ﺧﯩﺘﺎﻱ ﺩﯗﻧﻴﺎ ﺑﻮﻳﯩﭽﻪ ﺋﯧﻨﯩﺮﮔﯩﻴﻪ ﺳﻪﺭﭘﯩﻴﺎﺗﻰ ﺋﻪﯓ ﭼﻮﯓ ﺩﯙﻟﻪﺗﻜﻪ ﺋﺎﻳﻠﯩﻨﯩﺪﯗ

ﺧﻪﻟﻘﺌﺎﺭﺍ ﺋﯧﻨﯩﺮﮔﯩﻴﻪ ﺋﺎﮔﯧﻨﺘﻠﯩﻘﻰ ﺗﻪﺷﻜﯩﻼﺗﻰ ﭘﻪﻳﺸﻪﻧﺒﻪ ﻛﯜﻧﻰ ﺩﻭﻛﻼﺕ ﺋﯧﻼﻥ ﻗﯩﻠﯩﭗ، 2010 ‏- ﻳﯩﻠﯩﻐﯩﭽﻪ، ﺟﻮﯕﮕﯘﻧﯩﯔ ﺩﯗﻧﻴﺎ ﺑﻮﻳﯩﭽﻪ ﺋﯧﻨﯩﺮﮔﯩﻴﻪ ﺳﻪﺭﭘﯩﻴﺎﺗﻰ ﺋﻪﯓ ﻛﯚﭖ ﺩﯙﻟﻪﺗﻜﻪ ﺋﺎﻳﻠﯩﻨﯩﺪﯨﻐﺎﻧﻠﯩﻘﯩﻨﻰ ﺋﺎﺷﻜﺎﺭﯨﻠﯩﺪﻯ.

ﺧﻪﻟﻘﺌﺎﺭﺍ ﺋﯧﻨﯩﺮﮔﯩﻴﻪ ﺋﺎﮔﯧﻨﺘﻠﯩﻘﯩﻨﯩﯔ ﺑﯘ ﺩﻭﻛﻼﺗﯩﺪﺍ ﻳﻪﻧﻪ، ﺟﻮﯕﮕﯘﻧﯩﯔ ﺋﯧﻨﯩﺮﮔﯩﻴﻪ ﺑﻮﻟﻐﺎﻥ ﺋﯧﻬﺘﯩﻴﺎﺟﯩﻨﯩﯔ ﺋﺎﻣﯧﺮﯨﻜﯩﺪﯨﻦ ﺋﯧﺸﯩﭗ ﭼﯜﺷﯩﺪﯨﻐﺎﻧﻠﯩﻘﻰ ﺑﯩﻠﺪﯛﺭﯛﻟﮕﻪﻥ.

ﺩﻭﻛﻼﺗﺘﺎ ﻣﯚﻟﭽﻪﺭﻟﯩﻨﯩﺸﯩﭽﻪ، ﺋﯧﻨﯩﺮﮔﯩﻴﯩﮕﻪ ﺑﻮﻟﻐﺎﻥ ﺋﯧﻬﺘﯩﻴﺎﺟﯩﻨﯩﯔ ﻛﯚﭘﯩﻴﯩﺸﯩﮕﻪ ﺋﻪﮔﯩﺸﯩﭗ، ﺟﻮﯕﮕﯘ ﺩﯗﻧﻴﺎ ﺑﻮﻳﯩﭽﻪ ﻣﯘﻫﯩﺘﻨﻰ ﺋﻪﯓ ﻛﯚﭖ ﺑﯘﻟﻐﺎﻳﺪﯨﻐﺎﻥ ﺩﯙﻟﻪﺗﻜﻪ ﺋﺎﻳﻠﯩﻨﯩﺪﯨﻜﻪﻥ. ﺟﻮﯕﮕﯘ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﯩﻨﯩﯔ ﻳﯜﻛﺴﯩﻠﯩﺸﻰ ﻧﻪﺗﯩﺠﯩﺴﯩﺪﻩ، ﻣﻪﺯﻛﯜﺭ ﺩﯙﻟﻪﺗﻨﯩﯔ ﺗﻪﺑﯩﺌﻰ ﺋﯧﻨﯩﺮﮔﯩﻴﯩﮕﻪ ﺑﻮﻟﻐﺎﻥ ﺋﯧﻬﺘﯩﻴﺎﺟﯩﻤﯘ ﻛﯜﻧﺪﯨﻦ - ﻛﯜﻧﮕﻪ ﺋﺎﺷﻤﺎﻗﺘﺎ ﺷﯘﯕﺎ ﺟﻮﯕﮕﯘ ﺋﺎﻓﺮﯨﻘﺎ، ﺋﻮﺗﺘﯘﺭﺍ ﺷﻪﺭﻕ ﯞﻩ ﺋﻮﺗﺘﯘﺭﺍ ﺋﺎﺳﯩﻴﺎ ﺩﯙﻟﻪﺗﻠﯩﺮﯨﺪﯨﻦ ﻣﯧﻨﺮﺍﻝ ﻳﯧﻘﯩﻠﻐﯘ ﺗﻪﻟﻪﭖ ﻗﯩﻠﻤﺎﻗﺘﺎ.

