សន្និសីទ​អន្តរជាតិ​ស្ដីពី​អាស៊ាន និង​រំលឹក​ខួប​លើក​ទី​១០

អង្គការ​សង្គម​ស៊ីវិល​ជាតិ និង​អន្តរជាតិ បាន​រៀបចំ​សន្និសីទ​អន្តរជាតិ​មួយ​ស្ដីពី​អាស៊ាន និង​រំលឹក​ខួប​លើក​ទី​១០ នៃ​សេចក្ដីថ្លែងការណ៍​រួម​ស្ដីពី​ដំណើរ​ការ​របស់​បណ្ដា​ភាគី ដែល​ជាប់​ពាក់ព័ន្ធ​នៅ​តំបន់​សមុទ្រ​ចិន​ខាង​ត្បូង។
ដោយ សោម សំបូរ
2012-03-23
អ៊ីម៉ែល
មតិ
Share
បោះពុម្ព
២២-មីនា-២០១២៖ តំណាង​អង្គការ​សង្គម​ស៊ីវិល អង្គទូត និង​មន្ត្រី​រដ្ឋាភិបាល ៧ ប្រទេស ក្នុង​សន្និសីទ​អន្តរជាតិ កំណត់​យន្តការ​ដោះស្រាយ​ជម្លោះ​សមុទ្រ​ចិន​ខាង​ត្បូង។
២២-មីនា-២០១២៖ តំណាង​អង្គការ​សង្គម​ស៊ីវិល អង្គទូត និង​មន្ត្រី​រដ្ឋាភិបាល ៧ ប្រទេស ក្នុង​សន្និសីទ​អន្តរជាតិ កំណត់​យន្តការ​ដោះស្រាយ​ជម្លោះ​សមុទ្រ​ចិន​ខាង​ត្បូង។
RFA/Sorm Sambo

សន្និសីទ​នេះ ធ្វើ​ឡើង​នៅ​សណ្ឋាគារ​អាំង​កង់ទីណង់តាល់ (Intercontinental) ក្នុង​រាជធានី​ភ្នំពេញ ដើម្បី​ស្វែង​នូវ​ការ​យល់​ដឹង​បន្ថែម​ទៀត របស់​ប្រទេស​នៅ​ក្នុង​តំបន់​អាស៊ាន និង​ស្វែងរក​យន្តការ​ដោះស្រាយ​រួម​គ្នា​មួយ ដើម្បី​ដាក់​ស្នើ​ទៅ​រដ្ឋាភិបាល​កម្ពុជា ដែល​ជា​ប្រធាន​អាស៊ាន​នៅ​ឆ្នាំ ២០១២។

តំណាង​អង្គការ​សង្គម​ស៊ីវិល​ជាតិ អន្តរជាតិ អង្គទូត និង​មន្ត្រី​ក្នុង​រដ្ឋាភិបាល​មក​ពី​ចំនួន ៧ ប្រទេស បាន​កំណត់​យន្តការ​ដោះស្រាយ​ជម្លោះ​សមុទ្រ​ចិន​ខាង​ត្បូង​រួម​គ្នា នៅ​ក្នុង​សន្និសីទ​អន្តរជាតិ នៅ​ថ្ងៃ​ទី ២២ មីនា ឆ្នាំ ២០១២។

គេ​នឹង​ដាក់​ជូន​យន្តការ​ដោះស្រាយ ទៅ​ក្រសួង​ការបរទេស​កម្ពុជា នៅ​មុន​ពេល​កិច្ច​ប្រជុំ​កំពូល​អាស៊ាន​មក​ដល់​នៅ​ក្នុង​សប្ដាហ៍​នេះ។

នាយក​ប្រតិបត្តិ​នៃ​វិទ្យាស្ថាន​ខ្មែរ​សម្រាប់​សហ​ប្រតិបត្តិការ និង​សន្តិភាព (CICP) លោក ឈៀង វណ្ណារិទ្ធ មាន​ប្រសាសន៍​ថា មធ្យោបាយ​ដោះស្រាយ គឺ​ជំរុញ​អោយ​មាន​កិច្ច​ពិភាក្សា​បន្ថែម​ទៀត ដើម្បី​សំរេច​ឲ្យ​បាន​ទៅ​នឹង​ការ​យល់​ព្រម​ទៅ​លើ​ក្រម​សីលធម៌ (Code of Conduct)។

