ﺗﺎﻟﯩﺒﺎﻧﻼﺭ ﮔﯚﺭﯛﮔﻪ ﺋﯧﻠﯩﻨﻐﺎﻥ ﻛﻮﺭﯨﻴﯩﻠﯩﻜﻠﻪﺭﻧﻰ ﻗﻮﻳﯘﭖ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ

ﺗﺎﻟﯩﺒﺎﻧﻼﺭﻏﺎ ﯞﺍﻛﺎﻟﯩﺘﻪﻥ ﺳﯚﺯ ﻗﯩﻠﻐﺎﻥ ﻳﯜﺳﯘﻑ، ﺋﺎﻓﻐﺎﻧﯩﺴﺘﺎﻥ ﯞﺍﻗﺘﻰ ﺑﯘﻳﯩﭽﻪ ﺟﯜﻣﻪ ﻛﯜﻧﻰ ، ﮔﯚﺭﯛﮔﻪ ﺋﯧﻠﯩﻨﻐﺎﻥ 22 ﻧﻪﭘﻪﺭ ﻛﻮﺭﯨﻴﻪﻟﯩﻜﻨﻰ ﻗﻮﻳﯘﭖ ﺑﯧﺮﯨﭗ، ﺋﺎﻓﻐﺎﻧﯩﺴﺘﺎﻥ ﻫﯚﻛﯜﻣﯩﺘﻰ ﻗﻮﻟﯩﺪﯨﻜﻰ ﺗﺎﻟﯩﺒﺎﻧﻼﺭ ﺑﯩﻠﻪﻥ ﺋﺎﻟﻤﺎﺷﺘﯘﺭﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺭﻭﻳﯧﺘﺮﺱ ﺋﺎﮔﯧﻨﺘﻠﯩﻘﻰ ﺗﺎﻟﯩﺒﺎﻧﻼﺭﻧﯩﯔ ﺑﺎﻳﺎﻧﺎﺗﭽﯩﺴﻰ ﻳﯜﺳﯘﻓﻨﯩﯔ ﺳﯚﺯﯨﻨﻰ ﻧﻪﻗﯩﻞ ﻛﻪﻟﺘﯜﺭﯛﭖ، ﺋﯘﻻﺭﻧﯩﯔ ﺋﺎﻓﻐﺎﻥ ﻫﯚﻛﯜﻣﯩﺘﻰ ﺑﯩﻠﻪﻥ ﻛﯧﻠﯩﺸﯩﻢ ﺗﯜﺯﯛﭖ ، ﺋﻪﮔﻪﺭ ﺟﯜﻣﻪ ﻛﯜﻧﻰ ﺳﺎﺋﻪﺕ 12 ﺩﻩ 8 ﺗﺎﻟﯩﺒﺎﻥ ﻣﯩﻠﯩﺘﺎﻧﻰ ﻗﻮﻳﯘﭖ ﺑﯧﺮﯨﻠﺴﻪ ، ﮔﯚﺭﯛﮔﻪ ﺋﺎﻟﻐﺎﻥ ﻛﻮﺭﯨﻴﯩﻠﯩﻜﻠﻪﺭﻧﻰ ﺩﻩﺭﻫﺎﻝ ﻗﻮﻳﯘﭖ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ.

ﺑﯩﺨﻪﺗﻪﺭﻟﯩﻚ ﺋﯩﺸﻠﯩﺮﯨﻐﺎ ﻣﻪﺳﺌﯘﻝ ﺋﺎﻓﻐﺎﻧﯩﺴﺘﺎﻥ ﺋﯩﭽﻜﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺋﺎﺭﯨﺌﺎﻧﺎ ﺗﯧﻠﯧﯟﯨﺰﯨﻴﯩﺴﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، ﺋﯚﺯﻟﯩﺮﯨﻨﯩﯔ ﺑﺎﺭﻟﯩﻖ ﺗﯩﺮﯨﺸﭽﺎﻧﻠﯩﻘﻼﺭﻧﻰ ﺋﯩﺸﻘﺎ ﺳﯧﻠﯩﭗ، ﮔﯚﺭﯛﮔﻪ ﺋﯧﻠﯩﻨﻐﺎﻥ ﻛﻮﺭﯨﻴﯩﻠﯩﻜﻠﻪﺭﻧﻰ ﻗﯘﺗﯘﻟﺪﯗﺭﯨﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ، ﺋﻪﻣﻤﺎ ﺋﯘ ﺗﺎﻟﯩﺒﺎﻧﻼﺭ ﺑﯩﻠﻪﻥ ﻛﯧﻠﯩﺸﯩﻢ ﺗﯜﺯﮔﻪﻧﻠﯩﻜﯩﮕﻪ ﺋﺎﺋﯩﺖ ﺗﻪﭘﺴﯩﻼﺗﻼﺭ ﻫﻪﻗﻘﯩﺪﻩ ﺗﻮﺧﺘﺎﻟﻤﯩﻐﺎﻥ.

