វេទិកាអ្នកស្ដាប់៖ តើរឿងអាស្រូវជុំវិញរបររកស៊ីលាងលុយកខ្វក់ និងឆបោកតាមប្រព័ន្ធអនឡាញ (Online) ពាក់ព័ន្ធត្រកូល ហ៊ុន ធ្វើឱ្យប៉ះពាល់មុខមាត់កម្ពុជាបែបណាខ្លះ?
2024.07.19
(ឆ្វេង) លោក អាឡិចហាន់ដ្រូ ហ្គន់ហ្សាឡេស ដេវីតសុន (Alejandro Gonzalez Davidson) ស្ថាបនិកអង្គការចលនាមាតាធម្មជាតិ និងបណ្ឌិត សេង សារី អ្នកឃ្លាំមើលផ្នែកអភិវឌ្ឍន៍សង្គម។
RFA
វេទិកាអ្នកស្ដាប់វិទ្យុអាស៊ីសេរី នៅយប់ថ្ងៃសុក្រ ទី១៩ កក្កដា ជជែកពិភាក្សាលើប្រធានបទ៖ រឿងអាស្រូវជុំវិញរបររកស៊ីលាងលុយកខ្វក់ និងឆបោកតាមប្រព័ន្ធអនឡាញ (Online) ពាក់ព័ន្ធត្រកូល ហ៊ុន នឹងធ្វើឱ្យប៉ះពាល់ដល់មុខមាត់កម្ពុជាបែបណាខ្លះ?
លោក ហ៊ុន តូ ក្មួយប្រុសបង្កើតរបស់លោក ហ៊ុន សែន ដែលមានរឿងអាស្រូវជាច្រើនរាប់សឹងមិនអស់នោះ ឥឡូវនេះ ត្រូវបានគេរកឃើញករណីថ្មីមួយទៀត គឺលោកអាចជាប់ពាក់ព័ន្ធនឹងក្រុមហ៊ុនឯកជនមួយ ដែលរកស៊ីលាងលុយកខ្វក់ខ្នាតអន្តរជាតិ និងឆបោកតាមប្រព័ន្ធអនឡាញ (Online)។
ក្រុមហ៊ុនវិភាគទិន្នន័យប្រតិបត្តិការកុំព្យូទ័រ តាមប្រព័ន្ធបច្ចេកវិទ្យា Blockchai ឈ្មោះ អេលីបទីក (Elliptic) ដែលមានមូលដ្ឋាននៅទីក្រុងឡុងដ៍ (London) ចក្រភពអង់គ្លេស (UK) ថ្មីៗ នេះ បានលាតត្រដាងថា លោក ហ៊ុន តូ ដែលជាបងប្អូនជីដូនមួយរបស់លោកនាយករដ្ឋមន្ត្រី ហ៊ុន ម៉ាណែត គឺជានាយកមួយរូប នៃក្រុមហ៊ុន ហួយវ័នផេ (Huione Pay) ដែលរកស៊ី លាងលុយនិងទទួលបានប្រាក់ចំណេញយ៉ាងហោចជាង ១១ពាន់លានដុល្លារអាមេរិក។
តើសកម្មភាពរបស់លោក ហ៊ុន តូនេះ នឹងធ្វើឱ្យប៉ះពាល់ដល់មុខមាត់កម្ពុជាបែបណាខ្លះ?
សូមលោកអ្នកនាងចុចស្ដាប់សំឡេង នៃកិច្ចពិភាក្សារវាងលោក ជុន ច័ន្ទបុត្រ ជាមួយលោក អាឡិច ស្ថាបនិកអង្គការចលនាមាតាធម្មជាតិ និងលោក សេង សារី អ្នកឃ្លាំមើលផ្នែកអភិវឌ្ឍន៍សង្គម ដែលបានជជែកពិភាក្សាអំពីរឿងនេះ នៅយប់ថ្ងៃសុក្រ ទី១៩ ខែកក្កដា ឆ្នាំ២០២៤៕
អត្ថបទពេញនិយម
RFA
- ក្រសួងមហាផ្ទៃបញ្ជាក់ថា កូនមន្ត្រីជាន់ខ្ពស់ ដែលបើកឡានបុកមនុស្សស្លាប់ពីរនាក់ នៅអូស្ត្រាលីនោះ គឺឈ្មោះ ឌឿន ឧត្ដមសេនីយ៍
- ក្រុមប្រឹក្សាអភិវឌ្ឍន៍កម្ពុជាគ្រោងធ្វើបេសកកម្មដើរគោះទ្វាររកវិនិយោគិននៅអាមេរិកជាថ្មី
- លោក ហ៊ុន សែន បង្កើនការគំរាមកំហែងឆ្លងដែនលើអ្នករិះគន់
- លោក ហ៊ុន ម៉ាណែត ប្រតិកម្មអ្នករិះគន់ព្រឹត្តិការណ៍ Gumball 3000
- សមត្ថកិច្ចម៉ាឡេស៊ីចាប់ពលករខ្មែរម្នាក់ពាក់ព័ន្ធរិះគន់រដ្ឋាភិបាលកម្ពុជា