ﺑﯧﻴﺠﯩﯖﺪﺍ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﺴﻰ ﺋﯜﺳﺘﯩﺪﯨﻦ ﺳﻮﺕ ﺋﯧﭽﯩﻠﺪﻯ

" ﺩﯙﻟﻪﺕ ﻫﺎﻛﯩﻤﯩﻴﯩﺘﯩﻨﻰ ﺋﺎﻏﺪﯗﺭﯗﺷﻘﺎ ﻛﯜﺷﻜﯜﺭﺗﯜﺵ " ﺟﯩﻨﺎﻳﯩﺘﻰ ﺑﯩﻠﻪﻥ ﺋﻪﻳﯩﺒﻠﻪﻧﮕﻪﻥ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﺴﻰ ﺧﯘﺟﻴﺎ 18 - ﻣﺎﺭﺕ ﺳﻪﻳﺸﻪﻧﺒﻪ ﻛﯜﻧﻰ ﭼﯜﺷﺘﯩﻦ ﻛﯧﻴﯩﻦ ﺑﯩﺮﺩﻩ ﺑﯧﻴﺠﯩﯔ ﺷﻪﻫﻪﺭﻟﯩﻚ 1 - ﺋﻮﺗﺘﯘﺭﺍ ﺳﻮﺗﺘﺎ ﺳﻮﺗﻼﻧﺪﻯ. ﺋﻪﻧﮕﯩﻠﯩﻴﻪ ﺏ ﺏ ﺱ ﺭﺍﺩﯨﺌﻮ ‏ - ﺗﯧﻠﯧﯟﯨﺰﯨﻴﯩﺴﯩﻨﯩﯔ ﺑﯧﻴﺠﯩﯖﺪﯨﻦ ﺋﯩﮕﯩﻠﻪﭖ ﺧﻪﯞﻩﺭ ﺗﺎﺭﻗﯩﺘﯩﺸﯩﭽﻪ، ﺳﻮﺕ ﻣﻪﻳﺪﺍﻧﯩﻐﺎ ﭘﻪﻗﻪﺕ ﺋﯘﻧﯩﯔ ﺋﺎﭘﯩﺴﯩﻨﯩﯔ ﻗﺎﺗﻨﯩﺸﯩﺸﻰ ﺭﯗﺧﺴﻪﺕ ﻗﯩﻠﯩﻨﻐﺎﻥ. ﺳﻮﺕ ﺋﯜﭺ ﺳﺎﺋﻪﺕ ﺩﺍﯞﺍﻡ ﻗﯩﻠﻐﺎﻥ ﺑﻮﻟﯘﭖ، ﺳﻮﺩﯨﻴﻪ " ﻗﺎﻳﺘﺎ ﻛﯚﺭﯛﭖ ﭼﯩﻘﯩﭗ ﻫﯚﻛﯜﻡ ﻗﯩﻠﯩﺶ ﯞﺍﻗﺘﯩﻨﻰ ﺑﯧﻜﯩﺘﯩﺪﯨﻐﺎﻧﻠﯩﻘﻰ " ﻧﻰ ﺟﺎﻛﺎﺭﻻﺵ ﺑﯩﻠﻪﻥ ﺳﻮﺕ ﺋﺎﺧﯩﺮﻻﺷﻘﺎﻥ.

ﺧﯩﺘﺎﻳﺪﯨﻜﻰ ﺋﻪﻳﺪﯨﺰ ﻣﻪﺳﯩﻠﯩﺴﻰ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﻠﯩﺮﻯ ﺑﯘﻳﯩﭽﻪ ﺋﺎﻛﺘﯩﭗ ﭘﺎﺋﺎﻟﯩﻴﻪﺗﭽﻰ 34 ﻳﺎﺷﻠﯩﻖ ﺧﯘﺟﻴﺎ ﺑﯘﻟﺘﯘﺭ 12 ‏ - ﺋﺎﻳﻨﯩﯔ 27 - ﻛﯜﻧﻰ ﺩﯙﻟﻪﺕ ﻫﺎﻛﯩﻤﯩﻴﯩﺘﯩﻨﻰ ﺋﺎﻏﺪﯗﺭﯗﺷﻘﺎ ﻛﯜﺷﻜﯜﺭﺗﯜﺵ ﺟﯩﻨﺎﻳﯩﺘﻰ ﺑﯩﻠﻪﻥ ﻗﺎﺭﯨﻠﯩﻨﯩﭗ ﺗﯘﺗﻘﯘﻥ ﻗﯩﻠﯩﻨﻐﺎﻥ ﺑﻮﻟﯘﭖ ، ﺑﯘﻧﯩﯔ ﺋﺎﻟﺪﯨﺪﯨﻤﯘ ﺋﯘ ﺧﯩﺘﺎﻱ ﺳﺎﻗﭽﯩﻠﯩﺮﻯ ﺗﻪﺭﯨﭙﯩﺪﯨﻦ ﻛﯚﭖ ﻗﯧﺘﯩﻢ ﺗﻪﻫﺪﯨﺘﻜﻪ ﺋﯘﭼﺮﯨﻐﺎﻥ، ﺗﯘﺗﯘﭖ،ﻗﻮﻳﯘﭖ ﺑﯧﺮﯨﻠﮕﻪﻥ ﻫﻪﻣﺪﻩ ﻧﺎﺯﺍﺭﻩﺗﻜﻪ ﺋﯧﻠﯩﻨﻐﺎﻥ، ﺋﯘﻧﯩﯔ ﺋﺎﻳﺎﻟﻰ ﯞﻩ ﻳﯧﯖﻰ ﺗﯘﻏﯘﻟﻐﺎﻥ ﻗﯩﺰﯨﻤﯘ ﺋﺎﺋﯩﻠﯩﺪﻩ ﻧﻪﺯﻩﺭ ﺑﻪﻧﺖ ﻗﯩﻠﯩﻨﻐﺎﻥ.

ﺳﻮﺗﺘﯩﻦ ﻛﯧﻴﯩﻦ ﺋﯘﻧﯩﯔ ﺩﯨﺪﺍﺭﻻﺷﻤﯩﻐﯩﻠﻰ ﺗﯚﺕ ﺋﺎﻳﺪﯨﻦ ﺋﺎﺷﻘﺎﻥ ﺋﺎﻳﺎﻟﻰ ﯞﻩ ﺗﯚﺕ ﺋﺎﻳﻠﯩﻖ ﻗﯩﺰﻯ ﺑﯩﻠﻪﻥ ﺑﯩﺮ ﻧﻪﭼﭽﻪ ﻣﯩﻨﯘﺕ ﻛﯚﺭﯛﺷﯜﺷﯩﮕﻪ ﺭﯗﺧﺴﻪﺕ ﺑﯧﺮﯨﻠﮕﻪﻥ. ﺳﻮﺕ ﺋﺎﺧﯩﺮﻻﺷﻘﺎﻧﺪﯨﻦ ﻛﯧﻴﯩﻦ ﻣﯘﺧﺒﯩﺮﻻﺭﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻥ ﺧﯘ ﺟﯩﻴﺎﻧﯩﯔ ﺋﺎﺩﯞﻭﻛﺎﺗﻰ ﻟﻰ ﻓﺎﯕﭙﯩﯔ " ﺧﯘ ﺟﻴﺎ ﺟﯩﻨﺎﻳﯩﺘﯩﮕﻪ ﻫﻪﺭﮔﯩﺰ ﺋﯩﻘﺮﺍﺭ ﺋﻪﻣﻪﺱ " ﺩﯦﮕﻪﻥ.

