ﯞﻩﺗﻪﻥ ﮔﯧﺰﯨﺘﻰ: ﺧﯩﺘﺎﻱ ﺩﯙﻟﯩﺘﻰ ﺗﯜﺭﻛﯩﻴﯩﻨﻰ ﺋﺎﻟﺪﯨﯟﻩﺗﺘﻰ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺧﻪﯞﯨﺮﻯ
• Download story audio

ﺗﯜﺭﻛﯩﻴﯩﺪﻩ ﭼﯩﻘﯩﯟﺍﺗﻘﺎﻥ "ﯞﻩﺗﻪﻥ" ﮔﯧﺰﯨﺘﯩﻨﯩﯔ 1-ﺋﺎﻳﻨﯩﯔ 6-ﻛﯜﻧﯩﺪﯨﻜﻰ ﺳﺎﻧﯩﺪﺍ "ﺧﯩﺘﺎﻱ ﺩﯙﻟﯩﺘﻰ ﺗﯜﺭﻛﯩﻴﯩﻨﻰ ﺋﺎﻟﺪﯨﯟﻩﺗﺘﻰ" ﻣﺎﯞﺯﯗﻟﯘﻕ ﺧﻪﯞﻩﺭ ﺋﯧﻼﻥ ﻗﯩﻠﯩﻨﺪﻯ. ﺧﻪﯞﻩﺭﺩﻩ ﻣﯘﻧﺪﺍﻕ ﺩﯦﻴﯩﻠﮕﻪﻥ: ﺧﯩﺘﺎﻳﻼﺭ ﺗﯜﺭﻛﯩﻴﯩﮕﻪ ﺑﯩﺮ ﻣﯩﻠﻴﻮﻥ ﺳﺎﻳﺎﻫﻪﺗﭽﻰ ﺋﻪﯞﻩﺗﯩﻤﯩﺰ ﺩﻩﭖ ﺗﻮﺧﺘﺎﻣﻨﺎﻣﻪ ﺗﯜﺯﺩﻯ. ﻛﯧﻴﯩﻦ ﯞﺍﺭﻳﺎﮒ ﻛﯧﻤﯩﺴﯩﻨﻰ ﻗﺎﺭﺍ ﺩﯦﯖﯩﺰﺩﯨﻦ ﺧﯩﺘﺎﻳﻐﺎ ﺋﯧﻠﯩﭗ ﻣﯧﯖﯩﺶ ﺋﯜﭼﯜﻥ ﺋﯩﺴﺘﺎﻧﺒﯘﻝ ﺑﻮﻏﯘﺯﯨﺪﯨﻦ ﺋﯚﺗﻜﯜﺯﯛﺷﻜﻪ ﻣﻪﺟﺒﯘﺭ ﻗﺎﻟﺪﻯ. ﺋﻪﻣﻤﺎ، ﺗﯜﺭﻛﯩﻴﻪ ﺭﯗﺧﺴﻪﺕ ﻗﯩﻠﻤﺎﻱ ﺗﯘﺭﯨﯟﺍﻟﺪﻯ. ﺑﯘ ﯞﻩﻗﻪ ﺗﯜﺭﻛﯩﻴﻪ ﺑﯩﻠﻪﻥ ﺧﯩﺘﺎﻱ ﺋﻮﺗﺘﯘﺭﯨﺴﯩﺪﺍ ﻛﺮﯨﺰﯨﺲ ﻳﺎﺭﺍﺗﻘﺎﻥ ﺋﯩﺪﻯ. ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﺋﯘﺯﯗﻥ ﺑﯩﺮ ﻣﯘﺯﺍﻛﯩﺮﻩ ﻧﻪﺗﯩﺠﯩﺴﯩﺪﻩ، ﺧﯩﺘﺎﻳﻼﺭ ﺑﯘ ﺑﯜﻳﯜﻙ ﻛﯧﻤﯩﻨﻰ ﻛﯚﯕﯜﻝ ﺋﯧﭽﯩﺶ ﻛﯧﻤﯩﺴﻰ ﻗﯩﻠﯩﭗ ﺋﯩﺸﻠﯩﺘﯩﺪﯨﻐﺎﻧﻠﯩﻘﯩﻨﻰ، ﺗﯜﺭﻛﯩﻴﻪ ﺋﯚﺗﻜﯜﺯﯛﺷﻜﻪ ﺭﯗﺧﺴﻪﺕ ﻗﯩﻠﻐﺎﻥ ﺗﻪﻗﺪﯨﺮﺩﻩ، ﺧﯩﺘﺎﻱ ﺩﯙﻟﯩﺘﻰ ﺗﯜﺭﻛﯩﻴﯩﮕﻪ 1 ﻣﯩﻠﻴﻮﻥ ﺧﯩﺘﺎﻱ ﺳﺎﻳﺎﻫﻪﺗﭽﯩﺴﻰ ﺋﻪﯞﻩﺗﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﯞﻩﺩﻩ ﺑﻪﺭﮔﻪﻧﺪﯨﻦ ﻛﯧﻴﯩﻦ، ﺗﯜﺭﻛﯩﻴﻪ ﯞﺍﺭﻳﺎﮒ ﻛﯧﻤﯩﺴﯩﻨﻰ ﺋﯩﺴﺘﺎﻧﺒﯘﻝ ﺑﻮﻏﯘﺯﯨﺪﯨﻦ ﺋﯚﺗﻜﯜﺯﯛﺷﻜﻪ ﺭﯗﺧﺴﻪﺕ ﻗﯩﻠﻐﺎﻥ ﺋﯩﺪﻯ. ﺷﯘﻧﯩﯔ ﺑﯩﻠﻪﻥ ﺧﯩﺘﺎﻳﻼﺭ ﺑﯘ ﻛﯧﻤﯩﻨﻰ 2001-ﻳﯩﻠﻰ 11-ﺋﺎﻳﻨﯩﯔ 1-ﻛﯜﻧﻰ ﺋﯩﺴﺘﺎﻧﺒﯘﻟﺪﯨﻦ ﺧﯩﺘﺎﻳﻐﺎ ﺋﯧﻠﯩﭗ ﻣﺎﯕﻐﺎﻥ ﺋﯩﺪﻯ. ﺧﻪﯞﻩﺭﺩﻩ ﺧﯩﺘﺎﻳﻼﺭﻧﯩﯔ ﯞﻩﺩﯨﺴﯩﺪﻩ ﺗﯘﺭﻣﯩﻐﺎﻧﻠﯩﻘﻰ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﻩﭖ ﻳﯧﺰﯨﻠﻐﺎﻥ:

ﺧﯩﺘﺎﻳﻼﺭ ﯞﻩﺩﯨﺴﯩﺪﻩ ﺗﯘﺭﻣﯩﺪﻯ. ﻛﯧﻤﻪ ﺧﯩﺘﺎﻳﻼﺭ ﺩﯦﮕﻪﻧﺪﻩﻙ ﺳﺎﻳﺎﻫﻪﺗﭽﯩﻠﻪﺭ ﺋﯜﭼﯜﻥ ﺋﯩﺸﻠﯩﺘﯩﻠﻤﯩﺪﻯ. ﺧﯩﺘﺎﻳﻼﺭ ﺗﯜﺭﻛﯩﻴﯩﮕﻪ ﺳﺎﻳﺎﻫﻪﺗﭽﯩﻤﯘ ﺋﻪﯞﻩﺗﻤﯩﺪﻯ. ﯞﺍﺭﻳﺎﮒ ﻛﯧﻤﯩﺴﻰ ﻳﯧﯖﯩﺪﯨﻦ ﺭﯦﻤﻮﻧﺖ ﻗﯩﻠﯩﻨﺪﻯ، ﻳﯧﯖﻰ ﻣﺎﺗﻮﺭ ﺋﻮﺭﯗﻧﻼﺷﺘﯘﺭﯗﻟﺪﻯ ﯞﻩ ﺧﯩﺘﺎﻱ ﺩﯦﯖﯩﺰ ﺋﺎﺭﻣﯩﻴﯩﺴﯩﻨﯩﯔ ﺋﻪﯓ ﺑﯜﻳﯜﻙ ﺋﺎﯞﯨﺌﺎﻣﺎﺗﻜﯩﺴﯩﻐﺎ ﺋﺎﻳﻼﻧﺪﯗﺭﯗﻟﺪﻯ. ﺋﺎﯞﯨﺌﺎﻣﺎﺗﻜﯩﻨﯩﯔ ﺋﯩﺴﻤﻰ "ﺷﯩﻼﯓ" ﺩﻩﭖ ﺋﯚﺯﮔﻪﺭﺗﯩﻠﮕﻪﻥ ﺑﻮﻟﯘﭖ، "ﺷﯩﻼﯓ" ﺗﺎﺭﯨﺨﺘﺎ ﺗﻪﻳﯟﻩﻧﻨﻰ ﺑﯧﺴﯩﯟﺍﻟﻐﺎﻥ ﺑﯩﺮ ﮔﯧﻨﯧﺮﺍﻟﻨﯩﯔ ﺋﯩﺴﻤﯩﺪﯗﺭ.