ក្រម​សីលធម៌ (Code of Conduct) មាន​ន័យ​ថា ជា​ឧបករណ៍​ច្បាប់​មួយ​ដ៏​សំខាន់ ដើម្បី​ធានា​អោយ​មាន​ស្ថិរភាព និង​សន្តិភាព​នៅ​ក្នុង​សមុទ្រ​ចិន​ខាង​ត្បូង និង​ជំរុញ​ឲ្យ​មាន​កិច្ច​សហ​ប្រតិបត្តិការ​លើ​ផ្នែក​ផ្សេងៗ ទៀត ដូច​ជា​ផ្នែក​សេដ្ឋកិច្ច បរិស្ថាន វិទ្យាសាស្ត្រ​ផ្សេងៗ នៅ​ក្នុង​សមុទ្រ​ចិន​ខាង​ត្បូង ដើម្បី​ឲ្យ​មាន​ការ​ទុក​ចិត្ត​គ្នា​រវាង​បណ្ដា​ប្រទេស​ជាប់​សមុទ្រ​មាន​ជម្លោះ​នេះ។

លោក ឈៀង វណ្ណារិទ្ធ៖ «ធនធាន គឺ​ជា​ប្រភព​នៃ​ជម្លោះ ពី​ព្រោះ​សមុទ្រ​ចិន​ខាង​ត្បូង គឺ​មាន​រ៉ែ មាន​ហ្គាស មាន​ប្រេង​កាត មាន​ត្រី​ច្រើន​ណាស់​អា​ហ្នឹង​១។ ទី​២ សមុទ្រ​ចិន​ខាង​ត្បូង គឺ​ជា​ចំណុច​ដែល​គេ​ហៅ​ថា ទៅ​ធ្វើ​នាវា​ចរ​សំខាន់​សំរាប់​ពាណិជ្ជកម្ម​អន្តរជាតិ»។

លោក ឈៀង វណ្ណារិទ្ធិ សង្ឃឹម​ថា កម្ពុជា​នឹង​ដើរ​តួនាទី​យ៉ាង​សំខាន់​ក្នុង​ការ​សម្របសម្រួល​ជម្លោះ​សមុទ្រ​ចិន​ខាង​ត្បូង​នេះ ក្នុង​នាម​ជា​ប្រធាន​អាស៊ាន។

បណ្ឌិត រស់ ចន្រ្ទាបុត្រ ជា​អ្នក​ស្រាវជ្រាវ​ប្រវត្តិសាស្ត្រ​នៃ​រាជ​បណ្ឌិត​សភា​កម្ពុជា បាន​ឲ្យ​ដឹង​ថា អាស៊ាន​មិន​ទាន់​មាន​ឯកភាព​គ្នា​ទេ ក្នុង​ការ​ដោះស្រាយ​បញ្ហា​សមុទ្រ​ចិន​ខាង​ត្បូង ដោយសារ​តែ​រឿង​ផល​ប្រយោជន៍​រៀង​ខ្លួន។ ប៉ុន្តែ កម្ពុជា​មិន​អាច​កាន់​ជើង​ភាគី​ណា​បាន​ទេ​នៅ​ក្នុង​បញ្ហា​ជម្លោះ​នេះ។

បណ្ឌិត រស់ ចន្រ្ទាបុត្រ៖ «សមាជិក​អាស៊ាន​ទាំង​ប្រាំ ដែល​មាន​បញ្ហា​ទាំង​អស់​នេះ ចង់​ដោះស្រាយ​ជា​ក្រុម គឺ​ថា​សំអាង​ថា បើ​កាល​ណា​ជា​ក្រុម វា​ជា​កំលាំង​មួយ ដែល​អាច​ទៅ​និយាយ​ជាមួយ​នឹង​ប្រទេស​ចិន»។

ទាក់ទង​ទៅ​នឹង​បញ្ញា​នេះ មន្ត្រី​កម្មវិធី​សិក្សា​យុទ្ធសាស្ត្រ និង​ទំនាក់ទំនង​អន្តរជាតិ នៃ​សកលវិទ្យាល័យ​ជាតិ​ម៉ាឡេស៊ី (UKM) លោក ឆិន ឆ្វី គូក (Cheng-Chwee KUIK) បាន​ពន្យល់​ថា ប្រទេស​ចិន​មាន​ការ​រីក​ចំរើន​ខាង​អំណាច​សេដ្ឋកិច្ច និង​កើន​ឡើង​សកម្មភាព​នៅ​ក្នុង​ដែន​សមុទ្រ​រយៈ​ពេល​ប៉ុន្មាន​ឆ្នាំ​ចុង​ក្រោយ​នេះ ដែល​ជំរុញ​អោយ​រដ្ឋបាល​លោក​ប្រធានាធិបតី​សហរដ្ឋ​អាមេរិក បារ៉ាក់ អូបាម៉ា (Barak Obama) ភ្ជាប់​ទំនាក់ទំនង​ឡើង​វិញ នៅ​អាស៊ី​ខាង​ត្បូង និង​ជា​ស្នូល​ឆ្ពោះ​ទៅ​រក​យុទ្ធសាស្ត្រ​ជា​សកល​នៅ​អាស៊ី។

លោក​បញ្ជាក់​ថា ការ​ធ្វើ​ដូច្នេះ បាន​ជំរុញ​លើក​ទឹក​ចិត្ត​រដ្ឋ​តូចៗ នៅ​ក្នុង​តំបន់ ដើម្បី​ចង​សម្ពន្ធភាព​ជាមួយ​សហរដ្ឋ​អាមេរិក ក្នុង​ការ​បង្កើន​សន្តិសុខ​របស់​ពួក​គេ ខណៈ​ដែល​បន្ត​អភិវឌ្ឍន៍​ទំនាក់ទំនង​ទ្វេ​ភាគី​ជាមួយ​នឹង​ប៉េកាំង និង​ការ​ផ្លាស់​ប្ដូរ​ផែនទី​យុទ្ធសាស្ត្រ​ក្នុង​ចំណោម​តំបន់​អាស៊ី​ប៉ាស៊ីហ្វិក។

ទោះ​បី​ជា​យ៉ាង​ណា​ក៏​ដោយ បច្ចុប្បន្ន​នេះ​ជម្លោះ​នៅ​ក្នុង​សមុទ្រ​ចិន​ខាង​ត្បូង គឺ​ជា​បញ្ហា​ប្រឈម​ដ៏​ធំ​មួយ​នៅ​ក្នុង​តំបន់​អាស៊ាន ដែល​វា​អាច​បង្ក​ទៅ​ដល់​ការ​រីក​រាលដាល​ជម្លោះ​កាន់​តែ​ធំ​នៅ​ក្នុង​តំបន់​អាស៊ាន ប្រសិន​បើ​គេ​មិន​រក​យន្តការ​ដោះស្រាយ​បញ្ហា​នេះ​ឲ្យ​បាន​ច្បាស់លាស់​ទេ​នោះ៕

កំណត់ចំណាំ៖ ចំពោះអ្នកបញ្ចូលមតិនៅក្នុងអត្ថបទនេះ ដើម្បី​រក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែល​មិនជេរប្រមាថដល់អ្នកដទៃតែប៉ុណ្ណោះ។

ព័ត៌មាន (11)
Share

អ្នក​អាន​អនាមិក

Put your hands on your head when police got caught for home invasion,China has very good excuses(that's my freind house) we stick together no separate as he is saying to Tibet,Uygher,I knew chinese has full of shits,they alway got extra cards.

Mar 25, 2012 07:56 PM

អ្នក​អាន​អនាមិក

Put your hands on your head when police got caught for home invasion,China has very good excuses(that's my freind house) we stick together no separate as he is saying to Tibet,Uygher,I knew chinese has full of shits,they alway got extra cards.

Mar 25, 2012 07:53 PM

អ្នក​អាន​អនាមិក

ជំរាបសួរវិទ្យុអាស៊ីសេរី៖សង្ឃឹមថាវិទ្យុអាស៊ីសេរីមានស្តង់ដារ
សម្រាប់វាយដំឡៃនៃមតិទាំងឡាយដែលផ្ញើរមក ហើយក៍
ជាស្តង់ដារពិតប្រាកដមិនមែនជាស្តង់ដារជោនាចដែរ។

Mar 25, 2012 04:43 PM

អ្នក​អាន​អនាមិក

Put your hands on yor head when polices got caught for home invasion Tibet,Uyghter Mr: china has made good excuses,they are my friends we stick together no one be separated.But it is temporarily relieve only,the best ways to be treated chronicles illnes let them taste Nuclear boms and reset economy from first pages and I promises peaces will have last longer on global.

Mar 25, 2012 04:06 AM

អ្នក​អាន​អនាមិក

Put your hands on yor head when polices got caught for home invasion Tibet,Uyghter Mr: china has made good excuses,they are my friends we stick together no one be separated.But it is temporarily relieve only,the best ways to be treated chronicles illnes let them taste Nuclear boms and reset economy from first pages and I promises peaces will have last longer on global.

Mar 25, 2012 04:05 AM

មើល​មតិ​ទាំង​អស់.

គេហទំព័រ​ទាំងមូល