ﺗﯜﺭﻛﯩﻴﻪ ﺋﺎﺭﻣﯩﻴﯩﺴﻰ ﺑﺎﺵ ﻗﻮﻣﺎﻧﺪﺍﻧﻠﯩﻖ ﺷﯩﺘﺎﺑﯩﻨﯩﯔ ﺭﻩﺋﯩﺴﻰ ﻛﯘﺭﺩ ﺗﻮﭘﯩﻼﯕﭽﯩﻠﯩﺮﯨﻨﯩﯔ ﻫﻪﺭﺑﯩﻲ ﻧﯩﺸﺎﻧﻠﯩﺮﯨﻨﻰ ﻏﻪﻟﯩﺒﯩﻠﯩﻚ ﺑﻮﻣﺒﺎﺭﺩﯨﻤﺎﻥ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ

17- ﺩﯦﻜﺎﺑﯩﺮ ﺩﯛﺷﻪﻧﺒﻪ ﻛﯜﻧﻰ ﺗﯜﺭﻛﯩﻴﻪ ﺋﺎﺭﻣﯩﻴﯩﺴﻰ ﺑﺎﺵ ﻗﻮﻣﺎﻧﺪﺍﻧﻠﯩﻖ ﺷﯩﺘﺎﺑﯩﻨﯩﯔ ﺭﻩﺋﯩﺴﻰ ﺗﯜﺭﻛﯩﻴﻪ ﻫﻪﺭﺑﯩﻲ ﺋﺎﻳﺮﻭﭘﯩﻼﻧﻠﯩﺮﯨﻨﯩﯔ ﺑﯘ ﻫﻪﭘﺘﻪ ﺋﺎﺧﯩﺮﻯ ﺷﯩﻤﺎﻟﻰ ﺋﯩﺮﺍﻕ ﭼﯧﮕﺮﯨﺴﻰ ﺋﯩﭽﯩﮕﻪ ﺟﺎﻳﻼﺷﻘﺎﻥ ﻛﯘﺭﺩ ﺗﻮﭘﯩﻼﯕﭽﯩﻠﯩﺮﯨﻨﯩﯔ ﻫﻪﺭﺑﯩﻲ ﻧﯩﺸﺎﻧﻠﯩﺮﯨﻨﻰ ﻏﻪﻟﯩﺒﯩﻠﯩﻚ ﺑﻮﻣﺒﺎﺭﺩﯨﻤﺎﻥ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺷﺎﻣﯩﻠﯩﻲ ﺋﯩﺮﺍﻗﺘﯩﻜﻰ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﻯ، ﺗﯜﺭﻛﯩﻴﻪ ﺋﺎﻳﺮﻭﭘﯩﻼﻧﻠﯩﺮﯨﻨﯩﯔ ﻛﯘﺭﺩ ﻛﻪﻧﺘﻠﯩﺮﯨﻨﻰ ﺑﻮﻣﺒﯩﻼﭖ ﺑﯩﺮ ﺋﺎﻳﺎﻟﻨﻰ ﺋﯚﻟﺘﯜﺭﮔﻪﻧﻠﯩﻜﯩﻨﻰ، ﻳﯜﺯﻟﯩﮕﻪﻥ ﺋﺎﺩﻩﻣﻠﻪﺭﻧﯩﯔ ﺋﯚﻳﻠﯩﺮﯨﻨﻰ ﯞﻩﻳﺮﺍﻥ ﻗﯩﻠﻐﺎﻧﻠﯩﻘﻨﻰ ﺋﯧﻼﻥ ﻗﯩﻠﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺗﯜﺭﻛﯩﻴﻪ ﻫﻪﺭﺑﯩﻲ ﺗﻪﺭﻩﭖ ﺋﯚﺯﻟﯩﺮﯨﻨﯩﯔ ﭘﻪﻗﻪﺕ ﻛﯘﺭﺩ ﺗﻮﭘﯩﻼﯕﭽﯩﻠﯩﺮﯨﻨﯩﯔ ﻫﻪﺭﺑﯩﻲ ﻧﯩﺸﺎﻧﻠﯩﺮﯨﻨﯩﻼ ﺑﻮﻣﺒﺎﺭﺩﯨﻤﺎﻥ ﻗﯩﻠﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﻐﺎﻥ.

ﺗﯜﺭﻛﯩﻴﻪ ﻫﯚﻛﯜﻣﯩﺘﻰ ﻫﺎﺯﯨﺮ ﺷﯩﻤﺎﻟﯩﻲ ﺋﯩﺮﺍﻕ ﭼﯧﮕﺮﯨﺴﻰ ﺋﯩﭽﯩﺪﻩ 3ﻣﯩﯖﻐﺎ ﻳﯧﻘﯩﻦ ﻛﯘﺭﺩ ﺗﻮﭘﯩﻼﯕﭽﯩﻠﯩﺮﻯ ﻳﻮﺷﯘﺭﯗﻧﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ ﻛﯧﻠﯩﯟﺍﺗﻘﺎﻥ ﺑﻮﻟﯘﭖ، ﺑﯘ ﻳﯩﻞ ﺋﯩﻴﯘﻧﺪﺍ ﺑﯘ ﺭﺍﻳﻮﻧﻐﺎ ﺟﺎﻳﻼﺷﻘﺎﻥ ﻛﯘﺭﺩ ﻗﻮﺭﺍﻟﻠﯩﻖ ﻛﯜﭼﻠﯩﺮﻯ ﺗﯜﺭﻛﯩﻴﻪ ﻫﻪﺭﺑﯩﻲ ﺑﺎﺯﯨﺴﯩﻐﺎ ﻫﯘﺟﯘﻡ ﻗﻮﺯﻏﺎﭖ 7 ﺋﺎﺩﻩﻣﻨﻰ ﺋﯚﻟﺘﯜﺭﮔﻪﻧﺪﯨﻦ ﻛﯧﻴﯩﻦ ﺗﯜﺭﻛﯩﻴﻪ ﺷﯩﻤﺎﻟﯩﻲ ﺋﯩﺮﺍﻕ ﭼﯧﮕﺮﯨﺴﻰ ﺋﻪﺳﻜﻪﺭ ﺗﻮﭘﻠﯩﻐﺎﻥ ﺋﯩﺪﻯ.

ﺭﻭﻳﺘﯧﺮﺱ ﺋﺎﮔﯧﻨﺘﻠﯩﻘﯩﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﻫﺎﺯﯨﺮ ﺗﯜﺭﻛﯩﻴﯩﻨﯩﯔ ﺷﯩﻤﺎﻟﻰ ﺋﯩﺮﺍﻕ ﭼﯧﮕﺮﯨﺴﯩﺪﺍ 100ﻣﯩﯖﺪﯨﻦ ﺋﺎﺭﺗﯘﻕ ﻗﻮﺷﯘﻧﻰ ﺑﯘﻳﺮﯗﻕ ﻛﯜﺗﯜﭖ ﻳﯧﺘﯩﯟﺍﺗﻘﺎﻥ ﺑﻮﻟﯘﭖ، ﻫﻪﺭ ﺯﺍﻣﺎﻥ ﺋﯩﺮﺍﻕ ﭼﯧﮕﺮﯨﺴﻰ ﺋﯩﭽﯩﮕﻪ ﺑﯧﺴﯩﭗ ﻛﯩﺮﯨﭗ ﻛﯘﺭﺩ ﻗﻮﺭﺍﻟﻠﯩﻖ ﻛﯜﭼﻠﯩﺮﯨﮕﻪ ﻫﯘﺟﯘﻡ ﻗﻮﺯﻏﺎﺷﻘﺎ ﺗﻪﻳﻴﺎﺭ ﺗﯘﺭﻣﺎﻗﺘﺎ ﺋﯩﻜﻪﻥ.

ﺗﯜﺭﻛﯩﻴﻪ ﺋﺎﺭﻣﯩﻴﯩﺴﻰ 16- ﺩﯦﻜﺎﺑﯩﺮ ﻛﯘﺭﺩﻻﺭﻏﺎ ﻗﺎﺭﺷﻰ ﺋﯧﻠﯩﭗ ﺑﺎﺭﻏﺎﻥ ﻫﺎﯞﺍ ﻫﯘﺟﯘﻣﯩﺪﺍ، ﺟﻪﻣﺌﯩﻲ 50 ﻛﯜﺭﻩﺷﭽﻰ ﺋﺎﻳﺮﻭﭘﯩﻼﻧﻨﻰ، ﯞﻩ ﻳﻪﺭ ﻳﯜﺯﺩﯨﻨﻤﯘ ﻣﻪﻟﯘﻡ ﺳﺎﻧﺪﺍ ﻗﯘﺭﯗﻗﻠﯘﻕ ﻗﯩﺴﯩﻤﻠﯩﺮﯨﻨﻰ ﺋﯩﺸﻘﺎ ﺳﯧﻠﯩﭗ ﻛﯘﺭﺩﻻﺭﻧﯩﯔ ﻫﻪﺭﺑﯩﻲ ﻧﯩﺸﺎﻧﻠﯩﺮﯨﻐﺎ ﺯﻩﺭﺑﻪ ﺑﻪﺭﮔﻪﻥ.

ﺑﯘ ﻳﯩﻞ ﺋﯩﻴﯘﻧﺪﺍ ﻛﯘﺭﺩ ﻗﻮﺭﺍﻟﻠﯩﻖ ﺗﻮﭘﯩﻼﯕﭽﯩﻠﯩﺮﻯ ﺗﯜﺭﻛﯩﻴﻪ ﻫﻪﺭﺑﯩﻲ ﺑﺎﺯﯨﺴﯩﻐﺎ ﻫﯘﺟﯘﻡ ﻗﯩﻠﯩﭗ ﺗﯜﺭﻙ ﺋﻪﺳﻜﻪﺭﻟﯩﺮﯨﻨﻰ ﺋﯚﻟﺘﯜﺭﮔﻪﻧﺪﯨﻦ ﻛﯧﻴﯩﻦ، ﺧﻪﻟﻖ "ﺗﯜﺭﻛﯩﻴﻪ ﭼﻮﻗﯘﻡ ﻛﯘﺭﺩﻻﺭﻏﺎ ﻫﯘﺟﯘﻡ ﻗﻮﺯﻏﺎﭖ ﺋﯩﻨﺘﯩﻘﺎﻡ ﺋﯧﻠﯩﺸﻰ ﻛﯧﺮﻩﻙ" ﺩﻩﭖ ﺗﯜﺭﻛﯩﻴﻪ ﻫﯚﻛﯜﻣﯩﺘﯩﮕﻪ ﺑﯧﺴﯩﻢ ﺋﯩﺸﻠﯩﺘﯩﭗ ﻛﻪﻟﻤﻪﻛﺘﻪ. (ﺟﯜﻣﻪ)