ﺧﯩﺘﺎﻳﺪﯨﻜﻰ ﺋﻪﯓ ﭼﻮﯓ ﻧﯧﻔﯩﺖ ﺷﯩﺮﻛﯩﺘﻰ ﺑﯧﻨﺰﯨﻦ ﺋﯧﻜﺴﭙﻮﺭﺗﯩﻨﻰ ﯞﺍﻗﯩﺘﻠﯩﻖ ﺗﻮﺧﺘﯩﺘﯩﺸﻰ ﻣﯘﻣﻜﯩﻦ

ﺧﯩﺘﺎﻱ ﺋﺎﺧﺒﺎﺭﺍﺕ ﯞﺍﺳﯩﺘﯩﻠﯩﺮﯨﻨﯩﯔ ﺟﯜﻣﻪ ﻛﯜﻧﯩﺪﯨﻜﻰ ﻣﻪﻟﯘﻣﺎﺗﯩﻐﺎ ﻗﺎﺭﯨﻐﺎﻧﺪﺍ، ﺧﯩﺘﺎﻳﺪﯨﻜﻰ ﺋﻪﯓ ﭼﻮﯓ ﻧﯧﻔﯩﺖ ﺋﯩﺸﻠﻪﭘﭽﯩﻘﺎﺭﻏﯘﭼﻰ ﺷﯩﺮﻛﻪﺕ، ﺧﻪﻟﻘﺌﺎﺭﺍﺩﺍ ﺧﺎﻡ ﻧﯧﻔﯩﺘﻨﯩﯔ ﺑﺎﻫﺎﺳﯩﺪﺍ ﺩﺍﯞﺍﻟﻐﯘﺵ ﭘﻪﻳﺪﺍ ﺑﻮﻟﯘﯞﺍﺗﻘﺎﻥ ﺷﺎﺭﺍﺋﯩﺘﺘﺎ ، ﺧﯩﺘﺎﻳﻨﯩﯔ ﺩﯙﻟﻪﺕ ﺋﯩﭽﯩﺪﯨﻜﻰ 9 - ﺋﺎﻳﻠﯩﻖ ﻧﯧﻔﯩﺖ ﺗﻪﻣﯩﻨﻠﻪﺵ ﺋﯩﺸﻠﯩﺮﯨﻨﻰ ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﯩﺶ ﺋﯜﭼﯜﻥ ﭼﻪﺗﺌﻪﻟﮕﻪ ﻧﯧﻔﯩﺖ ﺋﯧﻜﺴﭙﻮﺭﺕ ﻗﯩﻠﯩﺸﻨﻰ ﯞﺍﻗﯩﺘﻠﯩﻖ ﺗﻮﺧﺘﯩﺘﯩﺸﻰ ﻣﯘﻣﻜﯩﻦ ﺋﯩﻜﻪﻥ.

ﺧﯩﺘﺎﻱ ﺑﯩﺨﻪﺗﻪﺭﻟﯩﻜﻰ ﮊﯗﺭﻧﯩﻠﯩﺪﺍ ﻛﯚﺭﺳﯩﺘﯩﺸﯩﭽﻪ، ﺧﯩﺘﺎﻳﻨﯩﯔ ﺩﯙﻟﻪﺗﻠﯩﻚ ﻧﯧﻔﯩﺖ ﺷﯩﺮﻛﯩﺘﻰ: ﺧﯩﺘﺎﻱ ﻧﯧﻔﯩﺖ ﺳﺎﻧﺎﺋﯩﺘﻰ ﺷﯩﺮﻛﯩﺘﻰ (中国石化 Sinopec ) ﺑﯘ ﻳﯩﻞ ﺋﺎﯞﻏﯘﺳﺘﺘﺎ ﺑﯧﻨﺰﯨﻦ ﺋﯧﻜﺴﭙﻮﺭﺕ ﻣﯩﻘﺪﺍﺭﯨﻨﻰ 100 ﻣﯩﯔ ﺗﻮﻧﻨﺎ ﺋﻪﺗﺮﺍﭘﯩﺪﺍ ﻗﯩﺴﻘﺎﺭﺗﻘﺎﻥ ﺑﻮﻟﯘﭖ، ﺋﯧﻜﺴﭙﻮﺭﺕ ﻣﯩﻘﺪﺍﺭﯨﻨﻰ ﻳﻪﻧﻪ ﺩﺍﯞﺍﻣﻠﯩﻖ ﻗﯩﺴﻘﺎﺭﺗﯩﺸﻰ ﻫﻪﺗﺘﺎ ﯞﺍﻗﯩﺘﻠﯩﻖ ﺗﻮﺧﺘﯩﺘﯩﭗ ﻗﻮﻳﯘﺷﯩﻤﯘ ﻣﯘﻣﻜﯩﻦ ﺋﯩﻜﻪﻥ.

