ﺧﻪﻟﻘﺌﺎﺭﺍ ﺟﺎﻣﺎﺋﻪﺕ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﯩﺒﻪﺗﻠﯩﻚ ﻧﺎﻣﺎﻳﯩﺸﭽﯩﻼﺭﻧﻰ ﺑﺎﺳﺘﯘﺭﻏﺎﻧﻠﯩﻘﯩﻨﻰ ﺋﻪﻳﯩﺒﻠﯩﻤﻪﻛﺘﻪ

ﺗﯩﺒﻪﺕ ﭘﺎﻳﺘﻪﺧﺘﻰ ﻟﺨﺎﺳﺎ ﻛﻮﭼﯩﻠﯩﺮﯨﻨﻰ ﺋﯩﮕﯩﻠﯩﯟﺍﻟﻐﺎﻥ ﺧﯩﺘﺎﻱ ﺗﺎﻧﻜﺎ ﯞﻩ ﺋﺎﺭﻣﯩﻴﯩﺴﻰ. ﺳﯜﺭﻩﺕ، 15 - ﻣﺎﺭﺕ ﻛﯜﻧﻰ ﺗﺎﺭﺗﯩﻠﻐﺎﻥ. AFP Photo

ﭼﻪﺗﺌﻪﻟﻠﻪﺭﺩﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺗﯩﺒﻪﺕ ﺗﻪﺷﻜﯩﻼﺗﻠﯩﺮﻯ، ﺑﯧﻴﺠﯩﯔ ﻫﯚﻛﯜﻣﯩﺘﯩﻨﯩﯔ ﺗﯩﺒﻪﺗﻨﯩﯔ ﻣﻪﺭﻛﯩﺰﻯ ﻟﺨﺎﺳﺎ ﺷﻪﻫﯩﺮﯨﺪﻩ ﺑﺎﺷﻼﻧﻐﺎﻥ، ﺷﻪﻧﺒﻪ ﻛﯜﻧﻰ ﺗﯩﺒﻪﺗﻨﯩﯔ ﺑﺎﺷﻘﺎ ﺭﺍﻳﻮﻧﻠﯩﺮﯨﻐﺎ ﻛﯧﯖﻪﻳﮕﻪﻥ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﯩﺮﯨﻨﻰ ﻗﺎﺗﺘﯩﻖ ﻗﻮﻟﻠﯘﻕ ﺑﯩﻠﻪﻥ ﺑﺎﺳﺘﯘﺭﻏﺎﻧﻠﯩﻘﯩﻐﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﺵ ﺋﯜﭼﯜﻥ، ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺩﯙﻟﻪﺗﻠﯩﺮﯨﺪﻩ ﺑﺎﺷﻼﺗﻘﺎﻥ ﻧﺎﻣﺎﻳﯩﺸﻼﺭ، ﺩﺍﯞﺍﻣﻼﺷﻤﺎﻗﺘﺎ.

ﺑﯜﮔﯜﻥ، ﺋﺎﻣﯧﺮﯨﻜﯩﻨﯩﯔ ﭘﺎﻳﺘﻪﺧﺘﻰ ﯞﺍﺷﯩﻨﮕﺘﻮﻧﺪﯨﻜﻰ ﺧﯩﺘﺎﻱ ﺑﺎﺵ ﺋﻪﻟﭽﯩﺨﺎﻧﯩﺴﻰ ﯞﻩ ﻧﻴﯘﻳﻮﺭﻙ ﺷﻪﻫﯩﺮﯨﺪﯨﻜﻰ ﺧﯩﺘﺎﻱ ﻛﻮﻧﺴﯘﻟﺨﺎﻧﯩﺴﻰ ﺋﺎﻟﺪﯨﺪﺍ ﺷﯘﻧﯩﯖﺪﻩﻙ ﺷﯟﯦﺘﺴﺎﺭﯨﻴﻪ ﯞﻩ ﻧﯩﭙﺎﻟﺪﯨﻜﻰ ﺧﯩﺘﺎﻱ ﺑﺎﺵ ﺋﻪﻟﭽﯩﺨﺎﻧﯩﻠﯩﺮﻯ ﺋﺎﻟﺪﯨﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﻧﺎﻣﺎﻳﯩﺸﻼﺭﻏﺎ، ﻳﯜﺯﻟﯩﮕﻪﻥ ﻛﯩﺸﻰ ﻗﺎﺗﻨﺎﺷﺘﻰ.

ﺋﯩﮕﯩﻠﻪﺷﻠﻪﺭﮔﻪ ﻗﺎﺭﯨﻐﺎﻧﺪﺍ، ﻧﯧﭙﺎﻝ ﺷﯟﯦﺘﺴﺎﺭﯨﻴﻪ ﯞﻩ ﺋﺎﻣﯧﺮﯨﻜﯩﻨﯩﯔ ﻧﻴﯘﻳﻮﺭﻙ ﺷﻪﻫﯩﺮﯨﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﻧﺎﻣﺎﻳﯩﺸﻼﺭ ﺟﻪﺭﻳﺎﻧﯩﺪﺍ، ﻧﺎﻣﺎﻳﯩﺸﭽﯩﻼﺭ ﺑﯩﻠﻪﻥ ﺳﺎﻗﭽﯩﻼﺭ ﺋﻮﺗﺘﯘﺭﯨﺴﯩﺪﺍ ﺗﻮﻗﯘﻧﯘﺷﻼﺭ ﻳﯜﺯ ﺑﻪﺭﮔﻪﻥ.

ﺗﯩﺒﻪﺕ ﺳﻪﺭﮔﻪﺭﺩﺍﻥ ﻫﯚﻛﯜﻣﯩﺘﻰ، ﺷﻪﻧﺒﻪ ﻛﯜﻧﻰ، ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﻰ، ﺗﯩﺒﻪﺗﺘﻪ ﻳﯜﺯ ﺑﯧﺮﯨﯟﺍﺗﻘﺎﻥ ﺟﯩﺪﺩﯨﻲ ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻜﯩﻨﻰ ﺗﻮﺧﺘﯩﺘﯩﺶ ﯞﻩ ﯞﻩﺯﯨﻴﻪﺗﻨﻰ ﻧﻪﻕ ﻣﻪﻳﺪﺍﻧﺪﺍ ﺗﻪﻛﺸﯜﺭﯛﺵ ﺋﯜﭼﯜﻥ ﺗﯩﺒﻪﺗﻜﻪ ﺩﻩﺭﻫﺎﻝ ﺑﯩﺮ ﯞﻩﻛﯩﻞ ﺋﻪﯞﻩﺗﯩﺸﻜﻪ ﭼﺎﻗﯩﺮﺩﻯ.

ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﺑﻮﻟﺴﺎ، ﺧﯩﺘﺎﻱ ﻫﯚﻛﯜﻣﯩﺘﯩﺪﯨﻦ، ﺗﯩﺒﻪﺗﺘﻪ ﻳﯜﺯ ﺑﻪﺭﮔﻪﻥ ﯞﻩﻗﻪﻟﻪﺭ ﻫﻪﻗﻘﯩﺪﻩ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﺸﯩﻐﺎ ﺭﯗﺧﺴﻪﺕ ﻗﯩﻠﯩﺸﯩﻨﻰ، ﺗﻪﻟﻪﭖ ﻗﯩﻠﺪﻯ.

ﺑﯘ ﺋﺎﺭﯨﺪﺍ، ﺧﻪﻟﻘﺌﺎﺭﺍﺩﺍ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﯩﺒﻪﺗﻠﯩﻚ ﻧﺎﻣﺎﻳﯩﺸﭽﯩﻼﺭﻏﺎ ﺗﯘﺗﻘﺎﻥ ﭘﻮﺯﯨﺘﺴﯩﻴﯩﺴﯩﮕﻪ ﻗﺎﺭﯨﺘﯩﻠﻐﺎﻥ ﺗﻪﻧﻘﯩﺪﻟﻪﺭ ﻛﯜﻧﺴﯧﺮﻯ ﻛﯜﭼﻪﻳﻤﻪﻛﺘﻪ.ﺋﺎﻟﺪﯨﻨﻘﻰ ﻛﯜﻧﻰ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺋﺎﯞﺍﻡ ﭘﺎﻻﺗﺎ ﺭﻩﺋﯩﺴﻰ ﻧﻪﺗﺴﻰ ﭘﯧﻠﯘﺳﻰ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺗﯩﺒﻪﺕ ﻧﺎﻣﺎﻳﯩﺸﭽﯩﻠﯩﺮﯨﻨﻰ ﺑﺎﺳﺘﯘﺭﯗﺵ ﺑﯩﻠﻪﻥ ﺋﻪﻳﯩﺒﻠﯩﮕﻪﻥ ﺋﯩﺪﻯ. ﺟﯜﻣﻪ ﻛﯜﻧﻰ ﻛﺎﻧﺎﺩﺍ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻜﻰ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺋﻪﻳﯩﺒﻠﻪﺏ، ﺗﯩﺒﻪﺕ ﭘﯘﻗﺮﺍﻟﯩﺮﯨﻨﯩﯔ ﻧﺎﻣﺎﻳﯩﺶ ﻗﯩﻠﯩﺶ ﻫﻮﻗﯘﻗﯩﻐﺎ ﻫﯚﺭﻣﻪﺕ ﻗﯩﻠﯩﺸﻘﺎ ﭼﺎﻗﯩﺮﻏﺎﻥ ﻫﻪﻣﺪﻩ ﺗﯩﺒﻪﺕ ﻧﺎﻣﺎﻳﯩﺸﭽﯩﻠﯩﺮﯨﻨﯩﯔ ﺑﺎﺳﺘﯘﺭﯗﻟﯘﺷﯩﺪﯨﻦ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺷﻪﻧﺒﻪ ﻛﯜﻧﻰ، ﺷﯟﯦﺘﺴﺎﺭﯨﻴﻪ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻛﺎﺭﯨﻞ ﺑﯧﻠﺪ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﯩﺒﻪﺕ ﻧﺎﻣﺎﻳﯩﺸﭽﯩﻠﯩﺮﯨﻨﻰ ﺑﺎﺳﺘﯘﺭﻏﺎﻧﻠﯩﻘﯩﻨﻰ ﻗﺎﺗﺘﯩﻖ ﺋﻪﻳﯩﺒﻠﻪﺏ، ﺧﯩﺘﺎﻱ ﻫﯚﻛﯜﻣﯩﺘﯩﺪﯨﻦ ﺗﯩﺒﻪﺗﻠﻪﺭﻧﯩﯔ ﻫﻮﻗﯘﻗﯩﻐﺎ ﺗﻮﻟﯘﻕ ﻫﯜﺭﻣﻪﺕ ﻗﯩﻠﯩﺸﯩﻨﻰ ﺗﻪﻟﻪﭖ ﻗﯩﻠﺪﻯ. ﻫﯩﻨﺪﯨﺴﺘﺎﻥ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻜﻰ ﺑﯩﺮ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﺗﯩﺒﻪﺗﺘﯩﻜﻰ ﯞﻩﻗﻪﻟﻪﺭﺩﻩ ﺑﯩﮕﯘﻧﺎﻫ ﻛﯩﺸﯩﻠﻪﺭﻧﯩﯔ ﺋﯚﻟﮕﻪﻧﻠﯩﻜﯩﺪﯨﻦ ﻗﺎﺗﺘﯩﻖ ﺋﻪﭘﺴﯘﺳﻼﻧﻐﺎﻧﻠﯩﻘﻨﻰ ﺑﯩﻠﺪﯛﺭﯛﭖ، ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﻣﻪﺳﯩﻠﯩﻠﻪﺭﻧﻰ ﺳﯚﻫﺒﻪﺕ ﻳﻮﻟﻰ ﺑﯩﻠﻪﻥ ﺑﯩﺮ ﺗﻪﺭﻩﭖ ﻗﯩﻠﯩﺸﻘﺎ ﭼﺎﻗﯩﺮﺩﻯ.

ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺖ ﺳﺎﻳﻠﯩﻤﯩﺪﺍ ﺩﯦﻤﻮﻛﺮﺍﺕ ﭘﺎﺭﺗﯩﻴﯩﺴﻰ ﻧﺎﻣﺰﺍﺗﻠﯩﺮﯨﻨﯩﯔ ﺑﯩﺮﻯ ﺑﻮﻟﻐﺎﻥ ﺑﺎﺭﺍﻙ ﺋﻮﺑﺎﻣﺎ ﺑﻮﻟﺴﺎ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺗﯩﺒﻪﺕ ﻧﺎﻣﺎﻳﯩﺸﭽﯩﻠﯩﺮﯨﻨﻰ ﺑﺎﺳﺘﯘﺭﻏﺎﻧﻠﯩﻘﯩﻨﻰ ﻗﺎﺗﺘﯩﻖ ﺋﻪﻳﯩﺒﻠﻪﺏ، ﺑﯧﻴﺠﯩﯔ ﻫﯚﻛﯜﻣﯩﺘﯩﺪﯨﻦ ﺗﯩﺒﻪﺕ ﺧﻪﻟﻘﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﯩﻐﺎ ﻫﯚﺭﻣﻪﺕ ﻗﯩﻠﯩﺸﯩﻨﻰ ﺗﻪﻟﻪﭖ ﻗﯩﻠﺪﻯ. (ﺋﯚﻣﻪﺭ ﻗﺎﻧﺎﺕ)