ﺧﯩﺘﺎﻱ ﺑﯩﻠﻪﻥ ﺋﺎﻣﯧﺮﯨﻜﺎ ﻛﯩﺸﯩﻠﯩﻚ ﻫﻮﻗﯘﻕ ﺳﯚﻫﺒﯩﺘﯩﻨﻰ ﻗﺎﻳﺘﯩﺪﯨﻦ ﺋﻪﺳﻠﯩﮕﻪ ﻛﻪﻟﺘﯜﺭﻣﻪﻛﭽﻰ

ﺋﻪﻧﮕﯩﻠﯩﻴﻪ ﺏ ﺏ ﺱ ﺭﺍﺩﯨﺌﻮ ‏- ﺗﯧﻠﯧﯟﯨﺰﯨﻴﯩﺴﯩﻨﯩﯔ ﺧﻪﯞﯨﺮﯨﺪﻩ ﻛﯚﺭﺳﯩﺘﯩﺸﯩﭽﻪ، ﻳﯧﻘﯩﻨﻘﻰ ﻛﯜﻧﻠﻪﺭﺩﻩ ﺑﯧﻴﺠﯩﯖﺪﺍ ﺯﯨﻴﺎﺭﻩﺗﺘﻪ ﺑﻮﻟﯘﯞﺍﺗﻘﺎﻥ ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻛﺎﻧﺪﯨﻠﯩﺰﺍ ﺭﺍﻳﯩﺲ ﺑﯩﻠﻪﻥ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻳﺎﯓ ﺟﯩﯧﭽﻰ ﻛﯚﺭﯛﺷﯜﺵ ﺟﻪﺭﻳﺎﻧﯩﺪﺍ،ﺋﺎﻣﯧﺮﯨﻜﺎ ﺑﯩﻠﻪﻥ ﺧﯩﺘﺎﻱ ﺋﺎﺭﯨﺴﯩﺪﺍ ﺗﯚﺕ ﻳﯩﻠﺪﯨﻦ ﺑﯘﻳﺎﻥ ﺋﯜﺯﯛﻟﯜﭖ ﻗﺎﻟﻐﺎﻥ ﻛﯩﺸﯩﻠﯩﻚ ﻫﻮﻗﯘﻕ ﺳﯚﻫﺒﯩﺘﯩﻨﻰ ﺋﻪﺳﻠﯩﮕﻪ ﻛﻪﻟﺘﯜﺭﯛﺵ ﻫﻪﻗﻘﯩﺪﻩ ﺳﯚﻫﺒﻪﺗﺘﻪ ﺑﻮﻟﻐﺎﻥ. ﺧﯩﺘﺎﻱ ﺑﯩﻠﻪﻥ ﺋﺎﻣﯧﺮﯨﻜﺎ 1990- ﻳﯩﻠﯩﺪﯨﻦ ﺑﺎﺷﻼﭖ ﻛﯩﺸﯩﻠﯩﻚ ﻫﻮﻗﯘﻕ ﺳﯚﻫﺒﯩﺘﯩﻨﻰ ﻗﻪﺭﻩﻟﺴﯩﺰ ﺋﯧﻠﯩﭗ ﺑﯧﺮﯨﺸﻘﺎ ﭘﯜﺗﯜﺷﻜﻪﻥ ﺋﯩﺪﻯ.

ﺋﻪﻣﻤﺎ ﺟﻮﺭﺝ ﺑﯘﺵ ﻫﯚﻛﯜﻣﯩﺘﯩﻨﯩﯔ 2002 - ﻳﯩﻠﻰ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﻛﯩﺸﯩﻠﯩﻚ ﻫﻮﻗﯘﻕ ﺗﻪﻛﺸﯜﺭﯛﺵ ﮔﯘﺭﯗﭘﭙﯩﺴﯩﻨﻰ ﺧﯩﺘﺎﻳﻐﺎ ﻛﯩﺮﮔﯜﺯﯛﻟﻤﯩﮕﻪﻧﻠﯩﻜﻰ ﺳﻪﯞﻩﺑﻠﯩﻚ ﺧﯩﺘﺎﻳﻨﻰ ﺋﻪﻳﯩﺒﻠﯩﺸﻰ ﺑﯩﻠﻪﻥ، ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﯨﻜﻰ ﺳﯚﻫﺒﻪﺗﺘﻪ ﺋﯩﺨﺘﯩﻼﭖ ﭘﻪﻳﺪﺍ ﺑﻮﻟﻐﺎﻥ ﯞﻩ ﺧﯩﺘﺎﻱ 2004 - ﻳﯩﻠﻰ ﺋﺎﻣﯧﺮﯨﻜﺎ ﺑﯩﻠﻪﻥ ﻛﯩﺸﯩﻠﯩﻚ ﻫﻮﻗﯘﻕ ﺳﯚﻫﺒﯩﺘﯩﻨﻰ ﺋﯜﺯﺩﻯ.

