ﻛﻮﻧﺪﺍﻟﯩﺰﺍ ﺭﺍﻳﯩﺲ ﺑﯩﻠﻪﻥ ﺋﻪﻧﮕﯩﻠﯩﻴﻪ ﺗﺎﺷﻘﻰ ﺋﯩﺸﻼﺭ ﯞﻩﺯﯨﺮﻯ ﺋﺎﻓﻐﺎﻧﯩﺴﺘﺎﻧﻨﻰ ﺗﯘﻳﯘﻗﺴﯩﺰ ﺯﯨﻴﺎﺭﻩﺕ ﻗﯩﻠﺪﻯ

ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻛﻮﻧﺪﺍﻟﯩﺰﺍ ﺭﺍﻳﯩﺲ ﺑﯩﻠﻪﻥ ﺋﻪﻧﮕﯩﻠﯩﻴﻪ ﺗﺎﺷﻘﻰ ﺋﯩﺸﻼﺭ ﯞﻩﺯﯨﺮﻯ ﺩﺍﯞﯨﺪ ﻣﯩﻠﯩﺒﺎﻧﺪ ، ﺋﺎﻓﻐﺎﻧﯩﺴﺘﺎﻧﺪﯨﻜﻰ ﻗﺎﺭﺷﯩﻠﯩﻖ ﻫﻪﺭﯨﻜﯩﺘﻰ ﺋﻪﯓ ﺋﯧﻐﯩﺮ ﻳﯜﺯ ﺑﯧﺮﯨﯟﺍﺗﻘﺎﻥ ﻗﻪﻧﺪﻩﻫﺎﺭ ﺋﯚﻟﻜﯩﺴﯩﺪﻩ، ﺋﺎﻟﺪﯨﻦ ﺧﻪﯞﻩﺭ ﺑﻪﺭﻣﯩﮕﻪﻥ ﺋﻪﻫﯟﺍﻝ ﺋﺎﺳﺘﯩﺪﺍ ﺋﯧﻠﯩﭗ ﺑﺎﺭﯨﺪﯨﻐﺎﻥ ﺗﯘﻳﯘﻗﺴﯩﺰ ﺯﯨﻴﺎﺭﯨﺘﯩﻨﻰ ﺭﻩﺳﻤﯩﻲ ﺑﺎﺷﻠﯩﺪﻯ.

ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ ﺑﯘ ﺋﯩﻜﻜﻰ ﺩﯙﻟﻪﺕ ﺭﻩﻫﺒﯩﺮﻯ ﭘﻪﻳﺸﻪﻧﺒﻪ ﻛﯜﻧﻰ ﺋﺎﻓﻐﺎﻧﯩﺴﺘﺎﻧﻐﺎ ﻳﯧﺘﯩﭗ ﺑﯧﺮﯨﭗ، ﺗﺎﻟﯩﺒﺎﻧﻼﺭ ﺑﯩﻠﻪﻥ ﻛﯜﺭﻩﺵ ﻗﯩﻠﯩﯟﺍﺗﻘﺎﻥ ﺷﯩﻤﺎﻟﯩﻲ ﺋﺎﺗﻼﻧﺘﯩﻚ ﺋﻮﻛﯩﻴﺎﻥ ﺋﻪﻫﺪﻯ ﺗﻪﺷﻜﯩﻼﺗﻰ ﻳﻪﻧﻰ ﻧﺎﺗﻮﻧﯩﯔ ﺋﺎﻟﺪﯨﻨﻘﻰ ﺳﻪﭘﺘﯩﻜﻰ ﺭﻩﻫﺒﻪﺭﻟﯩﺮﻯ ﺑﯩﻠﻪﻥ ﻛﯚﺭﯛﺷﯩﺪﯨﻜﻪﻥ، ﺭﺍﻳﯩﺲ ﻟﻮﻧﺪﻭﻧﺪﯨﻦ ﺋﯘﻻﺭ ﺑﯩﻠﻪﻥ ﺑﯩﺮﮔﻪ ﺋﺎﻓﻐﺎﻧﯩﺴﺘﺎﻧﻐﺎ ﻗﺎﺭﺍﭖ ﻳﻮﻟﻐﺎ ﭼﯩﻘﻘﺎﻥ ﻣﯘﺧﺒﯩﺮﻻﺭﻏﺎ " : ﺋﺎﻓﻐﺎﻥ ﺧﻪﻟﻘﻰ، ﻗﺎﺭﺷﯩﻠﯩﻖ ﻛﯚﺭﺳﻪﺗﻜﯜﭼﻰ ﺩﯛﺷﻤﻪﻥ ﻛﯜﭼﻠﻪﺭﮔﻪ ، ﺑﯩﺮﻟﻪﺷﻤﻪ ﺋﺎﺭﻣﯩﻴﻪ ﻗﻮﺷﯘﻧﻠﯩﺮﻯ ﺑﯩﻠﻪﻥ ﺑﯩﺮﻟﯩﻜﺘﻪ ﺯﻩﺭﺑﻪ ﺑﯧﺮﯨﺸﺘﻪ ﺯﻭﺭ ﺗﯚﻫﭙﻪ ﻗﻮﺷﯘﺷﻰ ﻛﯧﺮﻩﻙ" ﺩﯦﮕﻪﻥ.

