សុន​ឆ័យ​ស្នើ​សុំ​ឲ្យ​សុខ​អាន​ពន្យល់​ពី​កិច្ចការ​បោះ​បង្គោល​ព្រំដែន

លោក សុន ឆ័យ សមាជិក​សភា​មក​ពី​គណបក្ស​សមរង្ស៊ី បាន​ស្នើ​សុំ​ឲ្យ​លោក​ឧប​នាយក​រដ្ឋមន្ត្រី សុខ អាន ធ្វើ​ការ​ពន្យល់​អំពី​កិច្ចការ​បោះ​បង្គោល​ព្រំដែន​ជាមួយ​ប្រទេស​ជិត​ខាង​នៅ​ថ្ងៃ​ទី​១៧ ខែ​ធ្នូ​ខាង​មុខ ដែល​សំណើ​នេះ​ត្រូវ​បាន​យល់​ព្រម​រួច​ហើយ​ពី​លោក ហេង សំរិន ប្រធាន​រដ្ឋ​សភា។
ដោយ មណ្ឌលកែវ
2009-11-29
អ៊ីម៉ែល
មតិ
Share
បោះពុម្ព
សមាជិក​សភា​របស់​គណបក្ស​សមរង្ស៊ី លោក សុន ឆ័យ
សមាជិក​សភា​របស់​គណបក្ស​សមរង្ស៊ី លោក សុន ឆ័យ
RFA/Ayuthyea

លោក សុន ឆ័យ បាន​មាន​ប្រសាសន៍​ប្រាប់​វិទ្យុ​អាស៊ីសេរី​នៅ​ព្រឹក​ថ្ងៃ​២៨ វិច្ឆិកា ថា ក្នុង​នាម​ជា​តំណាង​រាស្រ្ត​លោក​បាន​ស្នើ​សុំ​ទៅ​ប្រមុខ​រាជ​រដ្ឋាភិបាល​តាម​រយៈ​ប្រធាន​រដ្ឋ​សភា​ឲ្យ​លោក​ឧប​នាយក​រដ្ឋមន្ត្រី សុខ អាន និង​សហការី​ឯកទេស​ខាង​ផ្នែក​ព្រំដែន​មក​កាន់​រដ្ឋ​សភា នៅ​ថ្ងៃ​ទី​១៧ ធ្នូ ខាង​មុខ ដើម្បី​ពន្យល់​អំពី​បញ្ហា​ទាំង​នេះ។

លោក សុន ឆ័យ បាន​បញ្ជាក់​ថា ៖ «ពលរដ្ឋ​ដូច​ជា​ងងឹត​ងងល់ មិន​ដឹង​សកម្មភាព​ទាំង​នេះ ដល់​ហើយ​បាន​ជា​វា​មាន​អព្ភូតហេតុ ជា​ទូទៅ​មាន​ការ​ងឿង​ឆ្ងល់​ថា​តើ​រដ្ឋាភិបាល​ហ្នឹង​អនុវត្ត​ត្រឹមត្រូវ​ឬ​ទេ? តើ​ហេតុ​អ្វី​បាន​ពលរដ្ឋ​យើង​បាត់បង់​ដី​ស្រែ? រហូត​ដល់​ភូមិ​របស់​សម្ដេច ហេង សំរិន ក៏​ត្រូវ​បាត់បង់​អី​ហ្នឹង ដើម្បី​ឲ្យ​ពលរដ្ឋ​លោក​បាន​ដឹង​ផង ពីព្រោះ​ការ​បោះ​បង្គោល​កន្លង​ទៅ​នេះ​អត់​មាន​ការ​ចូលរួម​ពី​អ្នក​សារព័ត៌មាន​ឬ​ក៏​តំណាង​រាស្ត្រ​អី​ទេ!»

រដ្ឋលេខាធិការ​និង​ជា​អ្នក​នាំ​ពាក្យ​ទីស្តីការ​គណៈ​រដ្ឋមន្ត្រី គឺ​លោក ផៃ ស៊ីផាន មាន​ប្រសាសន៍​ថា សំណើ​ទាំង​ឡាយ​ដែល​ត្រឹមត្រូវ​តាម​ផ្លូវ​ច្បាប់​រាជ​រដ្ឋាភិបាល​ពុំ​ដែល​ព្រងើយ​កន្តើយ​ក្នុង​ការ​ឆ្លើយ​បំភ្លឺ​ទេ។

លោក ផៃ ស៊ីផាន បាន​ថ្លែង​ថា ៖ «ជា​ច្បាប់​ខាង​រាជ​រដ្ឋាភិបាល​ត្រូវតែ​ចូល​ខ្លួន​បំភ្លឺ​តាមរយៈ​ការ​ស្នើសុំ​របស់​សមាជិក​សភា​ណា​មួយ ហើយ​និង​ការ​អនុញ្ញាត​ពី​ប្រធាន​រដ្ឋ​សភា អា​នេះ​ជា​ច្បាប់!»

