ﻟﯧﻜﯩﻦ ﺋﯘ،ﺧﯩﺘﺎﻳﻐﺎ ﻳﯧﺘﯩﭗ ﻛﻪﻟﮕﻪﻥ ﺷﯘ ﻛﯜﻧﯩﻼ ﺳﯩﭽﯜﺋﻪﻧﻨﯩﯔ ﻳﻪﺭ ﺗﻪﯞﺭﻩﺵ ﺋﺎﭘﯩﺘﯩﮕﻪ ﺋﯘﭼﺮﯨﻐﺎﻥ ﺟﺎﻳﯩﻐﺎ ﺑﯧﺮﯨﭗ، ﺋﺎﭘﻪﺗﻜﻪ ﺋﯘﭼﺮﺍﺵ ﺋﻪﻫﯟﺍﻟﯩﻨﻰ ﻛﯚﺭﺩﻯ ﻫﻪﻡ ﺗﻮﻧﯘﺷﺘﯘﺭﯗﺷﻼﺭﻧﻰ ﺋﺎﯕﻠﯩﺪﻯ. ﺷﯩﻨﺨﯘﺋﺎﻧﯩﯔ ﺧﻪﯞﯨﺮﯨﺪﻩ ﺋﯧﻴﺘﯩﻠﯩﺸﯩﭽﻪ، ﺭﺍﻳﯩﺲ ﺧﺎﻧﯩﻢ ﺟﯘﯕﮕﻮﻧﯩﯔ ﺋﺎﭘﻪﺗﺘﯩﻦ ﻗﯘﺗﯘﻟﺪﯗﺭﯗﺵ ﺋﯩﺸﻠﯩﺮﯨﻐﺎ ﻳﯘﻗﯩﺮﻯ ﺑﺎﻫﺎ ﺑﻪﺭﮔﻪﻥ.

ﺋﯘ، ﺧﯩﺘﺎﻳﻨﯩﯔ ﺋﺎﭘﻪﺗﺘﯩﻦ ﻗﯘﺗﻘﯘﺯﯗﺵ ﺋﯩﺸﻠﯩﺮﯨﺪﺍ ﺧﻪﻟﻘﺌﺎﺭﺍ ﺟﻪﻣﯩﻴﻪﺗﻨﯩﯔ ﻳﺎﺭﺩﯨﻤﯩﻨﻰ ﻗﻮﺑﯘﻝ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﯩﺸﻰ ﻫﻪﻣﺪﻩ ﻗﻮﺑﯘﻝ ﻗﯩﻠﯩﺸﯩﻨﻰ ﻣﺎﺧﺘﺎﭖ، ﺑﯘﻧﻰ ﺑﯩﺮﻣﺎ ﻫﻪﺭﺑﯩﻲ ﻫﯚﻛﯜﻣﯩﺘﯩﻨﯩﯔ ﺧﻪﻟﻘﺌﺎﺭﺍ ﺟﻪﻣﯩﻴﻪﺗﻨﯩﯔ ﺩﯦﯖﯩﺰ ﺑﯚﺭﯨﻨﯩﯔ ﺋﺎﭘﯩﺘﯩﮕﻪ ﺋﯘﭼﺮﯨﻐﺎﻥ ﻛﯩﺸﯩﻠﻪﺭﮔﻪ ﻛﯚﺭﺳﻪﺗﻤﻪﻛﭽﻰ ﺑﻮﻟﻐﺎﻥ ﻳﺎﺭﺩﻩﻣﻠﯩﺮﯨﮕﻪ ﺗﻮﺳﻘﯘﻧﻠﯘﻕ ﻗﯩﻠﻐﺎﻧﻠﯩﻘﻰ ﺑﯩﻠﻪﻥ ﺳﯧﻠﯩﺸﺘﯘﺭﯗﭖ، ﺧﯩﺘﺎﻳﻨﯩﯔ ﺑﯘ ﺟﻪﻫﻪﺗﺘﻪ ﺋﯚﺯﮔﯩﭽﯩﻠﯩﻜﯩﻨﻰ ﻛﯚﺭﺳﻪﺗﻜﻪﻧﻠﯩﻜﯩﻨﻰ ﻣﯘﺋﻪﻳﻴﻪﻧﻠﻪﺷﺘﯜﺭﮔﻪﻥ.

