ﻫﯚﻛﯜﻣﻪﺕ ﺋﻮﺭﮔﺎﻥ ﻣﻪﺗﺒﯘﺋﺎﺗﻠﯩﺮﯨﺪﯨﻦ ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﻨﯩﯔ ﭘﻪﻳﺸﻪﻧﺒﻪ ﻛﯜﻧﻰ ﺑﯩﻠﺪﯛﺭﯛﺷﯩﭽﻪ، ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﯨﻜﻰ ﺑﯩﺨﻪﺗﻪﺭﻟﯩﻜﻨﻰ ﻧﻪﺯﻩﺭﺩﻩ ﺗﯘﺗﻘﺎﻥ ﻫﯚﻛﯜﻣﻪﺕ، ﻣﯘﺷﯘ ﺋﺎﻳﻨﯩﯔ ﺑﺎﺷﻠﯩﺮﯨﺪﯨﻦ ﺑﯘﻳﺎﻥ، ﺑﯩﺮ ﻗﺎﺗﺎﺭ ﻫﻪﺭﺑﯩﻲ ﻣﺎﻧﯧﯟﯨﺮﻻﺭﻧﻰ ﺋﯚﺗﻜﯜﺯﯛﺵ ﺑﯩﻠﻪﻥ ﺑﯩﺮﮔﻪ ﻧﯘﻗﺘﯩﻠﯩﻖ ﺷﻪﻫﻪﺭﻟﻪﺭﺩﻩ ﭼﺎﺭﻻﺵ ﺧﯩﺰﻣﯩﺘﯩﻨﻰ ﻛﯜﭼﻪﻳﺘﻜﻪﻥ.

ﺑﯧﻴﺠﯩﯔ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﺑﯩﺨﻪﺗﻪﺭﻟﯩﻜﻨﻰ ﻗﻮﻏﺪﺍﺵ ﺋﻮﺭﮔﯩﻨﯩﻨﯩﯔ ﻣﻪﺳﺌﯘﻟﻰ ﻟﻴﯘ ﺟﺎﯞﯞﯗﻧﯩﯔ ﺋﯧﻴﺘﯩﺸﯩﭽﻪ، 5" ‏ - ﻧﻮﻣﯘﺭﻟﯘﻕ ﭼﺎﯕﭽﯧﯔ " ﻧﺎﻣﯩﺪﯨﻜﻰ ﻫﻪﺭﺑﯩﻲ ﻣﺎﻧﯧﯟﯨﺮﺩﺍ ﺧﯩﻤﯩﻴﯩﻠﯩﻚ ﺋﻮﻕ - ﺩﻭﺭﺍ ﻫﯘﺟﯘﻣﻠﯩﺮﯨﻐﺎ ﺯﻩﺭﺑﻪ ﺑﯧﺮﯨﺶ "، " ﺋﺎﭘﺘﻮﻣﻮﺑﯩﻠﺪﺍ ﻛﯧﺘﯩﯟﯦﺘﯩﭗ ﺋﻮﻕ ﭼﯩﻘﺎﺭﻣﺎﻗﭽﻰ ﺑﻮﻟﻐﺎﻥ ﻣﻪﺭﮔﻪﻧﻠﻪﺭﻧﻰ ﻳﻮﻗﯩﺘﯩﺶ" ﻗﺎﺗﺎﺭﻟﯩﻖ ﻫﻪﺭ ﺧﯩﻞ ﺷﻪﻛﯩﻠﺪﯨﻜﻰ ﻫﯘﺟﯘﻣﻼﺭﻏﺎ ﺗﺎﻗﺎﺑﯩﻞ ﺗﯘﺭﯗﺷﻘﺎ ﺋﻮﺧﺸﺎﺵ ﻫﻪﺭﺑﯩﻲ ﻣﻪﺷﯩﻘﻠﻪﺭ ﺋﯧﻠﯩﭗ ﺑﯧﺮﯨﻠﻐﺎﻥ.

ﻟﻴﯘﻧﯩﯔ ﺗﻪﻛﯩﺘﻠﯩﺸﯩﭽﻪ، ﻧﯚﯞﻩﺗﺘﻪ ﺑﯩﺨﻪﺗﻪﺭﻟﯩﻚ، ﻗﺎﺗﻨﺎﺵ، ﺋﻮﺕ ﻛﯧﺘﯩﺸﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ، ﺗﯧﺮﺭﻭﺭﻟﯘﻗﻘﺎ ﺯﻩﺭﺑﻪ ﺑﯧﺮﯨﺶ ﺷﯘﻧﯩﯖﺪﻩﻙ ﻣﯘﻫﯩﻢ ﺷﻪﺧﺴﻠﻪﺭﻧﻰ ﻗﻮﻏﺪﺍﺵ ﺧﯩﺰﻣﯩﺘﯩﮕﻪ ﺩﺍﺋﯩﺮ 500 ﺩﯨﻦ ﺋﺎﺭﺗﯘﻕ ﻣﯘﻫﯩﻢ ﺗﯜﺭﻟﻪﺭ ﺑﯘﻳﯩﭽﻪ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻥ ﺗﻪﻳﻴﺎﺭﻟﯩﻖ ﺧﯩﺰﻣﯩﺘﻰ ﺋﯩﺸﻠﯩﻨﯩﭗ ﺑﻮﻟﻐﺎﻥ.

ﺧﻪﯞﻩﺭﺩﻩ ﻳﻪﻧﻪ، ﺑﯧﻴﺠﯩﯖﻨﯩﯔ ﺷﻪﻫﻪﺭ ﺋﯩﭽﯩﺪﯨﻜﻰ ﺑﺎﺭﻟﯩﻖ ﭘﻮﻳﯩﺰ ﺋﯩﺴﺘﺎﻧﺴﯩﻠﯩﺮﯨﺪﺍ ﺑﯩﺨﻪﺗﻪﺭﻟﯩﻚ ﺗﻪﻛﺸﯜﺭﯛﺷﻰ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻧﻠﯩﻘﻰ ﻗﻪﻳﺖ ﻗﯩﻠﯩﻨﻐﺎﻥ ﺑﻮﻟﯘﭖ، ﻫﯚﻛﯜﻣﻪﺕ ﺋﻮﺭﯗﻧﻼﺷﺘﯘﺭﻏﺎﻥ 150 ﻣﯩﯖﺪﯨﻦ ﺋﺎﺭﺗﯘﻕ ﺑﯩﺨﻪﺗﻪﺭﻟﯩﻜﻜﻪ ﻣﻪﺳﺌﯘﻝ ﺧﺎﺩﯨﻤﺪﯨﻦ ﺑﺎﺷﻘﺎ،ﺋﯚﺯﯨﻨﻰ ﺗﯩﺰﯨﻤﻼﺗﻘﺎﻥ 290 ﻣﯩﯔ ﭘﯩﺪﺍﺋﯩﻲ ﻛﻮﭼﯩﻼﺭﺩﺍ ﭼﺎﺭﻻﺵ ﺋﯧﻠﯩﭗ ﺑﯧﺮﯨﺸﻘﺎ ﻣﻪﺳﺌﯘﻝ ﻗﯩﻠﯩﻨﻐﺎﻥ.

ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﺘﻪﺭﺑﯩﻴﻪ ﻣﯘﺭﺍﺳﯩﻤﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﻰ 8 - ﺋﺎﻳﻨﯩﯔ 8 ‏ - ﻛﯜﻧﻰ ﺭﻩﺳﻤﯩﻲ ﺑﺎﺷﻼﻧﻤﺎﻗﭽﻰ.