ﺗﯜﺭﻛﯩﻴﻪ ﭘﺎﺭﻻﻣﯧﻨﺘﯩﺪﻩ ﻏﯘﻟﺠﺎ ﯞﻩﻗﻪﺳﻰ ﻫﻪﻗﻘﯩﺪﻩ ﻗﯩﻠﯩﻨﻐﺎﻥ ﺳﯚﺯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

5- ﻓﯧﯟﺭﺍﻝ ﻏﯘﻟﺠﺎ ﯞﻩﻗﻪﺳﯩﻨﯩﯔ 11- ﻳﯩﻠﻠﯩﻘﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺋﯘﻳﻐﯘﺭ ﻣﻪﺳﯩﻠﯩﺴﻰ ﺗﯜﺭﻛﯩﻴﻪ ﭘﺎﺭﻻﻣﯧﻨﺘﯩﻨﯩﯔ ﻛﯜﻥ ﺗﻪﺭﺗﯩﭙﯩﮕﻪ ﻛﻪﻟﺪﻯ. 2-ﺋﺎﻳﻨﯩﯔ 5-ﻛﯜﻧﻰ ﭼﯜﺷﺘﯩﻦ ﻛﯧﻴﯩﻦ ﺳﺎﺋﻪﺕ 3 ﻳﯧﺮﯨﻤﺪﺍ ﺗﯜﺭﻛﯩﻴﻪ ﭘﺎﺭﻻﻣﯧﻨﺘﯩﺪﯨﻜﻰ ﺋﻮﻣﯘﻣﯩﻲ ﻳﯩﻐﯩﻨﺪﺍ ﺗﯜﺭﻛﯩﻴﻪ ﭘﺎﺭﻻﻣﯧﻨﺘﻰ ﺋﯩﻨﺴﺎﻥ ﻫﻪﻗﻠﯩﺮﻯ ﻛﻮﻣﯩﺴﻴﻮﻧﻰ ﻣﯘﺋﺎﯞﯨﻦ ﺑﺎﺷﻠﯩﻘﻰ ﻣﻪﻫﻤﻪﺕ ﺋﯧﻜﯩﭽﻰ ﺋﻪﭘﻪﻧﺪﻯ ﺳﯚﺯ ﺋﯧﻠﯩﭗ، ﻏﯘﻟﺠﺎ ﯞﻩﻗﻪﺳﻰ ﻫﻪﻗﻘﯩﺪﻩ ﭘﺎﺭﻻﻣﯧﻨﺖ ﺋﻪﺯﺍﻟﯩﺮﯨﻐﺎ ﻣﻪﻟﯘﻣﺎﺕ ﺑﻪﺭﮔﻪﻧﺪﯨﻦ ﻛﯧﻴﯩﻦ ﺋﯘﻳﻐﯘﺭ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﺗﻮﺧﺘﺎﻟﺪﻯ. ﺋﯘ ﺳﯚﺯﯨﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﯩﯔ ﺧﻪﻟﻘﺌﺎﺭﺍ ﺋﯩﻨﺴﺎﻥ ﻫﻪﻗﻠﯩﺮﻯ ﺗﻪﺷﻜﯩﻼﺗﻠﯩﺮﯨﻨﯩﯔ ﺩﯨﻘﻘﻪﺕ ﺋﯧﺘﯩﺒﺎﺭﯨﻨﻰ ﺗﺎﺭﺗﯩﯟﺍﺗﻘﺎﻧﻠﯩﻘﯩﻨﻰ، ﺋﺎﻣﯧﺮﯨﻜﺎ ﯞﻩ ﻳﺎﯞﺭﯗﭘﺎ ﺩﯙﻟﻪﺗﻠﯩﺮﯨﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﻛﯜﻧﺘﻪﺭﺗﯩﭙﻜﻪ ﻛﯧﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﺗﯜﺭﻙ ﺩﯗﻧﻴﺎﺳﯩﺪﺍ ﺷﯘﻧﺪﺍﻗﻼ ﺗﯜﺭﻛﯩﻴﻪﺩﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﯩﯔ ﺋﺎﺭﻗﯩﻐﺎ ﭼﯧﻜﯩﻨﯩﭗ ﻛﯧﺘﯩﯟﺍﺗﻘﺎﻧﻠﯩﻘﯩﻨﻰ ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﻰ ﻫﯚﻛﯜﻣﯩﺘﯩﻨﯩﯔ ﻗﯧﺮﯨﻨﺪﺍﺵ ﺋﯘﻳﻐﯘﺭ ﺗﯜﺭﻛﻠﯩﺮﯨﻨﯩﯔ ﻣﻪﺳﯩﻠﯩﺴﯩﮕﻪ ﻛﯚﯕﯜﻝ ﺑﯚﻟﯜﺷﻰ ﻛﯧﺮﻩﻛﻠﯩﻜﯩﻨﻰ ﺗﻪﻛﯩﺘﻠﯩﺪﻯ. ﺑﯘﻧﻰ ﻫﻪﺭﻗﺎﻳﺴﻰ ﻣﯩﻨﯩﺴﺘﯩﺮ ﯞﻩ ﭘﺎﺭﻻﻣﯧﻨﺖ ﺋﻪﺯﺍﻟﯩﺮﯨﺪﯨﻦ ﺑﻮﻟﯘﭖ، 500ﺩﯨﻦ ﺋﺎﺭﺗﯘﻕ ﻛﯩﺸﻰ ﺋﺎﯕﻼﺩﻯ. ﺑﯘ ﻧﯘﺗﯘﻕ ﻧﻪﺥ ﻣﻪﻳﺪﺍﻧﺪﯨﻦ ﺗﯜﺭﻛﯩﻴﻪ ﺩﯙﻟﻪﺕ ﺗﯧﻠﯧﯟﯨﺰﻳﻪﺳﻰ ﺗﺮﺕ3 ﻗﺎﻧﯩﻠﯩﺪﯨﻦ ﺗﺎﺭﻗﯩﺘﯩﻠﺪﻯ. ﺑﯩﺰ ﺑﯜﮔﯜﻧﻜﻰ ﭘﺮﻭﮔﺮﺍﻣﯩﻤﯩﺰﺩﺍ ﭘﺎﺭﻻﻣﯧﻨﺖ ﺋﻪﺯﺍﺳﻰ ﻣﻪﻫﻤﻪﺕ ﺋﯧﻜﯩﭽﻰ ﺋﻪﭘﻪﻧﺪﯨﻨﯩﯔ ﺗﯜﺭﻛﯩﻴﻪ ﭘﺎﺭﻻﻣﯧﻨﺘﯩﺪﻩ ﺋﯘﻳﻐﯘﺭ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﻗﯩﻠﻐﺎﻥ ﺳﯚﺯﯨﻨﯩﯔ ﻫﻪﻣﻤﯩﺴﯩﻨﻰ ﺋﺎﯕﻠﯩﺘﯩﻤﯩﺰ.

ﻗﯩﻤﻤﻪﺗﻠﯩﻚ ﺭﺍﺩﯨﻴﻮ ﺋﺎﯕﻠﯩﻐﯘﭼﯩﻼﺭ ﭘﺎﺭﻻﻣﯧﻨﺖ ﺋﻪﺯﺍﺳﻰ ﻣﻪﻫﻤﻪﺕ ﺋﯧﻜﯩﭽﻰ ﺋﻪﭘﻪﻧﺪﻯ ﺳﯚﺯﯨﻨﻰ ﻣﯘﻧﺪﺍﻕ ﺑﺎﺷﻠﯩﺪﻯ:

«ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ 5-ﻓﯧﯟﺭﺍﻝ 1997ﺩﻩ ﻏﯘﻟﺠﺎ ﯞﯨﻼﻳﯩﺘﯩﺪﻩ ﻣﻪﻳﺪﺍﻧﻐﺎ ﻛﻪﻟﮕﻪﻥ ﯞﻩﻗﻪﻧﯩﯔ 11-ﻳﯩﻠﻠﯩﻘﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺳﯚﺯﮔﻪ ﭼﯩﻘﺘﯩﻢ. ﭘﯜﺗﯜﻥ ﭘﺎﺭﻻﻣﯧﻨﺖ ﺋﻪﺯﺍﻟﯩﺮﯨﻐﺎ ﺋﯧﻬﺘﯩﺮﺍﻣﯩﻤﻨﻰ ﺑﯩﻠﺪﯛﺭﯨﻤﻪﻥ. ﻗﯩﻤﻤﻪﺗﻠﯩﻚ ﭘﺎﺭﻻﻣﯧﻨﺖ ﺋﻪﺯﺍﻟﯩﺮﻯ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﺗﯜﺭﻙ ﺩﯗﻧﻴﺎﺳﯩﻨﯩﯔ ﻗﺎﻧﯩﻐﺎﻥ ﻳﺎﺭﯨﻠﯩﺮﯨﺪﯨﻦ ﺑﯩﺮﯨﺪﯗﺭ. ﺗﯜﺭﻙ ﺩﯗﻧﻴﺎﺳﯩﻨﯩﯔ ﺷﻪﺭﻕ ﺗﻪﺭﯨﭙﯩﮕﻪ ﺟﺎﻳﻼﺷﻘﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻳﺎﯞﺭﻭ ﺋﺎﺳﯩﻴﺎ ﻗﯩﺘﺌﻪﺳﯩﻨﯩﯔ ﺩﻩﻝ ﺋﻮﺗﺘﯘﺭﯨﺴﯩﻐﺎ ﺟﺎﻳﻼﺷﻘﺎﻥ. ﺑﯜﮔﯜﻥ ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﻨﯩﯔ ﭼﯧﮕﺮﯨﺴﻰ ﺋﯩﭽﯩﺪﻩ ﺑﻮﻟﻐﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺧﯩﺘﺎﻳﺪﯨﻜﻰ ﯞﯨﻼﻳﻪﺗﻠﻪﺭﻧﯩﯔ ﺋﻪﯓ ﭼﻮﯕﻰ ﺑﻮﻟﯘﭖ، 1 ﻣﯩﻠﻴﻮﻥ 6 ﻣﯩﯔ ﻛﯟﺍﺩﯨﺮﺍﺕ ﻛﯩﻠﻮﻣﯧﺘﯩﺮ ﺗﯘﭘﺮﺍﻗﻘﺎ ﺋﯩﮕﻪ. 1993-ﻳﯩﻠﯩﺪﯨﻜﻰ ﻧﻮﭘﯘﺱ ﺗﻪﻛﺸﯜﺭﯛﺷﯩﮕﻪ ﺋﺎﺳﺎﺳﻼﻧﻐﺎﻧﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ 16 ﻣﯩﻠﻴﻮﻥ ﻧﻮﭘﯘﺳﻰ ﺑﺎﺭ ﺑﻮﻟﯘﭖ، ﺑﯘﻧﯩﯔ 62 ﭘﯩﺮﺳﻪﻧﺘﯩﻨﻰ ﺗﻪﺷﻜﯩﻞ ﻗﯩﻠﻐﺎﻥ 10 ﻣﯩﻠﻴﻮﻥ ﻧﻮﭘﯘﺱ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﺩﯨﻦ ﺗﻪﺭﻛﯩﭗ ﺗﺎﭘﻘﺎﻥ. ﺋﻪﭘﺴﯘﺳﻜﻰ ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﺩﯗﻧﻴﺎﺩﺍ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﻠﯩﺮﻯ ﺋﻪﯓ ﻛﯚﭖ ﺳﺎﺩﯨﺮ ﺑﻮﻟﯩﯟﺍﺗﻘﺎﻥ ﺩﯙﻟﻪﺗﻠﻪﺭﺩﯨﻦ ﺑﯩﺮﯨﺪﯗﺭ. ﺷﯘﯕﺎ ﺩﺍﯞﺍﻣﻠﯩﻖ ﻫﺎﻟﺪﺍ ﺩﯗﻧﻴﺎ ﺩﯙﻟﻪﺗﻠﯩﺮﯨﻨﯩﯔ ﺗﻪﻧﻘﯩﺪﯨﮕﻪ ﺋﯘﭼﺮﯨﻤﺎﻗﺘﺎ.»

1949-ﻳﯩﻠﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻛﻮﻣﻤﯘﻧﯩﺴﺖ ﺧﯩﺘﺎﻳﻼﺭﻧﯩﯔ ﻫﯚﻛﯜﻣﺮﺍﻧﻠﯩﻘﻰ ﺋﺎﺳﺘﯩﻐﺎ ﻛﯩﺮﮔﻪﻧﺪﯨﻦ ﺑﯧﺮﻯ، ﻳﯜﺯﻟﻪﺭﭼﻪ ﻗﻮﺯﻏﯩﻼﯓ ﻣﻪﻳﺪﺍﻧﻐﺎ ﻛﻪﻟﮕﻪﻥ. ﺑﯩﮕﯘﻧﺎﻫ ﺋﯩﻨﺴﺎﻧﻼﺭﻧﯩﯔ ﺋﻪﻗﻪﻟﻠﻰ ﺗﻪﻟﻪﭘﻠﯩﺮﯨﮕﻪ ﺧﯩﺘﺎﻱ ﻫﯚﻛﯜﻣﯩﺘﻰ ﻗﻮﺭﺍﻝ ﺑﯩﻠﻪﻥ ﺟﺎﯞﺍﺏ ﺑﻪﺭﻣﻪﻛﺘﻪ، ﺧﯩﺘﺎﻳﻨﯩﯔ ﺑﯘ ﻗﯩﻠﻐﺎﻧﻠﯩﺮﻯ ﭼﻮﯓ ﺩﯙﻟﻪﺗﻠﻪﺭﻧﯩﯔ ﯞﻩ ﺧﻪﻟﻘﺌﺎﺭﺍ ﺋﯩﻨﺴﺎﻥ ﻫﻪﻗﻠﯩﺮﻯ ﺗﻪﺷﻜﯩﻼﺗﻠﯩﺮﯨﻨﯩﯔ ﺩﯨﻘﻘﻪﺕ ﺋﯧﺘﯩﺒﺎﺭﯨﻨﻰ ﻗﻮﺯﻏﯩﻤﺎﻗﺘﺎ.

ﺗﯜﺭﻛﯩﻴﻪ ﭘﺎﺭﻻﻣﯧﻨﺘﻰ ﺋﯩﻨﺴﺎﻥ ﻫﻪﻗﻠﯩﺮﻯ ﻛﻮﻣﯩﺘﯧﺘﯩﻨﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ ﻣﻪﻫﻤﻪﺕ ﺋﯧﻜﯩﭽﻰ ﺋﻪﭘﻪﻧﺪﻯ ﺳﯚﺯﯨﺪﻩ ﻓﯧﯟﺭﺍﻝ ﺋﯧﻴﯩﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻘﻼﺭ ﺋﯜﭼﯜﻥ ﺋﯩﻨﺘﺎﻳﯩﻦ ﻣﯘﻫﯩﻢ ﺑﯩﺮ ﺋﺎﻱ ﺋﯩﻜﻪﻧﻠﯩﻜﯩﻨﻰ، ﭼﯜﻧﻜﻰ ﺑﯘ ﺋﺎﻳﺪﺍ ﻏﯘﻟﺠﺎ ﯞﻩﻗﻪﺳﯩﻨﯩﯔ ﻳﯜﺯ ﺑﻪﺭﮔﻪﻧﻠﯩﻜﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ:

«ﻓﯧﯟﺭﺍﻝ ﺋﯧﻴﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺧﻪﻟﻘﻰ ﺋﯜﭼﯜﻥ ﻧﺎﻫﺎﻳﯩﺘﻰ ﻣﯘﻫﯩﻢ ﺑﯩﺮ ﺋﺎﻳﺪﯗﺭ. ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﻏﯘﻟﺠﺎ ﯞﻩﻗﻪﺳﻰ ﻫﻪﻗﻘﯩﺪﻩ ﻗﯩﺴﻘﯩﭽﻪ ﺗﻮﺧﺘﺎﻟﻤﺎﻗﭽﯩﻤﻪﻥ. 5-ﻓﯧﯟﺭﺍﻝ 1997-ﻳﯩﻠﯩﺪﺍ ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﻏﻪﺭﺑﯩﻲ ﺟﻪﻧﯘﺑﯩﺪﯨﻜﻰ ﻏﯘﻟﺠﺎ ﺷﻪﻫﺮﯨﺪﻩ ﻗﻪﺩﯨﺮ ﻛﯧﭽﯩﺴﯩﺪﻩ ﺋﯚﻳﯩﺪﻩ ﺋﯩﺒﺎﺩﻩﺕ ﻗﯩﻠﯩﯟﺍﺗﻘﺎﻥ ﻛﯩﺸﯩﻠﻪﺭ ﺧﯩﺘﺎﻱ ﺳﺎﻗﭽﯩﻠﯩﺮﻯ ﺗﻪﺭﯨﭙﯩﺪﯨﻦ ﺗﯘﺗﯘﭖ ﺳﺎﻗﭽﻰ ﺋﯩﺪﺍﺭﯨﺴﯩﻐﺎ ﺋﺎﭘﯩﺮﯨﻠﯩﺪﯗ. ﺑﯘ ﻛﯩﺸﯩﻠﻪﺭ ﺳﺎﻗﭽﻰ ﺋﯩﺪﺍﺭﯨﺴﯩﺪﺍ ﺳﻮﺭﺍﻗﻘﺎ ﺗﺎﺭﺗﯩﻠﯩﺶ ﺟﻪﺭﻳﺎﻧﯩﺪﺍ ﺗﻪﻥ ﺟﺎﺯﺍﺳﯩﻐﺎ ﺋﯘﭼﺮﺍﭖ ﺋﯚﻟﯩﺪﯗ. ﻛﯧﻴﯩﻦ ﺑﯘ ﻛﯩﺸﯩﻠﻪﺭﻧﯩﯔ ﺟﻪﺳﻪﺗﻠﯩﺮﻯ ﺋﺎﺋﯩﻠﯩﻠﯩﺮﯨﮕﻪ ﺗﺎﭘﺸﯘﺭﯗﭖ ﺑﯧﺮﯨﻠﯩﺪﯗ. ﺑﯘﻧﯩﯖﺪﯨﻦ ﺧﻪﯞﻩﺭ ﺗﺎﭘﻘﺎﻥ ﺋﯘﻳﻐﯘﺭﻻﺭ ﻛﻮﭼﯩﻐﺎ ﻳﯩﻐﯩﻠﯩﭗ ﻫﯚﻛﯜﻣﻪﺗﻜﻪ ﺋﻪﺭﺯ ﻗﯩﻠﯩﺶ ﺋﯜﭼﯜﻥ ﻫﯚﻛﯜﻣﻪﺕ ﺑﯩﻨﺎﺳﯩﻐﺎ ﻗﺎﺭﺍﭖ ﻣﺎﯕﯩﺪﯗ. ﺗﻮﭘﻼﻧﻐﺎﻥ ﻛﯩﺸﯩﻠﻪﺭﻧﯩﯔ ﺳﺎﻧﻰ ﺑﺎﺭﻏﺎﻧﺴﯧﺮﻯ ﻛﯚﭘﯩﻴﯩﭗ ﺑﺎﺭﯨﺪﯗ. ﺑﯘ ﺋﯩﻨﺴﺎﻧﻼﺭ ﺑﺎﺷﻘﺎ ﻧﯩﻴﯩﺘﯩﻨﯩﯔ ﻳﻮﻗﻠﯩﻘﯩﻨﻰ، ﭘﻪﻗﻪﺗﻼ ﺑﯘ ﻫﻪﻗﺴﯩﺰﻟﯩﻜﻨﻰ ﻫﯚﻛﯜﻣﻪﺗﻜﻪ ﺋﺎﯕﻠﯩﺘﯩﺶ ﺋﯜﭼﯜﻥ ﻛﻪﻟﮕﻪﻧﻠﯩﻜﯩﻨﻰ ﺗﻪﻛﯩﺘﻠﻪﭖ، ﺋﺎﻳﺎﻟﻼﺭﻧﻰ ﯞﻩ ﻛﯩﭽﯩﻚ ﺑﺎﻟﯩﻼﺭﻧﻰ ﻧﺎﻣﺎﻳﯩﺸﭽﯩﻼﺭﻧﯩﯔ ﺋﺎﻟﺪﯨﻨﻘﻰ ﻗﺎﺗﺎﺭﯨﺪﺍ ﺗﯘﺭﻏﯘﺯﯗﭖ ﻫﯚﻛﯜﻣﻪﺕ ﺑﯩﻨﺎﺳﯩﻨﯩﯔ ﺋﺎﻟﺪﯨﻐﺎ ﻳﯧﺘﯩﭗ ﻛﯧﻠﯩﺪﯗ. ﻛﯜﺗﯜﻟﻤﯩﮕﻪﻥ ﻳﻪﺭﺩﯨﻦ ﺧﯩﺘﺎﻱ ﺧﻪﯞﭘﺴﯩﺰﻟﯩﻚ ﺧﺎﺩﯨﻤﻠﯩﺮﻯ ﺑﯘ ﮔﯘﺭﯗﭘﭙﯩﻐﺎ ﺋﻮﻕ ﭼﯩﻘﯩﺮﯨﺪﯗ. ﻗﻮﻟﯩﺪﺍ ﺗﺎﻳﺎﻗﻤﯘ ﻳﻮﻕ ﺑﯘ ﺋﯘﻳﻐﯘﺭﻻﺭ ﯞﻩﻫﺸﯩﻠﻪﺭﭼﻪ ﺋﯚﻟﺘﯜﺭﯛﻟﯩﺪﯗ. ﺧﯩﺘﺎﻱ ﻗﻮﺭﺍﻟﻠﯩﻖ ﻛﯜﭼﻠﯩﺮﻯ ﻏﯘﻟﺠﺎ ﺷﻪﻫﺮﯨﺪﯨﻜﻰ ﭘﯜﺗﯜﻥ ﺋﺎﺋﯩﻠﯩﻠﻪﺭﻧﻰ ﺋﺎﺧﺘﯘﺭﯗﭖ، ﺋﺎﻟﺪﯨﻐﺎ ﻛﻪﻟﮕﻪﻥ ﻳﺎﺷﻼﺭﻧﻰ ﺗﯘﺗﯘﭖ ﺗﯜﺭﻣﯩﮕﻪ ﺗﺎﺷﻼﻳﺪﯗ، ﺑﯘ ﻛﯩﺸﯩﻠﻪﺭﻧﯩﯔ ﺑﯩﺮ ﻗﯩﺴﻤﯩﻐﺎ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﻠﯩﺪﯗ، ﻫﻪﺗﺘﺎ ﻗﺎﺯﺍﻗﯩﺴﺘﺎﻧﻐﺎ ﻗﯧﭽﯩﭗ ﻛﻪﺗﻜﻪﻥ ﻳﺎﺷﻼﺭ ﺧﯩﺘﺎﻳﻐﺎ ﻗﺎﻳﺘﯘﺭﯗﻟﯘﭖ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﻠﯩﺪﯗ. ﻣﻪﻥ ﺑﯜﮔﯜﻥ ﺑﯘ ﯞﻩﻗﻪﺩﻩ ﯞﺍﭘﺎﺕ ﺑﻮﻟﻐﺎﻧﻼﺭﻧﻰ ﺋﻪﺳﻠﻪﺵ ﯞﻩ ﺑﯘ ﯞﻩﻗﻪﻧﻰ ﭘﺎﺭﻻﻣﯧﻨﺖ ﺋﻪﺯﺍﻟﯩﺮﯨﻐﺎ ﺋﺎﯕﻠﯩﺘﯩﺶ ﺋﯜﭼﯜﻥ ﺳﯚﺯﮔﻪ ﭼﯩﻘﺘﯩﻢ.»

ﭘﺎﺭﻻﻣﯧﻨﺖ ﺋﻪﺯﺍﺳﻰ ﻣﻪﻫﻤﻪﺕ ﺋﯧﻜﯩﭽﻰ ﺋﻪﭘﻪﻧﺪﻯ ﺳﯚﺯﯨﺪﻩ ﻏﯘﻟﺠﺎ ﯞﻩﻗﻪﺳﯩﺪﯨﻦ ﻛﯧﻴﯩﻨﻜﻰ ﺋﯘﻳﻐﯘﺭ ﻣﻪﺳﯩﻠﯩﺴﯩﻨﯩﯔ ﺩﯗﻧﻴﺎﺩﯨﻜﻰ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ:

«ﻏﯘﻟﺠﺎ ﯞﻩﻗﻪﺳﯩﺪﯨﻦ ﻛﯧﻴﯩﻦ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ، ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ، ﺋﺎﺳﯩﻴﺎﺩﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﯨﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﯩﻐﺎ ﺋﻮﺧﺸﺎﺵ ﺧﻪﻟﻘﺌﺎﺭﺍ ﺗﻪﺷﻜﯩﻼﺗﻼﺭﻧﯩﯔ ﺩﯨﻘﻘﻪﺕ ﺋﯧﺘﯩﺒﺎﺭﯨﻨﻰ ﻗﻮﺯﻏﺎﺷﻘﺎ ﺑﺎﺷﻠﯩﺪﻯ. ﺑﻮﻟﯘﭘﻤﯘ ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﺑﯜﮔﯜﻧﮕﯩﭽﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﻠﯩﺮﻯ ﺗﻮﻏﺮﯨﺴﯩﺪﺍ ﺋﻪﺗﺮﺍﭘﻠﯩﻖ 4 ﺩﻭﻛﻼﺕ ﺗﻪﻳﻴﺎﺭﻟﯩﻐﺎﻥ ﺑﻮﻟﯘﭖ، ﺋﺎﻣﯧﺮﯨﻜﯩﻨﯩﯔ ﻳﯩﻠﻠﯩﻖ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻭﻛﻼﺗﯩﺪﯨﻤﯘ ﺋﯘﻳﻐﯘﺭ ﻣﻪﺳﯩﻠﯩﺴﯩﮕﻪ ﻛﻪﯓ ﻛﯚﻟﻪﻣﺪﻩ ﻳﻪﺭ ﺑﯧﺮﯨﻠﯩﺸﻜﻪ ﺑﺎﺷﻠﯩﺪﻯ. ﺑﻮﻟﯘﭘﻤﯘ 11-ﺳﯧﻨﺘﻪﺑﯩﺮ ﯞﻩﻗﻪﺳﯩﺪﯨﻦ ﻛﯧﻴﯩﻦ ﺧﯩﺘﺎﻱ ﻫﯚﻛﯜﻣﯩﺘﻰ ﺧﻪﻟﻘﺌﺎﺭﺍ ﺗﯧﺮﺭﻭﺭﯨﺰﻣﻨﻰ ﺑﺎﻫﺎﻧﻪ ﻗﯩﻠﯩﭗ ﺗﯘﺭﯗﭖ ﺋﯘﻳﻐﯘﺭﻻﺭﻏﺎ ﺑﻮﻟﻐﺎﻥ ﻣﻪﺩﻩﻧﯩﻲ ﯞﻩ ﺩﯨﻨﯩﻲ ﺑﯧﺴﯩﻤﻠﯩﺮﯨﻨﻰ ﻛﯜﭼﻪﻳﺘﻤﻪﻛﺘﻪ. ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﺗﻪﺭﯨﭙﯩﺪﯨﻦ 2004-ﻳﯩﻠﻰ 7-ﺋﺎﻳﺪﺍ ﺋﯧﻼﻥ ﻗﯩﻠﯩﻨﻐﺎﻥ `ﺋﯘﻳﻐﯘﺭﻻﺭ ﺧﯩﺘﺎﻳﻼﺭﻧﯩﯔ ﺗﯧﺮﻭﺭﻧﻰ ﺑﺎﻫﺎﻧﻪ ﻗﯩﻠﯩﭗ ﺗﯘﺭﯗﭖ ﻳﯜﺭﮔﯜﺯﯛﯞﺍﺗﻘﺎﻥ ﺑﯧﺴﯩﻢ ﺳﯩﻴﺎﺳﯩﺘﯩﺪﯨﻦ ﻗﺎﭼﻤﺎﻗﺘﺎ` ﻣﺎﯞﺯﯗﻟﯘﻕ ﺩﻭﻛﻼﺗﻰ ﻧﺎﻫﺎﻳﯩﺘﻰ ﻣﯘﻫﯩﻤﺪﯗﺭ.»

