ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﻮﺗﺘﯩﻦ ﺳﯩﮕﻨﺎﻝ، ﺋﺎﻳﺮﻭﭘﯩﻼﻥ ﺑﯧﻴﺠﯩﯔ ﺋﺎﻳﺮﯗﺩﯗﺭﯗﻣﯩﺪﯨﻦ ﺋﯘﭼﯘﺷﻘﺎ ﺗﻪﻳﻴﺎﺭﻻﻧﻐﺎﻥ ﺑﯩﺮ ﯞﺍﻗﯩﺘﺘﺎ ﺑﯧﺮﯨﻠﮕﻪﻥ.
ﺳﯩﮕﻨﺎﻟﺪﯨﻦ ﻛﯧﻴﯩﻦ، ﺋﺎﻳﺮﻭﭘﯩﻼﻥ ﺧﺎﺩﯨﻤﻠﯩﺮﻯ ﯞﻩ ﻛﯜﺗﻜﯜﭼﯩﻠﻪﺭ، ﺋﺎﻳﺮﻭﭘﯩﻼﻧﺪﯨﻜﻰ 117 ﻳﻮﻟﻮﭼﻰ ﺩﻩﺭﻫﺎﻝ ﺋﺎﻳﺮﻭﭘﯩﻼﻧﺪﯨﻦ ﭼﯩﻘﯩﺮﯨﺸﻘﺎ ﺑﺎﺷﻠﯩﻐﺎﻥ ﺑﻮﻟﯘﭖ، ﺑﯘ ﻣﻪﺯﮔﯩﻠﺪﻩ ﺋﻮﺗﺘﯘﺭﯨﻐﺎ ﭼﯩﻘﻘﺎﻥ ﻗﺎﻻﻳﻤﯩﻘﺎﻧﭽﯩﻠﯩﻘﺘﺎ، ﺋﯘﭺ ﻛﯩﺸﻰ ﻳﺎﺭﯨﻼﻧﻐﺎﻥ. ﻫﺎﺩﯨﺴﯩﺪﻩ ﻳﺎﺭﯨﻼﻧﻐﺎﻧﻼﺭﻧﯩﯔ ﺋﯩﻜﻜﯩﺴﻰ ﺩﻭﺧﺘﯘﺭﺧﺎﻧﯩﻐﺎ ﻳﺎﺗﻘﯘﺯﯗﻟﻐﺎﻥ.

ﺧﯩﺘﺎﻱ ﺋﺎﺧﺒﺎﺭﺍﺕ ﯞﺍﺳﯩﺘﯩﻠﯩﺮﯨﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﻫﺎﺩﯨﺴﻪ ﻫﻪﻗﻘﯩﺪﻩ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﻮﻟﯘﭖ، ﯞﻩﻗﻪﻧﯩﯔ ﻛﯧﻠﯩﭗ ﭼﯩﻘﯩﺶ ﺳﻪﯞﻩﺑﻰ ﺗﯧﺨﻰ ﻣﻪﻟﯘﻡ ﺋﻪﻣﻪﺱ ﺋﯩﻜﻪﻥ.

ﺋﯘﻳﻐﯘﺭ ﭘﺎﺋﺎﻟﯩﻴﻪﺗﭽﯩﻠﻪﺭﻧﻰ، ﺑﻮﻟﯘﭘﻤﯘ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﯩﻨﻰ ﺑﯧﻴﺠﯩﯔ ﺋﻮﻟﯩﻤﭙﯩﻜﻰ ﺋﯜﭼﯜﻥ ﺋﻪﯓ ﭼﻮﯓ ﺗﯧﺮﺭﻭﺭ ﺗﻪﻫﺪﯨﺘﻰ ﺩﻩﭖ ﻛﯚﺭﺳﯩﺘﯩﯟﺍﺗﻘﺎﻥ ﺧﯩﺘﺎﻱ ﻫﯚﻛﯜﻣﯩﺘﻰ، ﻣﺎﺭﺕ ﺋﯧﻴﯩﺪﺍ ﺋﯘﻳﻐﯘﺭ ﻗﯩﺰﻯ ﮔﯜﺯﻩﻟﻨﯘﺭ ﺗﯘﺭﺩﯨﻨﻰ، ﺟﻪﻧﯘﺏ ﻫﺎﯞﺍ ﻳﻮﻟﻠﯩﺮﻯ ﺷﯩﺮﻛﯩﺘﯩﻨﯩﯔ ﺑﯩﺮ ﻳﻮﻟﯘﭼﻰ ﺋﺎﻳﺮﻭﭘﯩﻼﻧﻨﻰ ﭘﺎﺭﺗﻼﺗﻤﺎﻗﭽﻰ ﺑﻮﻟﻐﺎﻥ ﺩﻩﭖ، ﺋﻪﻳﯩﺒﻠﻪﭖ ﻗﻮﻟﻐﺎ ﺋﺎﻟﻐﺎﻥ ﺋﯩﺪﻯ. ﺋﻪﻣﻤﺎ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﻫﺎﺯﯨﺮﻏﯩﭽﻪ ﺑﯘ ﻫﻪﻗﺘﻪ ﻫﯧﭽﻘﺎﻧﺪﺍﻕ ﺩﻩﻟﯩﻞ ﺋﯩﺴﭙﺎﺕ ﺋﻮﺗﺘﯘﺭﯨﻐﺎ ﻗﻮﻳﻤﯩﻐﺎﻥ.

ﻣﯘﺗﻪﺧﻪﺳﺴﯩﺴﻠﻪﺭ ﯞﻩ ﺳﯩﻴﺎﺳﯩﻲ ﻣﯘﻻﻫﯩﺰﯨﭽﯩﻠﻪﺭ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﻫﺎﺭﭘﯩﺴﯩﺪﺍ، ﺧﯩﺘﺎﻱ ﻫﯚﻛﯜﻣﻨﻰ ﺗﻪﺭﯨﭙﯩﺪﯨﻦ ﺗﯧﺮﺭﻭﺭﻟﯘﻕ ﻫﯘﺟﯘﻣﻠﯩﺮﯨﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﻧﺎﻣﻰ ﺋﺎﺳﺘﯩﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﭘﺎﺋﺎﻟﯩﻴﻪﺗﻠﻪﺭ ، ﻫﯚﻛﯜﻣﻪﺕ ﺗﻪﺭﯨﭙﯩﺪﯨﻦ ﺋﯧﻠﯩﻨﻐﺎﻥ ﺋﻪﻣﻪﻟﯩﻴﻪﺗﻜﻪ ﺳﯩﻐﻤﺎﻳﺪﯨﻐﺎﻥ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﻯ ﯞﻩ ﺑﯘ ﻫﻪﻗﺘﻪ ﺧﯩﺘﺎﻱ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﯨﺪﺍ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﺗﻪﺷﯟﯨﻘﺎﺗﻼﺭ، ﻫﻪﻡ ﺧﯩﺘﺎﻱ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﯨﻨﻰ ﻫﻪﻡ ﺧﯩﺘﺎﻱ ﭘﯘﻗﺮﺍﻟﯩﺮﯨﻨﻰ ﻫﻪﺩﺩﯨﺪﯨﻦ ﺗﺎﺷﻘﯩﺮﻯ ﺳﻪﺯﮔﯜﺭﻟﻪﺷﺘﯜﺭﯛﯞﻩﺗﻜﻪﻥ ﺩﻩﭖ، ﻛﯚﺭﺳﻪﺗﻤﻪﻛﺘﻪ.