កម្ពុជា​ដាក់​កំណត់​ទូត​តវ៉ា​រឿង​ទាហាន​ថៃ​បាញ់​សម្លាប់​ពលរដ្ឋ​ខ្មែរ

ការ​បាញ់​សម្លាប់​ពលរដ្ឋ​ខ្មែរ​នៅ​តាម​ព្រំ​ដែន​ពី​សំណាក់​ទាហាន​ការពារ​ព្រំដែន​ថៃ នៅ​​​តែ​បន្ត​កើត​មាន​ជា​បន្ត​បន្ទាប់។ ទាក់ទិន​នឹង​ករណី​នេះ ក្រសួង​ការបរទេស​កម្ពុជា បាន​ដាក់​កំណត់​ទូត​ទៅ​កាន់​ក្រសួង​ការបរទេស​ថៃ ជា​ថ្មី​ម្ដង​ទៀត តាម​រយៈ​ឯកអគ្គ​រាជ​ទូត​ថៃ ប្រចាំ​នៅ​កម្ពុជា ក្នុ​ង​គោល​បំណង​បញ្ឈប់​ការ​បាញ់​ប្រហារ​ទាំង​នេះ។
ដោយ សុ ជីវី
2012-02-29
Share

កម្ពុជា​កំពុង​ស្វែង​រក​កិច្ច​ចរចា​រក​ដំណោះ​ស្រាយ​ជាមួយ​ប្រទេស​ថៃ ដើម្បី​បញ្ឈប់​សកម្មភាព​ទាហាន​ថៃ បាញ់​ប្រហារ​មក​លើ​ពលរដ្ឋ​ខ្មែរ​នៅ​តំបន់​ព្រំដែន​នៃ​ប្រទេស​ទាំង​ពីរ។

ស្រប​ពេល​គ្នា​នេះ កម្ពុជា​បាន​ផ្ញើ​កំណត់​ទូត​មួយ​ទៅ​ប្រទេស​ថៃ នៅ​ថ្ងៃ​ទី​២៨ ខែ​កុម្ភៈ ពាក់ព័ន្ធ​ករណី​ទាហាន​ថៃ នៅ​តែ​បន្ត​បាញ់​សម្លាប់​ពលរដ្ឋ​ខ្មែរ។

លោក ឡុង វិសាលោ រដ្ឋលេខាធិការ​ក្រសួង​ការបរទេស បាន​ថ្លែង​ប្រាប់​ក្រុម​អ្នក​យក​ព័ត៌មាន​បន្ទាប់​ពី​ជំនួប​ជាមួយ​ឯក​អគ្គរាជ​ទូត​ថៃ នៅ​ក្រសួង​ការបរទេស​កម្ពុជា។ លោក​ថា រដ្ឋាភិបាល​មិន​ដែល​ព្រងើយ​កន្តើយ​ចំពោះ​ការ​បាត់​បង់​ជីវិត​ពលរដ្ឋ​ខ្មែរ​ដោយសារ​ការ​បាញ់​ប្រហារ​ពី​សំណាក់​​ទាហាន​ថៃ នោះ​ឡើយ។ លោក​ទទួល​ស្គាល់​ថា ជា​និច្ចជាកាល​ការ​ដាក់​កំណត់​ទូត​ទៅ​កាន់​ភាគី​ថៃ គឺ​ពុំ​ទទួល​បាន​ដំណោះ​ស្រាយ​ទេ។

របាយការណ៍​ពី​ក្រសួង​ការបរទេស​កម្ពុជា បាន​បង្ហាញ​ថា នៅ​ដើម​ឆ្នាំ​២០១២ ពលរដ្ឋ​ខ្មែរ​ចំនួន ៧​នាក់ និង​ក្នុង​ឆ្នាំ​២០១១ មាន ១២​នាក់ ត្រូវ​ថៃ​បាញ់​សម្លាប់​នៅ​តាម​ព្រំដែន នៅ​ពេល​ពួក​គេ​ឆ្លង​ដែន​ចូល​ទៅ​កាប់​ឈើ​ដោយ​ខុស​ច្បាប់​នៅ​ក្នុង​ទឹក​ដី​ថៃ។

