" ﺗﺎﻟﯩﺒﺎﻧﻼﺭ ﺧﯩﺘﺎﻳﻨﯩﯔ ﻗﻮﺭﺍﻟﻠﯩﺮﯨﻨﻰ ﺋﯩﺸﻠﯩﺘﯩﯟﺍﺗﯩﺪﯗ"

ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ ، ﺋﻪﻧﮕﯩﻠﯩﻴﻪ ﺋﻪﻣﻪﻟﺪﺍﺭﻟﯩﺮﻯ ﺗﺎﻟﯩﺒﺎﻧﻼﺭﻧﯩﯔ ﺧﯩﺘﺎﻳﺪﺍ ﻳﺎﺳﺎﻟﻐﺎﻥ ﻗﻮﺭﺍﻟﻼﺭ ﺑﯩﻠﻪﻥ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺋﻪﻧﮕﯩﻠﯩﻴﻪ ﯞﻩ ﺋﯩﺘﺘﯩﭙﺎﻗﺪﺍﺵ ﺩﯙﻟﻪﺗﻠﻪﺭ ﻗﯩﺴﯩﻤﻠﯩﺮﯨﻐﺎ ﻫﯘﺟﯘﻡ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﯛﭖ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺑﯩﻠﻪﻥ ﺑﻮﻟﻐﺎﻥ ﻣﻪﺧﭙﯩﻲ ﺳﯚﻫﺒﻪﺗﺘﻪ ﺑﯘ ﻣﻪﺳﯩﻠﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﯞﻩ ﺧﯩﺘﺎﻳﻨﯩﯔ ﻣﯘﻧﺎﺳﯩﯟﻩﺗﻠﯩﻚ ﺋﻮﺭﮔﺎﻧﻠﯩﺮﻯ ﺑﻮﻟﺴﺎ ﯞﻩﻗﻪﻧﻰ ﺗﻪﻛﺸﯜﺭﯛﺷﻜﻪ ﯞﻩﺩﻩ ﺑﻪﺭﮔﻪﻥ.

ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺋﻪﻧﮕﻠﯩﻴﻪ ﯞﻩ ﺋﺎﻣﯧﺮﯨﻜﺎ ﻗﯩﺴﯩﻤﻠﯩﺮﻯ ﻳﯧﻘﯩﻨﺪﯨﻦ ﺑﯧﺮﻯ ﺗﺎﻟﯩﺒﺎﻧﻼﺭ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﺑﯩﺮ ﻗﺎﻧﭽﻪ ﻗﯧﺘﯩﻤﻠﯩﻖ ﺗﻮﻗﯘﻧﯘﺷﻼﺭﺩﯨﻦ ﻛﯧﻴﯩﻦ ، ﺗﺎﻟﯩﺒﺎﻧﻼﺭ ﺟﻪﯓ ﻣﻪﻳﺪﺍﻧﯩﻐﺎ ﺗﺎﺷﻼﭖ ﻛﻪﺗﻜﻪﻥ ﻗﻮﺭﺍﻟﻼﺭﻧﯩﯔ ﺧﯩﺘﺎﻳﺪﺍ ﻳﺎﺳﺎﻟﻐﺎﻧﻠﯩﻘﯩﻨﻰ ﺑﺎﻳﻘﯩﻐﺎﻥ. ﺑﯘ ﺋﻪﻧﮕﯩﻠﯩﻴﻪ ﻫﯚﻛﯜﻣﯩﺘﯩﻨﯩﯔ ﺗﺎﻟﯩﺒﺎﻧﻼﺭﻧﻰ ﺧﯩﺘﺎﻳﺪﺍ ﻳﺎﺳﺎﻟﻐﺎﻥ ﻗﻮﺭﺍﻟﻼﺭ ﺑﯩﻠﻪﻥ ﻗﻮﺭﺍﻟﻼﻧﺪﯗﺭﯗﺵ ﻣﻪﺳﯩﻠﯩﺴﯩﻨﻰ ﺗﯘﻧﺠﻰ ﻗﯧﺘﯩﻢ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯩﻠﻪﻥ ﺑﻮﻟﻐﺎﻥ ﺳﯚﻫﺒﻪﺗﺘﻪ ﺋﻮﺗﺘﯘﺭﯨﻐﺎ ﻗﻮﻳﯘﺷﻰ ﯞﻩ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﮕﻪ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﺷﻰ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ. ﺋﻪﻧﮕﯩﻠﯩﻴﯩﻨﯩﯔ ﺑﯩﺮ ﺋﻪﻣﻪﻟﺪﺍﺭﻯ ﻳﯧﻘﯩﻨﺪﺍ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺑﯩﻠﻪﻥ ﺋﯚﺗﻜﯜﺯﮔﻪﻥ ﺑﯩﺮ ﺳﯚﻫﺒﻪﺗﺘﻪ ﺋﻪﻧﮕﯩﻠﯩﻴﯩﻨﯩﯔ ﺑﯘ ﻣﻪﺳﯩﻠﯩﮕﻪ ﺩﯨﻘﻘﻪﺕ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.

ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺧﯩﺘﺎﻳﻨﯩﯔ ﻗﻮﺭﺍﻝ - ﻳﺎﺭﺍﻗﻼﺭ ﺋﯧﻜﺴﭙﻮﺭﺗﯩﺪﺍ ﺧﯩﺘﺎﻱ ﻗﺎﻧﯘﻧﻠﯩﺮﻯ ﯞﻩ ﺧﻪﻟﻘﺌﺎﺭﺍ ﺋﻪﻫﺪﯨﻨﺎﻣﯩﻼﺭﻏﺎ ﻗﻪﺗﺌﯩﻲ ﺑﻮﻳﺴﯘﻧﯘﯞﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ ﻛﻪﻟﺪﻯ. ﺗﺎﻟﯩﺒﺎﻧﻼﺭ ﻳﯧﻘﯩﻨﺪﯨﻦ ﺑﯧﺮﻯ ﻗﻮﻟﯩﺪﯨﻜﻰ ﻗﻮﺭﺍﻟﻼﺭﻧﯩﯔ ﻧﺎﻫﺎﻳﯩﺘﻰ ﺳﻪﺭﺧﯩﻠﻠﯩﻘﯩﻨﻰ ﻛﯚﺯ - ﻛﯚﺯ ﻗﯩﻠﯩﭗ ﻛﯧﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﯘﻻﺭ ﺑﯘ ﻗﻮﺭﺍﻟﻼﺭﻧﯩﯔ ﻗﻪﻳﻪﺭﺩﯨﻦ ﻛﻪﻟﮕﻪﻧﻠﯩﻜﯩﻨﻰ ﺋﺎﺷﻜﺎﺭﯨﻼﺷﻨﻰ ﺭﻩﺕ ﻗﯩﻠﻤﺎﻗﺘﺎ ﺋﯩﺪﻯ. ﺑﻪﺯﻯ ﺋﺎﻓﻐﺎﻧﯩﺴﺘﺎﻥ ﺋﻪﻣﻪﻟﺪﺍﺭﻟﯩﺮﻯ، ﺗﺎﻟﯩﺒﺎﻧﻼﺭﻧﯩﯔ ﻗﻮﻟﯩﺪﺍ ﺧﯩﺘﺎﻳﺪﺍ ﻳﺎﺳﺎﻟﻐﺎﻥ ﻧﺎﺯﯗﻙ ﺗﯧﺨﻨﯩﻜﯩﻠﯩﻖ ﻗﻮﺭﺍﻟﻼﺭﻧﯩﯔ ﺑﺎﺭﻟﯩﻘﯩﻨﻰ، ﺑﯘ ﻗﻮﺭﺍﻟﻼﺭ ﻳﻪﺭﺩﯨﻦ ﻫﺎﯞﺍﻏﺎ ﻗﻮﻳﯘﭖ ﺑﯧﺮﯨﻠﯩﺪﯨﻐﺎﻥ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﺎ، ﺯﻩﻣﺒﯩﺮﻩﻙ، ﺭﺍﻛﯩﺘﺎ ﯞﻩ ﺑﻮﻣﺒﺎ ﺯﺍﭘﭽﺎﺳﻠﯩﺮﯨﻨﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺏ ﺏ ﺱ ﻧﯩﯔ ﺑﯘ ﻫﻪﻗﺘﯩﻜﻰ ﺧﻪﯞﯨﺮﯨﺪﻩ،" ﭘﺎﻛﯩﺴﺘﺎﻧﺪﯨﻜﻰ ﻗﻮﺭﺍﻟﻠﯩﻖ ﺋﯘﻧﺴﯘﺭﻻﺭﻧﻰ ﻫﻪﺭﺑﯩﻲ ﻳﺎﺭﺍﻗﻼﺭ ﺑﯩﻠﻪﻥ ﺗﻪﻣﯩﻨﻠﻪﺵ ﺧﯩﺘﺎﻱ ﺋﯜﭼﯜﻧﻤﯘ ﻳﺎﺧﺸﻰ ﺑﻮﻟﻤﺎﺳﻠﯩﻘﻰ ﻣﯘﻣﻜﯩﻦ. ﭼﯜﻧﻜﻰ ﻳﯧﻘﯩﻨﻘﻰ ﺑﯩﺮ ﻗﺎﻧﭽﻪ ﻳﯩﻠﺪﯨﻦ ﺑﯧﺮﻯ ﭘﺎﻛﯩﺴﺘﺎﻧﺪﯨﻜﻰ ﺧﯩﺘﺎﻱ ﺋﯩﺸﭽﯩﻼﺭ ﭘﺎﻛﯩﺴﺘﺎﻥ ﻫﻪﺭﺑﯩﻲ ﺩﺍﺋﯩﺮﯨﻠﯩﺮﯨﻨﯩﯔ ﻗﻪﺑﯩﻠﯩﻠﻪﺭ ﺭﺍﻳﻮﻧﯩﺪﯨﻜﻰ 'ﺷﯩﻨﺠﺎﯕﻠﯩﻘﻼﺭ" ﻧﻰ ﻗﻮﻏﻼﭖ ﭼﯩﻘﺎﺭﻏﺎﻧﻠﯩﻘﯩﺪﯨﻦ ﺋﯚﭺ ﺋﺎﻟﯩﺪﯨﻐﺎﻥ ﻧﯩﺸﺎﻥ ﺑﻮﻟﯘﭖ ﻛﻪﻟﺪﻯ" ﺩﻩﭖ ﻳﺎﺯﺩﻯ. (ﮔﯜﻟﭽﯧﻬﺮﻩ)