ﭘﺎﺭﻻﻣﯧﻨﺖ ﺋﻪﺯﺍﺳﻰ ﻣﻪﻫﻤﻪﺕ ﺋﯧﻜﯩﭽﻰ ﺋﻪﭘﻪﻧﺪﻯ ﺳﯚﺯﯨﻨﻰ ﻣﯘﻧﺪﺍﻕ ﺋﺎﺧﯩﺮﻻﺷﺘﯘﺭﺩﻯ:

«ﻗﯩﺴﻘﯩﺴﻰ ﻛﯧﻴﯩﻨﻜﻰ 20 ﻳﯩﻞ ﺋﯩﭽﯩﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﺋﯩﻨﺴﺎﻥ ﻫﻪﻗﻠﯩﺮﻯ ﺟﻪﻫﻪﺗﺘﯩﻦ ﻳﺎﯞﺭﯗﭘﺎ ﺑﯩﺮﻟﯩﻜﻰ ﺩﯙﻟﻪﺗﻠﯩﺮﻯ ﯞﻩ ﺋﺎﻣﯧﺮﯨﻜﺎ ﻗﻮﺷﻤﺎ ﺷﯩﺘﺎﺗﻠﯩﺮﯨﺪﺍ ﺗﯧﺰﻻ ﻛﯩﺸﯩﻠﻪﺭ ﻗﯩﺰﯨﻘﯩﺪﯨﻐﺎﻥ ﺑﯩﺮ ﻣﻪﺳﯩﻠﯩﮕﻪ ﺋﺎﻳﻼﻧﻐﺎﻥ ﺑﻮﻟﺴﯩﻤﯘ، ﺋﻪﭘﺴﯘﺳﻜﻰ ﺗﯜﺭﻙ ﺩﯗﻧﻴﺎﺳﯩﺪﺍ ﺑﯘ ﻣﻪﺳﯩﻠﯩﮕﻪ ﻗﯩﺰﯨﻘﯩﺶ ﺋﺎﺯﯨﻴﯩﭗ ﻛﻪﺗﺘﻰ. ﺑﻪﺯﻯ ﺋﯩﺴﺘﺮﺍﺗﯧﮕﯩﻴﻪ ﺗﻪﺗﻘﯩﻘﺎﺗﭽﯩﻠﯩﺮﯨﻨﯩﯔ ﭘﻪﺭﻩﺯ ﻗﯩﻠﯩﺸﯩﭽﻪ ﺑﯘ ﻣﻪﺳﯩﻠﻪ ﻗﯩﺴﻘﺎ ﯞﺍﻗﯩﺖ ﺋﯩﭽﯩﺪﻩ ﺩﯗﻧﻴﺎﻧﯩﯔ ﺋﻪﯓ ﻣﯘﻫﯩﻢ ﻣﻪﺳﯩﻠﯩﻠﯩﺮﯨﺪﯨﻦ ﺑﯩﺮﻯ ﺑﻮﻟﯩﺪﯨﻜﻪﻥ. ﺷﯘﻧﺪﺍﻗﻼ ﺑﯘ ﻣﻪﺳﯩﻠﻪ ﺩﯗﻧﻴﺎ ﺩﯙﻟﻪﺗﻠﯩﺮﻯ ﺗﻪﺭﯨﭙﯩﺪﯨﻦ ﻣﯘﺯﺍﻛﯩﺮﻩ ﻗﯩﻠﯩﻨﯩﭗ ﻫﻪﻝ ﻗﯩﻠﯩﺶ ﻳﻮﻟﻠﯩﺮﻯ ﺋﯩﺰﺩﯨﻠﯩﻨﯩﺪﯨﻜﻪﻥ. ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﻰ ﻫﯚﻛﯜﻣﻪﺗﻠﯩﺮﻯ ﺩﯨﻘﻘﻪﺕ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﻣﻪﺳﯩﻠﻪ ﺧﯩﺘﺎﻳﻼﺭ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﻤﯩﺰﺩﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﮕﻪ ﺋﺎﻻﻫﯩﺪﻩ ﺋﻪﻫﻤﯩﻴﻪﺕ ﺑﯧﺮﯨﺸﻰ ﻛﯧﺮﻩﻙ. ﺗﯜﺭﻛﯩﻴﻪ ﭘﺎﺭﻻﻣﯧﻨﺘﻰ ﺋﯩﻨﺴﺎﻥ ﻫﻪﻗﻠﯩﺮﻯ ﻛﻮﻣﯩﺘﯧﺘﻰ ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﻠﯩﺮﯨﻨﻰ ﻛﯚﺯﯨﺘﯩﺶ، ﺑﻮﻟﯘﭘﻤﯘ ﺋﯚﺯ ﻗﯧﺮﯨﻨﺪﺍﺷﻠﯩﺮﻯ ﻳﺎﺷﺎﯞﺍﺗﻘﺎﻥ ﺗﯘﭘﺮﺍﻗﻼﺭﺩﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﻠﯩﺮﯨﮕﻪ ﺋﺎﻻﻫﯩﺪﻩ ﺋﻪﻫﻤﯩﻴﻪﺕ ﺑﯧﺮﯨﺸﻰ ﻛﯧﺮﻩﻙ.» (ﺋﻪﺭﻛﯩﻦ ﺗﺎﺭﯨﻢ)