ﻣﻪﺭﻛﯩﺰﻯ ﻧﻴﯘﻳﻮﺭﻛﺘﯩﻜﻰ ﻛﯩﺸﯩﻠﯩﻚ ﻫﻮﻗﯘﻕ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ ﺑﯜﮔﯜﻥ ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﺴﻰ ﺧﯘ ﺟﻴﺎﻏﺎ ﺳﻮﺕ ﺋﯧﭽﯩﻠﻐﺎﻧﻠﯩﻘﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ " ﺧﯘ ﺟﻴﺎﻧﯩﯔ ﻗﺎﺭﯨﻠﯩﻨﯩﺸﻰ ﺑﺎﺷﺘﯩﻦ ﺗﺎﺭﺗﯩﭙﻼ ﺋﯩﻨﺴﺎﻥ ﻫﻪﻗﻠﯩﺮﯨﮕﻪ ﺧﯩﻼﭖ ﺑﯩﺮ ﺩﯦﻠﻮ" ﺩﻩﭖ ﺑﺎﻳﺎﻧﺎﺕ ﺋﯧﻼﻥ ﻗﯩﻠﺪﻯ ﺷﯘﻧﺪﺍﻗﻼ "ﺧﯩﺘﺎﻱ ﺑﯘ ﻳﯩﻞ 8 -ﺋﺎﻳﺪﺍ ﺧﻪﻟﻘﺌﺎﺭﺍﻟﯩﻖ ﺋﻮﻟﯩﻤﭙﯩﻚ ﺋﯚﺗﻜﯜﺯﯛﻟﯩﺪﯨﻐﺎﻥ ﺑﯩﺮ ﺩﯙﻟﻪﺕ. ﺧﯩﺘﺎﻱ ﻫﯚﻛﯜﻣﯩﺘﻰ ﺋﻮﻟﯩﻤﭙﯩﻚ ﺋﺎﺭﻗﯩﻠﯩﻖ ﺋﯚﺯﯨﻨﯩﯔ ﺋﯩﺸﻪﻧﭽﻠﯩﻚ، ﺗﻪﺭﻩﻗﻘﯩﻴﺎﺗﻘﺎ ﺋﯩﮕﻪ ﺋﯩﻜﻪﻧﻠﯩﻜﯩﻨﻰ ﺩﯗﻧﻴﺎﻏﺎ ﻣﻪﻏﺮﯗﺭ ﻛﯚﺭﺳﻪﺗﻤﻪﻛﭽﻰ ، ﺷﯘﯕﺎ ﺑﯘﻧﯩﯔ ﺋﺎﻟﺪﯨﺪﺍ ﺧﯩﺘﺎﻱ ﺋﯩﭽﯩﺪﯨﻜﻰ ﺑﺎﺭﻟﯩﻖ ﺗﻪﻧﻘﯩﺪﯨﻲ ﺋﺎﯞﺍﺯﻻﺭﻧﻰ ﻳﻮﻗﯩﺘﯩﺶ ﺋﯜﭼﯜﻥ ﻫﻪﺭﯨﻜﻪﺕ ﻗﯩﻠﻤﺎﻗﺘﺎ، ﺧﯘ ﺟﻴﺎﻧﯩﯔ ﺩﯦﻠﻮﺳﻰ ﺑﯘﻧﯩﯔ ﺋﯩﺴﭙﺎﺗﻰ"ﺩﻩﭖ ﻛﯚﺭﺳﻪﺗﺘﻰ.

ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﻯ ﯞﯨﻦ ﺟﻴﺎﺑﺎﯞ، ﻣﯩﻨﯩﺴﺘﯩﺮﻟﯩﻖ ﯞﻩﺯﯨﭙﯩﺴﯩﮕﻪ ﻗﺎﻳﺘﺎ ﺑﯧﻜﯩﺘﯩﻠﮕﻪﻧﺪﯨﻦ ﻛﯧﻴﯩﻦ، ﺧﯘ ﺟﻴﺎ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﻣﯘﺧﺒﯩﺮﻻﺭﻧﯩﯔ ﺳﻮﺋﺎﻟﯩﻐﺎ ﺟﺎﯞﺍﺏ ﺑﻪﺭﮔﻪﻧﺪﻩ " ﺧﯘ ﺟﻴﺎﻧﯩﯔ ﺩﯦﻠﻮﺳﻰ ﻗﺎﻧﯘﻥ ﺑﯘﻳﯩﭽﻪ ﺑﯩﺮ ﺗﻪﺭﻩﭖ ﻗﯩﻠﯩﻨﯩﺪﯗ " ﺩﯦﮕﻪﻥ.

ﺧﯘ ﺟﻴﺎﻧﯩﯔ ﺋﺎﺩﯞﻭﻛﺎﺗﻰ ﺳﻮﺗﻨﯩﯔ ﻣﯘﺷﯘ ﻫﻪﭘﺘﻪ ﺋﯩﭽﯩﺪﻩ ﻫﯚﻛﯜﻡ ﺋﯧﻼﻥ ﻗﯩﻠﯩﻨﯩﺸﻰ ﻣﯘﻣﻜﯩﻨﻠﯩﻜﯩﻨﻰ ﺷﯘﻧﺪﺍﻗﻼ ﺧﯘ ﺟﻴﺎﻧﯩﯔ ﺟﯩﻨﺎﻳﯩﺘﻰ ﺑﯧﻜﯩﺘﯩﻠﺴﻪ، ﺑﻪﺵ ﻳﯩﻞ ﺋﻪﺗﺮﺍﭘﯩﺪﺍ ﻗﺎﻣﺎﻕ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﻨﯩﺶ ﺋﯧﻬﺘﯩﻤﺎﻟﻠﯩﻘﯩﻨﯩﯔ ﻳﯘﻗﯩﺮﯨﻠﯩﻘﯩﻨﻰ ﺑﯩﻠﺪﯛﺭﮔﻪﻥ. (ﮔﯜﻟﭽﯧﻬﺮﻩ)