ប្រសិទ្ធភាព និងមូលហេតុនៃការធ្វើកំណែទម្រង់វិស័យយោធា
2019.05.10
(ឆ្វេង) លោក គឹម សុខ អ្នកវិភាគនយោបាយ និងបណ្ឌិត មាស នី អ្នកសិក្សាស្រាវជ្រាវបញ្ហាសង្គម។
RFA
វេទិកាអ្នកស្ដាប់វិទ្យុអាស៊ីសេរីនៅយប់ថ្ងៃទី១០ ខែឧសភា ឆ្នាំ២០១៩ ពិភាក្សាជុំវិញប្រធានបទ៖ «ប្រសិទ្ធភាព និងមូលហេតុនៃការធ្វើកំណែទម្រង់វិស័យយោធា»។
ក្នុងអាណត្តិទី៦ នេះ លោក ហ៊ុន សែន បានប្រកាសចង់ធ្វើកំណែទម្រង់វិស័យយោធា ដោយការបកផ្កាយខ្លះ ចេញពីស្មាមន្ត្រីយោធាជាន់ខ្ពស់មួយចំនួន ស្របពេលលោកបានដំឡើងតំណែងកូនប្រុសច្បងរបស់លោកម្នាក់ជិតដល់តំណែងកំពូលក្នុងវិស័យយោធា។ លោក ហ៊ុន សែន បង្ហាញបំណងចង់ទម្លាក់ឋានន្តរសក្ដិមន្ត្រីយោធាជាន់ខ្ពស់ កម្រិតនាយឧត្ដមសេនីយ៍ផ្កាយមាស ៤ ឲ្យមកនៅសល់ត្រឹមតែពីរនាក់វិញនាពេលអនាគត គឺមួយរូបសម្រាប់រដ្ឋមន្ត្រីក្រសួងការពារជាតិ និងមួយរូបទៀត ជាអគ្គមេបញ្ជាការកងយោធពលខេមរភូមិន្ទ ដើម្បីបញ្ចៀសអតិផរណាឋានន្តរសក្ដិមន្ត្រីយោធា។ លោកបានបង្ហាញចេតនានេះ គាប់ជួនពេលដែលលោកទៅចូលរួមវេទិកាខ្សែក្រវាត់ និងផ្លូវលើកទីពីររបស់ចិន នៅរដ្ឋធានីប៉េកាំង កាលពីចុងខែមេសាកន្លងទៅ។
ទោះបីជាយ៉ាងណា ភ្លាមៗ ក្រោយការបង្ហាញចេតនានេះ ក្រសួងការពារជាតិ បានចេញមកអះអាងថា នឹងមិនមានការកាត់ ឬទម្លាក់សក្ដិមន្ត្រីយោធា ជាន់ខ្ពស់ណានោះឡើយ ដោយស្នើកុំឲ្យមានការភ្ញាក់ផ្អើល និងថា រដ្ឋាភិបាលមានផែនការច្បាស់លាស់ក្នុងការធ្វើកំណែទម្រង់ឋានន្តរសក្ដិមន្ត្រីយោធានេះ ដែលត្រូវធ្វើឡើងជាជំហានៗ និងជាយុទ្ធសាស្ត្រយូរអង្វែង ក្នុងអ្វីមួយ ដែលក្រសួងអះអាងថា ដើម្បីពង្រឹងប្រសិទ្ធភាពនៃការដឹកនាំ និងការបញ្ជា ព្រមទាំងការកសាងកងទ័ពដែលមានគុណភាព ស្របតាមការវិវឌ្ឍនៃសភាពការណ៍ជាតិ និងអន្តរជាតិ។
តើមានមូលហេតុអ្វីខ្លះ នៅពីក្រោយការជំរុញលោក ហ៊ុន សែន ឲ្យចង់ធ្វើកំណែទម្រង់វិស័យយោធារបៀបនេះ ហើយថា តើកំណែទម្រង់នេះនឹងមានប្រសិទ្ធភាពឬទេ?
សូមស្ដាប់សំឡេងនៃកិច្ចពិភាក្សាដែលមាន វាគ្មិនកិត្តិយស៖ បណ្ឌិត មាស នី អ្នកសិក្សាស្រាវជ្រាវបញ្ហាសង្គម និងលោក គឹម សុខ អ្នកវិភាគនយោបាយ។
អ្នកសម្របសម្រួល៖ លោក មាន ឫទ្ធិ
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