អតីត​មេ​ទ័ព​ខ្មែរ​ក្រហម​ប្រកាស​គាំទ្រ​ថ្ងៃ​៧​មករា

អតីត​មេ​ទ័ព​ខ្មែរ​ក្រហម លោក អ៊ី ឈាន បាន​ប្រកាស​គាំទ្រ​ថ្ងៃ​៧​មករា អស់​ពី​ចិត្ត​ថ្លើម ដោយ​លោក​សំអាង​ថា ថ្ងៃ​៧ ខែ​មករា ឆ្នាំ​១៩៧៩ គឺ​ជា​កំណើត​ទី​២​របស់​ប្រជាពលរដ្ឋ​ខ្មែរ។
ដោយ សួន សុផលមុន្នី
2010-01-17
អ៊ីម៉ែល
មតិ
Share
បោះពុម្ព
ប្រជាពលរដ្ឋ​កាន់​ទង់ជាតិ​គ្រវី​ក្នុង​អំឡុង​ពេល​នៃ​ការ​ប្រារព្ធ​ខួប​លើក​ទី​៣០​នៃ​ទិវា​ជ័យ​ជំនះ​លើ​របប​ខ្មែរ​ក្រហម នា​ថ្ងៃ​ទី​៧ មករា ២០០៩ នៅ​ពហុ​កីឡដ្ឋាន​ជាតិ​អូរឡាំពិក។
ប្រជាពលរដ្ឋ​កាន់​ទង់ជាតិ​គ្រវី​ក្នុង​អំឡុង​ពេល​នៃ​ការ​ប្រារព្ធ​ខួប​លើក​ទី​៣០​នៃ​ទិវា​ជ័យ​ជំនះ​លើ​របប​ខ្មែរ​ក្រហម នា​ថ្ងៃ​ទី​៧ មករា ២០០៩ នៅ​ពហុ​កីឡដ្ឋាន​ជាតិ​អូរឡាំពិក។
AFP Photo

លោក អ៊ី ឈាន អភិបាល​ខេត្ត​ប៉ៃលិន និង​ជា​អតីត​មេ​ទ័ព​ខ្មែរ​ក្រហម​ដែល​ធ្លាប់​ប្រឆាំង​កង​ទ័ព​រដ្ឋាភិបាល​ខ្មែរ​សម័យ​សាធារណរដ្ឋ​ប្រជាមានិត​កម្ពុជា ដែល​កាល​ណោះ​គាំទ្រ​ដោយ​កងទ័ព​វៀតណាម បាន​ប្រកាស​ជា​លើក​ដំបូង​ថា លោក​គាំទ្រ​ថ្ងៃ​៧​មករា អស់​ពី​ចិត្ត​ពី​ថ្លើម ដោយ​លោក​សំអាង​ថា ថ្ងៃ​៧​មករា ជា​កំណើត​ទី​២ របស់​ប្រជាពលរដ្ឋ​ខ្មែរ​ដែល​បាន​ឆ្លង​កាត់​ភ្នក់​ភ្លើង​សង្រ្គាម។

ជាមួយ​នឹង​ការ​ប្រកាស​គាំទ្រ​ថ្ងៃ​៧​មករា អតីត​មេ​ទ័ព​ខ្មែរ​ក្រហម​រូប​នេះ​បាន​ស្តី​បន្ទោស​ប្រជាពលរដ្ឋ​ណា​ដែល​មិន​គាំទ្រ​របប ៧​មករា គឺ​មិន​មែន​ជា​ពលរដ្ឋ​ខ្មែរ​ទេ។

លោក អ៊ី ឈាន បាន​ថ្លែង​ថា ៖ «អ៊ីចឹង​បាន​យើង​ត្រូវ​មាន​មោទនភាព​របស់​យើង ថ្ងៃ​៧​មករា។ ដូច​គេ​លើក​ឡើង​ថា ប្រឆាំង​នឹង​៧​មករា មាន​ប្រឆាំង! កាសែត​ផ្សេងៗ​ប្រឆាំង​នឹង ៧​មករា។ បើ​ប្រឆាំង​នឹង ៧​មករា គឺ​មិន​មែន​ជា​កូន​ខ្មែរ​ទេ!»

ការ​ថ្លែង​ដូច្នេះ​គឺ​បាន​ធ្វើ​ឡើង​កាល​ពី​ថ្ងៃ​ទី​១៥ ខែ​មករា ឆ្នាំ​២០១០ នៅ​គ្រា​ដែល​លោក​ចូលរួម​ក្នុង​ពីធី​បិទ​សន្និបាត​បូក​សរុប​ការងារ​អប់រំ​លើក​ទិស​ដៅ​សម្រាប់​ឆ្នាំ​សិក្សា​២០០៩​-​២០១០ នៅ​ខេត្ត​ប៉ៃលិន។

ថ្ងៃ​៧​មករា ដែល​លោក​នាយក​រដ្ឋមន្ត្រី ហ៊ុន សែន និង​មន្ត្រី​គណបក្ស​ប្រជាជន​កម្ពុជា ចាត់ទុក​ថា ជា​ថ្ងៃ​កំណើត​ទី​២​របស់​ប្រជាជន​កម្ពុជា ប៉ុន្តែ​ពលរដ្ឋ​ខ្មែរ​ខ្លះ​និង​មន្ត្រី​គណបក្ស​ប្រឆាំង​បាន​ចាត់ទុក​ថា ៧​មករា​គឺ​ជា​ថ្ងៃ​ដែល​កង​ទ័ព​វៀតណាម​ចូល​ឈ្លានពាន​កម្ពុជា។

លោក យឹម សុវណ្ណ មន្ត្រី​នាំ​ពាក្យ​គណបក្ស​សមរង្ស៊ី បាន​មាន​ប្រសាសន៍​ថា ចាប់​តាំង​ពី​ឆ្នាំ​១៩៧៩ មក​ដល់​ឆ្នាំ​១៩៩២​-​១៩៩៣ សង្គ្រាម​បាន​បំផ្លាញ​ឲ្យ​ប្រជាពលរដ្ឋ​កម្ពុជា​ធ្លាក់​ខ្លួន​ក្រីក្រ ហើយ​ក្រោយ​ថ្ងៃ​ទី​២៣ ទើប​មាន​កំណើត​ឡើង​វិញ។

លោក យឹម សុវណ្ណ បន្ត​ថា លោក អ៊ី ឈាន ក៏​ជា​អតីត​មេ​ទ័ព​ខ្មែរ​ក្រហម​ដែល​ធ្លាប់​ប្រឆាំង​នឹង​វត្តមាន​កង​ទ័ព​វៀតណាម​នៅ​លើ​ទឹក​ដី​កម្ពុជា​ដែរ។

លោក យឹម សុវណ្ណ បាន​បញ្ជាក់​ថា ៖ «លោក អ៊ី ឈាន គាត់​ធ្លាប់​ជា​មេ​ដឹកនាំ​នៃ​ចលនា​តស៊ូ​ម្នាក់ ខ្មែរ​ក្រហម ប្រឆាំង​នឹង​យួន​ឈ្លានពាន។ ខ្ញុំ​យល់​ឃើញ​ថា ទាំង​លោក អ៊ី ឈាន ទាំង​មេ​ដឹកនាំ​នៃ​ចលនា​ខ្មែរ​ក្រហម​ជំនាន់​នោះ ហើយ​និង​កង​ទ័ព​ខ្មែរ​ក្រហម​ទាំង​អស់​នោះ យើង​ឃើញ​ថា គាត់​មិន​មែន​ជា​ជនជាតិ​ឯ​ណា​ផ្សេង​ទេ គាត់​ជា​ជនជាតិ​ខ្មែរ!»

លោក រ៉ុង ឈុន ប្រធាន​សមាគម​គ្រូ​បង្រៀន​កម្ពុជា​ឯករាជ្យ​វិញ បាន​មាន​ប្រសាសន៍​ថា ការ​ថ្លែង​របស់​លោក អ៊ី ឈាន គឺ​ជា​ការ​បំបិទ​សិទ្ធិ​សេរីភាព​របស់​ពលរដ្ឋ​ខ្មែរ​ដែល​ប្រឆាំង​នឹង​ថ្ងៃ​៧​មករា។

លោក រ៉ុង ឈុន បាន​អះអាង​ថា ៖ «ថ្ងៃ​៧​មករា គឺ​ជា​ថ្ងៃ​មួយ​ដែល​យួន​មក​ធ្វើ​អាណានិគម​លើ​​ប្រទេស​កម្ពុជា»

នេះ​ជា​លើក​ទី​១​ហើយ​ដែល​អតីត​មេ​ទ័ព​ខ្មែរ​ក្រហម​ដែល​ធ្លាប់​មាន​និន្នាការ​ប្រឆាំង​នឹង​កង​ទ័ព​វៀតណាម បាន​ប្រកាស​គាំទ្រ​ថ្ងៃ​៧​មករា ខណៈ​ដែល​ពលរដ្ឋ​ខ្មែរ​ខ្លះ​និង​មន្ត្រី​គណបក្ស​សមរង្ស៊ី​ប្រឆាំង​ថ្ងៃ​៧​មករា ដោយ​ចាត់ទុក​ថា ថ្ងៃ​៧​មករា ឆ្នាំ​១៩៧៩ គឺ​ជា​ថ្ងៃ​ដែល​កង​ទ័ព​វៀតណាម​ចូល​ឈ្លានពាន​កម្ពុជា៕

ព័ត៌មាន (14)
Share

អ្នក​អាន​អនាមិក

If you cannot beat them ,join them. The victims are the peons .

Jan 19, 2010 11:27 PM

អ្នក​អាន​អនាមិក

Everyone has seen enough,it is not important to oppose or support the 7th of January,the most important thing is to live the best of your everyday life and do not hurt or harm anyone so we can live happily together.

Jan 19, 2010 10:52 PM

អ្នក​អាន​អនាមិក

We surely that soon or later - Khme citizens will be come the minority on their own country because as we have seen so far tath lots of Illigal V.N people invaded to live in Cambodia. All above aftermath occured by the day of 7 January 1979. So, to whom Khmer people support this day - they will got as fate as former Kampuchea Krom that is V.N present day.

Jan 18, 2010 11:24 PM

អ្នក​អាន​អនាមិក

They are not surposed to use words: COLONY in Cambodia at all. Veitnam helped Cambodia to stop killing field. All people that against 7 Makara days, they know how the true. But they just try to change history for their own benifit in politic.

Jan 18, 2010 10:12 AM

អ្នក​អាន​អនាមិក

He must to agree because I use to be a bad men during that regime and he killed a lot of people, he want to be free from the KRT court. thanks

Jan 18, 2010 03:56 AM

មើល​មតិ​ទាំង​អស់.

គេហទំព័រ​ទាំងមូល