ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ 17-ﻗﯘﺭﯗﻟﺘﯩﻴﻰ ﻳﯧﭙﯩﻠﺪﻯ

ﻳﻪﻛﺸﻪﻧﺒﻪ ﻛﯜﻧﻰ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ 17-ﻗﯘﺭﯗﻟﺘﯩﻴﻰ ﻳﯧﭙﯩﻠﻐﺎﻥ ﺑﻮﻟﯘﭖ، ﻣﻪﺭﻛﯩﺰﯨﻲ ﻛﻮﻣﯩﺘﯧﺖ ﺋﻪﺯﺍﻟﯩﺮﻯ ﯞﻩ ﻛﺎﻧﺪﯨﺪﺍﺕ ﺋﻪﺯﺍﻟﯩﺮﯨﻨﯩﯔ ﺗﯩﺰﯨﻤﻠﯩﻜﻰ ﺋﯧﻼﻥ ﻗﯩﻠﯩﻨﺪﻯ. ﺋﯘﻳﻐﯘﺭﻻﺭﺩﯨﻦ ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﻯ، ﺋﺎﺑﻠﻪﺕ ﺋﺎﺑﺪﯗﺭﯦﺸﯩﺖ ﻣﻪﺭﻛﯩﺰﯨﻲ ﻛﻮﻣﯩﺘﯧﺖ ﺋﻪﺯﺍﻟﯩﻘﯩﻐﺎ ، ﻧﯘﺭ ﺑﻪﻛﺮﻯ ﻛﺎﻧﺪﯨﺪﺍﺕ ﺋﻪﺯﺍﻟﯩﻘﻘﺎ ﺗﺎﻟﻼﻧﻐﺎﻥ.

ﺧﻪﯞﻩﺭﻟﻪﺭﺩﯨﻦ ﻗﺎﺭﯨﻐﺎﻧﺪﺍ ﺳﺎﺑﯩﻖ ﺧﯩﺘﺎﻱ ﺭﻩﺋﯩﺴﻰ ﺟﻴﺎﯕﺰﯦﻤﯩﻦ ﺗﻪﺭﻩﭘﺪﺍﺭﻯ ﺯﯦﯔ ﭼﯩﯖﺨﯘﯕﻨﯩﯔ ﻣﻪﺭﻛﯩﺰﯨﻲ ﻛﻮﻣﯩﺘﯧﺖ ﺳﯩﻴﺎﺳﯩﻲ ﺑﻴﯘﺭﻭ ﺩﺍﺋﯩﻤﯩﻲ ﻫﻪﻳﺌﻪﺕ ﺋﻪﺯﺍﻟﯩﻘﯩﺪﯨﻦ ﭼﯜﺷﯜﭖ ﻗﺎﻟﻐﺎﻧﻠﯩﻖ ﺋﯧﻬﺘﯩﻤﺎﻟﻠﯩﻘﻰ ﺯﻭﺭ ﺋﯩﻜﻪﻥ،ﺑﯘ ﻣﻪﺳﯩﻠﻪ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﻘﺎﻥ.

