ﺧﯩﺘﺎﻱ، ﺗﻪﻳﯟﻩﻥ ﺩﯦﻤﻮﻛﺮﺍﺗﯩﻴﻪ -ﺋﯩﻠﻐﺎﺭﻟﯩﻖ ﭘﺎﺭﺗﯩﻴﯩﺴﯩﻨﯩﯔ ﻣﯘﺳﺘﻪﻗﯩﻠﻠﯩﻘﻨﻰ ﺗﻪﺳﺘﯩﻘﻠﯩﻐﯘﭼﻰ ﻗﺎﺭﺍﺭﻧﺎﻣﯩﺴﯩﻨﻰ ﻗﺎﺗﺘﯩﻖ ﺗﻪﻧﻘﯩﺪﻟﯩﺪﻯ

ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ 2 ‏- ﺋﯚﻛﺘﻪﺑﯩﺮ ﺧﻪﯞﻩﺭ ﻗﯩﻠﯩﺸﯩﭽﻪ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﺗﻪﻳﯟﻩﻥ ﺋﯩﺸﻠﯩﺮﯨﻐﺎ ﻣﻪﺳﺌﯘﻝ ﺑﯩﺮ ﺧﺎﺩﯨﻤﻰ ﭘﯩﻜﯩﺮ ﺑﺎﻳﺎﻥ ﻗﯩﻠﯩﭗ، ﻳﻪﻛﺸﻪﻧﺒﻪ ﻛﯜﻧﻰ ﺗﻪﻳﯟﻩﻥ ﺩﯦﻤﻮﻛﺮﺍﺗﯩﻴﻪ ﯞﻩ ﺋﯩﻠﻐﺎﺭﻟﯩﻖ ﭘﺎﺭﺗﯩﻴﯩﺴﯩﻨﯩﯔ ﻗﯘﺭﯗﻟﺘﯩﻴﯩﺪﺍ ﻣﺎﻗﯘﻟﻼﻧﻐﺎﻥ ، ﺗﻪﻳﯟﻩﻥ ﻣﯘﺳﺘﻪﻗﯩﻠﻠﯩﻘﯩﻨﻰ ﺗﻪﺳﺘﯩﻘﻠﯩﻐﯘﭼﻰ ﻗﺎﺭﺍﺭﻧﺎﻣﯩﻨﻰ ﻗﺎﺗﺘﯩﻖ ﺗﻪﻧﻘﯩﺪﻟﯩﮕﻪﻥ. ﺋﯘ ﺗﻪﻧﻘﯩﺪﯨﺪﻩ، ﺗﻪﻳﯟﻩﻧﻨﯩﯔ ﺧﯩﺘﺎﻳﻨﯩﯔ ﺋﺎﻳﺮﯨﻠﻤﺎﺱ ﺑﯩﺮ ﭘﺎﺭﭼﯩﺴﻰ ﺋﯩﻜﻪﻧﻠﯩﻜﯩﻨﻰ ، ﺗﻪﻳﯟﻩﻧﻨﯩﯔ ﻫﻪﺭﻗﺎﻧﺪﺍﻕ ﺑﯩﺮ ﺷﻪﻛﯩﻠﺪﯨﻜﻰ ﺑﯚﻟﯜﻧﯜﺵ ﻫﻪﺭﯨﻜﻪﺗﻠﯩﺮﯨﮕﻪ ﻗﺎﺗﺘﯩﻖ ﻗﺎﺭﺷﻰ ﺗﯘﺭﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺑﯘﻧﯩﯔ ﺑﯩﻠﻪﻥ ﺑﯩﻠﻠﻪ، ﺗﻪﻳﯟﻩﻥ ﺩﯦﻤﻮﻛﺮﺍﺗﯩﻴﻪ-ﺋﯩﻠﻐﺎﺭﻟﯩﻖ ﭘﺎﺭﺗﯩﻴﯩﺴﯩﻨﯩﯔ ﺭﻩﻫﺒﻪﺭﻟﯩﺮﯨﻨﻰ ﺋﺎﮔﺎﻫﻼﻧﺪﯗﺭﯗﭖ ﺗﻪﻳﯟﻩﻥ ﺧﻪﻟﻘﯩﻨﻰ ﺧﻪﯞﭖ-ﺧﻪﺗﻪﺭﮔﻪ ﺋﯩﺘﺘﯩﺮﻣﻪﺳﻠﯩﻜﻜﻪ ﺋﯜﻧﺪﯨﮕﻪﻥ.

