ពិធីរំឭកគុណទសបារមីនិងវិញ្ញាណក្ខន្ធវីរបុរសខ្មែរនៅសៀមរាប
2010.04.23
ប្រជាពលរដ្ឋនាំគ្នាអុជធូបបន់ស្រន់ នៅមុខប្រាសាទភិមានអាកាស ក្នុងខេត្តសៀមរាប កាលពីព្រឹកថ្ងៃទី២២ ខែមេសា ឆ្នាំ២០១០។
ព្រះសង្ឃនៃព្រះពុទ្ធសាសនា អ្នកបញ្ចូលរូបបែបអបិយជំនឿ និងមហាជនមកពីខេត្តក្រុងមួយចំនួននៃប្រទេសកម្ពុជារាប់ពាន់នាក់ បានជួបជុំគ្នាធ្វើពិធីបុណ្យមួយដើម្បីបួងសួងរំឭកដល់គុណទសបារមី ម្ចាស់ទឹក ម្ចាស់ដី និងវិញ្ញាណក្ខន្ធវីរបុរស វីរនារីខ្មែរ និងដើម្បីសុំសេចក្ដីសុខសន្តិភាពផង នៅមុខប្រាសាទ ភិមានអាកាស នៃបរិវេណអង្គរធំ ខេត្តសៀមរាប កាលពីព្រឹកថ្ងៃព្រហស្បតិ៍ ទី២២ រហូតដល់ព្រឹកថ្ងៃទី២៣ ខែមេសា។
អនុប្រធានគណៈកម្មការរៀបចំពិធីបួងសួងនោះ លោក រស់ ដោយញញឹម បានមានប្រសាសន៍ថា ពិធីនោះគឺធ្វើក្នុងបំណងតបស្នងសងគុណដល់អតីតព្រះមហាក្សត្រខ្មែរគ្រប់ជំនាន់ វិស្វករ និងស្ថាបត្យករខ្មែរជាច្រើន ដែលជាអ្នកកសាងប្រាសាទថ្មបន្សល់ទុកនៅរហូតដល់បច្ចុប្បន្ន ដើម្បីបញ្ជូនកុសលផលបុណ្យដល់បុព្វបុរសទាំងនោះផងដែរ។
លោក រស់ ដោយញញឹម បានបញ្ជាក់ថា ៖ «ធ្វើនេះគឺបំណងរំឭកដល់គុណបុណ្យដ៏ខ្ពង់ខ្ពស់របស់ព្រះរាជាគ្រប់ជំនាន់ ជាអ្នកបានបូជាជីវិត ប្រជារាស្ត្រក្ដី បណ្ឌិតក្ដី អ្នកប្រាជ្ញក្ដី វិស្វករក្ដី វិចិត្រករក្ដី គ្រប់ជំនាន់ដែលលោកបានស្ថាបនាឡើង ដូចជាអង្គរ... សម្រាប់តម្កល់ទុកឲ្យកូនខ្មែរជំនាន់ក្រោយបានឃើញ ហើយបូជាទុក រចនាបថយ៉ាងស្អាត ដូចជារូបចម្លាក់ ដើម្បីបំផុសដួងវិញ្ញាណក្ខន្ធលោកងើបឡើង ឬក៏ថ្វាយកុសលផលបុណ្យដល់គាត់ ក្រែងគាត់មានបាបកម្មណាមួយ ធ្លាក់ទៅដល់អបាយភូមិទាំង ៤ក្ដី យើងមើលមិនឃើញ យើងរំឭកគុណដើម្បីឲ្យផុតកម្មពៀរទៅ ឬក៏កូនខ្មែរដែលមានកម្មពៀរច្រើនជំនាន់ហ្នឹង ឲ្យរួចកម្មពៀរទៅ»។
ក្នុងពិធីបុណ្យនោះគេមានរៀបចំពិធីរាប់បាត្រព្រះសង្ឃ ការសែនក្រុងពាលីដល់ម្ចាស់ទឹក ម្ចាស់ដី ពិធីបួងសួងថ្វាយដល់អច្ឆរិយ ពិធីអន្ទងព្រលឹងបុព្វបុរស និងសែនដល់វិញ្ញាណក្ខន្ធកងទ័ពដែលបានស្លាប់ដើម្បីជាតិមាតុភូមិ និងមានសម្ដែងជាក្បាច់គុនខ្មែរ ល្បុក្កតោទៀតផង៕
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