សមរង្ស៊ី​នឹង​រង​ការ​ចោទ​បន្ថែម​បើ​មិន​ឈប់​ផ្សព្វផ្សាយ​ពី​បញ្ហា​ព្រំដែន

មន្ត្រី​រដ្ឋាភិបាល​មាន​ប្រសាសន៍​ថា លោក សម រង្ស៊ី អាច​ប្រឈម​នឹង​ការ​ចោទ​ប្រកាន់​បន្ថែម​ទៀត​ប្រសិន​បើ​​លោក​មិន​បញ្ឈប់​ការ​ផ្សព្វផ្សាយ​ឯកសារ​មួយ​ចំនួន​ទាក់ទង​នឹង​បញ្ហា​ព្រំដែន​កម្ពុជា-​វៀតណាម​នោះ​ទេ។
ដោយ ទីន ហ្សាការីយ៉ា
2010-01-26
អ៊ីម៉ែល
មតិ
Share
បោះពុម្ព
លោក សម រង្ស៊ី អតីត​ប្រធាន​គណបក្ស សម សង្ស៊ី​។
លោក សម រង្ស៊ី អតីត​ប្រធាន​គណបក្ស សម សង្ស៊ី​។
RFA

ទី​ប្រឹក្សា​រដ្ឋាភិបាល​និង​ជា​អ្នក​នាំ​ពាក្យ​អង្គភាព​ព័ត៌មាន​និង​ប្រតិកម្ម​រហ័ស​នៃ​ទីស្តីការ​គណៈរដ្ឋមន្រ្តី លោក ទិត សុធា បាន​ឲ្យ​ដឹង​នៅ​ថ្ងៃ​ទី​២៦ មករា​ថា លោក សម រង្ស៊ី ត្រូវ​បញ្ឈប់​ការ​ផ្សព្វផ្សាយ​ឯកសារ​របស់​ខ្លួន​ចំនួន​១៥​ទំព័រ​និយាយ​អំពី​វៀតណាម​បាន​ឈ្លាន​ពាន​យក​ទឹក​ដី​កម្ពុជា​នៅ​ខែត្រ​ស្វាយរៀង​នោះ​ជា​បន្ទាន់ បើ​មិន​ដូច្នេះ​ទេ​រដ្ឋាភិបាល​នឹង​ពិចារណា​ប្តឹង​លោក សម រង្ស៊ី បន្ថែម​ទៀត​ពី​រឿង​នេះ។

លោក ទិត សុធា មាន​ប្រសាសន៍​ដូច្នេះ ៖ «ការ​បង្កើត​នូវ​ឯកសារ ការ​អះអាង​ទាំង​ប៉ុន្មាន​របស់​ឯកឧត្ដម សម រង្ស៊ី គឺ​ជា​ការ​ភូតភរ​កុហក គឺ​ជា​ការ​បង្កើត​បញ្ហា​មួយ​ដើម្បី​បំពុល​បរិយាកាស​នៅ​ក្នុង​សង្គម ធ្វើ​ឲ្យ​ប៉ះពាល់​ដល់​សន្តិសុខ​និង​សណ្ដាប់​ធ្នាប់»

លោក ទិត សុធា បាន​បន្ថែម​ថា រាជ​រដ្ឋាភិបាល​បោះ​បង្គោល​ព្រំដែន​កម្ពុជា-​វៀតណាម គឺ​ឈរ​លើ​គោលការណ៍​ត្រឹមត្រូវ ដោយ​ផ្អែក​លើ​ផែនទី​ដែល​បាន​តម្កល់​ទុក​នៅ​អង្គការ​សហ​ប្រជាជាតិ​ឆ្នាំ​១៩៦៤ និង​យោង​លើ​សន្ធិ​សញ្ញា​កំណត់​ព្រំដែន​រដ្ឋ​ឆ្នាំ​១៩៨៥ និង​សន្ធិ​សញ្ញា​បំពេញ​បន្ថែម​ឆ្នាំ​២០០៥ សភា​បាន​អនុម័ត​ហើយ​ព្រះមហាក្សត្រ​ក៏​បាន​ឡាយ​ព្រះហស្ដ​និង​ប្រកាស​ឲ្យ​ប្រើ​ផង​ដែរ។

យ៉ាង​នេះ​ក្តី មន្រ្តី​នាំ​ពាក្យ​គណបក្ស​ប្រឆាំង លោក យឹម សុវណ្ណ បាន​បញ្ជាក់​ថា ឯកសារ​១៥​ទំព័រ​ដែល​លោក សម រង្ស៊ី បាន​ចេញ​ផ្សាយ គឺ​ជា​ព័ត៌មាន​ពិត​ដែល​បាន​រៀបចំ​ដោយ​អ្នក​ជំនាញ​និង​អ្នក​ប្រវត្តិសាស្រ្ត​នៅ​ប្រទេស​បារាំង ហើយ​សន្ធិ​សញ្ញា​បំពេញ​បន្ថែម​ឆ្នាំ​២០០៥ ដែល​សភា​អនុម័ត​នោះ គឺ​តំណាង​រាស្រ្ត​គណបក្ស​សមរង្ស៊ី បាន​ប្រឆាំង​ទាំង​អស់​មិន​ទទួល​ស្គាល់​នោះ​ទេ។