1985-ﻳﯩﻠﻰ ﺳﻮﯞﯦﺖ ﺋﯩﺘﺘﯩﭙﺎﻗﻰ ﭘﺎﺭﭼﯩﻠﯩﻨﯩﺸﺘﯩﻦ ﺑﯘﺭﯗﻥ ﯞﺍﺭﻳﺎﮒ ﻛﯧﻤﯩﺴﻰ ﺋﯘﻛﺮﺍﻧﯩﻴﯩﮕﻪ ﺑﯧﺮﯨﻠﮕﻪﻥ ﺑﻮﻟﯘﭖ، 1998-ﻳﯩﻠﯩﺪﺍ ﺋﯘﻛﺮﺍﺋﯩﻨﯩﻴﻪ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺷﺎﯕﮕﺎﯕﺪﯨﻜﻰ "ﭼﻮﯕﻠﻮﺕ" ﺋﯩﺴﯩﻤﻠﯩﻚ ﺳﺎﻳﺎﻫﻪﺕ ﺷﯩﺮﻛﯩﺘﯩﮕﻪ 20 ﻣﯩﻠﻴﻮﻥ ﺩﻭﻟﻼﺭﻏﺎ ﺳﯧﺘﯩﻠﻐﺎﻥ. ﻛﯧﻴﯩﻨﭽﻪ "ﭼﻮﯕﻠﻮﺕ" ﺷﯩﺮﻛﯩﺘﯩﻨﯩﯔ ﺑﻮﻟﺴﺎ ﺧﯩﺘﺎﻱ ﺋﺎﺭﻣﯩﻴﯩﺴﻰ ﺑﺎﺵ ﺷﯩﺘﺎﺑﻰ ﻗﯘﺭﺩﯗﺭﻏﺎﻥ ﺑﯩﺮ ﺷﯩﺮﻛﻪﺕ ﺋﯩﻜﻪﻧﻠﯩﻜﻰ ﺋﺎﺷﻜﺎﺭﯨﻼﻧﻐﺎﻥ. ﺧﻪﯞﻩﺭﺩﻩ ﺗﯜﺭﻛﯩﻴﯩﻨﯩﯔ ﯞﺍﺭﻳﺎﮒ ﻛﯧﻤﯩﺴﯩﻨﻰ ﻫﻪﺭﺑﯩﻲ ﻛﯧﻤﻪ ﺩﻩﭖ ﺑﻮﻏﯘﺯﺩﯨﻦ ﺋﯚﺗﻜﯜﺯﯛﺷﻜﻪ ﺭﯗﺧﺴﻪﺕ ﺑﻪﺭﻣﯩﮕﻪﻧﻠﯩﻜﯩﻨﻰ، ﺋﻪﻣﻤﺎ ﺧﯩﺘﺎﻳﻼﺭ ﺑﻮﻟﺴﺎ ﻛﯧﻤﯩﻨﯩﯔ ﻣﺎﺗﻮﺭﻯ ﻳﻮﻕ ﺩﻩﭖ ﻳﺎﻟﯟﯗﺭﯗﭖ ﺋﯚﺗﻜﯜﺯﮔﻪﻧﻠﯩﻜﻰ ﻳﯧﺰﯨﻠﻐﺎﻥ. ﻫﺎﺯﯨﺮ ﺧﯩﺘﺎﻱ ﺋﺎﺭﻣﯩﻴﯩﺴﻰ ﺗﻪﺭﯨﭙﯩﺪﯨﻦ ﺋﯘﺭﯗﺷﺘﺎ ﺋﯩﺸﻠﯩﺘﯩﻠﯩﺪﯨﻐﺎﻥ ﺋﺎﯞﯨﺌﺎﻣﺎﺗﻜﯩﻐﺎ ﺋﺎﻳﻼﻧﺪﯗﺭﯗﻟﻐﺎﻧﻠﯩﻘﻰ ﻳﯧﺰﯨﻠﻐﺎﻥ. ﺑﯘ ﺋﺎﯞﯨﺌﺎﻣﺎﺗﻜﯩﻨﯩﯔ ﺋﯘﺯﯗﻧﻠﯘﻗﻰ 300 ﻣﯧﺘﺮ، ﺋﯧﮕﯩﺰﻟﯩﻜﻰ 73 ﻣﯧﺘﺮ، ﺋﯧﻐﯩﺮﻟﯩﻘﻰ 33 ﺗﻮﻧﻨﺎ، 21 ﺋﯘﺭﯗﺵ ﺋﺎﻳﺮﻭﭘﯩﻼﻧﻰ ﻗﻮﻧﺎﻻﻳﺪﯨﻐﺎﻥ ﭼﻮﯕﻠﯘﻗﺘﺎ ﺋﯩﻜﻪﻥ.