ﺏ ﺏ ﺱ ﻧﯩﯔ ﺧﻪﯞﯨﺮﯨﺪﻩ ﺗﻪﻛﯩﺘﻠﯩﺸﯩﭽﻪ، ﮔﻪﺭﭼﻪ ﻛﺎﻧﺪﯨﻠﯩﺰﺍ ﺭﺍﻳﯩﺴﻨﯩﯔ ﺑﯘ ﻗﯧﺘﯩﻢ ﺑﯧﻴﺠﯩﯖﺪﯨﻜﻰ ﺋﯩﻜﻜﻰ ﻛﯜﻧﻠﯜﻙ ﺯﯨﻴﺎﺭﯨﺘﻰ، ﺷﯩﻤﺎﻟﯩﻲ ﻛﻮﺭﯨﻴﻪ ﻳﺎﺩﺭﻭ ﻣﻪﺳﯩﻠﯩﺴﯩﺪﻩ، ﺋﺎﻟﺘﻪ ﺗﻪﺭﻩﭖ ﺳﯚﻫﺒﯩﺘﯩﺪﻩ ﻣﯘﻫﯩﻢ ﺋﻮﺭﯗﻥ ﺗﯘﺗﯘﯞﺍﺗﻘﺎﻥ ﺧﯩﺘﺎﻳﻨﻰ ﺷﯩﻤﺎﻟﯩﻲ ﻛﻮﺭﯨﻴﯩﮕﻪ ﺑﯧﺴﯩﻢ ﺋﯩﺸﻠﯩﺘﯩﺸﻜﻪ ﺩﻩﯞﻩﺕ ﻗﯩﻠﯩﺸﻨﻰ ﻣﻪﻗﺴﻪﺕ ﻗﯩﻠﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﯘ ﻳﺎﯓ ﺟﯩﯧﭽﻰ ﺑﯩﻠﻪﻥ ﺳﯚﻫﺒﻪﺕ ﺟﻪﺭﻳﺎﻧﯩﺪﺍ ﺋﺎﻣﯧﺮﯨﻜﯩﻨﯩﯔ ﺗﻪﻳﯟﻩﻧﻨﯩﯔ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻐﺎ ﻛﯩﺮﯨﺸﯩﻨﻰ ﻗﻮﻟﻠﯩﻤﺎﺳﻠﯩﻖ ﻣﻪﻳﺪﺍﻧﯩﻨﻰ ﻗﺎﻳﺘﺎ ﺗﻪﻛﯩﺘﻠﯩﮕﻪﻥ.

ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ، ﺑﯘﺵ ﻫﯚﻛﯜﻣﯩﺘﯩﻨﻰ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﻘﺎ ﺧﯩﻼﭖ ﻫﻪﺭﯨﻜﻪﺗﻠﯩﺮﯨﮕﻪ ﻗﺎﺭﯨﺘﺎ، ﺟﯩﺪﺩﯨﻲ ﺗﻪﻧﻘﯩﺪﯨﻲ ﭘﻮﺯﯨﺘﺴﯩﻴﻪ ﺗﯘﺗﻤﺎﻱ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺷﯘﻧﺪﺍﻗﻼ ﺑﯘ ﺋﺎﺭﻗﯩﻠﯩﻖ ﺋﯚﺯﯨﻨﯩﯔ ﺷﯩﻤﺎﻟﯩﻲ ﻛﻮﺭﯨﻴﻪ ﻫﻪﻣﺪﻩ ﺋﯩﺮﺍﻥ ﻣﻪﺳﯩﻠﯩﻠﯩﺮﯨﺪﻩ ﯞﻩ ﺗﯧﺮﺭﻭﺭﭼﯩﻠﯩﻘﻘﺎ ﻗﺎﺭﺷﻰ ﻫﻪﺭﯨﻜﻪﺗﻠﯩﺮﯨﺪﻩ ﺧﯩﺘﺎﻳﻨﯩﯔ ﻗﻮﻟﻠﯩﺸﯩﻐﺎ ﺋﯧﺮﯨﺸﯩﺸﻨﻰ ﻣﻪﻗﺴﻪﺕ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺗﻪﻧﻘﯩﺪ ﻗﯩﻠﯩﭗ ﻛﻪﻟﻤﻪﻛﺘﻪ. (ﮔﯜﻟﭽﯧﻬﺮﻩ)