កម្មវិធីផ្សាយពិសេសអំឡុងពេលបោះឆ្នោតឃុំសង្កាត់ឆ្នាំ២០១៧
2017.04.12
កម្មវិធីផ្សាយពិសេសអំឡុងពេលបោះឆ្នោតឃុំសង្កាត់ឆ្នាំ២០១៧
Photo: RFA
ដើម្បីចូលរួមផ្ដល់ព័ត៌មានចាំបាច់ទាំងឡាយ ក្នុងអំឡុងព្រឹត្តិការណ៍បោះឆ្នោតជ្រើសរើសក្រុមប្រឹក្សាឃុំ សង្កាត់អាណត្តិទី៤នេះ អាស៊ីសេរីនឹងរៀបចំកម្មវិធីពិសេសមួយចំនួនដូចតទៅ៖
កម្មវិធីទី១ គឺកិច្ចសន្ទនាជាមួយមេឃុំ២៥រូប៖ ក្នុងការផលិតកម្មវិធីនេះ ក្រុមការងារអាស៊ីសេរីនឹងធ្វើដំណើរទៅគ្រប់២៥ខេត្ត-រាជធានីទូទាំងប្រទេស ដើម្បីធ្វើបទសម្ភាសន៍ជាមួយមេឃុំ ឬ ចៅសង្កាត់២៥រូប អំពីបទពិសោធន៍ការងារជាមេឃុំ ឬចៅសង្កាត់ដែលជាប់ឆ្នោតកាលពីឆ្នាំ២០១២ ។
កម្មវិធីពិសេសទី២ គឺ ការជួបជាមួយប្រធាន ឬ តំណាងគណបក្សទាំង១២ដែលឈរឈ្មោះបោះឆ្នោតក្រុមប្រឹក្សាឃុំ សង្កាត់ឆ្នាំ២០១៧នេះ ដើម្បីឲ្យគណបក្សទាំងនោះមានឱកាសស្មើភាពគ្នា ក្នុងការផ្សព្វផ្សាយពីគោលនយោបាយរបស់ខ្លួនទៅកាន់ម្ចាស់ឆ្នោត។
យើងក៏នឹងមានល្ខោនវិទ្យុខ្លីៗ ដើម្បីចែករំលែកនូវចំណេះដឹងស្ដីពីសារសំខាន់នៃការបោះឆ្នោតជ្រើសរើសក្រុមប្រឹក្សាឃុំ-សង្កាត់។
ក្រៅពីនេះ យើងនឹងអញ្ជើញបេក្ខជនមេឃុំ ឬ ចៅសង្កាត់មកពីគណបក្សផ្សេងៗគ្នា ម្ដង២គណបក្ស មកតទល់គ្នាក្នុងស្ទូឌីយោផ្សាយផ្ទាល់របស់អាស៊ីសេរី ដើម្បីសួរដេញដោលពីប្រសិទ្ធភាពនៃគោលនយោបាយរបស់គណបក្សរៀងៗខ្លួន។
អ្វីដែលពិសេសជាងនេះទៅទៀតនោះ អាស៊ីសេរីនឹងរៀបចំវេទិកាធំៗចំនួន៣ ដើម្បីឲ្យពលរដ្ឋជាម្ចាស់ឆ្នោត រួមមានក្រុមនិស្សិត បញ្ញវ័ន្ត មន្ត្រីសង្គមស៊ីវិល និងពលរដ្ឋទូទៅ ប្រមាណ៥០នាក់ សួរដេញដោលដោយផ្ទាល់ជាមួយមេដឹកនាំគណបក្សធំៗមួយចំនួន អំពីសមត្ថភាពរបស់បក្សទាំងនោះ ក្នុងការដោះស្រាយបញ្ហាចម្បងៗក្នុងសង្គមនៅពេលខ្លួនជាប់ឆ្នោត។
សូមលោកអ្នកនាងរង់ចាំតាមដានស្ដាប់និងទស្សនាកម្មវិធីផ្សាយពិសេសរបស់យើងខ្ញុំ សម្រាប់ការបោះឆ្នោតឆ្នាំ២០១៧នេះ កុំបីខាន។ សូមអរគុណ!
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
អត្ថបទពេញនិយម
ខ្មែរ
- លោក ហ៊ុន សែន បដិសេធការចោទរបស់វៀតណាម ដែលថា ព្រែកជីកហ្វូណនសម្រាប់សម្រួលវត្តមានយោធាចិន
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
- ក្រុមគ្រួសារលោក ហ៊ុន សែន បង្កើតកម្មវិធីរាំច្រៀងសប្បាយនៅលើគំនរទុក្ខពលរដ្ឋ
- ក្រុមអតិថិជនបុរីពិភពថ្មីដាក់ពាក្យប្ដឹង ទៅស្នងការករណីតៃកុងឡានបុរីបើកបុកពួកគាត់
- លោក ហ៊ុន ម៉ាណែត ថ្លែងការពារគម្រោងព្រែកជីកហ្វូណនតេជោ ក្រោយពេលវៀតណាមរិះគន់