ﺗﯜﺭﻛﯩﻴﻪ ﺑﺎﺭﻟﯩﻖ ﺗﯜﺭﻛﯩﻲ ﺗﯩﻠﻠﯩﻖ ﺩﯙﻟﻪﺗﻠﯩﺮﯨﮕﻪ ﻗﺎﺭﺍﺗﻘﺎﻥ ﯞﯨﺰﺍ ﺗﯜﺯﯛﻣﯩﻨﻰ ﺑﯩﻜﺎﺭ ﻗﯩﻠﻤﺎﻗﭽﻰ

ﺗﯜﺭﻛﯩﻴﻪ ﺭﻩﻫﺒﯩﺮﻯ ﺋﺎﺑﺪﯗﻟﻼ ﮔﯜﻟﻨﯩﯔ ﺋﺎﺯﻩﺭﺑﻪﻳﺠﺎﻥ ﺳﻪﭘﯩﺮﯨﺪﻩ ﺗﯜﺭﻛﯩﻴﯩﻨﯩﯔ ﺑﺎﺭﻟﯩﻖ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﻪﺭ ﭘﯘﻗﺮﺍﻟﯩﺮﯨﻨﯩﯔ ﯞﯨﺰﺍﺳﯩﺰ ﻫﺎﻟﺪﺍ ﺗﯜﺭﻛﯩﻴﯩﮕﻪ ﻛﯩﺮﯨﭗ ﭼﯩﻘﯩﺸﯩﻨﻰ ﻳﻮﻟﻐﺎ ﻗﻮﻳﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﭘﻪﺭﻏﺎﻧﻪ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺗﯜﺭﻛﯩﻴﻪ ﻫﯚﻛﯜﻣﯩﺘﻰ ﺑﯘ ﻗﺎﺭﺍﺭﻧﻰ ﺑﯘ ﻳﯩﻞ ﺋﯩﻴﯘﻟﻨﯩﯔ ﺋﺎﺧﯩﺮﯨﺪﺍ ﻗﻮﺑﯘﻝ ﻗﯩﻠﻐﺎﻥ ﺑﻮﻟﯘﭖ، ﺑﯘ ﺋﺎﻟﺪﻯ ﺑﯩﻠﻪﻥ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻨﯩﯔ ﻧﺎﺭﺍﺯﯨﻠﯩﻘﯩﻨﻰ ﻗﻮﺯﻏﯩﻐﺎﻥ. ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ ﺗﯜﺭﻛﯩﻴﯩﻨﯩﯔ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻐﺎ ﻛﯩﺮﯨﺸﻰ ﻣﻪﺳﯩﻠﯩﮕﻪ ﺋﺎﺋﯩﺖ ﻫﻪﺭ ﻳﯩﻠﻰ ﺋﯧﻼﻥ ﻗﯩﻠﯩﺪﯨﻐﺎﻥ ﺩﻭﻛﻼﺗﯩﺪﺍ ﺑﯘ ﻣﻪﺳﯩﻠﯩﻨﻰ ﺗﯩﻠﻐﺎ ﺋﯧﻠﯩﭗ، ﺑﯘﻧﺪﺍﻕ ﻣﻪﺧﺴﯘﺱ ﺗﯜﺭﻛﯩﻲ ﺩﯙﻟﻪﺗﻠﻪﺭﮔﻪ ﻗﺎﺭﺍﺗﻘﺎﻥ ﯞﯨﺰﺍ ﺗﯜﺯﯛﻣﯩﻨﻰ ﺑﯩﻜﺎﺭ ﻗﯩﻠﯩﺸﻨﯩﯔ ﺗﯜﺭﻛﯩﻴﯩﻨﯩﯔ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻐﺎ ﻛﯩﺮﯨﺸﯩﺪﯨﻜﻰ ﭼﻮﯓ ﻣﻪﺳﯩﻠﻪ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﻛﯚﺭﺳﻪﺗﻜﻪﻥ. ﺋﺎﺑﺪﯗﻟﻼ ﮔﯜﻝ ﻣﻪﺯﻛﯘﺭ ﻣﻪﺳﯩﻠﯩﺪﻩ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻨﯩﯔ ﺑﯘ ﺗﻪﻧﻘﯩﺪﯨﮕﻪ ﭘﯩﺴﻪﻧﺖ ﻗﯩﻠﻤﯩﻐﺎﻥ.

ﭘﺮﯦﺰﯨﺪﯦﻨﺖ ﺋﺎﺑﺪﯗﻟﻼ ﮔﯜﻝ "ﻗﯧﺮﯨﻨﺪﺍﺵ ﺋﻪﻟﻠﻪﺭ ﺋﺎﺭﯨﺴﯩﺪﺍ ﺧﯘﺩﺩﻯ ﺋﯧﻨﮕﯩﻠﯩﺰ ﺗﯩﻠﻠﯩﻖ ﺩﯙﻟﻪﺗﻠﻪﺭ ﻫﻪﻣﺪﻭﺳﺘﻠﯘﻗﻰ ﺩﯦﮕﻪﻧﮕﻪ ﺋﻮﺧﺸﺎﺵ ﺋﯚﺯﻟﯩﺮﯨﻨﯩﯔ ﻫﻪﻣﺪﻭﺳﺘﻠﯘﻗﯩﻨﻰ ﻗﯘﺭﯗﺵ ﺋﯜﭼﯜﻥ ﻫﯧﭽﻘﺎﻧﺪﺍﻕ ﺗﻮﺳﺎﻟﻐﯘ ﺑﻮﻟﻤﺎﺳﻠﯩﻘﻰ ﻻﺯﯨﻢ" ﺩﻩﭖ ﻛﯚﺭﺳﯩﺘﯩﭗ، ﺗﯜﺭﻛﯩﻴﯩﻨﯩﯔ ﺑﯘﻧﯩﯔ ﺋﯜﭼﯜﻥ ﻗﯧﺮﯨﻨﺪﺍﺵ ﺗﯜﺭﻛﯩﻲ ﺩﯙﻟﻪﺗﻠﻪﺭﮔﻪ ﻗﺎﺭﺍﺗﻘﺎﻥ ﯞﯨﺰﺍ ﺗﯜﺯﯛﻣﯩﻨﻰ ﺑﯩﻜﺎﺭ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺋﺎﺑﺪﯗﻟﻼ ﮔﯜﻝ ﺑﯘ ﻗﯧﺘﯩﻢ ﺗﯜﺭﻛﻤﻪﻧﯩﺴﺘﺎﻥ، ﻗﺎﺯﺍﻗﯩﺴﺘﺎﻧﻼﺭﻧﻰ ﺯﯨﻴﺎﺭﻩﺕ ﻗﯩﻠﻤﺎﻗﭽﻰ، ﺋﯘ ﻳﻪﻧﻪ ﺑﯘ ﻳﯩﻠﻨﯩﯔ ﺋﺎﺧﯩﺮﯨﻐﯩﭽﻪ ﺋﯚﺯﺑﯧﻜﯩﺴﺘﺎﻥ ﻫﻪﻡ ﻗﯩﺮﻏﯩﺰﯨﺴﺘﺎﻧﻐﺎ ﺑﯧﺮﯨﺸﻨﻰ ﭘﯩﻼﻧﻠﯩﻐﺎﻥ.

ﺗﯜﺭﻛﯩﻴﻪ ﭘﺮﯦﺰﯨﺪﯦﻨﺘﻰ ﺋﺎﺑﺪﯗﻟﻼ ﮔﯜﻝ ﺗﯜﺭﻛﯩﻲ ﺩﯙﻟﻪﺗﻠﻪﺭﻧﯩﯔ ﺑﯩﺮﻟﯩﻜﻰ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ. " ﺑﯩﺰ ﺗﯜﺭﻛﯩﻲ ﺗﯩﻠﻠﯩﻖ ﺩﯙﻟﻪﺗﻠﻪﺭ ﺑﯩﻠﻪﻥ 1990 - ﻳﯩﻠﻼﺭﻧﯩﯔ ﺑﯧﺸﯩﺪﯨﻦ ﺗﺎﺭﺗﯩﭗ ﺭﻭﻣﺎﻧﺘﯩﻚ ﻣﯘﻧﺎﺳﯩﯟﻩﺗﻠﻪﺭﮔﻪ ﺋﯩﮕﻪ ﺑﻮﻟﯘﭖ ﻛﻪﻟﺪﯗﻕ. ﺑﯩﺰ ﺋﯩﻘﺘﯩﺴﺎﺩﻧﻰ ﺋﺎﺳﺎﺱ ﻗﯩﻠﻐﺎﻥ ﻣﯘﻧﺎﺳﯩﯟﻩﺗﻠﻪﺭﻧﻰ ﺑﺎﺷﻠﯩﺸﯩﻤﯩﺰ ﻻﺯﯨﻢ " ﺩﻩﭖ ﺗﻪﻛﯩﺘﻠﯩﮕﻪﻥ. (ﺋﯜﻣﯩﺪﯞﺍﺭ)