ﺋﺎﻓﻐﺎﻧﯩﺴﺘﺎﻧﺪﺍ 20 ﺗﺎﻟﯩﺒﺎﻥ ﻣﯩﻠﯩﺘﺎﻧﺘﻰ ﺋﯚﻟﺘﯜﺭﯛﻟﺪﻯ

ﺟﯜﻣﻪ ﻛﯜﻧﻰ، ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺋﯩﺘﺘﯩﭙﺎﻗﺪﺍﺵ ﺋﺎﺭﻣﯩﻴﻪ ﻗﯩﺴﯩﻤﻠﯩﺮﻯ ﯞﻩ ﺋﺎﻓﻐﺎﻥ ﻣﯩﻠﻠﯩﻲ ﺋﺎﺭﻣﯩﻴﯩﺴﻰ ﺗﻪﺭﯨﭙﯩﺪﯨﻦ، ﺋﺎﻓﻐﺎﻧﯩﺴﺘﺎﻧﻨﯩﯔ ﺷﻪﺭﻗﯩﻲ ﺭﺍﻳﻮﻧﯩﻐﺎ ﺟﺎﻳﻼﺷﻘﺎﻥ، ﻛﯘﻧﺎﺭ ﺋﯚﻟﻜﯩﺴﯩﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﻛﻪﯓ ﻛﯚﻟﻪﻣﻠﯩﻚ ﺑﯩﺮ ﻫﻪﺭﺑﯩﻲ ﻫﻪﺭﯨﻜﻪﺗﺘﻪ، 20 ﺩﯨﻦ ﺋﺎﺭﺗﯘﻕ ﺗﺎﻟﯩﺒﺎﻥ ﻣﯩﻠﯩﺘﺎﻧﺘﻰ ﺋﯚﻟﮕﻪﻥ.

ﻛﯘﻧﺎﺭ ﺋﯚﻟﻜﯩﺴﯩﻨﯩﯔ ﺑﺎﺷﻠﯩﻘﻰ ﻓﻪﺯﻟﯘﻟﻼ ﯞﺍﻫﯩﺪﯨﻨﯩﯔ ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﯩﻐﺎ ﺑﯩﻠﺪﯛﺭﯛﺷﯩﭽﻪ، ﻫﻪﺭﺑﯩﻲ ﻫﻪﺭﯨﻜﻪﺕ ﺟﻪﺭﻳﺎﻧﯩﺪﺍ 10 ﺩﯨﻦ ﺋﺎﺭﺗﯘﻕ ﺗﺎﻟﯩﺒﺎﻥ ﻣﯩﻠﯩﺘﺎﻧﺘﻰ ﻳﺎﺭﯨﻼﻧﻐﺎﻥ ﺑﻮﻟﯘﭖ، ﺋﯘﻻﺭ ﻳﯧﻘﯩﻨﺪﺍ ﺋﺎﻓﻐﺎﻧﯩﺴﺘﺎﻧﺪﺍ ﻫﯘﺟﯘﻣﻼﺭ ﺋﯧﻠﯩﭗ ﺑﯧﺮﯨﺶ ﺋﯜﭼﯜﻥ، ﭘﺎﻛﯩﺴﺘﺎﻥ ﭼﯧﮕﺮﯨﺴﯩﺪﯨﻦ ﻛﯘﻧﺎﺭ ﺋﯚﻟﻜﯩﺴﯩﮕﻪ ﻛﯩﺮﮔﻪﻥ ﺋﯩﻜﻪﻥ.