ﺑﯘ ﻳﯩﻞ ﺋﯩﻴﯘﻧﺪﺍ ﺧﻪﻟﻘﺌﺎﺭﺍ ﺑﺎﺯﺍﺭﺩﺍ ﻫﻪﺭ ﺑﯩﺮ ﺗﯘﯓ ﺧﺎﻡ ﻧﯧﻔﯩﺘﻨﯩﯔ ﺑﺎﻫﺎﺳﻰ 78 ﺩﻭﻟﻼﺭﻏﺎ ﻳﻪﺗﻜﻪﻥ ﺑﻮﻟﯘﭖ، ﺧﻪﯞﻩﺭﻟﻪﺭﮔﻪ ﺋﺎﺳﺎﺳﻼﻧﻐﺎﻧﺪﺍ، ﺧﻪﻟﻘﺌﺎﺭﺍ ﺑﺎﺯﺍﺭﺩﺍ ﺧﺎﻡ ﻧﯧﻔﯩﺖ ﺑﺎﻫﺎﺳﯩﻨﯩﯔ ﺗﯘﻳﯘﻗﺴﯩﺰ ﺋﯚﺭﻟﻪﭖ ﻛﯧﺘﯩﺸﻰ، ﺧﯩﺘﺎﻱ ﺩﯙﻟﻪﺕ ﺋﯩﭽﯩﺪﯨﻜﻰ ﭘﯩﺸﺸﯩﻘﻼﻧﻐﺎﻥ ﻧﯧﻔﯩﺖ ﺑﺎﻫﺎﺳﯩﻐﺎ ﺗﻪﺳﯩﺮ ﻛﯚﺭﺳﻪﺗﻜﻪﻥ ﻫﻪﻣﺪﻩ ﺧﯩﺘﺎﻱ ﻧﯧﻔﯩﺖ ﺋﺎﻳﺮﯨﺶ ﺯﺍﯞﯗﺗﻠﯩﺮﯨﻨﻰ ﺯﯨﻴﺎﻧﻐﺎ ﺋﯘﭼﺮﺍﺗﻘﺎﻥ ، ﻫﻪﺗﺘﺎ ﺑﻪﺯﻯ ﻛﯩﭽﯩﻚ ﺗﯩﭙﺘﯩﻜﻰ ﺯﺍﯞﯗﺗﻼﺭ ﺗﺎﻗﯩﻠﯩﭗ ﻗﺎﻟﻐﺎﻥ.

ﺑﯘ ﻳﯩﻞ ﺋﯩﻴﯘﻧﺪﺍ، ﺧﯩﺘﺎﻱ ﻧﯧﻔﯩﺖ ﺳﺎﻧﺎﺋﯩﺘﻰ ﺷﯩﺮﻛﯩﺘﻰ، ﭘﯩﺸﺸﯩﻖ ﻧﯧﻔﯩﺘﻨﯩﯔ ﺑﺎﻫﺎﺳﯩﻨﻰ ﺋﯚﺳﺘﯜﺭﯛﭖ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﯩﭗ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﺋﯩﻠﺘﯩﻤﺎﺱ ﺳﯘﻧﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻱ ﻫﯚﻛﯜﻣﯩﺘﻰ ﻣﺎﻝ ﺑﺎﻫﺎﺳﯩﻨﯩﯔ ﺋﯚﺭﻟﻪﭖ ﻛﯧﺘﯩﺸﻰ ﺧﻪﻟﻖ ﺋﺎﻣﻤﯩﺴﻰ ﺟﯩﺪﺩﯨﻲ ﻛﯚﯕﯜﻝ ﺑﯚﻟﯜﯞﺍﺗﻘﺎﻥ ﻣﻪﺳﯩﻠﻪ ﺑﻮﻟﻐﺎﭼﻘﺎ، ﻣﻪﺯﻛﯘﺭ ﺷﯩﺮﻛﻪﺗﻨﯩﯔ ﺑﺎﻫﺎ ﺋﯚﺳﺘﯜﺭﯛﺵ ﭘﯩﻼﻧﯩﻨﻰ ﺭﻩﺕ ﻗﯩﻠﻐﺎﻥ ﺋﯩﺪﻯ.

