ﯞﯦﻦ ﺟﻴﺎﺑﺎﯞ ﺗﯜﺭﻛﻤﻪﻧﯩﺴﺘﺎﻧﻨﻰ ﺯﯨﻴﺎﺭﻩﺕ ﻗﯩﻠﺪﻯ

ﺗﺎﺷﻜﻪﻧﺖ ﺳﻪﭘﯩﺮﯨﻨﻰ ﺋﺎﺧﯩﺮﻻﺷﺘﯘﺭﻏﺎﻥ ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﻯ ﯞﯦﻦ ﺟﻴﺎﺑﺎﯞ 3 - ﻧﻮﻳﺎﺑﯩﺮ ﻛﯜﻧﻰ ﻛﻪﭼﺘﻪ ﺗﯜﺭﻛﻤﻪﻧﯩﺴﺘﺎﻥ ﺯﯨﻴﺎﺭﯨﺘﯩﻨﻰ ﺑﺎﺷﻠﯩﺪﻯ، ﺋﯘ ﺷﯘ ﻛﯜﻧﻰ ﺋﺎﺧﺸﯩﻤﻰ ﺗﯜﺭﻛﻤﻪﻧﯩﺴﺘﺎﻥ ﭘﺎﻳﺘﻪﺧﺘﻰ ﺋﺎﺷﺨﺎﺑﺎﺩ ﺋﺎﻳﺮﻭﺩﺭﻭﻣﯩﺪﺍ ﺗﯜﺭﻛﻤﻪﻧﯩﺴﺘﺎﻥ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻣﯧﻠﻮﺩﻭﻓﻨﯩﯔ ﻗﺎﺭﺷﻰ ﺋﯧﻠﯩﺸﯩﻐﺎ ﺋﯧﺮﯨﺸﺘﻰ.

4 - ﻧﻮﻳﺎﺑﯩﺮ ﻛﯜﻧﻰ ﺋﺎﺷﺨﺎﺑﺎﺩﺗﯩﻜﻰ ﭘﺮﯦﺰﯨﺪﯦﻨﺖ ﺳﺎﺭﯨﻴﯩﻨﯩﯔ ﺋﺎﻟﺪﯨﺪﯨﻜﻰ ﻣﻪﻳﺪﺍﻧﺪﺍ ﭘﺮﯦﺰﯨﺪﯦﻨﺖ ﻗﯘﺭﺑﺎﻧﮕﯜﻝ ﺑﻪﺭﺩﯨﻤﯘﻫﻪﻣﻤﻪﺩﻭﻑ ﻫﯚﺭﻣﻪﺕ ﻗﺎﺭﺍﯞﯗﻟﻠﯩﺮﻯ ﺑﯩﻠﻪﻥ ﺑﯩﺮﻟﯩﻜﺘﻪ ﯞﯦﻦ ﺟﻴﺎﺑﺎﯞﻧﻰ ﺩﺍﻏﺪﯗﻏﯩﻠﯩﻖ ﻛﯜﺗﯜﯞﺍﻟﻐﺎﻥ ﻫﻪﻣﺪﻩ ﯞﯦﻦ ﺟﻴﺎﺑﺎﯞ ﺑﯩﻠﻪﻥ ﻗﯘﺭﺑﺎﻧﮕﯜﻝ ﺑﻪﺭﺩﯨﻤﯘﻫﻪﻣﻤﻪﺩﻭﻑ ﺋﺎﺭﯨﺴﯩﺪﺍ ﺋﯩﻜﻜﻰ ﺩﯙﻟﻪﺗﻨﯩﯔ ﺳﯩﻴﺎﺳﯩﻲ، ﺳﻮﺩﺍ-ﺋﯩﻘﺘﯩﺴﺎﺩ ﻫﻪﻡ ﺋﯧﻨﯧﺮﮔﯩﻴﻪ ﻗﺎﺗﺎﺭﻟﯩﻖ ﻫﻪﺭ ﺳﺎﻫﻪﺩﯨﻜﻰ ﻫﻪﻣﻜﺎﺭﻟﯩﻘﻠﯩﺮﻯ ﻣﻪﺳﯩﻠﯩﺴﯩﺪﻩ ﺳﯚﻫﺒﻪﺗﻠﻪﺭ ﺋﯧﻠﯩﭗ ﺑﯧﺮﯨﻠﻐﺎﻥ.

