ﺋﯘﻳﻐﯘﺭ ﻣﺎﺋﺎﺭﯨﭙﻰ ﻫﻪﻗﻘﯩﺪﻩ ﺗﯜﺭﻙ ﻣﯩﻨﯩﺴﺘﯩﺮ ﺑﯩﻠﻪﻥ ﺳﯚﻫﺒﻪﺕ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺧﻪﯞﯨﺮﻯ
• Download story audio

1991-ﻳﯩﻠﻰ ﺳﻮﯞﯦﺖ ﺋﯩﺘﺘﯩﭙﺎﻗﻰ ﻳﯩﻤﯩﺮﯨﻠﯩﭗ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﻣﯘﺳﺘﻪﻗﯩﻞ ﺑﻮﻟﻐﺎﻧﺪﯨﻦ ﺑﯧﺮﻯ، ﺗﯜﺭﻛﯩﻴﻪ ﺑﯘ ﺩﯙﻟﻪﺗﻠﻪﺭﮔﻪ ﻣﺎﺋﺎﺭﯨﭗ ﺟﻪﻫﻪﺗﺘﯩﻨﻤﯘ ﻛﯚﭖ ﻳﺎﺭﺩﻩﻣﻠﻪﺭﻧﻰ ﻗﯩﻠﻤﺎﻗﺘﺎ. ﻫﻪﺭ ﻳﯩﻠﻰ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﺩﯨﻦ ﻛﯚﭖ ﺳﺎﻧﺪﺍ ﺋﻮﻗﯘﻏﯘﭼﯩﻼﺭﻧﻰ ﺗﯜﺭﻛﯩﻴﯩﮕﻪ ﺋﻪﻛﯩﻠﯩﭗ ﺋﻮﻗﯘﺗﻤﺎﻗﺘﺎ. ﺑﯘ ﻗﺎﺗﺎﺭﺩﺍ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻣﯘ ﺭﻩﺳﻤﻰ ﺑﻮﻟﻤﯩﻐﺎﻥ ﻳﻮﻟﻼﺭ ﺑﯩﻠﻪﻥ ﺗﯜﺭﻛﯩﻴﯩﮕﻪ ﻛﯧﻠﯩﭗ ﺋﻮﻗﯘﻣﺎﻗﺘﺎ. ﺋﻪﻣﻤﺎ ﺗﯜﺭﻛﯩﻴﯩﺪﻩ ﺋﻮﻗﯘﭖ ﯞﻩﺗﻪﻧﮕﻪ ﻗﺎﻳﺘﻘﺎﻥ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭ ﺋﯩﺸﺴﯩﺰ ﻗﺎﻟﻤﺎﻗﺘﺎ. ﺗﯜﺭﻛﯩﻴﻪ 200-300 ﻣﯩﯔ ﻧﻮﭘﯘﺳﻘﺎ ﺋﯩﮕﻪ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﺩﯨﻦ ﻳﯩﻠﺪﺍ 40-50 ﺋﻪﺗﺮﺍﭘﯩﺪﺍ ﺋﻮﻗﯘﻏﯘﭼﯩﻨﻰ ﺗﯜﺭﻛﯩﻴﯩﮕﻪ ﺋﻪﻛﯩﻠﯩﭗ ﺋﻮﻗﯘﯞﺍﺗﻘﺎﻥ ﺑﻮﻟﺴﯩﻤﯘ، ﺗﯜﺭﻛﯩﻴﯩﮕﻪ ﻛﯧﻠﯩﭗ ﺋﻮﻗﯘﺵ ﭘﯘﺭﺳﯩﺘﯩﮕﻪ ﺋﯩﮕﻪ ﺑﻮﻻﻻﯞﺍﺗﻘﺎﻥ ﺋﯘﻳﻐﯘﺭﻻﺭﻧﯩﯔ ﺳﺎﻧﻰ ﺋﯩﻨﺘﺎﻳﯩﻦ ﺋﺎﺯ ﺳﺎﻧﺪﺍﺩﯗﺭ. ﺋﯘﻳﻐﯘﺭﻻﺭﻧﯩﯔ ﻧﻮﭘﯘﺳﯩﻐﺎ ﺋﺎﺳﺎﺳﻼﻧﻐﺎﻧﺪﺍ ﺋﯘﻳﻐﯘﺭﻻﺭﺩﯨﻦ ﻣﺎﮔﯩﺴﺘﯩﺮ ﯞﻩ ﺩﻭﻛﺘﻮﺭ ﺋﻮﻗﯘﺵ ﭘﯘﺭﺳﯩﺘﯩﮕﻪ ﺋﯩﮕﻪ ﺑﻮﻟﯩﯟﺍﺗﻘﺎﻥ ﺋﯘﻳﻐﯘﺭﻻﺭﻧﯩﯔ ﺳﺎﻧﯩﻤﯘ ﺋﯩﻨﺘﺎﻳﯩﻦ ﺋﺎﺯ. ﺑﯩﺰ ﺋﺎﻟﻐﺎﻥ ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ ﺋﯘﻳﻐﯘﺭ ﺩﯨﻴﺎﺭﯨﺪﯨﻤﯘ ﺩﻭﻛﺘﻮﺭ ﺋﻮﻗﯘﺵ ﺋﯜﭼﯜﻥ ﺋﯩﻠﺘﯩﻤﺎﺱ ﻗﯩﻠﻐﺎﻥ ﺋﯘﻳﻐﯘﺭﻻﺭ ﻧﯘﺭﻏﯘﻥ ﺗﻮﺳﺎﻟﻐﯘﻻﺭﻏﺎ ﺩﯗﭼﺎﺭ ﺑﻮﻟﻤﺎﻗﺘﺎ ﺋﯩﻜﻪﻥ. ﻳﯘﻗﯩﺮﯨﺪﯨﻜﻰ ﺑﯘ ﻣﻪﺳﯩﻠﯩﻠﻪﺭ ﻫﻪﻗﻘﯩﺪﻩ ﻛﯚﺯ ﻗﺎﺭﺍﺷﻠﯩﺮﯨﻨﻰ ﺋﯧﻠﯩﺶ ﺋﯜﭼﯜﻥ ﻫﺎﺯﯨﺮ ﺗﯜﺭﻛﯩﻴﻪ ﭘﺎﺭﻻﻣﯧﻨﺘﻰ ﻣﺎﺋﺎﺭﯨﭗ ﻛﻮﻣﯩﺘﯧﺘﻰ ﺑﺎﺷﻠﯩﻘﻠﯩﻖ ﯞﻩﺯﯨﭙﯩﺴﯩﻨﻰ ﺋﯚﺗﻪﯞﺍﺗﻘﺎﻥ، ﺳﺎﺑﯩﻖ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻯ ﻣﻪﻣﻪﺕ ﺳﺎﻏﻼﻡ ﺋﻪﭘﻪﻧﺪﯨﮕﻪ ﻣﯩﻜﺮﻭﻓﻮﻧﯩﻤﯩﺰﻧﻰ ﺋﯘﺯﺍﺗﺘﯘﻕ.