ប្រធាន​គណៈកម្មាធិការ​ព្រំដែន​កម្ពុជា គឺ​លោក វ៉ា គឹមហុង ចាត់ទុក​សំណើ​នេះ​ថា​ជា​រឿង​ចាស់​ដដែល។ ទោះ​បី​ជា​យ៉ាង​នេះ​ក្តី លោក​មាន​ប្រសាសន៍​ថា លោក​នឹង​ឡើង​ធ្វើ​ការ​ពន្យល់​ប្រសិន​បើ​មាន​ការ​ចាត់តាំង​ពី​ប្រមុខ​រាជ​រដ្ឋាភិបាល។

លោក វ៉ា គឹមហុង បាន​មាន​ប្រសាសន៍​ថា ៖ «តាម​ពិត​ទៅ​ដូច​ខ្ញុំ​បាន​ជម្រាប​អ៊ីចឹង ខ្ញុំ​គ្មាន​អី​លាក់លៀម​ទេ ពេល​យើង​ឆ្លង​សុំ​សច្ចាប័ន​សន្ធិសញ្ញា​បំពេញ​បន្ថែម​២០០៥ សម្ដេច​នាយក​លោក​បាន​អញ្ជើញ​ទៅ​បំភ្លឺ​រដ្ឋ​សភា​ពេល​ហ្នឹង​អស់​ទៅ​ហើយ។ ដូច្នេះ​វា​អត់​មាន​អី​ថា​មិន​ដឹង​ទេ​ណា៎! ទាំង​ពី​អត្ថបទ​នៃ​សន្ធិសញ្ញា​បំពេញ​បន្ថែម​ក៏​មាន​ចែក​ជូន​អី​ទាំង​អស់ ការ​បំភ្លឺ​របស់​រដ្ឋាភិបាល»

កាល​ពី​ថ្ងៃ​១៦ វិច្ឆិកា​កន្លង​ទៅ រដ្ឋ​សភា​បាន​សម្រេច​ព្យួរ​អភ័យ​ឯកសិទ្ធិ​សមាជិក​សភា​ពី​លោក សម រង្ស៊ី ដោយ​លោក​បាន​ធ្វើ​សកម្មភាព​ដក​បង្គោល​ឈើ​ដែល​ជា​តម្រុយ​បណ្តោះ​អាសន្ន​សម្រាប់​សម្គាល់​ព្រំដែន ហើយ​អាជ្ញាធរ​ស្រុក​ចន្ទ្រា​ប្តឹង​ទៅ​តុលាការ​ខេត្ត​ចោទ​ប្រកាន់​លោក សម រង្ស៊ី ពី​បទ​បំផ្លាញ​ទ្រព្យ​សម្បត្តិ​សាធារណៈ ដែល​ឈាន​ទៅ​ដល់​ការ​ដក​អភ័យ​ឯកសិទ្ធិ​ពី​លោក​ដើម្បី​បើក​ផ្លូវ​ឲ្យ​តុលាការ​កោះ​អញ្ជើញ​ទៅ​ធ្វើ​ការ​បំភ្លឺ៕

ព័ត៌មាន (16)
Share

អ្នក​អាន​អនាមិក

SON CHHEY did the right way,he is a good political leader.(Som Rangsy did the wrong way.)If the government disclaims to SON CHHEY's proposition,that means everything not fair.(the gvt.has somthing wrong.)

Nov 30, 2009 10:38 PM

អ្នក​អាន​អនាមិក

WHO IS HUN SEN WHO IS SOKH AN ? WHO IS PHAI SYPHAN, MOST OF FROM VIETNAM WHO RESOLVE TO PEOPLE?

Nov 30, 2009 04:07 AM

អ្នក​អាន​អនាមិក

បើឯកឧត្តម​ វ៉ា គឹមហុងនិយាយថាអញ្ចឹង មានតែខែ្មររំលោភយកដីយួន បើដូចលោកឯកឧត្តមសុមឆៃថាសូម្បីតែសម្តេចហេងសំរិនក៏បាត់ដីភូមិដែល។​ No way that Yuon let Khmer live on his land a second! I don't know what H.E. Va Kimhong is thinking and I wonder if he is Khmer or other nation? One day Va Kimhong will his Land, too.
So so so so so SAD to hear that!

Nov 30, 2009 02:53 AM

អ្នក​អាន​អនាមិក

I don't understand why Khmer government has never diputed with Vietnamese government about the border and in contrast, only Sam Rainsy party who always dispute with CCP party about the border? Don't CCP party ever worry about Vietnamese take our land? We need to keep number"181,035Km2" the same.

Nov 30, 2009 01:19 AM

អ្នក​អាន​អនាមិក

I don't understand why Khmer government has never diputed with Vietnamese government about the border and in contrast, only Sam Rainsy party who always dispute with CCP party about the border? Don't CCP party ever worry about Vietnamese take our land? We need to keep number"181,035Km2" the same.

Nov 30, 2009 01:19 AM

មើល​មតិ​ទាំង​អស់.

គេហទំព័រ​ទាំងមូល