ﺧﻪﻟﻘﺌﺎﺭﺍ ﺋﯧﻨﯩﺮﮔﯩﻴﻪ ﺋﺎﮔﯧﻨﺘﻠﯩﻘﯩﻨﯩﯔ ﺩﻭﻛﻼﺗﯩﺪﺍ ﺧﯩﺘﺎﻳﻨﯩﯔ ﺋﯧﻨﯩﺮﮔﯩﻴﯩﮕﻪ ﺑﻮﻟﻐﺎﻥ ﺋﯧﻬﺘﯩﻴﺎﺟﻰ، ﺋﯘﻧﯩﯔ ﺩﯗﻧﻴﺎ ﻫﺎﯞﺍ ﻛﯩﻠﯩﻤﺎﺗﯩﻐﺎ ﺋﻪﯓ ﭼﻮﯓ ﺗﻪﺳﯩﺮ ﻛﯚﺭﺳﯩﺘﯩﺪﯨﻐﺎﻥ ﺩﯙﻟﻪﺗﻜﻪ ﺋﺎﻳﻠﯩﻨﯩﺸﯩﻐﺎ ﻳﻮﻝ ﺋﺎﭼﯩﺪﯨﻐﺎﻧﻠﯩﻘﻰ ﻗﺎﻳﺘﺎ - ﻗﺎﻳﺘﺎ ﺗﻪﻛﯩﺘﻠﻪﻧﮕﻪﻥ.

ﺟﻮﯕﮕﯘ ﺩﺍﺋﯩﺮﯨﻠﯩﺮﻯ ﻣﯘﻫﯩﺘﻨﻰ ﺋﯚﺯﮔﻪﺭﺗﯩﺶ ﭼﺎﺭﯨﻠﯩﺮﯨﻨﻰ ﺋﯩﺸﻘﺎ ﺳﯧﻠﯩﺶ ﺗﻪﻟﻪﭘﻠﯩﺮﯨﻨﻰ ﺭﻩﺕ ﻗﯩﻠﯩﭗ، ﺋﺎﻟﺪﻯ ﺑﯩﻠﻪﻥ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﻨﻰ ﮔﯜﻟﻠﻪﻧﺪﯛﺭﯛﺷﻨﻰ ﺗﻪﺭﻏﯩﭗ ﻗﯩﻠﯩﭗ ﻛﻪﻟﻤﻪﻛﺘﻪ.

ﻏﻪﺭﯨﭗ ﺋﻪﻟﻠﯩﺮﯨﻨﯩﯔ ﺧﯩﺘﺎﻳﻐﺎ ﻗﺎﺭﺍﺗﻘﺎﻥ ﺋﯧﻨﯩﺮﮔﯩﻴﻪ ﺳﻪﺭﭘﯩﻴﺎﺗﯩﻨﻰ ﺋﺎﺯﺍﻳﺘﯩﺶ ﻫﻪﻗﻘﯩﺪﯨﻜﻰ ﺗﻪﻧﻘﯩﺪﻯ، ﺧﯩﺘﺎﻳﻐﺎ ﻫﯩﭽﻘﺎﻧﺪﺍﻕ ﺗﻪﺳﯩﺮ ﻛﯚﺭﺳﻪﺗﻤﯩﮕﻪﻥ ﺑﻮﻟﯘﭖ، ﺧﯩﺘﺎﻱ ﺑﯘ ﺟﻪﻫﻪﺗﺘﻪ ﺋﯚﺯﯨﻨﻰ ﭘﻪﻗﻪﺕ ﻏﻪﺭﯨﭗ ﺋﻪﻟﻠﯩﺮﯨﺪﯨﻜﻰ ﺋﯩﺴﺘﯩﻤﺎﻟﭽﯩﻼﺭ ﺋﯜﭼﯜﻥ ﻣﻪﻫﺴﯘﻻﺕ ﺋﯩﺸﻠﻪﭘﭽﯩﻘﯩﺮﯨﯟﺍﺗﻘﺎﻥ ﺩﯙﻟﻪﺕ ﺩﻩﭖ ﺋﺎﻗﻼﭖ ﻛﻪﻟﻤﻪﻛﺘﻪ. (ﺋﻪﻗﯩﺪﻩ)