ﻣﻪﻣﻪﺕ ﺳﺎﻏﻼﻡ ﺋﻪﭘﻪﻧﺪﻯ ﺋﻮﻗﯘﺵ ﻫﻪﻗﻘﯩﻨﯩﯔ ﻫﻪﻣﻤﻪ ﺋﺎﺩﻩﻣﻨﯩﯔ ﺋﻪﻗﻪﻟﻠﻰ ﻫﻪﻗﻠﯩﺮﯨﺪﯨﻦ ﺑﯩﺮﻯ ﺋﯩﻜﻪﻧﻠﯩﻜﯩﻨﻰ، ﺑﯘﻧﻰ ﻫﯧﭽﻘﺎﻧﺪﺍﻕ ﻛﯩﺸﯩﻨﯩﯔ ﺗﻮﺳﯘﺵ ﻫﻪﻗﻘﻰ ﻳﻮﻗﻠﯩﻘﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: «ﺋﺎﻟﯩﻲ ﻣﺎﺋﺎﺭﯨﭗ ﺑﺎﺷﻘﺎﺭﻣﯩﺴﻰ ﺑﺎﺷﻠﯩﻘﻰ، ﺳﺎﺑﯩﻖ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻯ ﺷﯘﻧﺪﺍﻗﻼ ﻫﺎﺯﯨﺮ ﺗﯜﺭﻛﯩﻴﻪ ﭘﺎﺭﻻﻣﯧﻨﺘﯩﺪﺍ ﻣﺎﺋﺎﺭﯨﭗ ﻛﻮﻣﯩﺘﯧﺘﻰ ﺑﺎﺷﻠﯩﻘﻠﯩﻖ ﯞﻩﺯﯨﭙﯩﺴﯩﻨﻰ ﺋﯚﺗﻪﯞﺍﺗﻘﺎﻥ ﺑﯩﺮﻯ ﺑﻮﻟﯘﺵ ﺳﯜﭘﯩﺘﯩﻢ ﺑﯩﻠﻪﻥ ﻣﺎﺋﺎﺭﯨﭗ ﻳﻪﻧﻰ ﺋﻮﻗﯘﺵ ﻫﻪﻗﻘﯩﻨﯩﯔ ﺑﯩﺮ ﺋﯩﻨﺴﺎﻥ ﻫﻪﻗﻘﻰ ﺋﯩﻜﻪﻧﻠﯩﻜﯩﮕﻪ ﺋﯩﺸﯩﻨﯩﻤﻪﻥ. ﺑﯘ ﻫﻪﻗﻨﯩﯔ ﺑﯧﺮﯨﻠﯩﺸﻰ ﻳﺎﻛﻰ ﺋﯧﻠﯩﻨﯩﺸﻰ ﻛﯧﺮﻩﻙ ﺩﻩﭖ ﺑﯩﺮ ﻧﻪﺭﺳﻪ ﻳﻮﻕ. ﺋﯩﻨﺴﺎﻥ ﺋﺎﻧﺎ ﻗﻮﺭﺳﯩﻘﯩﺪﯨﻦ ﭼﯜﺷﻜﻪﻥ ﻫﺎﻣﺎﻥ ﻧﯧﻤﻪ ﻫﻪﻗﻘﻪ ﺋﯩﮕﻪ ﺑﻮﻟﺴﺎ، ﺋﻮﻗﯘﺵ ﻫﻪﻗﻘﯩﻤﯘ ﺗﯘﻏﯘﻟﻐﺎﻧﺪﯨﻦ ﺗﺎﺭﺗﯩﭗ ﺑﺎﺭ ﺑﻮﻟﻐﺎﻥ ﺋﻪﻗﻪﻟﻠﯩﻲ ﻫﻪﻗﻠﻪﺭﺩﯨﻦ ﺑﯩﺮﯨﺪﯗﺭ. ﺷﯘﯕﺎ ﺋﻮﻗﯘﺷﻨﻰ ﺧﺎﻟﯩﻐﺎﻥ ﻫﻪﺭﻗﺎﻧﺪﺍﻕ ﺋﺎﺩﻩﻣﮕﻪ ﺗﻮﺳﺎﻟﻐﯘﻟﯘﻕ ﻗﯩﻠﻤﺎﺳﻠﯩﻖ ﻫﻪﺗﺘﺎ ﺋﯘﻻﺭﻧﻰ ﺋﻮﻗﯘﺷﻘﺎ ﺭﯨﻐﺒﻪﺗﻠﻪﻧﺪﯛﺭﯛﺵ ﻛﯧﺮﻩﻙ. ﺷﯘﯕﺎ ﺑﯩﺰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻖ ﻗﯧﺮﯨﻨﺪﺍﺷﻠﯩﺮﯨﻤﯩﺰﻏﺎ ﺋﻮﻗﯘﺵ ﻫﻪﻗﻘﯩﻨﯩﯔ ﺑﯧﺮﯨﻠﯩﺸﯩﻨﻰ، ﺋﯘﻻﺭﻧﯩﯔ ﻣﯩﻠﻠﻰ ﻣﺎﺋﺎﺭﯨﭙﯩﻨﻰ ﺗﻪﺭﻩﻗﻘﻰ ﻗﯩﻠﺪﯗﺭﯗﺷﯩﻐﺎ ﺗﻮﺳﻘﯘﻧﻠﯘﻕ ﻗﯩﻠﻤﺎﺳﻠﯩﻘﯩﻨﻰ ﺋﯜﻣﯩﺪ ﻗﯩﻠﯩﻤﻪﻥ. ﺗﯜﺭﻛﯩﻴﻪ ﺋﯘﺯﯗﻥ ﻳﯩﻠﻼﺭﺩﯨﻦ ﺑﯧﺮﻯ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻏﺎ ﺋﻮﻗﯘﺵ ﭘﯘﻟﻰ ﺑﯧﺮﯨﭗ ﺋﻮﻗﯘﺗﯩﯟﺍﺗﯩﺪﯗ، ﺑﯘﻧﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﻮﻏﺮﺍ ﭼﯜﺷﯩﻨﯩﺸﻰ ﻛﯧﺮﻩﻙ. ﺑﯩﺰﭼﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻘﻼﺭﻧﯩﯔ ﻣﺎﺋﺎﺭﯨﭗ ﻫﻪﻗﻘﯩﻨﯩﯔ ﻫﯧﭽﻘﺎﻧﺪﺍﻕ ﭼﻪﻛﻠﯩﻤﯩﮕﻪ ﺋﯘﭼﺮﯨﻤﺎﺳﻠﯩﻘﻰ ﻛﯧﺮﻩﻙ. ﺋﻮﻗﯘﻏﺎﻥ ﻛﯩﺸﯩﻠﻪﺭﻧﯩﯔ ﺩﯙﻟﻪﺗﻜﻪ ﯞﻩ ﻣﯩﻠﻠﻪﺗﻜﻪ ﺗﯧﺨﯩﻤﯘ ﻛﯚﭖ ﭘﺎﻳﺪﯨﻠﯩﻖ ﺋﯩﻨﺴﺎﻥ ﺑﻮﻟﯩﺪﯨﻐﺎﻧﻠﯩﻘﯩﻐﺎ ﺋﯩﺸﯩﻨﯩﺸﯩﻤﯩﺰ ﻛﯧﺮﻩﻙ. ﺑﻪﺯﻯ ﺳﯩﻴﺎﺳﯩﻲ ﺋﻪﻧﺪﯨﺸﯩﻠﻪﺭ ﺑﯩﻠﻪﻥ ﻛﯩﺸﯩﻠﻪﺭﻧﯩﯔ ﺋﻮﻗﯘﺵ ﻫﻪﻗﻘﯩﻨﻰ ﭼﻪﻛﻠﯩﻤﯩﮕﻪ ﺋﯘﭼﺮﺍﺗﻤﺎﺳﻠﯩﻘﯩﻤﯩﺰ ﻛﯧﺮﻩﻙ. ﺩﯙﻟﻪﺕ ﯞﻩ ﻫﯚﻛﯜﻣﻪﺗﻠﻪﺭ ﻣﺎﺋﺎﺭﯨﭙﻨﻰ ﻗﻮﻟﻼﭖ ﻗﯘﯞﯞﻩﺗﻠﯩﺸﻰ ﻛﯧﺮﻩﻙ.»

