎ ﻗﯩﻠﯩﭗ، ﺋﯩﻜﻜﯩﻨﭽﻰ ﻧﯚﯞﻩﺕ ﭘﺮﯦﺰﯨﺪﯦﻨﺘﻠﯩﻖ ﻣﯚﻫﻠﯩﺘﯩﻨﻰ ﺋﯚﺗﻪﺷﺘﯩﻦ ﺋﯩﻠﮕﯩﺮﻯ ﺋﯚﺯﯨﻨﯩﯔ ﺑﺎﺭﻟﯩﻖ ﻫﻪﺭﺑﯩﻲ ﺭﻩﻫﺒﻪﺭﻟﯩﻚ ﯞﻩﺯﯨﭙﯩﻠﯩﺮﯨﺪﯨﻦ ﺋﯩﺴﺘﯩﭙﺎ ﺑﯧﺮﯨﺸﯩﻨﻰ ﻫﻪﻣﺪﻩ ﻛﯧﻠﻪﺭ ﻳﯩﻠﻰ 1-ﺋﺎﻳﺪﺍ ﭘﯜﺗﯜﻥ ﻣﻪﻣﻠﯩﻜﻪﺕ ﺑﻮﻳﯩﭽﻪ ﺳﺎﻳﻼﻡ ﺋﯧﻠﯩﭗ ﺑﯧﺮﯨﺸﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.

ﺏ ﺏ ﺱ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﻳﻪﻛﺸﻪﻧﺒﻪ ﻛﯜﻧﻰ ﻫﻪﺭ ﻗﺎﻳﺴﻰ ﺟﺎﻳﻼﺭﺩﯨﻜﻰ ﺋﯚﻛﺘﯩﭽﯩﻠﻪﺭﺩﯨﻦ 500 ﺩﯨﻦ ﺋﺎﺭﺗﯘﻕ ﺋﺎﺩﻩﻡ ﻗﻮﻟﻐﺎ ﺋﯧﻠﯩﻨﻐﺎﻥ. ﻫﯚﻛﯜﻣﻪﺕ ﺗﻪﺭﻩﭖ ﭘﺎﺭﻻﻣﯧﻨﺖ ﺳﺎﻳﻠﯩﻤﯩﻨﯩﯔ ﻛﯧﭽﯩﻜﺘﯜﺭﯨﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﻫﻪﻣﺪﻩ ﺟﯜﻣﻪ ﻛﯜﻧﻰ ﻣﯘﺷﻪﺭﺭﻩﭖ، ﻣﯘﺳﺘﻪﻗﯩﻞ ﺋﺎﻣﻤﯩﯟﻯ ﺋﺎﺧﺒﺎﺭﺍﺕ ﯞﺍﺳﯩﺘﯩﻠﯩﺮﯨﻨﻰ ﺗﺎﻗﺎﺵ ﺑﯩﻠﻪﻥ ﺋﺎﻟﯩﻲ ﺳﻮﺕ ﺭﻩﺋﺴﯩﻨﯩﯔ ﯞﻩﺯﯨﭙﯩﺴﯩﻨﻰ ﻗﺎﻟﺪﯗﺭﻏﺎﻥ. ﺋﯘ، ﺑﯘ ﺋﯩﺸﻼﺭﻧﯩﯔ ﻫﻪﻣﻤﯩﺴﯩﻨﻰ ﭘﺎﻛﯩﺴﺘﺎﻧﻨﯩﯔ ﺭﺍﺩﯨﻜﺎﻝ ﻛﯜﭼﻠﻪﺭﻧﯩﯔ ﺗﻪﻫﺪﯨﺘﯩﮕﻪ ﺩﯗﭺ ﻛﻪﻟﮕﻪﻧﻠﯩﻜﻰ ﺑﯩﻠﻪﻥ ﺑﺎﻏﻠﯩﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﯚﻛﺘﯩﭽﻰ ﯞﻩ ﺋﺎﺩﺩﯨﻲ ﭘﯘﻗﺮﺍﻻﺭﻧﯩﯔ ﻧﺎﺭﺍﺯﯨﻠﯩﻘﯩﻨﻰ ﻛﯜﭼﻪﻳﺘﯩﯟﻩﺗﻜﻪﻥ. ( ﺋﯜﻣﯩﺪﯞﺍﺭ)