ﺋﻪﻳﻨﻰ ﯞﺍﻗﯩﺘﺘﺎ ﺧﯩﺘﺎﻳﻼﺭ ﺑﯘ ﻛﯧﻤﯩﻨﻰ ﺋﻪﺳﻜﯩﺮﻯ ﻣﻪﻗﺴﻪﺕ ﺑﯩﻠﻪﻥ ﺋﯩﺸﻠﻪﺗﻤﻪﻳﻤﯩﺰ ﺩﯦﮕﻪﻧﺪﻩ ﺗﯜﺭﻛﯩﻴﻪ ﻧﯧﻤﯩﺸﻘﺎ ﺋﯩﺸﻪﻧﺪﻯ؟ ﺧﯩﺘﺎﻱ ﺩﯙﻟﯩﺘﯩﻨﯩﯔ ﺗﯜﺭﻛﯩﻴﯩﮕﻪ ﺑﻪﺭﮔﻪﻥ ﯞﻩﺩﯨﺴﯩﺪﻩ ﺗﯘﺭﻣﯩﻐﺎﻧﻠﯩﻘﻰ ﺗﯜﺭﻛﯩﻴﻪ ﺧﯩﺘﺎﻱ ﻣﯘﻧﺎﺳﯩﯟﯨﺘﯩﮕﻪ ﻗﺎﻧﺪﺍﻕ ﺗﻪﺳﯩﺮ ﻛﯚﺭﺳﻪﺗﺘﻰ؟ ﺧﯩﺘﺎﻳﻼﺭﻧﯩﯔ ﺑﯘ ﺧﯩﻞ ﯞﻩﺩﯨﺴﯩﺪﻩ ﺗﯘﺭﻣﺎﺳﻠﯩﻘﺘﻪﻙ ﺗﺎﺷﻘﻰ ﺳﯩﻴﺎﺳﯩﺘﻰ ﺩﯗﻧﻴﺎ ﺩﯙﻟﻪﺗﻠﯩﺮﻯ ﺗﻪﺭﯨﭙﯩﺪﯨﻦ ﺑﯩﻠﯩﻨﻪﻣﺪﯗ؟ ﺩﯦﮕﻪﻧﮕﻪ ﺋﻮﺧﺸﺎﺵ ﺑﯩﺮ ﻳﯜﺭﯛﺵ ﺳﯘﺋﺎﻟﻼﺭﻏﺎ ﺟﺎﯞﺍﺏ ﺗﯧﭙﯩﺶ ﺋﯜﭼﯜﻥ ﺗﯜﺭﻛﯩﻴﻪ ﺧﯩﺘﺎﻱ ﻣﯘﻧﺎﺳﯩﯟﻩﺗﻠﯩﺮﻯ ﻣﯘﺗﻪﺧﻪﺳﺴﯩﺴﻰ، ﻫﺎﺟﻪﺗﺘﻪﭘﻪ ﺋﯘﻧﯩﯟﻩﺭﺳﯩﺘﯧﺘﻰ ﺋﻮﻗﯘﺗﻘﯘﭼﯩﺴﻰ ﺩﺭ. ﺋﻪﺭﻛﯩﻦ ﺋﻪﻛﺮﻩﻡ ﺋﻪﭘﻪﻧﺪﻯ ﺑﯩﻠﻪﻥ ﺳﻮﻫﺒﻪﺕ ﺋﯚﺗﻜﯜﺯﺩﯗﻕ. (ﺋﻪﺭﻛﯩﻦ ﺗﺎﺭﯨﻢ)