ﺷﯘ ﻛﯜﻧﻰ ﻳﻪﻧﻪ ﯞﯦﻦ ﺟﻴﺎﺑﺎﯞ ﺗﯜﺭﻛﻤﻪﻧﯩﺴﺘﺎﻥ ﺧﻪﻟﻖ ﻣﻪﺟﻠﯩﺴﻰ ﺭﻩﺋﯩﺴﻰ ﻧﯘﺭ ﺑﻪﺭﺩﯨﻴﯧﯟﺍ ﺧﺎﻧﯩﻢ ﺑﯩﻠﻪﻧﻤﯘ ﻛﯚﺭﯛﺷﯜﭖ، ﺳﯚﻫﺒﻪﺕ ﺋﯧﻠﯩﭗ ﺑﺎﺭﻏﺎﻥ.

ﺑﯘ ﯞﯦﻦ ﺟﻴﺎﺑﺎﯞﻧﯩﯔ ﺗﯘﻧﺠﻰ ﻗﯧﺘﯩﻢ ﺗﯜﺭﻛﻤﻪﻧﯩﺴﺘﺎﻧﻨﻰ ﺯﯨﻴﺎﺭﻩﺕ ﻗﯩﻠﯩﺸﻰ ﺑﻮﻟﯘﭖ، ﺑﯘ ﻳﯩﻞ 7 - ﺋﺎﻳﺪﺍ ﺗﯜﺭﻛﻤﻪﻧﯩﺴﺘﺎﻧﻨﯩﯔ ﻳﯧﯖﻰ ﭘﺮﯦﺰﯨﺪﯦﻨﺘﻰ ﻗﯘﺭﺑﺎﻧﮕﯜﻝ ﺑﻪﺭﺩﯨﻤﯘﻫﻪﻣﻤﻪﺩﻭﻑ ﺑﯧﻴﺠﯩﯖﻨﻰ ﺯﯨﻴﺎﺭﻩﺕ ﻗﯩﻠﯩﭗ، ﺭﻩﺋﯩﺲ ﺧﯘ ﺟﯩﻨﺘﺎﯞ ﯞﻩ ﺑﺎﺵ ﻣﯩﻨﯩﺴﺘﯩﺮ ﯞﯦﻦ ﺟﻴﺎﺑﺎﯞ ﺑﯩﻠﻪﻥ ﻛﯚﺭﯛﺷﯜﭖ، ﺋﯩﻜﻜﻰ ﺩﯙﻟﻪﺕ ﻣﯘﻧﺎﺳﯩﯟﻩﺗﻠﯩﺮﯨﻨﻰ ﻛﯜﭼﻪﻳﺘﯩﺸﻜﻪ ﯞﻩﺩﻩ ﺑﻪﺭﮔﻪﻥ ﻫﻪﻣﺪﻩ ﻣﻪﺭﻫﯘﻡ ﭘﺮﯦﺰﯨﺪﯦﻨﺘﻰ ﺳﻪﭘﻪﺭ ﻣﯘﺭﺍﺕ ﻧﯩﻴﺎﺯﻭﯞ ﺩﻩﯞﺭﯨﺪﻩ ﺋﯩﻤﺰﺍﻻﻧﻐﺎﻥ ﺋﯧﻨﯧﺮﮔﯩﻴﻪ ﯞﻩ ﺳﯩﻴﺎﺳﯩﻲ ﻣﻪﺳﯩﻠﯩﻠﻪﺭﮔﻪ ﺋﺎﺋﯩﺖ ﻛﯧﻠﯩﺸﯩﻤﻠﻪﺭﻧﯩﯔ ﺩﺍﯞﺍﻣﻠﯩﻖ ﻛﯜﭼﻜﻪ ﺋﯩﮕﻪ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ.

ﺭﯗﺳﯩﻴﻪ ﺋﺎﮔﯧﻨﺘﻠﯩﻘﻠﯩﺮﯨﻨﯩﯔ ﺧﻪﯞﻩﺭ-ﺋﺎﻧﺎﻟﯩﺰﻟﯩﺮﯨﻐﺎ ﺋﺎﺳﺎﺳﻼﻧﻐﺎﻧﺪﺍ، ﺗﯜﺭﻛﻤﻪﻧﯩﺴﺘﺎﻥ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻐﺎ ﺋﻪﺯﺍ ﺩﯙﻟﻪﺕ ﺋﻪﻣﻪﺱ، ﺑﯩﺮﺍﻕ ﺋﯘ ﺋﯧﻨﯧﺮﮔﯩﻴﯩﮕﻪ ﺑﺎﻱ ﻣﻪﻣﻠﯩﻜﻪﺕ ﺑﻮﻟﯘﭖ، ﺧﯩﺘﺎﻱ ﺗﻪﺭﻩﭖ ﺗﯜﺭﻛﻤﻪﻧﯩﺴﺘﺎﻥ ﺑﯩﻠﻪﻥ ﺗﻪﺑﯩﺌﯩﻲ ﮔﺎﺯ ﺗﯘﺭﯗﺑﯩﺴﻰ ﻗﯘﺭﯗﭖ، ﺗﯜﺭﻛﻤﻪﻧﯩﺴﺘﺎﻥ ﺧﯩﺘﺎﻳﻐﺎ ﻫﻪﺭ ﻳﯩﻠﻰ 30 ﻣﯩﻠﻴﺎﺭﺩ ﻛﯘﺏ ﻣﯧﺘﯩﺮ ﺗﻪﺑﯩﺌﯩﻲ ﮔﺎﺯ ﻣﺎﯕﺪﯗﺭﯗﺷﻘﺎ ﻗﻮﺷﯘﻟﻐﺎﻥ ﺑﻮﻟﺴﯩﻤﯘ، ﺑﯩﺮﺍﻕ، ﺭﯗﺳﯩﻴﻪ ﺋﻮﺧﺸﺎﺷﻼ ﺗﯜﺭﻛﻤﻪﻧﯩﺴﺘﺎﻥ ﺑﯩﻠﻪﻥ ﺗﻪﺑﯩﺌﯩﻲ ﮔﺎﺯ ﻛﯧﻠﯩﺸﯩﻤﻰ ﺗﯜﺯﯛﭖ، ﺗﯜﺭﻛﻤﻪﻥ ﮔﺎﺯﻟﯩﺮﯨﻨﻰ ﺭﯗﺳﯩﻴﯩﮕﻪ ﺗﺎﺭﺗﯩﺸﻘﺎ ﻛﯧﻠﯩﺸﯩﻢ ﻫﺎﺳﯩﻞ ﻗﯩﻠﻐﺎﻥ، ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ ﺑﻮﻟﺴﺎ ﻛﺎﺳﭙﻰ ﺩﯦﯖﯩﺰﻯ ﺋﺎﺭﻗﯩﻠﯩﻖ ﺗﯜﺭﻛﻤﻪﻥ ﮔﺎﺯﻟﯩﺮﯨﻨﻰ ﻛﯩﭽﯩﻚ ﺋﺎﺳﯩﻴﺎ ﻳﻮﻟﻰ ﺑﯩﻠﻪﻥ ﻳﺎﯞﺭﻭﭘﺎﻏﺎ ﻣﺎﯕﺪﯗﺭﯗﺵ ﺗﻪﻛﻠﯩﭙﻠﯩﺮﯨﻨﻰ ﺑﻪﺭﻣﻪﻛﺘﻪ.

ﻣﺎﻧﺎ ﻣﯘﺷﯘﻧﺪﺍﻕ ﻣﯘﺭﻩﻛﻜﻪﭖ ﺭﯨﻘﺎﺑﻪﺗﻜﻪ ﺩﯗﭺ ﻛﻪﻟﮕﻪﻥ ﺧﯩﺘﺎﻱ ﺋﯩﻤﻜﺎﻥ ﻗﻪﺩﻩﺭ ﺗﯜﺭﻛﻤﻪﻧﯩﺴﺘﺎﻧﻨﻰ ﻗﻮﻟﻐﺎ ﻛﻪﻟﺘﯜﺭﯛﺵ ﺋﯜﭼﯜﻥ ﺗﯩﺮﯨﺸﻤﺎﻗﺘﺎ. ﺭﯗﺳﯩﻴﻪ ﺑﻮﻟﺴﺎ، ﺧﯩﺘﺎﻳﻨﯩﯔ ﺋﻪﯓ ﭼﻮﯓ ﺋﯧﻨﯧﺮﮔﯩﻴﻪ ﺭﯨﻘﺎﺑﻪﺗﭽﯩﺴﯩﮕﻪ ﺋﺎﻳﻼﻧﻐﺎﻥ. ﺷﯘ ﯞﻩﺟﯩﺪﯨﻦ ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﯨﻨﯩﯔ ﺑﯘ ﻗﯧﺘﯩﻤﻘﻰ ﺯﯨﻴﺎﺭﯨﺘﻰ ﻣﯘﻫﯩﻢ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﻣﻪﻗﺴﻪﺗﻠﻪﺭﻧﻰ ﻛﯚﺯﻟﯩﮕﻪﻥ. (ﺋﯜﻣﯩﺪﯞﺍﺭ)