វេទិកាអ្នកស្ដាប់អាស៊ីសេរី៖ ជនរងគ្រោះករណីបង្ក្រាបដោយហិង្សានៅផ្លូវ វេង ស្រេង នៅតែរង់ចាំយុត្តិធម៌
2019.01.04
ឪពុកម្តាយ និងប្អូនស្រីរបស់យុវជន ខឹម សុផាត ដែលបាត់ខ្លួនក្នុងករណីហិង្សានៅផ្លូវ វេង ស្រេង កាលពីឆ្នាំ២០១៤ ផ្ដល់បទសម្ភាសន៍ដល់វិទ្យុអាស៊ីសេរី កាលពីថ្ងៃទី៣ ខែមករា ឆ្នាំ២០១៦។
រូបថត៖ RFA
រយៈពេល ៥ឆ្នាំ បានកន្លងផុតទៅ ជនរងគ្រោះក្នុងករណីបង្ក្រាបដ៏ហិង្សា នៅផ្លូវ វេង ស្រេង នៅតែរង់ចាំយុត្តិធម៌។ តើនរណាជាអ្នកទទួលខុសត្រូវ?
វាគ្មិន៖ លោកស្រី អ៊ិន លក្ខិណា ម្ដាយយុវជនឈ្មោះ ខឹម សុផាត ដែលបាត់ខ្លួន និងលោក អំ សំអាត អ្នកគ្រប់គ្រងបច្ចេកទេសការិយាល័យស៊ើបអង្កេត នៃអង្គការសិទ្ធិមនុស្ស លីកាដូ
កាលពីថ្ងៃទី៣ ខែមករា ឆ្នាំ២០១៤ (ពោលគឺកាលពីប្រាំឆ្នាំមុន) កម្មករកម្មការិនីរាប់ម៉ឺននាក់ បានផ្ទុះការតវ៉ាទាមទារដំឡើងប្រាក់ឈ្នួល ១៦០ដុល្លារក្នុងមួយខែ ដែលបានធ្វើឲ្យកងកម្លាំងចម្រុះរបស់រដ្ឋាភិបាល លោកនាយករដ្ឋមន្ត្រី ហ៊ុន សែន បើកការបង្ក្រាបដោយបាញ់គ្រាប់កាំភ្លើងពិតបង្ក្រាបទៅលើកម្មករ ដែលប្រើដុំថ្មជាអាវុធក្នុងគ្រានោះ បណ្ដាលឲ្យកម្មករ ៤នាក់ស្លាប់ ម្នាក់បាត់ខ្លួន និងរបួសជាង ៤០នាក់។
ក្នុងចំណោមជនរងគ្រោះទាំងនោះ គឺមានម្ដាយឪពុករបស់យុវជន ខឹម សុផាត ដែលបានបាត់ខ្លួន និងបាត់ដំណឹងសូន្យឈឹងរហូតមកដល់ពេលនេះ។ ពួកគាត់កំពុងដង្ហោយរកយុត្តិធម៌។ មន្ត្រីសិទ្ធិមនុស្សថា យុត្តិធម៌ហាក់កំពុងតែឆ្ងាយដូចជើងមេឃ។
តើនរណាជាអ្នកទទួលខុសត្រូវនៅក្នុងរឿងនេះ? តើគ្រួសារជនរងគ្រោះ ត្រូវរង់ចាំយូរប៉ុណ្ណាទៀត ដើម្បីបានយុត្តិធម៌?
សូមអញ្ជើញស្ដាប់កិច្ចពិភាក្សាអំពីបញ្ហានេះ...
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