លោក ចាន់ សុវ៉េត អនុ​ប្រធាន​កម្មវិធី​ផ្នែក​ស៊ើប​អង្កេត​នៃ​សមាគម​ការពារ​សិទ្ធិ​មនុស្ស​អាដហុក (Adhoc)។ លោក​សាទរ​ចំពោះ​ការ​ប្រើ​ប្រាស់​វិស័យ​កាទូត​ក្នុង​ការ​ពិភាក្សា​ដោះ​ស្រាយ​បញ្ហា តែ​រដ្ឋាភិបាល​ក៏​គួរ​រិះ​រក​វិធី​ផ្សេង​ដែល​អាច​អោយ​ភាគី​ថៃ យល់​ព្រម​ទទួល​យក​ការ​សន្យា​ទៅ​ដោះ​ស្រាយ។

រដ្ឋលេខា​ធិការ​ក្រសួង​ការ​បរទេស លោក ឡុង វិសាលោ ក្នុង​ជំនួប​ជាមួយ​​ឯក​អគ្គរាជ​ទូត​ថៃ ក៏​បាន​ពិភាក្សា​ទៅ​លើ​គម្រោង​បង្កើត​អោយ​មាន​យន្តការ​មួយ​ដែល​ទទួល​បន្ទុក​ដោះ​ស្រាយ​បញ្ហា​នៅ​តាម​ព្រំដែន ដើម្បី​បញ្ជៀស​ការ​បាញ់​ប្រហារ​លើ​ពលរដ្ឋ​ខ្មែរ។ បើ​ទោះ​ជា​យ៉ាង​ណា​ក្តី មន្ត្រី​សង្គម​​ស៊ីវិល​ផ្នែក​សិទ្ធិ​មនុស្ស​នៅ​តែ​បារម្ភ​ថា ការ​ស្វែង​រក​ដំណោះស្រាយ​របស់​រដ្ឋាភិបាល​ខ្មែរ​ពេល​នេះ នឹង​ពុំ​អាច​មាន​ប្រសិទ្ធភាព​ទេ ពីព្រោះ​រដ្ឋាភិបាល​ធ្លាប់​បាន​បរាជ័យ​ជា​ច្រើន​លើក​មក​ហើយ​​​ក្នុង​ការងារ​នេះ តាម​របៀប​ឆ្លើយ​ឆ្លង​គ្នា​កំណត់​ទូត​កន្លង​មក៕

កំណត់​ចំណាំ៖ ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ ដើម្បី​រក្សា​សេចក្ដី​​ថ្លៃថ្នូរ យើង​​ខ្ញុំ​នឹង​ផ្សាយ​តែ​មតិ​ណា​ដែល​មិន​​ជេរ​​ប្រមាថ​​ដល់​​អ្នក​​ដទៃ​តែ​ប៉ុណ្ណោះ។

ព័ត៌មាន (7)

មើល​មតិ​ទាំង​អស់.

Anonymous says:
Feb 28, 2012 06:44 PM

ខ្ញុំពិតជាចង់អោយខែ្មរធ្វើដូចជាភូមាដាក់សៀមណាស់

Anonymous says:
Feb 28, 2012 01:48 PM

People are have to feed themselves unlike the rich run business on their back.

Anonymous says:
Mar 27, 2012 12:48 AM

យើងនិយាយថាបាញ់គេវិញ? បាញ់អ្នកណាបើអ្នកចូលខុស
ច្បាប់ច្រើនតែជាខ្មែរយើងទេ! បើឆ្កែខាំមិនមានន័យថា អោយយើងទៅខាំឆ្កែវិញទេ!

Anonymous says:
Feb 28, 2012 06:37 PM

Cambodia is like a naive, 5 years old kid to Thailand that is a trouble maker, adult. A naive, 5 years old kid, of course, he is unmatch to deal with this kind of an adult physically or verbally. A naive, 5 years old kid must seek an assistance from his parents or other adults(the United Nations). If a naive 5 years old doesn't looking for help, this adult will continue to harras him.

Anonymous says:
Feb 28, 2012 06:51 PM

I have repeatedly raised that diplomatic notes lodged by the Ministry of Foreign Affairs and International Cooperation protesting against the killing of Khmer innocent by Thai soldiers was ineffective. Now the Deputy Mininster of Foreign Affairs acknowledged the latter. So what is the next step to be taken by the Cambodian government? Or it has to keep silence after such a diplomatic note? This is very shameful for a civilized government which avoids to apply international mechanism, while the first approach does not work.

Anonymous says:
Feb 29, 2012 11:58 PM

The government should be sent Military for protecting our citizen's a long the border between Cambodia and siam ,

Anonymous says:
Feb 28, 2012 08:03 PM

For now, shoot Thais first and talk later. If Khmers don't shoot Thais back, Thais never learn. Just do it!

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល