ﺧﯩﺘﺎﻱ ﺩﯙﻟﻪﺗﻠﯩﻚ ﺋﯩﺴﺘﺎﺗﯩﺴﺘﯩﻜﺎ ﺋﯩﺪﺍﺭﯨﺴﯩﻨﯩﯔ ﺟﯜﻣﻪ ﻛﯜﻧﻰ ﺋﯧﻼﻥ ﻗﯩﻠﯩﺸﯩﭽﻪ، 4 ‏ - ﺋﺎﻱ ﺋﯩﭽﯩﺪﻩ ﺳﺎﻧﺎﺋﻪﺕ ﻣﻪﻫﺴﯘﻻﺗﻠﯩﺮﯨﻨﯩﯔ ﺯﺍﯞﯗﺕ ﺑﺎﻫﺎﺳﻰ 1.8 ﭘﯩﺮﺳﻪﻧﺖ ﺋﯚﺭﻟﯩﮕﻪﻥ ﺑﻮﻟﯘﭖ، ﺑﯘﻧﻰ 2007 ‏ - ﻳﯩﻠﻨﯩﯔ ﺋﻮﺧﺸﺎﺵ ﻣﻪﺯﮔﯩﻠﻰ ﺑﯩﻠﻪﻥ ﺳﯧﻠﯩﺸﺘﯘﺭﻏﺎﻧﺪﺍ 2.5ﭘﯩﺮﺳﻪﻧﺖ ﺋﺎﺭﺗﻘﺎﻥ. 4 - ﺋﺎﻱ ﺋﯩﭽﯩﺪﻩ ﺧﺎﻡ ﻧﯧﻔﯩﺘﻨﯩﯔ ﺯﺍﯞﯗﺕ ﺑﺎﻫﺎﺳﻰ 9.37 ﭘﯩﺮﺳﻪﻧﺖ، ﻛﯚﻣﯜﺭﻧﯩﯔ ﺯﺍﯞﯗﺕ ﺑﺎﻫﺎﺳﻰ 9.20 ﭘﯩﺮﺳﻪﻧﺖ، ﻳﯩﻤﻪﻙ ‏ - ﺋﯩﭽﻤﻪﻛﻨﯩﯔ ﺯﺍﯞﯗﺕ ﺑﺎﻫﺎﺳﻰ 9.11 ﭘﯩﺮﺳﻪﻧﺖ ﺋﯚﺭﻟﯩﮕﻪﻥ.

ﺧﯩﺘﺎﻳﺪﺍ ﭘﯘﻝ ﭘﺎﺧﺎﻟﻠﯩﻘﯩﻨﯩﯔ ﻛﯚﺭﺳﻪﺗﻜﯜﭼﻰ ﺗﺎﯞﺍﺭﻧﯩﯔ ﺑﺎﺯﺍﺭﺩﯨﻜﻰ ﺋﯩﺴﺘﯩﻤﺎﻝ ﺑﺎﻫﺎﺳﯩﻨﯩﯔ ﻛﯚﺭﺳﻪﺗﻜﯜﭼﻰ ﻳﻪﻧﻰ ﺳﯧﺘﯩﻠﯩﺶ ﺑﺎﻫﺎﺳﯩﻨﯩﯔ ﺋﯩﮕﯩﺰ - ﭘﻪﺳﻠﯩﻜﻰ ﺑﯩﻠﻪﻥ ﺋﯚﻟﭽﯩﻨﯩﺪﯗ. ﺧﯩﺘﺎﻱ ﻫﯚﻛﯜﻣﯩﺘﻰ 3 ‏ - ﺋﺎﻳﺪﺍ ﺋﯩﺴﺘﯩﻤﺎﻝ ﺑﺎﻫﺎﺳﯩﻨﯩﯔ ﺋﯚﺭﻟﻪﺵ ﻛﯚﺭﺳﻪﺗﻜﯜﭼﯩﻨﻰ 3.8 ﭘﯩﺮﺳﻪﻧﺖ، ﺩﻩﭖ ﺋﯧﻼﻥ ﻗﯩﻠﻐﺎﻥ. ﺩﯙﻟﻪﺗﻠﯩﻚ ﺳﺘﺎﺗﯩﺴﺘﯩﻜﺎ ﺋﯩﺪﺍﺭﯨﺴﻰ 4 ‏ - ﺋﺎﻳﺪﯨﻜﻰ ﺋﯩﺴﺘﯩﻤﺎﻝ ﺑﺎﻫﺎﺳﯩﻨﯩﯔ ﻛﯚﺭﺳﻪﺗﻜﯜﭼﯩﻨﻰ 12 ‏ - ﻣﺎﻱ ﻛﯜﻧﻰ ﺋﯧﻼﻥ ﻗﯩﻠﯩﺸﻰ ﻣﯘﻣﻜﯩﻦ. ﺗﺎﯞﺍﺭ ﺑﯘﻳﯘﻣﻠﯩﺮﯨﻨﯩﯔ ﺯﺍﯞﯗﺕ ﺑﺎﻫﺎﺳﯩﺪﯨﻜﻰ ﺋﺎﺭﺗﯩﺶ ﺋﯘﻧﯩﯔ ﺋﯩﺴﺘﯩﻤﺎﻝ ﺑﺎﻫﺎﺳﯩﻐﺎ ﭼﻮﻗﯘﻡ ﺗﻪﺳﯩﺮ ﻛﯚﺭﺳﯩﺘﯩﺪﯗ.

ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﻯ ﯞﯦﻦ ﺟﻴﺎﺑﺎﯞ، ﺧﻪﻟﻖ ﻗﯘﺭﯗﻟﺘﯩﻴﯩﻨﯩﯔ ﻳﯩﻐﯩﻨﯩﺪﺍ ﻫﯚﻛﯜﻣﻪﺗﻨﯩﯔ ﺑﯘ ﻳﯩﻠﻘﻰ ﺋﻪﯓ ﻣﯘﻫﯩﻢ ﯞﻩﺯﯨﭙﯩﺴﻰ ﭘﯘﻝ ﭘﺎﺧﺎﻟﻠﯩﻘﯩﻨﻰ ﻛﻮﻧﺘﺮﻭﻝ ﻗﯩﻠﯩﺶ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. ﻛﯚﺯﻩﺗﻜﯜﭼﯩﻠﻪﺭﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﭘﯘﻝ ﭘﺎﺧﺎﻟﻠﯩﻘﻰ ﻛﻮﻧﺘﺮﻭﻟﺪﯨﻦ ﭼﯩﻘﯩﭗ ﻛﻪﺗﺴﻪ، ﺑﯘ ﭘﯘﻗﺮﺍﻟﯩﺮﯨﻨﯩﯔ ﺳﯧﺘﯩﯟﯦﻠﯩﺶ ﻛﯜﭼﻰ ﺋﺎﺟﯩﺰ ﺧﯩﺘﺎﻳﺪﺍ ﺯﻭﺭ ﺋﯩﺠﺘﯩﻤﺎﺋﯩﻲ ﻣﯘﻗﯩﻤﺴﯩﺰﻟﯩﻘﻼﺭﻧﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺸﻰ ﻣﯘﻣﻜﯩﻦ.