កំណាព្យ៖ អំនួតក្អែកហ៊ីង

ដោយ យី ឆេងអ៊ួ
2017.11.20

ហ៊ីងខំប្រឹងស្រែក ក្អែកប្រឹងបំភ្លៃ ថាខ្លួននុះនៃ ត្រឹមត្រូវឥតខ្ចោះ ឯអ្នកដទៃ សុទ្ធខុសទាំងអស់ សុទ្ធគ្មានកេរ្តិ៍ឈ្មោះ ល្អដូចខ្លួនឡើយ។

ហ៊ីងបន្ទរថា គឺខ្លួននេះហើយ គ្មានអ្នកណាឡើយ រាងសង្ហាដូច ខ្លូនតូចច្រឡឹង មិនធំមិនតូច សម្លេងស្រៀវស្រួច ខូចមិនប្រព្រឹត្ត។

ក្អែកក៏បំភ្លៃ អស់ហេតុការណ៍ពិត ថាខ្លួនប្រព្រឹត្ត តែល្អត្រឹមត្រូវ មានគេស្រលាញ់ មិនធ្លាប់អាស្រូវ ខ្លួនសមិនខ្មៅ មិនខ្លៅប្រាជ្ញខ្ពស់។

ក្អែកបន្តថា ខ្លួនមានកិត្តិយស ត្រកូលខ្ពង់ខ្ពស់ នៅក្នុងសកល គេថាក្អែកខុស គឺក្អែកមិនខ្វល់ សំខាន់គឺសល់ តែប្រាក់ដុល្លារ។

ហ៊ីងស្រែកបន្ត ក្អែក ហ៊ីងអស្ចារ្យ នៅក្នុងលោកា នរណាមិនស្មើ អំនួតក្អែក ហ៊ីង ចាស់មិនសរសើរ ថ្ងៃមួយគង់ទើរ លើផលប្រព្រឹត្ត៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

កំណាព្យ

អត្ថបទពេញនិយម

RFA

វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