ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﺪﯨﻦ، ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﻮﻗﻰ ﻫﻪﻗﻘﯩﺪﯨﻜﻰ ﺗﻪﻟﻪﭘﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ

21- ﺩﯦﻜﺎﺑﯩﺮ ﺟﯜﻣﻪ ﻛﯜﻧﻰ، ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻛﺎﻧﺪﯨﻠﯩﺰﺍ ﺭﺍﻳﺴﻘﺎ ﺧﻪﺕ ﻳﻮﻟﻼﭖ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﺪﯨﻦ، ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﻮﻕ ﺧﺎﺗﯩﺮﯨﺴﯩﻨﻰ ﺋﯩﻠﮕﯩﺮﻯ ﺳﯜﺭﯛﺷﺘﻪ ﻗﺎﻧﺪﺍﻕ ﭘﯩﻼﻧﻰ ﺑﺎﺭﻟﯩﻘﯩﻨﻰ 2008- ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﺪﯨﻦ ﺑﯘﺭﯗﻥ ﺟﺎﻣﺎﺋﻪﺗﻜﻪ ﭼﯜﺷﻪﻧﺪﯛﺭﯛﺷﻰ ﻛﯧﺮﻩﻛﻠﯩﻜﯩﻨﻰ ﺗﻪﻟﻪﭖ ﻗﯩﻠﺪﻯ.

ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ ﺋﺎﺳﯩﻴﺎ ﺑﯚﻟﯜﻣﯩﻨﯩﯔ ﺩﯨﺮﯦﻜﺘﻮﺭﻯ ﺳﯘﻓﻰ ﺭﯨﭽﺎﺭﺩﺳﻮﻥ ﺧﺎﻧﯩﻢ، ﭘﺮﯦﺰﯨﺪﯦﻨﺖ ﺑﯘﺷﻨﯩﯔ 2008- ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﻰ ﺋﯧﭽﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺶ ﺗﻪﻛﻠﯩﭙﯩﻨﻰ ﻗﻮﺑﯘﻝ ﻗﯩﻠﻐﺎﻧﻠﯩﻘﻰ ﯞﻩ ﺑﺎﺷﻘﺎ ﺩﯙﻟﻪﺕ ﺭﻩﻫﺒﻪﺭﻟﯩﺮﯨﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﻨﻰ، ﺧﯩﺘﺎﻱ ﻫﺎﺯﯨﺮ ﺋﯚﺯﻯ ﻳﯜﺭﮔﯜﺯﯛﯞﺍﺗﻘﺎﻥ ﺳﯩﻴﺎﺳﻪﺕ ﯞﻩ ﻗﯩﻠﻤﯩﺸﻠﯩﺮﯨﻨﯩﯔ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﺗﻪﺳﺘﯩﻘﯩﻐﺎ ﺋﯧﺮﯨﺸﻜﻪﻧﻠﯩﻜﻰ، ﺩﻩﭖ ﺳﯜﺭﻩﺗﻠﻪﻳﺪﯨﻐﺎﻧﻠﯩﻘﯩﻨﻰ ﻛﯚﺭﺳﻪﺗﺘﻰ ﯞﻩ "ﺷﯘ ﺧﯩﻠﺪﯨﻜﻰ ﺧﺎﺗﺎ ﭼﯜﺷﻪﻧﭽﯩﻨﻰ ﺑﯧﺮﯨﭗ ﻗﻮﻳﻤﺎﺳﻠﯩﻖ ﺋﯜﭼﯜﻥ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﭼﻮﻗﯘﻡ، ﺧﯩﺘﺎﻳﺪﺍ ﺋﯩﺰﭼﯩﻞ ﺩﺍﯞﺍﻣﻠﯩﺸﯩﭗ ﻛﯧﻠﯩﯟﺍﺗﻘﺎﻥ ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻜﻠﯩﺮﯨﻨﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﺎﻟﺪﯨﺪﺍ ﻗﺎﻧﺪﺍﻕ ﺋﻮﺗﺘﯘﺭﯨﻐﺎ ﻗﻮﻳﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺟﺎﻣﺎﺋﻪﺕ ﺋﺎﻟﺪﯨﺪﺍ ﺑﺎﻳﺎﻥ ﻗﯩﻠﯩﺶ ﻛﯧﺮﻩﻙ" ﺩﯦﺪﻯ.

