ﺧﯩﺘﺎﻱ ﺋﻪﺭﺯﺩﺍﺭﻻﺭ، ﺧﯩﺘﺎﻱ ﺧﻪﻟﻖ ﻗﯘﺭﯗﻟﺘﯩﻴﯩﻐﺎ ﺋﻮﭼﯘﻕ ﺧﻪﺕ ﺋﻪﯞﻩﺗﺘﻰ

ﺧﯩﺘﺎﻳﺪﯨﻜﻰ ﺋﻪﺭﺯﺩﺍﺭﻻﺭ، ﺧﯩﺘﺎﻱ ﺧﻪﻟﻖ ﻗﯘﺭﯗﻟﺘﯩﻴﯩﻨﯩﯔ ﺋﻪﺯﺍﻟﯩﺮﯨﻐﺎ ﺋﻮﭼﯘﻕ ﻳﯧﺰﯨﭗ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﺋﯚﺗﻜﯜﺯﯛﺵ ﺳﺎﻻﻫﯩﻴﯩﺘﯩﮕﻪ ﺋﯩﮕﻪ ﺋﻪﻣﻪﺳﻠﯩﻜﯩﻨﻰ، ﺗﻪﻛﯩﺘﻠﯩﮕﻪﻥ.

ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻕ ﻗﻮﻏﺪﯨﻐﯘﭼﯩﻠﯩﺮﻯ ﺗﻪﺷﻜﯩﻼﺗﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺧﯩﺘﺎﻱ ﺧﻪﻟﻖ ﻗﯘﺭﯗﻟﺘﯩﻴﻰ ﺋﻪﺯﺍﻟﯩﺮﯨﻐﺎ ﺋﻪﯞﻩﺗﯩﻠﮕﻪﻥ ﺋﻮﭼﯘﻕ ﺧﻪﺕ ﺋﯧﻼﻥ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ، ﻣﻪﺯﻛﯘﺭ ﺋﯘﭼﯘﻕ ﺧﻪﺗﻨﯩﯔ ﻳﯧﺰﯨﻠﯩﺸﯩﻐﺎ ﻳﺎﺭﺩﻩﻡ ﻗﯩﻠﻐﺎﻥ ﯞﺍﯓ ﮔﯘﯦﻼﻥ ﺋﯩﺴﯩﻤﻠﯩﻚ ﺑﯩﺮ ﺧﯩﺘﺎﻱ ﭘﺎﺋﺎﻟﯩﻴﻪﺗﭽﯩﺴﻰ، ﺳﺎﻗﭽﯩﻼﺭ ﺗﻪﺭﯨﭙﯩﺪﯨﻦ ﺗﯘﺗﯘﭖ ﻛﯧﺘﯩﻠﮕﻪﻥ.

ﺋﻮﭼﯘﻕ ﺧﻪﺗﺘﻪ، " ﺑﯩﺰ ﮔﻪ ﺋﻮﺧﺸﺎﺵ، ﻛﯩﺸﯩﻠﯩﻚ ﻫﻮﻗﯘﻗﻰ ﺩﻩﭘﺴﻪﻧﺪﻩ ﻗﯩﻠﯩﻨﻐﺎﻥ، ﺩﻩﺭﺩﯨﮕﻪ ﺩﺍﯞﺍ ﺗﺎﭘﺎﻟﻤﯩﻐﺎﻥ ﺋﻪﺭﺯﺩﺍﺭﻻﺭ، ﭘﯘﻗﺮﺍﻟﯩﺮﯨﻨﯩﯔ ﺋﻪﻗﻪﻟﻠﯩﻲ ﻛﯩﺸﯩﻠﯩﻚ ﻫﻮﻗﯘﻗﻠﯩﺮﯨﻨﻰ ﻗﻮﻏﺪﯨﻴﺎﻟﻤﯩﻐﺎﻥ ﺑﯩﺮ ﺩﯙﻟﻪﺗﻨﻰ، ﺋﻮﻟﯩﻤﭙﯩﻚ ﺋﯚﺗﻜﯜﺯﯛﺵ ﻣﻪﺩﻩﻧﯩﻲ ﺳﻪﯞﯨﻴﯩﺴﯩﮕﻪ ﻳﯧﺘﻪﻟﻤﯩﮕﻪﻥ ﺩﯙﻟﻪﺕ ﺩﻩﭖ ﻗﺎﺭﺍﻳﻤﯩﺰ" ﺩﯦﻴﯩﻠﮕﻪﻥ.

ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻕ ﻗﻮﻏﺪﯨﻐﯘﭼﯩﻠﯩﺮﻯ ﺗﻪﺷﻜﯩﻼﺗﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻱ ﺧﻪﻟﻖ ﻗﯘﺭﯗﻟﺘﯩﻴﻰ ﺋﻪﺯﺍﻟﯩﺮﯨﻐﺎ ﺋﻪﯞﻩﺗﯩﻠﮕﻪﻥ ﺋﻮﭼﯘﻕ ﺧﻪﺗﻜﻪ، 12700 ﺩﯨﻦ ﺋﺎﺭﺗﯘﻕ ﻛﯩﺸﻰ ﻗﻮﻝ ﻗﻮﻳﻐﺎﻥ. ﺋﻮﭼﯘﻕ ﺧﻪﺗﻜﻪ ﻗﻮﻝ ﻗﻮﻳﻐﺎﻧﻼﺭ، ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺧﯩﺘﺎﻱ ﺋﺎﺳﺎﺳﯩﻲ ﻗﺎﻧﯘﻧﯩﺪﺍ ﻛﺎﭘﺎﻟﻪﺕ ﺋﺎﺳﺘﯩﻐﺎ ﺋﯧﻠﯩﻨﻐﺎﻥ ﺳﯜﺯ ﺋﻪﺭﻛﯩﻨﻠﯩﻜﻰ، ﻣﻪﺗﺒﯘﺋﺎﺕ ﺋﻪﺭﻛﯩﻨﻠﯩﻜﻰ ﻳﯩﻐﯩﻠﯩﺶ ﺋﻪﺭﻛﯩﻨﻠﯩﻜﻰ، ﺳﯩﻴﺎﺳﯩﻲ ﭘﺎﺭﺗﯩﻴﻪ ﻗﯘﺭﯗﺵ ﯞﻩ ﻧﺎﻣﺎﻳﯩﺶ ﺗﻪﺷﻜﯩﻠﻠﻪﺵ ﺋﻪﺭﻛﯩﻨﻠﯩﻜﻰ ﻗﺎﺗﺎﺭﻟﯩﻖ ﺋﻪﺭﻛﯩﻨﻠﯩﻜﻠﻪﺭﻧﻰ ﻗﻮﻏﺪﺍﺷﻘﺎ ﭼﺎﻗﯩﺮﻏﺎﻥ. ﺋﯘﻻﺭ ﺷﯘﻧﺪﺍﻗﻼ ﺑﯧﻴﺠﯩﯔ ﻫﯚﻛﯜﻣﯩﺘﯩﺪﯨﻦ، ﺧﯩﺘﺎﻱ ﺳﺎﻗﭽﻰ ﺩﺍﺋﯩﺮﯨﻠﯩﺮﯨﻨﯩﯔ ﺳﯩﻴﺎﺳﯩﻲ ﺋﯚﻛﺘﯩﭽﯩﻠﻪﺭﻧﻰ ﺳﻮﺗﻘﺎ ﺗﺎﺭﺗﻤﺎﻱ ﺗﯘﺭﯗﭖ، ﺋﻪﻣﮕﻪﻙ ﺑﯩﻠﻪﻥ ﺋﯚﺯﮔﻪﺭﺗﯩﺶ ﻻﮔﯩﺮﻟﯩﺮﯨﻐﺎ ﺋﻪﯞﻩﺗﯩﺶ ﺟﺎﺯﺍﻟﯩﺮﯨﻐﺎ ﻫﯚﻛﯜﻡ ﻗﯩﻠﯩﺶ ﺳﺎﻻﻫﯩﻴﯩﺘﯩﻨﻰ، ﺑﯩﻜﺎﺭ ﻗﯩﻠﯩﺸﻨﻰ ﺗﻪﻟﻪﭖ ﻗﯩﻠﻐﺎﻥ. (ﺋﯚﻣﻪﺭ ﻗﺎﻧﺎﺕ)