ﺗﯜﺭﻛﯩﻴﻪ ﭘﺎﺭﻻﻣﯧﻨﺘﻰ ﻣﺎﺋﺎﺭﯨﭗ ﻛﻮﻣﯩﺘﯧﺘﻰ ﺑﺎﺷﻠﯩﻘﻰ ﻣﻪﻣﻪﺕ ﺳﺎﻏﻼﻡ ﺋﻪﭘﻪﻧﺪﻯ ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﯩﻨﯩﯔ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﺩﯨﻦ ﺋﻮﻗﯘﻏﯘﭼﻰ ﺋﻪﻛﯩﻠﯩﭗ ﺋﻮﻗﯘﺗﯘﺷﺘﯩﻜﻰ ﻣﻪﻗﺴﯩﺪﻯ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﻳﻪﻧﻪ ﻣﯘﻧﺪﺍﻕ ﺩﯦﺪﻯ: «ﺑﯩﺰ ﺋﻮﺗﺘﯘﺭﺍ ﺋﺎﺳﯩﻴﺎ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﯩﺮﻯ ﻳﯧﯖﻰ ﻣﯘﺳﺘﻪﻗﯩﻞ ﺑﻮﻟﻐﺎﻧﺪﺍ ﺗﯜﺭﻛﯩﻴﯩﮕﻪ ﻛﯧﻠﯩﭗ ﺋﻮﻗﯘﺷﻰ ﺋﯜﭼﯜﻥ ﻫﻪﺭ ﺩﯙﻟﻪﺗﻜﻪ 1500ﺩﯨﻦ ﺳﺎﻥ ﺑﻪﺭﮔﻪﻥ ﺋﯩﺪﯗﻕ. ﺋﺎﻣﯧﺮﯨﻜﺎ، ﺋﻪﻧﮕﯩﻠﯩﻴﻪ ﯞﻩ ﮔﯧﺮﻣﺎﻧﯩﻴﯩﮕﻪ ﺋﻮﺧﺸﺎﺵ ﭼﻮﯓ ﺩﯙﻟﻪﺗﻠﻪﺭﻧﯩﯖﻤﯘ ﺑﯘ ﺧﯩﻞ ﺋﻮﻗﯘﺵ ﭘﯘﻟﻰ ﻳﺎﺭﺩﻩﻣﻠﯩﺮﻯ ﺑﺎﺭ. ﺑﯩﺰ 1990-ﻳﯩﻠﻼﺭﻧﯩﯔ ﺑﺎﺷﻠﯩﺮﯨﺪﺍ ﻣﯘﺳﺘﻪﻗﯩﻞ ﺑﻮﻟﻐﺎﻥ ﯞﻩ ﺑﻮﻻﻟﻤﯩﻐﺎﻥ ﭘﯜﺗﯜﻥ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﺩﯨﻦ ﺟﻪﻣﺌﯩﻲ 10 ﻣﯩﯔ ﺋﻮﻗﯘﻏﯘﭼﯩﻐﺎ ﺋﻮﻗﯘﺵ ﭘﯘﻟﻰ ﺑﯧﺮﯨﭗ ﺗﯜﺭﻛﯩﻴﯩﮕﻪ ﺋﻪﻛﯩﻠﯩﭗ ﺋﯘﻧﯩﯟﯦﺮﺳﯩﺘﯧﺘﻼﺭﺩﺍ ﺋﻮﻗﯘﺗﯘﺷﻘﺎ ﺑﺎﺷﻠﯩﺪﯗﻕ. ﺑﯘ ﺋﻮﻗﯘﻏﯘﭼﯩﻼﺭ 29 ﺗﯜﺭﻛﯩﻲ ﻣﯩﻠﻠﻪﺗﻠﻪﺭﺩﯨﻦ ﻛﻪﻟﮕﻪﻥ ﺋﻮﻗﯘﻏﯘﭼﯩﻼﺭ ﺋﯩﺪﻯ. ﺑﯩﺰﻧﯩﯔ ﺑﯘ ﺧﯩﺰﻣﯩﺘﯩﻤﯩﺰ ﭘﯜﺗﯜﻧﻠﻪﻱ ﺋﯩﻨﺴﺎﻧﻰ ﻳﺎﺭﺩﻩﻡ ﺋﯜﭼﯜﻥ ﻗﯩﻠﯩﻨﻐﺎﻥ ﺧﯩﺰﻣﻪﺕ ﺋﯩﺪﻯ. ﺑﯘﻧﻰ ﺗﯜﺭﻛﯩﻴﻪ ﭘﺎﻧﺘﯜﺭﻛﯩﺰﻡ ﻳﺎﻛﻰ ﭘﺎﻧﺌﯩﺴﻼﻣﯩﺰﻣﭽﻰ ﺋﻪﻣﻪﻟﮕﻪ ﺋﺎﺷﯘﺭﯗﺵ ﺋﯜﭼﯜﻥ ﻗﯩﻠﯩﯟﺍﺗﯩﺪﯗ ﺩﯦﮕﻪﻥ ﺩﯙﻟﻪﺗﻠﻪﺭ ﺑﺎﺭ، ﺑﯘ ﻛﯚﺯ ﻗﺎﺭﺍﺷﻼﺭ ﺋﯘ ﺩﯙﻟﻪﺗﻠﻪﺭﻧﯩﯔ ﺋﯚﺯﯨﮕﻪ ﺋﯩﺸﻪﻧﻤﯩﮕﻪﻧﻠﯩﻜﯩﻨﯩﯔ ﺋﯩﭙﺎﺩﯨﺴﻰ. ﺋﯚﺯﯨﮕﻪ ﺋﯩﺸﻪﻧﭽﯩﺴﻰ ﺑﺎﺭ ﺩﯙﻟﻪﺗﻠﻪﺭ ﺑﯘﻧﯩﯖﺪﯨﻦ ﻫﯩﭻ ﺑﯩﺮ ﺯﺍﻣﺎﻥ ﻗﻮﺭﻗﻤﺎﺳﻠﯩﻘﻰ ﻛﯧﺮﻩﻙ. ﺑﯩﺰﻧﯩﯔ ﻣﻪﻗﺴﯩﺘﯩﻤﯩﺰ ﻗﯧﺮﯨﻨﺪﺍﺵ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﮔﻪ ﻣﺎﺋﺎﺭﯨﭗ ﺟﻪﻫﻪﺗﺘﯩﻦ ﻳﺎﺭﺩﻩﻡ ﻗﯩﻠﯩﺸﺘﯩﻦ ﺋﯩﺒﺎﺭﻩﺕ.» ﻣﻪﻣﻪﺕ ﺳﺎﻏﻼﻡ ﺋﻪﭘﻪﻧﺪﻯ ﺧﯩﺘﺎﻱ ﺩﯙﻟﯩﺘﻰ ﺋﻪﮔﻪﺭ ﺗﯜﺭﻛﯩﻴﯩﮕﻪ ﺋﯘﻳﻐﯘﺭ ﺋﻮﻗﯘﻏﯘﭼﻰ ﺋﻪﯞﻩﺗﯩﺸﻨﻰ ﻗﻮﺑﯘﻝ ﻗﯩﻠﺴﺎ ﺗﯜﺭﻛﯩﻴﯩﻨﯩﯔ ﺋﻮﻗﯘﺗﯘﭖ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: «ﺑﯩﺰﻧﯩﯔ ﺑﯘ ﺋﻮﻗﯘﻏﯘﭼﯩﻼﺭﻧﻰ ﻳﯧﺘﯩﺸﺘﯜﺭﯛﺷﺘﻪ ﻳﺎﻣﺎﻥ ﻧﯩﻴﯩﺘﯩﻤﯩﺰ ﻳﻮﻕ. ﺗﯜﺭﻛﯩﺴﺘﺎﻧﺪﯨﻜﻰ ﻗﯧﺮﯨﻨﺪﺍﺷﻠﯩﺮﯨﻤﯩﺰﻧﯩﯔ ﺋﻮﻗﯘﺷﯩﻨﯩﯔ ﭘﻪﻗﻪﺗﻼ ﺋﯚﺯﯨﮕﻪ ﭘﺎﻳﺪﯨﺴﻰ ﺑﻮﻟﯘﭘﻼ ﻗﺎﻟﻤﺎﺳﺘﯩﻦ، ﺧﯩﺘﺎﻱ ﺩﯙﻟﯩﺘﯩﮕﻪ، ﺋﯚﺯ ﻣﯩﻠﻠﯩﺘﯩﮕﯩﻤﯘ ﭘﺎﻳﺪﯨﺴﻰ ﺑﺎﺭ. ﺑﯩﺰﻧﯩﯔ ﺧﯩﺘﺎﻱ ﺩﯙﻟﯩﺘﻰ ﺑﯩﻠﻪﻥ ﺩﯨﭙﻠﻮﻣﺎﺗﯩﻚ ﻣﯘﻧﺎﺳﯩﯟﯨﺘﯩﻤﯩﺰ ﺑﺎﺭ. ﺷﯘﯕﺎ ﺧﯩﺘﺎﻳﻼﺭ ﻗﺎﻧﯘﻧﻰ ﻳﻮﻟﻼﺭ ﺑﯩﻠﻪﻥ ﺗﯜﺭﻛﯩﻴﯩﮕﻪ ﻛﯚﭖ ﺳﺎﻧﺪﺍ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻧﻰ ﺋﻪﯞﻩﺗﯩﺸﻰ ﻛﯧﺮﻩﻙ. ﺋﻮﻗﯘﺵ ﭘﯜﺗﺘﯜﺭﯛﭖ ﻗﺎﻳﺘﻘﺎﻥ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻏﺎ ﺧﯩﺰﻣﻪﺕ ﺑﯧﺮﯨﺸﻰ ﻛﯧﺮﻩﻙ. ﺧﯩﺘﺎﻱ ﺩﯙﻟﯩﺘﻰ ﻫﻪﺭﻗﺎﻳﺴﻰ ﺩﯙﻟﻪﺗﻠﻪﺭﺩﯨﻜﻰ ﺋﯘﻧﯩﯟﯦﺮﺳﯩﺘﯧﺘﻼﺭﻏﺎ ﺋﻮﻥ ﻣﯩﯖﻼﺭﭼﻪ ﺋﻮﻗﯘﻏﯘﭼﻰ ﺋﻪﯞﻩﺗﯩﭗ ﺋﻮﻗﯘﺗﯩﯟﺍﺗﯩﺪﯗ. ﺑﻮﻟﯘﭘﻤﯘ ﺋﺎﻣﯧﺮﯨﻜﺎ، ﮔﯧﺮﻣﺎﻧﯩﻴﻪ، ﻓﺮﺍﻧﺴﯩﻴﻪ ﯞﻩ ﻛﺎﻧﺎﺩﺍﻏﺎ ﺋﻮﺧﺸﺎﺵ ﺩﯙﻟﻪﺗﻠﻪﺭﺩﻩ ﺋﻮﻗﯘﺗﯩﯟﺍﺗﯩﺪﯗ. ﺑﯘ ﻳﻪﺭﻟﻪﺭﺩﻩ ﺋﻮﻗﯘﺗﯘﺷﺘﯩﻜﻰ ﺳﻪﯞﻩﺑﻤﯘ ﺋﯚﺯ ﻣﯩﻠﻠﯩﻲ ﻣﻪﻧﭙﻪﺋﻪﺗﻰ ﺋﯜﭼﯜﻧﺪﯗﺭ. ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻖ ﻗﯧﺮﯨﻨﺪﺍﺷﻠﯩﺮﯨﻤﯩﺰﻧﯩﯔ ﺗﯜﺭﻛﯩﻴﯩﺪﻩ ﻳﺎﻛﻰ ﺩﯗﻧﻴﺎﻧﯩﯔ ﺑﺎﺷﻘﺎ ﻳﻪﺭﻟﯩﺮﯨﺪﻩ ﺋﻮﻗﯘﭖ ﻳﯧﺘﯩﺸﯩﺸﯩﺪﯨﻦ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻗﻮﺭﻗﻤﺎﺳﻠﯩﻘﻰ ﻛﯧﺮﻩﻙ. ﺑﯩﺰﻧﯩﯔ ﺑﯩﺮﺩﯨﻦ ﺑﯩﺮ ﻣﻪﻗﺴﯩﺘﯩﻤﯩﺰ ﻗﯧﺮﯨﻨﺪﺍﺵ ﻣﯩﻠﻠﻪﺗﻠﻪﺭﮔﻪ ﻗﺎﺑﯩﻠﯩﻴﻪﺗﻠﯩﻚ ﺋﯩﻠﯩﻢ ﺋﺎﺩﻩﻣﻠﯩﺮﯨﻨﻰ ﻳﯧﺘﯩﺸﺘﯜﺭﯛﭖ ﺑﯧﺮﯨﺸﺘﯩﻦ ﺋﯩﺒﺎﺭﻩﺕ.»

ﺳﺎﺑﯩﻖ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻯ ﻣﻪﻫﻤﻪﺕ ﺳﺎﻏﻼﻡ ﺋﻪﭘﻪﻧﺪﻯ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﺑﯧﺮﯨﭗ ﺑﺎﻗﻤﯩﻐﺎﻧﻠﯩﻘﯩﻨﻰ ﺋﻪﻣﻤﺎ ﻗﻮﻟﯩﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﻪﻗﻘﯩﺪﻩ ﻧﯘﺭﻏﯘﻥ ﻣﺎﺗﯧﺮﯨﻴﺎﻟﻼﺭﻧﯩﯔ ﺑﺎﺭﻟﯩﻘﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: «ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﺑﯧﺮﯨﭗ ﺑﺎﻗﻤﯩﺪﯨﻢ ﺋﻪﻣﻤﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﻪﻗﻘﯩﺪﻩ ﻧﯘﺭﻏﯘﻥ ﻣﺎﺗﯧﺮﯨﻴﺎﻟﻼﺭﻧﻰ ﺋﻮﻗﯘﺩﯗﻡ. ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻘﻼﺭﻧﻰ ﺋﺎﯕﻼﺗﻘﺎﻥ ﺭﻭﻣﺎﻥ، ﻫﯧﻜﺎﻳﻪ ﯞﻩ ﺗﺎﺭﯨﺦ ﻛﯩﺘﺎﺑﻠﯩﺮﯨﻨﻰ ﺋﻮﻗﯘﺩﯗﻡ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ ﻳﺎﺧﺸﻰ ﺑﯩﻠﯩﻤﻪﻥ. ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﺑﺎﺭﻏﺎﻥ ﺋﺎﺩﻩﻣﻠﻪﺭ ﺑﯩﻠﻪﻥ ﻛﯚﺭﯛﺷﺘﯜﻡ، ﺋﯘﻻﺭﻧﯩﯔ ﻳﺎﺯﻏﺎﻧﻠﯩﺮﯨﻨﻰ ﺋﻮﻗﯘﺩﯗﻡ. ﺧﯩﺘﺎﻱ ﺩﯙﻟﯩﺘﯩﮕﻪ ﻳﺎﺭﯨﺸﯩﺪﯨﻐﺎﻥ ﺑﯩﺮ ﺷﻪﻛﯩﻠﺪﻩ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺧﻪﻟﻘﯩﮕﻪ ﺋﯩﻘﺘﯩﺴﺎﺩﯨﻲ، ﻣﻪﺩﻩﻧﯩﻲ ﯞﻩ ﺋﯩﻨﺴﺎﻧﯩﻲ ﻫﻪﻗﻠﯩﺮﯨﻨﻰ ﺑﯧﺮﯨﺸﯩﻨﻰ ﺗﯩﻠﻪﻳﻤﻪﻥ. ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﭘﯜﺗﯜﻥ ﻗﯧﺮﯨﻨﺪﺍﺷﻠﯩﺮﯨﻤﻐﺎ ﺳﺎﻻﻣﯩﻤﻨﻰ ﻳﻮﻟﻼﻳﻤﻪﻥ.» (ﺋﻪﺭﻛﯩﻦ ﺗﺎﺭﯨﻢ)