ក្រសួង​យុត្តិធម៌​សរសេរ​លិខិត​ក្រើន​រំឭក​អំពី​ក្រម​សីលធម៌​ចៅក្រម

នៅ​ថ្ងៃ​​ទី​២៦ ខែ​សីហា​នេះ រដ្ឋមន្ត្រី​ក្រសួង​យុត្តិធម៌ លោក អង្គ វង្សវឌ្ឍានា បាន​ចេញ​លិខិត​ក្រើន​រំឭក​មួយ​ជូន​ដល់​ចៅក្រម​អាសនៈ ចៅក្រម​អយ្យការ​នៅ​គ្រប់​សាលា​ដំបូង និង​អយ្យការ​អម​សាលា​ដំបូង​នៃ​រាជធានី និង​ខេត្ត​ទូទាំង​ប្រទេស ឲ្យ​អនុវត្ត និង​គោរព​ក្រម​សីលធម៌​ចៅក្រម​នៅ​ក្នុង​ពេល​បំពេញ​ការងារ។
ដោយ ផន រីណា
2010-08-27
អ៊ីម៉ែល
មតិ
Share
បោះពុម្ព
ក្រសួង​យុត្តិធម៌​កម្ពុជា
ក្រសួង​យុត្តិធម៌​កម្ពុជា
Photo courtesy of TWIP.org

ក្នុង​លិខិត​ដដែល​នេះ​ក៏​បាន​បញ្ជាក់​ដែរ​ថា កន្លង​មក​ក្រសួង​យុត្តិធម៌​បាន​ទទួល​ពាក្យ​បណ្ដឹង​ពី​សាធារណជន ដែល​មាន​តម្រូវការ​ផ្នែក​សេវា​យុត្តិធម៌​នៅ​តាម​សាលា​ជម្រះ​ក្ដី​នាៗ ហើយ​មាន​ការ​មិន​ពេញ​ចិត្ត​ចំពោះ​បុគ្គល​មួយ​ចំនួន ដែល​ទទួល​បន្ទុក​ជា​អ្នក​រក​យុត្តិធម៌​ជូន​កូន​ក្ដី។

លិខិត​ចេញ​ដោយ​រដ្ឋមន្ត្រី​ក្រសួង​យុត្តិធម៌​នេះ បាន​បន្ថែម​ទៀត​ថា សព្វ​ថ្ងៃ​ចៅក្រម​អាសនៈ និង​ចៅក្រម​អយ្យការ​មួយ​ចំនួន បាន​ប្រគល់​ភារកិច្ច​ឲ្យ​ក្រឡា​បញ្ជី​ជា​អ្នក​ធ្វើការ​ស៊ើប​សួរ​ជំនួស ដោយ​គ្មាន​វត្តមាន​ចៅក្រម ឬ​ព្រះ​រាជ​អាជ្ញា​នៅ​ពេល​សួរ ​និង​ធ្វើ​កំណត់​ហេតុ​នោះ​ទេ។ នៅ​ពេល​សវនាការ​ចៅក្រម​អាសនៈ និង​ចៅក្រម​អយ្យការ​មួយ​ចំនួន បាន​យក​ពេល​វេលា​សំខាន់​នេះ​អាន​សារ​ព័ត៌មាន​ផ្សេងៗ ក្នុង​ខណៈ​នីតិវិធី​តុលាការ​កំពុង​ដំណើរការ។

លិខិត​ព្រមាន​នេះ​បាន​បន្ត​ទៀត​ថា ចំណុច​អវិជ្ជមាន​ទាំង​ប៉ុន្មាន​ខាង​លើ​នេះ បាន​ធ្វើ​ឲ្យ​ប៉ះពាល់​យ៉ាង​ធ្ងន់ធ្ងរ​បំផុត​មក​លើ​ជំនឿ​ទុក​ចិត្ត​ក្នុង​ការ​បម្រើ និង​ផ្ដល់​សេវា​យុត្តិធម៌​ដល់​សាធារណជន។

ភ្ជាប់​ជាមួយ​លិខិត​នេះ​ដែរ ក្រសួង​ក៏​បាន​ចេញ​លិខិត​មួយ​ទៀត​ទៅ​កាន់​មន្ត្រី​ក្រឡា​បញ្ជី និង​មន្ត្រី​រាជការ​នៃ​តុលាការ​អយ្យការ​គ្រប់​ជាន់​ថ្នាក់ និង​មន្ត្រី​រាជការ​ក្រសួង​យុត្តិធម៌​ទាំង​អស់ មិន​អនុញ្ញាត​ឲ្យ​ក្រឡាបញ្ជី​ធ្វើការ​ជំនួស​ចៅក្រម ឬ​ព្រះ​រាជ​អាជ្ញា​ឡើយ។ ក្រសួង​យុត្តិធម៌​នឹង​ចាត់​វិធានការ​ដាក់​ពិន័យ​ចំពោះ​លោក លោកស្រី មន្ត្រី​រាជការ​ក្រឡាបញ្ជី​ណា​ដែល​ប្រព្រឹត្ត​អំពើ​មិន​គប្បី​ប៉ះពាល់​ដល់​វិស័យ​យុត្តិធម៌៕

ព័ត៌មាន (1)
Share

អ្នក​អាន​អនាមិក

This ministry should not use the word ministry of justice, it should write that minister of injustice which is better for people to understand easily.

Aug 27, 2010 03:49 AM

គេហទំព័រ​ទាំងមូល