សពបណ្ឌិត កែម ឡី មួយឆ្នាំហើយ
ដោយ អ៊ុង ថាវរី
2017.06.30
2017.06.30
ពេលទង់ជាតិបក់ វក់វីវេហា ទីនោះកត់ត្រា មហាបុរស
មានឈ្មោះកែម ឡី ឈ្មោះក្ដៅថ្មីស្រស់ ដែលខ្មាំងវាចោះ វាបាញ់ប្រហារ។
ខ្មាំងជាសត្រូវ ជាតិខ្មែរគ្រប់កាយ វាចង់រំលាយខ្មែរពីលោកា
កែម ឡី ស្គាល់ពិត ស្ដីប្រាប់ខេមរា ចងក្រងសិក្សា១០០រាត្រី។
កែម ឡី តែងលើក យករឿងសង្គម ដែលរាស្ត្រទុក្ខធំ ព្រោះបាត់ផ្ទះដី
បាត់ស្រែចម្ការ លើព្រំដែនថ្មី បង្គោលដូរដី ខ្មែររួមតូចពិត។
ព្រំដែនសមុទ្រ ឃើញហើយលោកថា សេដ្ឋកិច្ចចាត់ការ គ្រួសារទុច្ចរិត
ជាឆ្អឹងជាប់ក នៃជនឧក្រិដ្ឋ កែម ឡី តែងគិត រឿងជាតិគ្រោះថ្នាក់។
លោកលាចាកទៅ បាត់មួយឆ្នាំហើយ ខ្មែរនៅមិនស្បើយ នឹកហើយអួលអាក់
ហើយជឿប្រាកដ ថ្ងៃមួយមានជាក់ ឃាតកអស់លក្ខណ៍ ធ្លាក់ក្នុងដៃច្បាប់៕
*កំណាព្យនេះជាស្នាដៃនិពន្ធដោយ អ៊ុង ថាវរី ដែលជាប្រិយមិត្តអ្នកស្ដាប់របស់អាស៊ីសេរិ។