នាយករដ្ឋមន្ត្រី​​បញ្ជា​ឲ្យ​បិទ​ហាង​លក់​គោ​ដុត​ណា​មិន​គោរព​ការ​ណែនាំ

បន្ទាប់​ពី​មាន​ការ​បិណ្ឌបាត​របស់​សម្ដេច​ព្រះសង្ឃ​រាជ្យ និង​សេចក្ដី​ជូន​ដំណឹង​របស់​រដ្ឋាភិបាល ហាមប្រាម​ការ​ដាក់​តាំង​គោ​ដុត មិន​បាន​ជោគជ័យ​ទាំង​ស្រុង ប្រមុខ​រដ្ឋាភិបាល​កម្ពុជា បាន​ចេញ​មុខ​ធ្វើ​អន្តរាគមន៍។
ដោយ ជី វិតា
2012-02-28
Share
គោ​ដុត ៣០៥ ២៣-ធ្នូ-២០១១៖ គោ​ដែល​ដុត​លក់​នៅ​តាម​ដង​ផ្លូវ​ច្រក​ចូល​ទៅ​វត្ត​សន្សំកុសល រាជធានី​ភ្នំពេញ។
RFA/Keopech Metta

លោក​នាយករដ្ឋមន្ត្រី ហ៊ុន សែន ក្នុង​ពិធី​ប្រកាស​ផ្សព្វផ្សាយ​ជា​ផ្លូវការ​អំពី «ចលនា​ប្រលង​ប្រណាំង​ទីក្រុង​ស្អាត» នៅ​វិមាន​សន្តិភាព កាល​ពី​ព្រឹក​ថ្ងៃ​ច័ន្ទ ២៧ កុម្ភៈ បាន​ប្រកាស​អោយ​បញ្ឈប់​ការ​ធ្វើ​អាជីវកម្ម​ទៅ​លើ​សត្វ​បែប​នេះ។

លោក ហ៊ុន សែន៖ «បើ​មិន​ដាក់​អ៊ីចឹង​គេ​ថា​លក់​មិន​ដាច់។ ឥឡូវ​ដើម្បី​ឆ្លើយ​តប​ទៅ​នឹង​ការ​បិណ្ឌ​បាត្រ​របស់​ព្រះសង្ឃ ខ្ញុំ​សូម​អំពាវនាវ​ឲ្យ​គ្រប់​ភោជនីយដ្ឋាន​ដែល​ធ្លាប់​ដុត​គោ​យក​មក​ដាក់​អ៊ីចឹង វា​ឃើញ​ទិដ្ឋភាព​សាហាវ​ឃោរឃៅ​ពេក! របៀប​ដូច​ជា​នៅ​ទីផ្សារ​មួយ​ចំនួន គេ​យក​ស្វា​មក​ទាំង​រស់ ហើយ​ចោះ​ក្បាល​នោះ កោត​តែ​ស៊ី​កើត! សូម​ឲ្យ​យក​ចិត្ត​ទុក​ដាក់​គ្រប់​ទី​កន្លែង​ទាំង​អស់។ រឿង​នេះ​ជា​បែប​ហិង្សា​មួយ​មិន​ត្រូវ​នឹង​ធម៌​ព្រះពុទ្ធ​ទេ។ យើង​ដាក់​ទៅ​ស្លាក "គោ​ដុត​ឆ្ងុយ​ឆ្ងាញ់" កុំ​យក​គោ​ទៅ​ដាក់​នៅ​ហ្នឹង...»

លោក​នាយករដ្ឋមន្ត្រី​បាន​ប្រកាស​បង្គាប់​អោយ​មន្ត្រី​អនុវត្ត​ច្បាប់​ចាត់​វិធានការ​អោយ​បាន​ម៉ឺងម៉ាត់៖ «អ៊ីចឹង​ត្រូវ​តាម​ដាន​ត្រួត​ពិនិត្យ​អា​ហ្នឹង​ផង ដើម្បី​ចៀសវាង​នូវ​ការ​ដែល​យើង​បាន​ដាក់​ចេញ ព្រះសង្ឃ​បិណ្ឌ​បាត្រ រាជរដ្ឋាភិបាល​បាន​ឯកភាព​ហើយ​បែរ​ជា​មិន​អនុវត្ត។ ហើយ​បើ​សិន​ជា​ភោជនីយដ្ឋាន​ណា​ដែល​គាត់​មិន​ធ្វើ​តាម បិទ​ភោជនីយដ្ឋាន​ហ្នឹង​ចោល​ទៅ...។ កន្លង​ទៅ​ខ្ញុំ​ដឹង​ថា​នៅ​មាន​នៅ​ឡើយ​ទេ»

កន្លង​មក​បញ្ហា​មួយ​ចំនួន​ដែល​បាន​កើត​ឡើង គេ​សង្កេត​ឃើញ​ថា មន្ត្រី​ដែល​មាន​តួនាទី​អនុវត្ត​ច្បាប់​មិន​បាន​ចាត់ការ​តាម​ផ្លូវ​ច្បាប់​ទេ ប៉ុន្តែ​រង់ចាំ​រហូត​ដល់​មាន​បញ្ជា​ប្រកាស​ផ្ទាល់​មាត់​ពី​លោក​នាយករដ្ឋមន្ត្រី ហ៊ុន សែន ទើប​មាន​ការ​អនុវត្ត។ ឧទាហរណ៍​ដូចជា​បញ្ហា​កុងត្រូល​ជជុះ និង​ពេល​ថ្មីៗ​នេះ ការ​ចាប់​ខ្លួន​សន្តិសុខ​ការពារ​ក្រុមហ៊ុន​ធីធីវ៉ាយ (TTY) ពីរ​នាក់ ដែល​បាន​បាញ់​ពលរដ្ឋ ៤​នាក់ ឲ្យ​រង​របួស​ធ្ងន់​នៅ​ឃុំ​២ធ្នូ ស្រុក​ស្នួល ខេត្ត​ក្រចេះ ជាដើម។

ក្រុម​អ្នក​សង្កេតការណ៍​និយាយ​ថា ដើម្បី​អោយ​ការ​អនុវត្ត​ច្បាប់​នៅ​កម្ពុជា មាន​ប្រសិទ្ធភាព និង​និរន្តរភាព​យូរ​អង្វែង​នោះ មន្ត្រី​អនុវត្ត​ច្បាប់​គ្រប់​លំដាប់​ថ្នាក់​ត្រូវ​តែ​អនុវត្ត​ច្បាប់​នៅ​ពេល​ណា​មាន​បទល្មើស​កើត​ឡើង ដោយ​មិន​ត្រូវ​រង់ចាំ​តែ​បទបញ្ជា​ពី​ឥស្សរជន ឬ​បុគ្គល​ណា​មួយ​នោះ​ទេ ដោយសារ​ថា ឥស្សរជន ឬ​មន្ត្រី​រូប​ណា​មួយ​នោះ គឺ​ជា​មនុស្ស​ដែល​អាច​ប្រែប្រួល​ទៅ​តាម​កាលៈទេសៈ និង​មនោសញ្ចេតនា រី​ឯ​ច្បាប់​វិញ​មិន​ប្រែប្រួល​ទេ។ ដូច្នេះ​ការ​អនុវត្ត​ច្បាប់​ល្អ​នាំ​អោយ​មាន​ការ​ពង្រឹង​នីតិរដ្ឋ ឬ​ការ​យក​ច្បាប់​ជា​ធំ​ដែល​នាំ​អោយ​មាន​ស្ថិរភាព​សង្គម​ដែល​ផ្ទុយ​ទៅ​នឹង​ការ​យក​បុគ្គល​ជា​ធំ៕

កំណត់​ចំណាំ៖ ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ ដើម្បី​រក្សា​សេចក្ដី​​ថ្លៃថ្នូរ យើង​​ខ្ញុំ​នឹង​ផ្សាយ​តែ​មតិ​ណា​ដែល​មិន​​ជេរ​​ប្រមាថ​​ដល់​​អ្នក​​ដទៃ​តែ​ប៉ុណ្ណោះ។

ព័ត៌មាន (8)

មើល​មតិ​ទាំង​អស់.

Anonymous says:
Feb 27, 2012 02:58 PM

Cambodia, undeniable, it's really running by one man Hun Sen. In this case, the youn monk's chief(one of the highest ranking officers) requested the Hun Sen government to intervene the said vendors/restaurant owners not to display the whole roasted cow in public, but the greedy vendors were not completely heeded his appeal. But, this is will be another one of his many uncomplying orders as in the past. Hun Sen had ordered not to destroy forests, and etc.. the related issues still remain unsolved.

Anonymous says:
Feb 27, 2012 10:25 PM

Cambodian goverment is a joke. Hun Sen has made robots out of Cambodian goverment officials whom waiting for his order instead of enforce the law.

Anonymous says:
Feb 27, 2012 04:26 PM

Wow, man of great genius....killed ,persecuting, bully,evicting his own races seems to be ok, roasting the whole animal on the street market is inappropriate. Bravoooooo somdech dey cho!!!!!!!!

Anonymous says:
Feb 28, 2012 09:10 AM

ម៉ែកូនគ្រាន់ត្រឹមរឿងគោដុតសោះធ្វើឲ្យនាយករដ្ឋមន្រ្តីលំបានមែន អញ្ចឹងបានគេថាប្រទេសខ្មែរដឹកនាំដោយបុគ្គលម្នាក់មែន? បន្តិចទៀតអ្នកលក់មាន់ដុតនិងទាដុតជាសាធារណៈប្រយ័ត្ន គេហាមទៀត!! អស្ចារ្យមែនស្រុកខ្មែរមុខរបររកស៊ីសោះ លោកបិណ្ធបាតដែរ? មិនដែលឮលោកបិណ្ធបាតអ្នកមានអំ ណាចនិងអ្នកមានលុយមិនឲ្យដេញប្រជាពលរដ្ឋចេញពីលំនៅដ្ឋានសោះ(អត់ចេះការពារមនុស្សតែចេះការពារសត្វ) បំណងល្អពីម្ចាស់ឆ្នោត។

Anonymous says:
Feb 28, 2012 12:14 AM

It seems like Cambodia lacks effective social system that even a tiny thing require prime minister's intervention. Where are the other voice to do this. It is a small thing.

Anonymous says:
Feb 28, 2012 12:58 PM

What about roast ducks, chicken, and roast pigs that sold on the roads, are they also inappropriate? If Samdech says so..., it will be so...!

Anonymous says:
Feb 28, 2012 04:01 AM

God created some animals and gave them to men for food. But display the whole roasted ducks, chickens,or ox in the public street is not too good; but inside the enclosure restaurent should be Ok.

Anonymous says:
Feb 28, 2012 09:37 AM

ចំណុចនេះហើយបញ្ជាក់ឱ្យឃើញថា៖ទី១មន្ត្រីរដ្ឋបាលរបស់
លោកនាយកហ៊ុន សែន អសមត្តភាព,ទី២ មន្ត្រីរដ្ឋបាល
ទាំងនោះចាត់ទុកលោកនាយកហ៊ុន សែនជាអាយ៉ងសម្រាប់
ពួកគេញាក់លេង។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល