ភ្ញាក់ឡើងកំពូលស្វាមី
2016.07.13
ភរិយារបស់លោក កែម ឡី យំឱបសពកាលពីព្រឹកថ្ងៃទី១១ ខែកក្កដា ឆ្នាំ២០១៦។ RFA/Rann Samnang
RFA/Rann Samnang
១. ភ្ញាក់ឡើងៗ កំពូលស្វាមី កុំគេងធ្វើអី ឮស្រីហៅទេ?
បងអើយកូនយើង ស្រែកហៅមាសមេ ហេតុអីប្រុសស្នេហ៍ លង់លក់ស្ងាត់ឈឹង។
២. មិនមែនតែអូន និងកូនហៅទេ កូនខ្មែរយើង គេ ដង្ហោយទ្រហឹង
បងអើយភ្ញាក់ឡើង កុំនៅធ្វើទ្រឹង សូមកែវព្រលឹង ភ្ញាក់ឡើងរៀមរ៉ា។
៣. ក្រោកឡើងៗ ស្វាមីខ្ញុំអើយ កុំធ្វើព្រងើយ កូនស្រែកហៅប៉ា
ក្រោកឡើងសាសង ជាមួយគ្រួសារ ចង់ឮវោហារ វែកញែករឿងពិត។
៤. បងអើយក្រោកឡើង ខ្មែរយំអង្វរ ទូទាំងនគរ និងក្រៅស្រុកទៀត
បេះដូងកូនខ្មែរ តានតឹងចង្អៀត បងប្អូនមិត្តញាតិ ហៅឈ្មោះ "កែម ឡី"។
៥. កូនខ្មែរយំខឹង ចង់ដឹងការពិត... រកជនឧក្រិដ្ឋ ចិត្តអន្យតិរ្ថិយ
ដែលនៅពីក្រោយ ការបាញ់ប្រល័យ ឲ្យយល់សេចក្ដី ថាតើនរណា?
៦.សូមយុទ្ធនាការ "មួយរយរាត្រី" នៅតែមានន័យ សម្រាប់ខេមរា
បងអើយសូមបង ទៅសោយសុខា កេរ្តិ៍ឈ្មោះផងណា ខេមរាចងចាំ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