លោក យឹម សុវណ្ណ បាន​ឲ្យ​ដឹង​ដូច្នេះ ៖ «ឯកសារ​ដែល​ប្រមូល​និង​ចង​ក្រង​ដោយ​អ្នក​ជំនាញ​នៅ​ប្រទេស​បារាំង អ្នក​ជំនាញ​ការ​ខាង​ព្រំដែន ហើយ​អ្នក​ប្រវត្តិសាស្រ្ដ អ្នក​ព័ត៌មាន​វិទ្យា ដែល​គេ​បាន​ប្រជុំ​គ្នា គេ​រៀបចំ​ជា​ឯកសារ​ដើម្បី​បង្ហាញ​ជូន​សាធារណៈ​ជាតិ​និង​អន្តរជាតិ​ថា បង្គោល​ដែល​ឯឝឧត្ដម​ប្រធាន​(សម រង្ស៊ី)​បាន​ដក​នោះ គឺ​មិន​ខុស​ច្បាប់​ទេ ពីព្រោះ​បង្គោល​ហ្នុង​បោះ​នៅ​លើ​ដី​ខ្មែរ។ យើង​បង្ហាញ​ទៅ​មតិ​សាធារណៈ​ជាតិ​និង​អន្តរជាតិ​ថា ប្រទេស​វៀតណាម​និង​ប្រទេស​កម្ពុជា​សហការ​គ្នា​បោះ​បង្គោល​ព្រំដែន គឺ​ប៉ះពាល់​ទៅ​ដល់​បូរណភាព​ទឹក​ដី​ខ្មែរ»

ប្រធាន​មជ្ឈមណ្ឌល​សិទ្ធិ​មនុស្ស​កម្ពុជា លោក អ៊ូ វីរៈ បាន​មាន​ប្រសាសន៍​ថា រដ្ឋាភិបាល​បាន​ប្រើ​តុលាការ​ដើម្បី​គំរាម​លោក សម រង្ស៊ី ដូច្នេះ គឺ​ជា​ការ​គាប​សង្កត់​ដើម្បី​ចំណេញ​នយោបាយ​របស់​ខ្លួន។

លោក អ៊ូ វីរៈ មាន​ប្រសាសន៍​ថា ៖ «ពេល​យើង​មាន​ជម្លោះ​ព្រំដែន​ជាមួយ​នឹង​ថៃ រដ្ឋាភិបាល​ព្យាយាម​ខ្លាំង​ណាស់​ក្នុង​ការ​បង្ហាញ​នូវ​ភស្តុតាង​ឬ​មួយ​ឯកសារ​បែប​ហ្នឹង តែ​ព្រំដែន​ជាមួយ​ប្រទេស​កម្ពុជា​និង​វៀតណាម​នេះ​វិញ មិន​ត្រឹម​តែ​មិន​យក​ចិត្ត​ទុក​ដាក់​ទេ បែរ​ជា​រារាំង​មិន​ឲ្យ​មាន​ការ​ជួយ​ក្នុង​ការ​ផ្សព្វផ្សាយ»

លោក សម រង្ស៊ី ត្រូវ​បាន​តុលាការ​ខែត្រ​ស្វាយរៀង ចោទ​ប្រកាន់​ពី​បទ​ព្រហ្មទណ្ឌ​ថា បាន​បំផ្លាញ​ទ្រព្យ​សម្បត្តិ​សាធារណៈ​នៃ​ការ​ដក​តម្រុយ​បង្គោល​ព្រំដែន​កម្ពុជា-​វៀតណាម លេខ​១៨៥ នៅ​ក្នុង​ស្រុក​ចន្ទ្រា ខែត្រ​ស្វាយរៀង កាល​ពី​ខែ​តុលា​កន្លង​ទៅ ហើយ​តុលាការ​នឹង​កាត់​ទោស​លោក​នៅ​ថ្ងៃ​ពុធ ទី​២៧ មករា ជាមួយ​ប្រជាពលរដ្ឋ​ម្ចាស់​ដី​ស្រែ​ចំនួន​៥​នាក់​ផ្សេង​ទៀត៕

ព័ត៌មាន (9)
Share

អ្នក​អាន​អនាមិក

I would to pledge to all Khmer people to stand up side by side to defence our territory with lauk Sam Rainsy. This government is used by Vietnamese's government. Nothing new.

Jan 27, 2010 03:29 PM

អ្នក​អាន​អនាមិក

Why the King doesn't hope khmer people? I fell bad for my own country that get every day. I hope someday UN can come to help khmer for new election. 90% that khmer people they don't want to see the same guy. They want new and smart.

Jan 27, 2010 01:04 PM

អ្នក​អាន​អនាមិក

We have to focus on thing that we know good or bad then we value.

Jan 27, 2010 03:36 AM

អ្នក​អាន​អនាមិក

I think Samreang sey is a good Khmer because he loves Cambodia and he cares of Khmer properties and I think Khmer government is the puppet of Vietnam.

Jan 26, 2010 08:00 PM

អ្នក​អាន​អនាមិក

I think Samreang sey is a good Khmer because he loves Cambodia and he cares of Khmer properties and I think Khmer government is the puppet of Vietnam.

Jan 26, 2010 07:58 PM

មើល​មតិ​ទាំង​អស់.

គេហទំព័រ​ទាំងមូល