ﻛﯘﻧﺎﺭﺩﻩ، ﺗﺎﻟﯩﺒﺎﻥ ﻗﺎﻟﺪﯗﻗﻠﯩﺮﯨﻐﺎ ﻗﺎﺭﺷﻰ ﺋﯧﻠﯩﭗ ﺑﯧﺮﯨﻠﻐﺎﻥ ﻫﻪﺭﯨﻜﻪﺗﻜﻪ ﻗﺎﺗﻨﺎﺷﻘﺎﻥ، ﺋﺎﻓﻐﺎﻥ ﻣﯩﻠﻠﯩﻲ ﺋﺎﺭﻣﯩﻴﻪ ﺧﺎﺩﯨﻤﻠﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﯚﻟﮕﻪﻥ ﯞﻩ ﻳﺎﺭﯨﻼﻧﻐﺎﻥ ﺗﺎﻟﯩﺒﺎﻥ ﻣﯩﻠﯩﺘﺎﻧﺘﻠﯩﺮﯨﻨﯩﯔ ﺋﺎﺭﯨﺴﯩﺪﺍ ﻧﯘﺭﻏﯘﻧﻠﯩﻐﺎﻥ ﭼﻪﺗﺌﻪﻟﻠﯩﻜﻠﻪﺭ ﺑﺎﺭ ﺋﯩﻜﻪﻥ.

2001‏- ﻳﯩﻠﻰ ﺋﺎﻣﯧﺮﯨﻜﯩﻨﯩﯔ ﻫﻪﺭﺑﯩﻲ ﻫﻪﺭﯨﻜﯩﺘﻰ ﻧﻪﺗﯩﺠﯩﺴﯩﺪﻩ، ﺋﺎﻓﻐﺎﻧﯩﺴﺘﺎﻧﺪﯨﻜﻰ ﻫﺎﻛﯩﻤﯩﻴﯩﺘﻰ ﮔﯘﻣﺮﺍﻥ ﺑﻮﻟﻐﺎﻥ ﺗﺎﻟﯩﺒﺎﻧﻼﺭ، ﻗﺎﻳﺘﯩﺪﯨﻦ ﺗﻪﺷﻜﯩﻠﻠﯩﻨﯩﭗ، ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺋﯩﺘﺘﯩﭙﺎﻗﺪﺍﺵ ﺋﺎﺭﻣﯩﻴﻪ ﻗﯩﺴﯩﻤﻠﯩﺮﻯ ﯞﻩ ﺋﺎﻓﻐﺎﻥ ﻣﯩﻠﻠﯩﻲ ﺋﺎﺭﻣﯩﻴﯩﺴﯩﮕﻪ ﻗﺎﺭﺷﻰ ﻫﯘﺟﯘﻣﻼﺭ ﺋﯧﻠﯩﭗ ﺑﺎﺭﻣﺎﻗﺘﺎ.

ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﻳﯧﻘﯩﻨﺪﯨﻦ ﺑﯧﺮﻯ، ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺗﺎﻟﯩﺒﺎﻥ ﻗﺎﻟﺪﯗﻗﻠﯩﺮﻯ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﺗﯧﺨﯩﻤﯘ ﻛﯜﭼﻪﻳﺘﻜﻪﻥ ﺑﻮﻟﯘﭖ، ﺋﺎﻣﯧﺮﯨﻜﺎ ﺋﯚﺗﻜﻪﻥ ﺳﻪﻳﺸﻪﻧﺒﻪ ﻛﯜﻧﻰ، ﺗﺎﻟﯩﺒﺎﻧﻼﺭﻧﯩﯔ ﻫﻪﺭﯨﻜﯩﺘﯩﮕﻪ ﻗﺎﺭﺷﻰ ﺗﯘﺭﯗﺵ ﺋﯜﭼﯜﻥ، ﺋﺎﻓﻐﺎﻧﯩﺴﺘﺎﻧﻐﺎ ﻳﻪﻧﻪ 3200 ﻧﻪﭘﻪﺭ ﺋﺎﻣﯧﺮﯨﻜﺎ ﺩﯦﯖﯩﺰ ﺋﺎﺭﻣﯩﻴﯩﺴﯩﻨﯩﯔ ﻗﯘﺭﯗﻗﻠﯘﻗﺘﺎ ﺟﻪﯓ ﻗﯩﻠﻐﯘﭼﻰ ﻗﯩﺴﯩﻤﻠﯩﺮﯨﻨﻰ ﺋﻪﯞﻩﺗﯩﺪﯨﻐﺎﻧﻠﯩﻘﯩﻨﻰ، ﺟﺎﻛﺎﺭﻟﯩﺪﻯ.