ﻧﯘﺭ ﺑﻪﻛﺮﯨﻨﯩﯔ ﻛﺎﻧﺪﯨﺪﺍﺕ ﺋﻪﺯﺍﻟﯩﻘﻘﺎ ﺗﺎﻟﻠﯩﻨﯩﺸﻰ ﺋﯘﻳﻐﯘﺭﻻﺭﻧﯩﯔ ﺩﯨﻘﻘﯩﺘﯩﻨﻰ ﺟﻪﻟﯩﭗ ﻗﯩﻠﻐﺎﻥ. ﻗﯘﺭﯗﻟﺘﺎﻱ ﻳﯧﭙﯩﻠﯩﺸﺘﯩﻦ ﺋﯩﻜﻜﻰ ﻛﯜﻥ ﺋﯩﻠﮕﯩﺮﻯ ﻧﯘﺭ ﺑﻪﻛﺮﻯ ﺑﯧﻴﺠﯩﯖﺪﯨﻜﻰ ﻣﯧﺪﯨﺌﺎ -ﺋﯘﭼﯘﺭ ﻣﻪﺭﻛﯩﺰﯨﺪﻩ ﺑﯩﺮ ﻗﯩﺴﯩﻢ ﭼﻪﺗﺌﻪﻝ ﯞﻩ ﺧﯩﺘﺎﻱ ﻣﯘﺧﺒﯩﺮﻟﯩﺮﯨﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، ﺋﯘﻻﺭﻧﯩﯔ ﺋﯘﻳﻐﯘﺭ ﺋﯧﻠﯩﻨﯩﯔ ﻣﻪﺩﻩﻧﯩﻴﻪﺕ -ﻣﺎﺋﺎﺭﯨﭗ، ﺳﯩﻴﺎﺳﯩﻲ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﺳﻮﺭﯨﻐﺎﻥ ﺳﻮﺋﺎﻟﻠﯩﺮﯨﻐﺎ ﺟﺎﯞﺍﺏ ﺑﻪﺭﮔﻪﻥ ﺋﯩﺪﻯ.

ﺋﯘﻳﻐﯘﺭ ﺋﯧﻠﯩﻨﯩﯔ ﻣﺎﺋﺎﺭﯨﭗ ﺋﯩﺸﻠﯩﺮﯨﺪﺍ 50 ﻳﯩﻠﺪﯨﻦ ﺑﯘﻳﺎﻥ ﺯﻭﺭ ﺗﻪﺭﻩﻗﻘﯩﻴﺎﺗﻼﺭ ﺑﻮﻟﻐﺎﻧﻠﯩﻘﯩﻨﻰ ﺳﺎﻧﻠﯩﻖ ﻣﻪﻟﯘﻣﺎﺗﻼﺭ ﺑﯩﻠﻪﻥ ﻛﯚﺭﺳﻪﺗﻜﻪﻥ ﻧﯘﺭ ﺑﻪﻛﺮﻯ ﺋﯩﭽﻜﯩﺮﯨﺪﯨﻜﻰ ﺷﯩﻨﺠﺎﯓ ﺗﻮﻟﯘﻕ ﺋﻮﺗﺘﯘﺭﺍ ﺳﯩﻨﯩﭗ ﻣﺎﺋﺎﺭﯨﭙﻰ ﯞﻩ ﺋﺎﭘﺘﻮﻧﻮﻡ ﺭﺍﻳﻮﻥ ﺋﯩﭽﯩﺪﯨﻜﻰ ﺗﻮﻟﯘﻗﺴﯩﺰ ﺋﻮﺗﺘﯘﺭﺍ ﺳﯩﻨﯩﭙﻠﯩﺮﯨﻨﯩﯔ ﺗﻪﺭﻩﻗﻘﯩﻴﺎﺕ ﺋﻪﻫﯟﺍﻟﯩﻨﻰ ﺋﺎﻻﻫﯩﺪﻩ ﺗﯩﻠﻐﺎ ﺋﺎﻟﻐﺎﻥ.

"ﺷﯩﻨﺠﺎﯓ ﺋﯘﭼﯘﺭ ﺗﻮﺭﯨﻨﯩﯔ" ﺑﯘ ﻫﻪﻗﺘﯩﻜﻰ ﺧﻪﯞﯨﺮﯨﮕﻪ ﺋﺎﺳﺎﺳﻼﻧﻐﺎﻧﺪﺍ، ﻧﯘﺭ ﺑﻪﻛﺮﻯ ﻧﯚﯞﻩﺗﺘﻪ، ﺋﯩﭽﻜﯩﺮﯨﺪﯨﻜﻰ ﺷﯩﻨﺠﺎﯓ ﺗﻮﻟﯘﻕ ﺋﻮﺗﺘﯘﺭﺍ ﺳﯩﻨﯩﭙﻠﯩﺮﯨﻨﯩﯔ 26 ﺋﯚﻟﻜﯩﮕﻪ ﻛﯧﯖﻪﻳﺘﯩﻠﯩﭗ، 45 ﻣﻪﻛﺘﻪﭘﺘﻪ ﻣﯘﻧﺪﺍﻕ ﺳﯩﻨﯩﭙﻼﺭﻧﯩﯔ ﺗﻪﺳﯩﺲ ﻗﯩﻠﯩﻨﻐﺎﻧﻠﯩﻘﻰ، ﺋﻮﻗﯘﻏﯘﭼﯩﻼﺭﻧﯩﯔ ﺳﺎﻧﯩﻨﯩﯔ 5000 ﻏﺎ ﻳﻪﺗﻜﻪﻧﻠﯩﻜﻰ، %90 ﻧﯩﯔ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺋﻮﻗﯘﻏﯘﭼﯩﻠﯩﺮﻯ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﻪﺗﻜﻪﻥ.

ﺧﻪﯞﻩﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﺋﻪﺯﻩﻟﺪﯨﻨﻼ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭙﻨﻰ ﻛﯜﭼﻪﭖ ﺗﻪﻛﯩﺘﻠﻪﭖ، ﺧﯩﺘﺎﻱ ﺗﯩﻠﯩﻨﻰ ﻫﻪﺗﺘﺎ ﻳﻪﺳﻠﯩﺪﯨﻦ ﺑﺎﺷﻼﭖ ﺋﯘﻳﻐﯘﺭ ﺑﺎﻟﯩﻼﺭﻏﺎ ﺋﯚﮔﯩﺘﯩﺸﻨﻰ ﺗﻪﺷﻪﺑﺒﯘﺱ ﻗﯩﻠﻐﺎﻥ ﻧﯘﺭ ﺑﻪﻛﺮﻯ ﺑﯘ ﻗﯧﺘﯩﻢ ﭼﻪﺕ ﺋﻪﻝ ﻣﯘﺧﺒﯩﺮﻟﯩﺮﯨﻨﯩﯔ ﺳﻮﺋﺎﻟﻠﯩﺮﯨﻐﺎ ﺟﺎﯞﺍﺏ ﺑﻪﺭﮔﻪﻧﺪﻩ "ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﻣﺎﺋﺎﺭﯨﭙﯩﻐﺎ ﺋﺎﻻﻫﯩﺪﻩ ﺋﯧﺘﯩﯟﺍﺭ ﺑﯧﺮﯨﯟﺍﺗﻘﺎﻧﻠﯩﻘﻰ، ﺷﯩﻨﺠﺎﯕﺪﯨﻜﻰ ﻫﻪﺭ ﺗﯜﺭﻟﯜﻙ ﻣﻪﻛﺘﻪﭘﻠﻪﺭﺩﻩ ﻛﻮﭖ ﺧﯩﻞ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺗﯩﻠﻠﯩﺮﯨﺪﯨﻜﻰ ﺋﻮﻗﯘﺗﯘﺵ ﺑﺎﺭﻟﯩﻘﯩﻨﻰ، ﻫﻪﺭ ﻗﺎﻳﺴﻰ ﻣﯩﻠﻠﻪﺗﻠﻪﺭﻧﯩﯔ ﺳﺎﭘﺎﺳﯩﻨﯩﯔ ﺯﻭﺭ ﺩﻩﺭﯨﺠﯩﺪﻩ ﺋﯚﺗﻜﻪﻧﻠﯩﻜﯩﻨﻰ" ﺑﯩﻠﺪﯛﺭﮔﻪﻥ.

ﺑﯩﺮﺍﻕ، ﺑﯘ ﺧﻪﯞﻩﺭﮔﻪ ﺋﺎﺳﺎﺳﻼﻧﻐﺎﻧﺪﺍ، ﻧﯘﺭ ﺑﻪﻛﺮﻯ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﻣﻪﺳﯩﻠﯩﺴﻰ، ﺋﯘﻳﻐﯘﺭ ﻣﻪﻛﺘﻪﭘﻠﯩﺮﯨﺪﻩ ﺧﯩﺘﺎﻱ ﺗﯩﻠﻰ ﻣﺎﺋﺎﺭﯨﭙﯩﻨﯩﯔ ﺋﻮﻣﯘﻣﻼﺷﺘﯘﺭﯗﻟﯘﺷﻰ، ﻫﻪﺗﺘﺎ ﺋﺎﻟﯩﻲ ﻣﻪﻛﺘﻪﭖ ﯞﻩ ﺑﺎﺷﻘﺎ ﺋﻮﻗﯘﺗﯘﺵ ﺋﻮﺭﯗﻧﻠﯩﺮﯨﺪﺍ ﭘﻪﻗﻪﺕ ﺋﯘﻳﻐﯘﺭ ﺗﯩﻠﻰ ﯞﻩ ﺋﻪﺩﻩﺑﯩﻴﺎﺗﯩﻐﺎ ﺋﺎﺋﯩﺖ ﺩﻩﺭﺳﻠﻪﺭﺩﯨﻦ ﺑﺎﺷﻘﺎ ﺑﺎﺭﻟﯩﻖ ﺩﻩﺭﺳﻠﻪﺭﻧﯩﯔ ﺋﯘﻳﻐﯘﺭ ﺗﯩﻠﯩﺪﺍ ﺋﯚﺗﯜﻟﯩﺸﻨﯩﯔ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﯘﺷﻰ ﻗﺎﺗﺎﺭﻟﯩﻘﻼﺭ ﻫﻪﻗﻘﯩﺪﻩ ﻫﯧﭻ ﻧﯧﻤﻪ ﺩﯦﻤﯩﮕﻪﻥ. ﺋﻪﻛﺴﯩﭽﻪ، ﻣﯘﺧﺒﯩﺮﻻﺭﻏﺎ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺗﯩﻠﻠﯩﺮﯨﺪﺍ ﻣﺎﺋﺎﺭﯨﭗ ﻳﻮﻟﻐﺎ ﻗﻮﻳﯘﻟﯩﯟﺍﺗﻘﺎﻧﻠﯩﻘﯩﻨﻰ ﺟﺎﻛﺎﺭﻟﯩﻐﺎﻥ.

ﺋﯘ ﻳﻪﻧﻪ ﻣﯘﺧﺒﯩﺮﻻﺭﻧﯩﯔ ﺋﯘﻳﻐﯘﺭﻻﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﺳﯩﻴﺎﺳﯩﻲ ﻫﻪﺭﯨﻜﻪﺗﻠﯩﺮﻯ ، ﺋﺎﺗﺎﻟﻤﯩﺶ "ﺋﯜﭺ ﺧﯩﻞ ﻛﯜﭺ" ﻟﻪﺭﮔﻪ ﺋﺎﺋﯩﺖ ﺳﻮﺭﯨﻐﺎﻥ ﻧﺎﺯﯗﻙ ﺳﻮﺋﺎﻟﻠﯩﺮﯨﻐﯩﻤﯘ ﺟﺎﯞﺍﺏ ﺑﯧﺮﯨﭗ، ﺋﯚﺯﻟﯩﺮﯨﻨﯩﯔ " ﺋﯜﭺ ﺧﯩﻞ ﻛﯜﭺ" ﺩﻩﭖ ﺋﺎﺗﺎﯞﺍﺗﻘﺎﻥ ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﯨﮕﻪ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺸﻨﻰ ﺩﺍﯞﺍﻣﻼﺷﺘﯘﺭﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ . (ﺋﯜﻣﯩﺪﯞﺍﺭ)