ﺑﯘ ﺋﺎﻱ ﺑﯧﺸﯩﺪﺍ، ﺧﯩﺘﺎﻱ ﻫﯚﻛﯜﻣﯩﺘﻰ ﺧﯩﺘﺎﻱ ﻧﯧﻔﯩﺖ ﺳﺎﻧﺎﺋﯩﺘﻰ ﺷﯩﺮﻛﯩﺘﻰ ﯞﻩ ﺑﯘ ﺷﯩﺮﻛﻪﺕ ﻗﺎﺭﻣﯩﻘﯩﺪﯨﻜﻰ ﺧﯩﺘﺎﻱ ﻧﯧﻔﯩﺖ ﺷﯩﺮﻛﯩﺘﯩﻨﻰ( PetroChina 国石油 ) ﺩﯙﻟﻪﺕ ﺋﯩﭽﯩﺪﯨﻜﻰ ﭘﯩﺸﺸﯩﻖ ﻧﯧﻔﯩﺖ ﺗﻪﻣﯩﻨﻠﻪﺵ ﺋﯩﺸﻠﯩﺮﯨﻨﻰ ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﯩﺶ ﺋﯜﭼﯜﻥ ﭘﯩﺸﺸﯩﻖ ﻧﯧﻔﯩﺖ ﺋﯧﻜﺴﭙﻮﺭﺗﯩﻨﻰ ﻗﺎﺗﺘﯩﻖ ﻛﻮﻧﺘﺮﻭﻝ ﻗﯩﻠﯩﺸﻨﻰ ﯞﻩ ﺩﯙﻟﻪﺕ ﺋﯩﭽﯩﺪﯨﻜﻰ ﻧﯧﻔﯩﺖ ﺑﺎﻫﺎﺳﯩﻨﻰ ﻣﯘﻗﯩﻤﻼﺷﺘﯘﺭﯗﺵ ﺋﯜﭼﯜﻥ ﻫﯚﻛﯜﻣﻪﺕ ﺑﻪﻟﮕﯩﻠﻪﭖ ﺑﻪﺭﮔﻪﻥ ﻧﯧﻔﯩﺖ ﺑﺎﻫﺎﺳﻰ ﺳﯩﻴﺎﺳﯩﺘﯩﮕﻪ ﺑﻮﻳﺴﯘﻧﯘﺷﻨﻰ ﺗﻪﻟﻪﭖ ﻗﯩﻠﻐﺎﻥ.

ﺧﯩﺘﺎﻳﻨﯩﯔ ﺗﯩﺰ ﺋﯚﺭﻟﻪﯞﺍﺗﻘﺎﻥ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﻰ ﺑﯘ ﺩﯙﻟﻪﺗﻨﯩﯔ ﻧﯧﻔﯩﺘﻜﻪ ﺑﻮﻟﻐﺎﻥ ﺋﯧﻬﺘﯩﻴﺎﺟﯩﻨﻰ ﺋﯘﻟﻐﺎﻳﺘﯩﯟﻩﺗﻜﻪﻥ ﺑﻮﻟﻐﺎﭼﻘﺎ، ﺧﯩﺘﺎﻱ ﺧﻪﻟﻘﺌﺎﺭﺍ ﻧﯧﻔﯩﺖ ﺑﺎﺯﯨﺮﯨﻐﺎ ﺳﻪﺯﮔﯜﺭ ﻣﯘﺋﺎﻣﯩﻠﯩﺪﻩ ﺑﻮﻟﯘﭖ ﻛﻪﻟﻤﻪﻛﺘﻪ.

2006- ﻳﯩﻠﻰ ﺧﯩﺘﺎﻳﻨﯩﯔ ﺋﻮﻣﯘﻣﯩﻲ ﻧﯧﻔﯩﺖ ﺋﯩﻤﭙﻮﺭﺗﻰ 162.9 ﻣﯩﻠﻴﻮﻥ ﺗﻮﻧﻨﯩﻐﺎ ﻳﯧﺘﯩﭗ 2005- ﻳﯩﻠﯩﺪﯨﻜﯩﺪﯨﻦ 19 .6 ﭘﯩﺮﺳﻪﻧﺖ ﺋﺎﺷﻘﺎﻥ ﺋﯩﺪﻯ (ﺟﯜﻣﻪ)