ﺧﯩﺘﺎﻳﺪﺍ ﺋﯚﺗﻜﯜﺯﯨﻠﯩﺪﯨﻐﺎﻥ ﺋﻮﻟﯩﻤﭙﯩﻚ ﻳﯩﻐﯩﻨﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ، ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ، ﺋﺎﻗﻘﯘﻥ ﺋﯩﺸﭽﯩﻼﺭﻧﯩﯔ ﺧﻮﺭﻟﯩﻨﯩﺸﻰ، ﺋﻮﻟﯩﻤﭙﯩﻜﻜﻪ ﻣﯘﻧﺎﺳﯩﯟﻩﺗﻠﯩﻚ ﻗﯘﺭﯗﻟﯘﺷﻼﺭﻧﻰ ﺋﯧﻠﯩﭗ ﺑﯧﺮﯨﺶ ﺋﯜﭼﯜﻥ ﺗﯜﺭﻛﯜﻡ-ﺗﯜﺭﻛﯜﻣﻠﻪﭖ ﻣﻪﺟﺒﯘﺭﯨﻲ ﺋﺎﺋﯩﻠﻪ ﻛﯚﭼﯜﺭﯛﺵ، ﻗﺎﺭﺷﻰ ﭘﯩﻜﯩﺮﺩﯨﻜﯩﻠﻪﺭﻧﻰ ﺟﯩﻤﯩﻘﺘﯘﺭﯗﺵ ﺋﯜﭼﯜﻥ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﻧﻪﺯﻩﺭﺑﻪﻧﺘﻜﻪ ﺋﯧﻠﯩﺶ ﻗﺎﺗﺎﺭﻟﯩﻖ ﭼﻮﻗﯘﻡ ﺗﯩﻠﻐﺎ ﺋﯧﻠﯩﻨﯩﺶ ﺯﯙﺭﯛﺭ ﺑﻮﻟﻐﺎﻥ ﺗﯚﺕ ﻧﯘﻗﺘﯩﻨﻰ ﺭﻩﺗﻜﻪ ﺗﯩﺰﺩﻯ.

ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﻰ ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﯩﻨﻰ ﻗﻮﻏﺪﺍﺵ ﺋﯩﺸﻠﯩﺮﯨﻐﺎ ﻗﺎﻳﺴﻰ ﺟﻪﻫﻪﺗﻠﻪﺭﺩﻩ ﺋﺎﺭﯨﻠﯩﺸﯩﺪﯨﻐﺎﻧﻠﯩﻘﯩﻨﻰ ﭼﯜﺷﻪﻧﺪﯛﺭﯛﺷﻜﻪ ﯞﻩ ﺋﺎﻣﯧﺮﯨﻜﺎ-ﺧﯩﺘﺎﻱ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺭﻩﻫﺒﻪﺭﻟﯩﺮﻯ ﺋﯘﭼﺮﯨﺸﯩﺸﯩﺪﺍ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﺷﻘﺎ ﻗﯩﺴﺘﯩﺪﻯ.

ﺭﯨﭽﺎﺭﺩﺳﻮﻥ ﺧﺎﻧﯩﻢ ﻳﻪﻧﻪ، "ﺑﯩﺰ ﺋﺎﻣﯧﺮﯨﻜﺎ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﯨﻨﯩﯔ ﻛﯧﻠﻪﺭ ﻳﯩﻞ ﺋﺎﯞﻏﯘﺳﺘﺘﯩﻦ ﺑﯘﺭﯗﻥ ﺧﯩﺘﺎﻱ ﻫﯚﻛﯜﻣﯩﺘﯩﺪﯨﻦ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﺵ ﺗﻪﺭﻩﭘﻠﻪﺭﺩﻩ ﻧﯧﻤﯩﻠﻪﺭﻧﻰ ﻛﯜﺗﯩﺪﯨﻐﺎﻧﻠﯩﻘﯩﻨﻰ ﺑﯧﻜﯩﺘﯩﭗ ﭼﯩﻘﯩﺸﯩﻨﻰ ﺋﯜﻣﯩﺪ ﻗﯩﻠﯩﻤﯩﺰ" ﺩﯦﺪﻯ.

2008- ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻜﻰ ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﻛﯩﺸﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﯨﻨﯩﯔ ﻗﺎﺗﺘﯩﻖ ﻧﺎﺭﺍﺯﯨﻠﯩﻘﯩﻐﺎ ﺋﯘﭼﺮﺍﭖ ﻛﯧﻠﯩﯟﺍﺗﻘﺎﻥ ﺑﻮﻟﯘﭖ، ﺋﺎﻣﯧﺮﯨﻜﯩﻠﯩﻖ ﻛﯩﻨﻮ ﭼﻮﻟﭙﯩﻨﻰ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﺴﻰ ﻣﯩﻴﺎ ﻓﺎﺭﺭﻭﯞ ﺧﺎﻧﯩﻢ ﺧﯩﺘﺎﻳﻨﯩﯔ ﺩﺍﺭﻓﯘﺭﺩﺍ ﻗﯩﺮﻏﯩﻨﭽﯩﻠﯩﻖ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺳﯘﺩﺍﻥ ﻫﯚﻛﯜﻣﯩﺘﯩﻨﻰ ﻗﻮﻟﻼﭖ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺋﻪﻳﯩﺒﻠﻪﭖ، ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﻰ "ﻗﯩﺮﻏﯩﻨﭽﯩﻠﯩﻖ ﺋﻮﻟﯩﻤﭙﯩﻜﻰ" ﺩﻩﭖ ﺋﺎﺗﺎﭖ، ﺑﺎﻳﻘﯘﺕ ﻗﯩﻠﯩﺶ ﭘﯩﻜﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ. (ﺟﯜﻣﻪ)