ﺋﺎﻓﻐﺎﻧﯩﺴﺘﺎﻧﻨﯩﯔ ﻏﻪﺯﻧﻰ ﺋﯚﻟﻜﯩﺴﯩﺪﯨﻜﻰ ﺳﺎﻗﭽﻰ ﺑﺎﺷﻠﯩﻘﻰ ﺋﺎﻣﯘﺯﻩﻱ ﭘﻪﻳﺸﻪﻧﺒﻪ ﻛﯜﻧﻰ، ﻣﯘﻧﺎﺳﯩﯟﻩﺗﻠﯩﻚ ﺋﺎﻓﻐﺎﻥ ﺩﺍﺋﯩﺮﯨﻠﯩﺮﯨﻨﯩﯔ ، ﮔﯚﺭﯛﮔﻪ ﺋﯧﻠﯩﻨﻐﺎﻧﻼﺭﻧﻰ ﺳﺎﻕ - ﺳﺎﻻﻣﻪﺕ ﻗﺎﻳﺘﯘﺭﯗﭖ ﺋﯧﻠﯩﺶ ﺋﯜﭼﯜﻥ ، ﺗﺎﻟﯩﺒﺎﻧﻼﺭ ﺑﯩﻠﻪﻥ ﺋﺎﻻﻗﻪ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺋﺎﻣﯘﺯﻩﻱ ﺳﯚﺯﯨﺪﻩ ﻳﻪﻧﻪ ": ﺑﯩﺰ ﺗﺎﻟﯩﺒﺎﻧﻼﺭﻏﺎ ﻗﺎﺭﯨﺘﺎ ﻗﻮﺭﺍﻝ ﺋﯩﺸﻠﯩﺘﯩﺶ ﯞﺍﺳﺘﯩﺴﻰ ﺑﯩﻠﻪﻥ ﺋﻪﻣﻪﺱ، ﺑﻪﻟﻜﻰ ﺳﯚﺯﻟﯩﺸﯩﺶ ﺋﺎﺭﻗﯩﻠﯩﻖ ﺩﻩﺳﻠﻪﭖ ﻫﯩﭻ ﺑﻮﻟﻤﯩﻐﺎﻧﺪﺍ 6 ﺩﯨﻦ 8 ﮔﯩﭽﻪ ﺑﻮﻟﻐﺎﻥ ﻛﯩﺸﯩﻨﻰ ﻗﯘﺗﯘﻟﺪﯗﺭﯗﺵ ﻳﻮﻟﯩﻨﻰ ﺋﯧﻠﯩﭗ ﺑﺎﺭﯨﻤﯩﺰ " ﺩﯦﺪﻯ.

ﺑﯘ ﺋﺎﺭﯨﺪﺍ ﺗﺎﻟﯩﺒﺎﻧﻼﺭ، ﮔﯚﺭﯛﮔﻪ ﺋﯧﻠﯩﻨﻐﺎﻧﻼﺭ ﺋﯩﭽﯩﺪﯨﻜﻰ ﺑﯩﺮ ﺋﺎﻳﺎﻟﻨﻰ ﭼﻪﺗﺌﻪﻝ ﻣﯘﺧﺒﯩﺮﻟﯩﺮﻯ ﺑﯩﻠﻪﻥ ﺗﯧﻠﯧﻔﯘﻥ ﺋﺎﻻﻗﯩﺴﻰ ﻗﯩﻠﺪﯗﺭﯗﭖ، ﮔﯚﺭﯛﮔﻪ ﺋﯧﻠﯩﻨﻐﺎﻧﻼﺭﻧﯩﯔ ﻫﻪﻣﻤﯩﺴﯩﻨﯩﯔ ﻛﯧﺴﻪﻝ ﺋﯩﻜﻪﻧﻠﯩﻜﯩﻨﻰ ﺋﺎﯕﻼﺗﻘﺎﻥ.

ﮔﯚﺭﯛﮔﻪ ﺋﯧﻠﯩﻨﻐﺎﻧﻼﺭ ﺋﯩﭽﯩﺪﻩ 42 ﻳﺎﺷﻠﯩﻖ ﻛﺎﺗﻮﻟﯩﻚ ﺩﯨﻦ ﺗﺎﺭﻗﺎﺗﻘﯘﭼﯩﺴﻰ 25 ‏- ﺋﯩﻴﯘﻝ ﻛﯜﻧﻰ ﺋﯧﺘﯩﭗ ﺋﯚﻟﺘﯜﺭﯛﻟﮕﻪﻥ ﺑﻮﻟﯘﭖ، ﺗﺎﻟﯩﺒﺎﻧﻼﺭ ﺋﯘﻧﯩﯔ ﺋﯚﻟﺘﯜﺭﯛﻟﯜﺵ ﺳﻪﯞﻩﺑﯩﻨﻰ ﺋﺎﻓﻐﺎﻧﯩﺴﺘﺎﻥ ﻫﯚﻛﯜﻣﯩﺘﯩﻨﯩﯔ ﺗﺎﻟﯩﺒﺎﻧﻼﺭﻧﯩﯔ ﺷﻪﺭﺗﯩﮕﻪ ﻗﻮﺷﯘﻟﻤﯩﻐﺎﻧﻠﯩﻘﯩﺪﯨﻦ ﻣﻪﻳﺪﺍﻧﻐﺎ ﻛﻪﻟﮕﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ. (ﺋﻪﻗﯩﺪﻩ)