ﭼﺎﺭﺷﻪﻧﺒﻪ ﻛﯜﻧﻰ ﺭﺍﻳﯩﺲ ﻟﻮﻧﺪﻭﻧﺪﺍ": ﺑﯘ ، ﺷﯩﻤﺎﻟﯩﻲ ﺋﺎﺗﻼﻧﺘﯩﻚ ﺋﻮﻛﯩﻴﺎﻥ ﺋﻪﻫﺪﻯ ﺗﻪﺷﻜﯩﻼﺗﯩﻨﯩﯔ ﺋﺎﺭﻣﯩﻴﻪ ﻗﯩﺴﯩﻤﻠﯩﺮﻯ ﺋﺎﻓﻐﺎﻧﯩﺴﺘﺎﻧﺪﺍ ﺋﯚﺯﯨﻨﯩﯔ ﻛﯜﭼﯩﻨﻰ ﻫﻪﻗﯩﻘﯩﻲ ﻧﺎﻣﺎﻳﻪﻥ ﻗﯩﻠﯩﺪﯨﻐﺎﻥ ﺑﯩﺮ ﭘﯘﺭﺳﻪﺕ ، ﺷﯩﻤﺎﻟﯩﻲ ﺋﺎﺗﻼﻧﺘﯩﻚ ﺋﻮﻛﻴﺎﻥ ﺋﻪﻫﺪﻯ ﺗﻪﺷﻜﯩﻼﺗﯩﻐﺎ ﺋﻪﺯﺍ ﺩﯙﻟﻪﺗﻠﻪﺭ، ﺗﺎﻟﯩﺒﺎﻥ ﻗﺎﺭﺷﯩﻠﯩﻖ ﻛﯚﺭﺳﻪﺗﻜﯜﭼﯩﻠﯩﺮﯨﮕﻪ ﻗﺎﺭﺷﻰ ﺋﯘﺭﯗﺵ ﯞﻩﺯﯨﭙﯩﺴﯩﻨﻰ ﺋﯚﺯ ﺯﯨﻤﻤﯩﺴﯩﮕﻪ ﺋﯧﻠﯩﺸﻰ ﻛﯧﺮﻩﻙ" ﺩﻩﭖ ﺗﻪﻛﯩﺘﻠﻪﺵ ﺑﯩﻠﻪﻥ ﺑﯩﺮﮔﻪ ﻳﻪﻧﻪ": ﺷﯩﻤﺎﻟﯩﻲ ﺋﺎﺗﻼﻧﺘﯩﻚ ﺋﻮﻛﯩﻴﺎﻥ ﺋﻪﻫﺪﻯ ﺗﻪﺷﻜﯩﻼﺗﻰ‏- ﻧﺎﺗﻮﻏﺎ ﺋﻪﺯﺍ ﺩﯙﻟﻪﺗﻠﻪﺭ ﺷﯘﻧﻰ ﺋﯧﻨﯩﻖ ﺗﻮﻧﯘﺷﻰ ﻛﯧﺮﻩﻛﻜﻰ، ﻣﻪﺯﻛﯜﺭ ﺗﻪﺷﻜﯩﻼﺕ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺗﺎﻟﯩﺒﺎﻧﻼﺭﻏﺎ ﻗﻮﺭﺍﻟﻠﯩﻖ ﺯﻩﺭﺑﻪ ﺑﯧﺮﯨﺶ ﻛﯜﺭﯨﺸﻰ ﺋﯧﻠﯩﭗ ﺑﯧﺮﯨﯟﺍﺗﯩﺪﯗ، ﺋﯘﻻﺭﻧﯩﯔ ﺑﯘ ﻛﯜﺭﯨﺸﻰ ﻧﻮﻗﯘﻝ ﻫﺎﻟﺪﺍ ﺑﯘﻳﺮﯗﻕ ﺋﯩﺠﺮﺍ ﻗﯩﻠﯩﺶ ﺋﯜﭼﯜﻧﻼ ﺋﻪﻣﻪﺱ " ﺩﯦﺪﻯ.

ﺷﯩﻤﺎﻟﯩﻲ ﺋﺎﺗﻼﻧﺘﯩﻚ ﺋﻮﻛﻴﺎﻥ ﺋﻪﻫﺪﻯ ﺗﻪﺷﻜﯩﻼﺗﯩﻐﺎ ﺋﻪﺯﺍ ﺩﯙﻟﻪﺗﻠﻪﺭﻧﯩﯔ ﺩﯙﻟﻪﺕ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻟﯩﺮﻯ ﻣﯘﺷﯘ ﻫﻪﭘﺘﻪ ﻟﯩﺘﯟﺍﺩﺍ ﻳﯩﻐﯩﻦ ﺋﺎﭼﻤﺎﻗﭽﻰ.