ﺳﺎﺩﺍﻡ ﻫﯜﺳﻪﻳﯩﻨﻨﯩﯔ ﺋﯚﻟﯜﻣﯩﻨﯩﯔ ﺑﯩﺮ ﻳﯩﻠﻠﯩﻘﻰ

ﻳﻪﻛﺸﻪﻧﺒﻪ ﻛﯜﻧﻰ ﺳﺎﺑﯩﻖ ﺋﯩﺮﺍﻕ ﭘﺮﯦﺰﯨﺪﯦﻨﺘﻰ ﺳﺎﺩﺍﻡ ﻫﯜﺳﻪﻳﯩﻨﻨﯩﯔ ﺩﺍﺭﻏﺎ ﺋﯧﺴﯩﭗ، ﺋﯚﻟﺘﯜﺭﯛﻟﮕﻪﻧﻠﯩﻜﯩﻨﯩﯔ ﺑﯩﺮ ﻳﯩﻠﻠﯩﻘﯩﺪﯗﺭ. ﺋﯩﺮﺍﻕ ﯞﻩ ﺩﯗﻧﻴﺎ ﺗﺎﺭﯨﺨﯩﺪﯨﻜﻰ ﻣﯘﻫﯩﻢ ﺑﯘ ﻛﯜﻧﺪﻩ ﺋﯩﺮﺍﻗﺘﺎ ﻗﺎﻻﻳﻤﯩﻘﺎﻧﭽﯩﻠﯩﻖ ﯞﻩﻗﻪﻟﯩﺮﯨﻨﯩﯔ ﺳﺎﺩﯨﺮ ﺑﻮﻟﯘﺷﯩﺪﯨﻦ ﺋﻪﻧﺴﯩﺮﯨﮕﻪﻥ ﺋﯩﺮﺍﻕ ﻫﯚﻛﯜﻣﯩﺘﻰ ﺗﯜﺭﻟﯜﻙ ﺧﻪﯞﭘﺴﯩﺰﻟﯩﻚ ﭼﺎﺭﯨﻠﯩﺮﯨﻨﻰ ﻗﻮﻟﻼﻧﺪﻯ. ﺑﯘ ﻛﯜﻧﻰ، ﺳﺎﺩﺍﻡ ﻫﯜﺳﻪﻳﯩﻨﻨﯩﯔ ﻳﯧﻘﯩﻨﻠﯩﺮﻯ ﯞﻩ ﺋﯘﻧﯩﯖﻐﺎ ﺳﺎﺩﯨﻖ ﺑﻮﻟﻐﺎﻥ ﺯﻭﺭ ﺳﺎﻧﺪﯨﻜﻰ ﻛﯩﺸﯩﻠﻪﺭ ﺳﺎﺩﺍﻡ ﻫﯜﺳﻪﻳﯩﻨﻨﯩﯔ، ﺗﯘﻏﯘﻟﻐﺎﻥ ﻳﯘﺭﺗﻰ ﺗﯩﻜﺮﯨﺘﻨﯩﯔ ﺋﯘﺟﺎ ﻳﯧﺰﯨﺴﯩﻐﺎ ﻗﻮﻳﯘﻟﻐﺎﻥ، ﻗﻪﺑﺮﯨﺴﯩﻨﻰ ﺗﺎﯞﺍﭖ ﻗﯩﻠﻐﺎﻥ.

ﺗﯩﻜﺮﯨﺖ ﺷﻪﻫﯩﺮﻯ ﯞﻩ ﺑﯘ ﻳﯧﺰﯨﺪﯨﻤﯘ ﻣﻪﻟﯘﻡ ﺳﺎﻧﺪﺍ ﺳﺎﻗﭽﯩﻼﺭ ﻫﻪﻡ ﻗﺎﺭﺍﯞﯗﻟﻼﺭ ﺋﯩﺸﻘﺎ ﺳﯧﻠﯩﻨﯩﭗ، ﻳﯜﺯ ﺑﯧﺮﯨﺶ ﺋﯧﻬﺘﯩﻤﺎﻟﻠﯩﻘﻰ ﺑﺎﺭ ﻗﺎﻻﻳﻤﯩﻘﺎﻧﭽﯩﻠﯩﻘﻼﺭﺩﯨﻦ ﻣﯘﺩﺍﭘﯩﺌﻪ ﻛﯚﺭﯛﻟﮕﻪﻥ. ﺷﯘ ﻛﯜﻧﻰ ﺋﯩﺌﻮﺭﺩﺍﻧﯩﻴﯩﺪﻩ ﺳﺎﺩﺍﻡ ﻫﯜﺳﻪﻳﯩﻨﻨﯩﯔ ﺋﻪﮔﻪﺷﻜﯜﭼﯩﻠﯩﺮﯨﻨﻰ ﻳﯩﻐﯩﻠﯩﺶ ﭘﺎﺋﺎﻟﯩﻴﻪﺗﻠﯩﺮﻯ ﺋﯚﺗﻜﯜﺯﮔﻪﻥ.

ﺳﺎﺩﺍﻡ ﻫﯜﺳﻪﻳﯩﻦ ﻫﺎﻛﯩﻤﯩﻴﯩﺘﻰ 2003- ﻳﯩﻠﻰ ﺋﺎﻣﯧﺮﯨﻜﺎ ﺋﺎﺭﻣﯩﻴﯩﺴﯩﻨﯩﯔ ﻫﯘﺟﯘﻣﻠﯩﺮﻯ ﺑﯩﻠﻪﻥ ﺋﺎﻏﺪﯗﺭﯗﻟﻐﺎﻧﺪﯨﻦ ﻛﯧﻴﯩﻦ، ﺋﯘﺯﯗﻥ ﺋﯚﺗﻤﻪﻱ ﺳﺎﺩﺍﻡ ﻗﻮﻟﻐﺎ ﭼﯜﺷﻜﻪﻥ ﯞﻩ ﺑﯩﺮ ﻗﺎﻧﭽﻪ ﻣﻪﺯﮔﯩﻞ ﺗﯜﺭﻣﯩﺪﻩ ﺗﯘﺗﯘﭖ ﺗﯘﺭﯗﻟﻐﺎﻧﺪﯨﻦ ﻛﯧﻴﯩﻦ ﻳﯧﯖﻰ ﺋﯩﺮﺍﻕ ﻫﯚﻛﯜﻣﯩﺘﻰ ﺋﺎﻟﯩﻲ ﺳﻮﺕ ﻣﻪﻫﻜﯩﻤﯩﺴﻰ ﺗﻪﺭﯨﭙﯩﺪﯨﻦ ﺋﯚﻟﯜﻡ ﺟﺎﺯﺍﺳﯩﻐﺎ ﺑﯘﻳﺮﯗﻟﻐﺎﻥ. ﺑﯩﺮﺍﻕ، ﺳﺎﺩﺍﻡ ﺋﯚﺯﯨﮕﻪ ﺋﺎﺭﺗﯩﻠﻐﺎﻥ ﺟﯩﻨﺎﻳﻪﺗﻠﻪﺭﻧﻰ ﻗﻪﺗﺌﯩﻲ ﺋﯧﺘﯩﺮﺍﭖ ﻗﯩﻠﻤﯩﻐﺎﻥ. ﺋﺎﺧﯩﺮﻯ 12- ﺋﺎﻳﻨﯩﯔ 30- ﻛﯜﻧﻰ ﺩﺍﺭﻏﺎ ﺋﯧﺴﯩﭗ ﺋﯚﻟﺘﯜﺭﯛﻟﮕﻪﻥ.

ﺳﺎﺩﺍﻣﺪﯨﻦ ﻛﯧﻴﯩﻦ ﺑﺎﺱ ﭘﺎﺭﺗﯩﻴﯩﺴﯩﻨﯩﯔ ﺑﯩﺮ ﻗﺎﻧﭽﻪ ﻧﻪﭘﻪﺭ ﺋﺎﻟﯩﻲ ﺑﺎﺷﻠﯩﻘﻠﯩﺮﯨﻐﯩﻤﯘ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﻠﮕﻪﻥ. ﻟﯧﻜﯩﻦ، ﺋﯩﺮﺍﻗﺘﺎ ﻫﯚﻛﯜﻣﻪﺕ ﺗﻪﺷﻜﯩﻠﻠﻪﻧﮕﻪﻧﺪﯨﻦ ﺑﯘﻳﺎﻥ ﺷﯩﺌﻪﻟﻪﺭ ﺑﯩﻠﻪﻥ ﺳﯜﻧﻨﯩﻴﻠﻪﺭ ﺋﺎﺭﯨﺴﯩﺪﯨﻜﻰ ﺯﯨﺪﺩﯨﻴﻪﺕ ﺋﯚﺗﻜﯜﺭﻟﯩﺸﯩﭗ ﻛﻪﺗﻜﻪﻥ ﺑﻮﻟﯘﭖ، ﻛﯚﭖ ﻗﯧﺘﯩﻢ ﺗﻮﻗﯘﻧﯘﺷﻼﺭ ﻳﯜﺯ ﺑﯧﺮﯨﭗ، ﻧﯘﺭﻏﯘﻥ ﺋﺎﺩﻩﻡ ﺋﯚﻟﮕﻪﻥ ﺋﯩﺪﻯ. ﺳﺎﺩﺍﻣﻨﯩﯔ ﻗﻮﻟﻠﯩﻐﯘﭼﯩﻠﯩﺮﻯ ﺳﯜﻧﻨﯩﻴﻠﻪﺭﻧﻰ ﺋﺎﺳﺎﺱ ﻗﯩﻠﻐﺎﻥ ﺋﯩﻜﻪﻥ. (ﺋﯜﻣﯩﺪﯞﺍﺭ)