ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﺷﯟﯦﺘﺴﺎﺭﯨﻴﻪ ﺑﺎﻧﻜﯩﺴﯩﻨﻰ ﺧﯩﺘﺎﻱ ﻧﯧﻔﯩﺖ ﺷﯩﺮﻛﯩﺘﻰ ﺑﯩﻠﻪﻥ ﻫﻪﻣﻜﺎﺭﻻﺷﻤﺎﺳﻠﯩﻘﻘﺎ ﭼﺎﻗﯩﺮﺩﻯ

ﺧﻮﻟﻠﯩﯟﯗﺩ ﺋﺎﺭﺗﯩﺴﻰ ﻣﯩﻴﺎ ﻓﺎﺭﻭﯞ ﻗﺎﺗﺎﺭﻟﯩﻘﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻗﻮﻟﻠﯩﻐﯘﭼﻰ ﺋﻪﺭﺑﺎﭘﻼﺭ ﯞﻩ ﻧﻮﺑﯩﻞ ﻣﯘﻛﺎﭘﺎﺗﯩﻐﺎ ﺋﯧﺮﯨﺸﻜﯜﭼﻰ ﺑﯩﺮ ﻗﯩﺴﯩﻢ ﺯﺍﺗﻼﺭ ﺷﯟﯦﺘﺴﺎﺭﯨﻴﻪ ﺑﯩﺮﻟﻪﺷﻤﻪ ﺑﺎﻧﻜﯩﻼﺭ ﮔﯘﺭﯗﻫﯩﻐﺎ ﺧﻪﺕ ﻳﯧﺰﯨﭗ، ﻣﻪﺯﻛﯘﺭ ﺑﺎﻧﻜﯩﻨﻰ ﺧﯩﺘﺎﻱ ﻧﯧﻔﯩﺖ - ﺗﻪﺑﺌﯩﻲ ﮔﺎﺯ ﭘﺎﻱ ﭼﯧﻜﻰ ﭼﻪﻛﻠﯩﻚ ﺷﯩﺮﻛﯩﺘﯩﻨﯩﯔ ﺷﺎﯕﺨﻪﻱ ﺋﺎﻛﺴﯩﻴﻪ ﺑﺎﺯﯨﺮﯨﺪﺍ ﭘﺎﻳﭽﯩﻚ ﺗﺎﺭﻗﯩﺘﯩﺶ ﭘﯩﻼﻧﯩﻐﺎ ﺋﺎﺭﯨﻠﯩﺸﯩﺸﺘﯩﻦ ﯞﺍﺯ ﻛﯧﭽﯩﺸﻜﻪ ﭼﺎﻗﯩﺮﺩﻯ.

ﺧﯩﺘﺎﻱ ﻧﯧﻔﯩﺖ - ﺗﻪﺑﺌﯩﻲ ﮔﺎﺯ ﮔﯘﺭﯗﻫﻰ ﺧﯩﺘﺎﻱ ﻧﯧﻔﯩﺖ - ﺗﻪﺑﺌﯩﻲ ﮔﺎﺯ ﭘﺎﻱ ﭼﯧﻜﻰ ﭼﻪﻛﻠﯩﻚ ﺷﯩﺮﻛﯩﺘﯩﮕﻪ ﭘﺎﻳﭽﯩﻚ ﺑﻮﻟﯘﭖ، ﺟﯘﯕﮕﻮ ﻧﯧﻔﯩﺖ ‏- ﺗﻪﺑﺌﯩﻲ ﮔﺎﺯ ﮔﯘﺭﯗﻫﻰ ﺳﯘﺩﺍﻥ ﻧﯧﻔﯩﺖ ﺋﯩﮕﯩﻠﯩﻜﯩﮕﻪ ﺋﻪﯓ ﻛﯚﭖ ﻣﻪﺑﻠﻪﻍ ﺳﺎﻟﻐﯘﭼﻰ ﻛﺎﺭﺧﺎﻧﺎ ﺋﯩﺪﻯ. ﺑﯘ ﺧﻪﺗﻜﻪ ﺏ ﺩ ﺕ ﻧﯩﯔ ﺭﯗﯞﺍﻧﺪﺍﺩﯨﻜﻰ ﺗﯩﻨﭽﻠﯩﻘﻨﻰ ﻗﻮﻏﺪﯨﻐﯘﭼﻰ ﻗﯩﺴﯩﻤﯩﻨﯩﯔ ﺳﺎﺑﯩﻖ ﻗﻮﻣﺎﻧﺪﺍﻧﻰ، ﻛﺎﻧﺎﺩﺍ ﻛﯧﯖﻪﺵ ﭘﺎﻻﺗﺎ ﺋﻪﺯﺍﺳﻰ ﺩﺍﻟﻠﯧﺮ ﯞﻩ ﺏ ﺩ ﺕ ﺳﯘﺩﺍﻥ ﻣﻪﺳﯩﻠﯩﺴﯩﺪﯨﻜﻰ ﺳﺎﺑﯩﻖ ﻛﯧﻠﯩﺸﺘﯜﺭﮔﯜﭼﻰ ﺋﻪﻣﻪﻟﺪﺍﺭﻯ ﻛﺎﺑﯩﻼﻻﺭ ﺋﯩﻤﺰﺍ ﻗﻮﻳﻐﺎﻥ ﺑﻮﻟﯘﭖ، ﺋﯘﻻﺭ ﺷﯟﯦﺘﺴﺎﺭﯨﻴﻪ ﺑﺎﻧﻜﯩﺴﻰ ﺑﯩﻠﻪﻥ ﺧﯩﺘﺎﻱ ﻧﯧﻔﯩﺖ ﺷﯩﺮﻛﯩﺘﯩﻨﯩﯔ ﻫﻪﻣﻜﺎﺭﻟﯩﻘﯩﺪﯨﻦ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺧﻪﺗﻜﻪ ﺋﯩﻤﺰﺍ ﻗﻮﻳﻐﯘﭼﻰ ﺯﺍﺗﻼﺭﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﺧﯩﺘﺎﻱ ﻧﯧﻔﯩﺖ - ﺗﻪﺑﺌﯩﻲ ﮔﺎﺯ ﮔﯘﺭﯗﻫﻰ ﺳﯘﺩﺍﻥ ﻫﯚﻛﯜﻣﯩﺘﯩﻨﻰ ﻣﺎﻟﯩﻴﻪ ﻛﯩﺮﯨﻤﻰ ﺑﯩﻠﻪﻥ ﺗﻪﻣﯩﻨﻠﻪﭖ، ﺧﺎﺭﺗﯘﻡ ﻫﯚﻛﯜﻣﯩﺘﯩﻨﯩﯔ ﺩﺍﺭﻓﯘﺭ ﺭﺍﻳﻮﻧﯩﺪﯨﻜﻰ ﻗﯩﺮﻏﯩﻨﭽﯩﻠﯩﻘﯩﻐﺎ ﻳﺎﺭﺩﻩﻡ ﺑﻪﺭﻣﻪﻛﺘﻪ. ﺋﯘﻻﺭ ﻳﻪﻧﻪ، ﺧﯩﺘﺎﻱ ﻧﯧﻔﯩﺖ - ﺗﻪﺑﺌﯩﻲ ﮔﺎﺯ ﮔﯘﺭﯗﻫﯩﻨﻰ ﺳﯘﺩﺍﻧﺪﯨﻜﻰ ﻳﻪﺭﻟﯩﻚ ﺧﻪﻟﻘﻨﻰ ﻧﯧﻔﯩﺖ ﭼﯩﻘﯩﺪﯨﻐﺎﻥ ﺭﺍﻳﻮﻧﻼﺭﺩﯨﻦ ﻣﻪﺟﺒﯘﺭﯨﻲ ﻛﯚﭼﯜﺭﯛﺷﻜﻪ ﺋﺎﺭﯨﻼﺷﻘﺎﻥ،ﺩﻩﭖ ﺋﻪﻳﯩﺒﻠﯩﺪﻯ.

ﺟﯘﯕﮕﻮ ﻧﯧﻔﯩﺖ ‏- ﺗﻪﺑﺌﯩﻲ ﮔﺎﺯ ﮔﯘﺭﯗﻫﻰ ﺳﯘﺩﺍﻧﻐﺎ ﻣﻪﺑﻠﻪﻍ ﺳﺎﻟﻐﺎﻥ ﻛﺎﺭﺧﺎﻧﺎ ﺑﻮﻟﯘﭘﻼ ﻗﺎﻟﻤﺎﻱ، ﺋﯘ ﻳﻪﻧﻪ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﻧﯧﻔﯩﺖ - ﺗﻪﺑﺌﯩﻲ ﮔﺎﺯ ﻗﯧﺰﯨﺶ ﻣﻪﺷﻐﯘﻻﺗﻰ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﯞﻩ ﻳﻪﺭﻟﯩﻚ ﺧﻪﻟﻘﻨﯩﯔ ﻧﺎﺭﺍﺯﯨﻠﯩﻘﯩﻐﺎ ﺋﯘﭼﺮﯨﻐﺎﻥ ﺋﻪﯓ ﭼﻮﯓ ﺧﯩﺘﺎﻱ ﺷﯩﺮﻛﯩﺘﯩﺪﯗﺭ. ﻟﯧﻜﯩﻦ ﺷﯟﯦﺘﺴﺎﺭﯨﻴﻪ ﺑﯩﺮﻟﻪﺷﻤﻪ ﺑﺎﻧﻜﯩﻼﺭ ﮔﯘﺭﯗﻫﻰ، ﺟﯘﯕﮕﻮ ﻧﯧﻔﯩﺖ ‏- ﺗﻪﺑﺌﯩﻲ ﮔﺎﺯ ﮔﯘﺭﯗﻫﻰ ﺟﯘﯕﮕﻮ ﻧﯧﻔﯩﺖ ‏- ﺗﻪﺑﺌﯩﻲ ﮔﺎﺯ ﭘﺎﻱ ﭼﯧﻜﻰ ﺷﯩﺮﻛﯩﺘﯩﮕﻪ ﭘﺎﻳﭽﯩﻚ ﺑﻮﻟﺴﯩﻤﯘ، ﻟﯧﻜﯩﻦ ﺑﯘ ﺋﯩﻜﻜﻰ ﻛﺎﺭﺧﺎﻧﺎ ﻗﺎﻧﯘﻧﻰ ﯞﺍﻛﺎﻟﻪﺗﭽﯩﺴﻰ ﺋﺎﻳﺮﯨﻢ - ﺋﺎﻳﺮﯨﻢ ﺋﯩﻜﻜﻰ ﺷﯩﺮﻛﻪﺗﺘﯘﺭ، ﺩﻩﭖ ﺋﻪﺳﻜﻪﺭﺗﯩﭗ، ﺋﯚﺯﻟﯩﺮﯨﻨﯩﯔ ﺳﯘﺩﺍﻧﻐﺎ ﺧﯧﺮﯨﺪﺍﺭ ﺷﯩﺮﻛﻪﺕ ﺑﯩﻠﻪﻥ ﺑﯧﺮﯨﺶ - ﻛﯧﻠﯩﺶ ﻗﯩﻠﻤﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. (ﺋﻪﺭﻛﯩﻦ)