ﻛﻮﻧﺪﺍ ﻟﯩﺰﺍ ﺭﺍﻳﯩﺲ ﺳﯩﭽﯜﻩﻥ ﺳﻪﭘﯩﺮﯨﺪﯨﻦ ﻛﯧﻴﯩﻦ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻳﺎﯓ ﺟﯩﺌﯧﭽﻰ ﺑﯩﻠﻪﻥ ﺭﻩﺳﻤﯩﻲ ﻛﯚﺭﯛﺷﯜﭖ، ﺳﯚﻫﺒﻪﺕ ﺋﯧﻠﯩﭗ ﺑﺎﺭﻏﺎﻥ. ﺳﯚﻫﺒﻪﺕ ﺟﻪﺭﻳﺎﻧﯩﺪﺍ ﺋﯩﻜﻜﻰ ﺩﯙﻟﻪﺕ ﻣﯘﻧﺎﺳﯩﯟﻩﺗﻠﯩﺮﻯ، ﺗﻪﻳﯟﻩﻥ ﻣﻪﺳﯩﻠﯩﺴﻰ، ﺷﯩﻤﺎﻟﯩﻲ ﻛﻮﺭﯨﻴﻪ ﻣﻪﺳﯩﻠﯩﺴﻰ ﻗﺎﺗﺎﺭﻟﯩﻖ ﻛﯚﭖ ﻣﻪﺳﯩﻠﯩﻠﻪﺭ ﻫﻪﻗﻘﯩﺪﻩ ﭘﯩﻜﯩﺮ ﺋﺎﻟﻤﺎﺷﺘﯘﺭﯗﻟﻐﺎﻥ.

ﺭﺍﻳﯩﺲ ﺧﺎﻧﯩﻤﻨﯩﯔ ﺑﯘ ﺋﯘﭼﺮﯨﺸﯩﺸﯩﺪﺍ ﺗﯩﺒﻪﺕ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﻠﯩﺮﻯ ﻣﯘﺯﺍﻛﯩﺮﻩ ﻗﯩﻠﯩﻨﺪﯨﻤﯘ ﻳﻮﻕ، ﻫﺎﺯﯨﺮﭼﻪ ﻧﺎﻣﻪﻟﯘﻡ ﺑﻮﻟﻤﯩﺴﯩﻤﯘ، ﻟﯧﻜﯩﻦ ﺧﯩﺘﺎﻱ ﺗﻪﺭﻩﭖ ﺩﺍﻻﻱ ﻻﻣﺎﻧﯩﯔ ﯞﻩﻛﯩﻠﻠﯩﺮﻯ ﺑﯩﻠﻪﻥ ﺋﯚﺗﻜﯜﺯﯛﻟﯩﺪﯨﻐﺎﻥ ﺭﻩﺳﻤﯩﻲ ﺳﯚﻫﺒﻪﺗﻨﯩﯔ ﭘﺎﺕ ﻳﯧﻘﯩﻨﺪﺍ ﺋﻪﺳﻠﯩﮕﻪ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﺋﺎﺷﻜﺎﺭﯨﻠﯩﻐﺎﻥ. ﺋﺎﺭﯨﻠﯩﻘﺘﺎ ﺧﯩﺘﺎﻱ ﺑﯘ ﺳﯚﻫﺒﻪﺗﻨﻰ ﺗﻮﺧﺘﯩﺘﯩﭗ ﻗﻮﻳﻐﺎﻥ ﺋﯩﺪﻯ.