សាក្សី១រូបចូលបំភ្លឺតុលាការក្នុងសំណុំរឿងឃាតកម្មលោក ឈុត វុទ្ធី
2012.05.17
អ្នកយកព័ត៌មានរបស់កាសែត ឌឹ ខេមបូឌា ដេលី (The Cambodia Daily) កញ្ញា ផន បុប្ផា ដើរចេញពីបន្ទប់ចៅក្រមស៊ើបសួរសាលាដំបូងខេត្តកោះកុង នៅថ្ងៃទី១៧ ខែឧសភា ឆ្នាំ២០១២។
តាមការឲ្យដឹងពីមន្ត្រីសាលាដំបូងខេត្តកោះកុង សុំមិនបញ្ចេញឈ្មោះ បានឲ្យដឹងថា សាក្សីសំខាន់ដែលត្រូវចូលខ្លួនមកបំភ្លឺនៅថ្ងៃទី១៧ ខែឧសភា មានពីររូប គឺកញ្ញា ផន បុប្ផា និងកញ្ញា អូលេស្យា ផ្លូឃី (Olesia Plokhii)។ អ្នកទាំងពីរជាអ្នកយកព័ត៌មានរបស់កាសែត ឌឹ ខេមបូឌា ដេលី (The Cambodia Daily) ហើយបានរួមដំណើរជាមួយលោក ឈុត វុទ្ធី ក្នុងគ្រាដែលមានការប្រទូសរ៉ាយគ្នា រហូតដល់មានការបាញ់សម្លាប់កាលពីថ្ងៃទី២៦ ខែមេសា ឆ្នាំ២០១២ នៅឃុំប៉ាក់ខ្លង ស្រុកមណ្ឌលសីមា ខេត្តកោះកុង។
ទោះជាយ៉ាងណាគេឃើញមានវត្តមានតែកញ្ញា ផន បុប្ផា ម្នាក់ប៉ុណ្ណោះ ដែលបានចូលខ្លួនមកបំភ្លឺតាមដីកាកោះលេខ70/03 5 2012 របស់សាលាដំបូងខេត្តកោះកុង។
វិទ្យុអាស៊ីសេរី មិនអាចសុំការអត្ថាធិប្បាយពីចៅក្រមស៊ើបសួរ លោក មីន មករា បានទេ នៅព្រឹកថ្ងៃទី១៧ ខែឧសភា ដោយលោកបញ្ជាក់ថា វាស្ថិតនៅក្នុងក្រមនីតិវិធីស៊ើបសួររបស់លោក។
នៅព្រឹកថ្ងៃទី១៧ ខែឧសភា នេះដែរ កូនប្រុស និងក្រុមគ្រួសាររបស់លោក ឈុត វុទ្ធី បានស្នើសុំដកសម្ភារៈដែលមិនជាប់ពាក់ព័ន្ធក្នុងករណីឃាតកម្មកាលពី ថ្ងៃទី២៦ ខែមេសា ឆ្នាំ២០១២ មានដូចជា កាមេរ៉ា ទូរស័ព្ទដៃ និងម៉ាស៊ីនGPSជាដើម របស់លោក ឈុត វុទ្ធី តាមរយៈសមាគមអាដហុក (ADHOC) ទៅតុលាការ។ ការស្នើសុំនេះត្រូវបានព្រះរាជអាជ្ញារង ខេត្តកោះកុង លោក ស្រី មាកនី ឆ្លើយតបភ្លាមៗថា សូមឲ្យក្រុមគ្រួសាររបស់លោក ឈុត វុទ្ធី ធ្វើលិខិតស្នើសុំដកសម្ភារៈផ្លូវការទៅកាន់ខាងលោកទើបបាន។ ពេលនេះអ្នកសម្របសម្រួលនៃសមាគមអាដហុក ប្រចាំខេត្តកោះកុង លោក នាង បូរ៉ាទីណូ កំពុងជួយសម្រួលលើលិខិតស្នើសុំនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