ﺗﻪﻳﯟﻩﻥ ﺩﯦﻤﻮﻛﺮﺍﺗﯩﻴﻪ -ﺋﯩﻠﻐﺎﺭﻟﯩﻖ ﭘﺎﺭﺗﯩﻴﯩﺴﯩﻨﯩﯔ ﻗﺎﺭﺍﺭﻧﺎﻣﯩﺴﯩﺪﺍ، "ﺧﯩﺘﺎﻱ ﺟﯘﻣﻬﯘﺭﯨﻴﯩﺘﻰ" ﺩﯦﮕﻪﻥ ﻧﺎﻡ ﺗﻪﻟﻪﭘﭙﯘﺯ ﻗﯩﻠﯩﻨﻤﯩﻐﺎﻥ ، ﺋﯘﻧﯩﯔ ﺋﯜﺳﺘﯩﮕﻪ، ﻗﯘﺭﯗﻟﺘﺎﻳﺪﺍ ﺧﯩﺘﺎﻱ ﺟﯘﻣﻬﯘﺭﯨﻴﯩﺘﻰ ﺩﯦﮕﻪﻥ ﻧﺎﻣﻨﯩﯔ ﺋﻮﺭﻧﯩﻐﺎ ﺗﻪﻳﯟﻩﻥ ﻧﺎﻣﻰ ﻗﻮﻟﻠﯩﻨﯩﻠﻐﺎﻥ ﻳﯧﯖﻰ ﺋﺎﺳﺎﺳﯩﻲ ﻗﺎﻧﯘﻧﻨﻰ ﺋﻪﯓ ﻗﯩﺴﻘﺎ ﯞﺍﻗﯩﺖ ﺋﯩﭽﯩﺪﻩ ﻳﻮﻟﻐﺎ ﻗﻮﻳﯘﺵ ﻻﻳﯩﻬﯩﺴﻰ ﻣﺎﻗﯘﻟﻠﯘﻗﺘﯩﻦ ﺋﯚﺗﻜﻪﻥ. ﻛﯚﺯﻩﺗﻜﯜﭼﯩﻠﻪﺭ ﻣﻪﺯﻛﯘﺭ ﻗﺎﺭﺍﺭﻧﻰ ﺗﻪﻳﯟﻩﻥ ﻣﯘﺳﺘﻪﻗﯩﻠﻠﯩﻘﻰ ﺋﯜﭼﯜﻥ ﺑﯧﺴﯩﻠﻐﺎﻥ ﻣﯘﻫﯩﻢ ﺑﯩﺮ ﻗﻪﺩﻩﻡ ﺩﻩﭖ ﻗﺎﺭﺍﺷﻤﺎﻗﺘﺎ.

ﺧﯩﺘﺎﻱ ﺗﻪﺭﻩﭘﻨﯩﯔ ﺑﯘ ﺗﻪﻧﻘﯩﺪﻯ، ﺧﯩﺘﺎﻳﺪﯨﻜﻰ ﻫﯚﻛﯜﻣﻪﺕ ﺗﻮﺭ ﺑﻪﺗﻠﯩﺮﻯ ﯞﻩ ﺑﺎﺷﻘﺎ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﯨﺪﺍ ﻛﻪﯓ ﺋﻮﺭﯗﻥ ﺋﺎﻟﻐﺎﻥ. ﻛﯜﺯﻩﺗﻜﯜﭼﯩﻠﻪﺭ، ﺑﯘ ﺋﻪﻫﯟﺍﻝ ﺧﯩﺘﺎﻳﻨﯩﯔ ﻣﻪﺯﻛﯘﺭ ﻗﺎﺭﺍﺭﻧﯩﯔ ﻛﻪﻟﮕﯜﺳﻰ ﻧﻪﺗﯩﺠﯩﻠﯩﺮﯨﮕﻪ ﻗﺎﺭﯨﺘﺎ ﺳﻪﺯﮔﯜﺭ ﭘﻮﺯﯨﺘﺴﯩﻴﯩﺴﯩﻨﻰ ﻛﯚﺭﺳﯩﺘﯩﺪﯗ ﺩﻩﭖ ﻗﺎﺭﺍﺷﻤﺎﻗﺘﺎ. (ﺷﯚﻫﺮﻩﺕ ﻫﻮﺷﯘﺭ)