ពលរដ្ឋ​នៅ​ស្វាយរៀង​សង្ស័យ​សកម្មភាព​មន្ត្រី​វាស់វែង​ព្រំដែន

ប្រជា​កសិករ​ដែល​កំពុង​តែ​បារម្ភ​ពី​ការ​បាត់បង់​ដីស្រែ​ដោយសារ​តែ​ការ​កំណត់​ព្រំដែន​វៀតណាម នៅ​ឃុំ​សំរោង ស្រុក​ចន្ទ្រា បាន​ថ្លែង​នៅ​ថ្ងៃ​ទី​២៩ វិច្ឆិកា ថា កាលពី​ថ្ងៃ​ទី​២៨ វិច្ឆិកា មន្ត្រី​ពីរ​រូប​នៃ​គណៈកម្មាធិការ​ចម្រុះ​កិច្ចការ​ព្រំដែន​បាន​ធ្វើ​ការ​វាស់វែង​ព្រំដែន​ក្នុង​ភាព​លាក់​បាំង ដែល​ធ្វើ​ឲ្យ​ពួក​គាត់​មាន​ការ​សង្ស័យ។
ដោយ អ៊ួន ឈិន
2009-11-30
អ៊ីម៉ែល
មតិ
Share
បោះពុម្ព
ពលរដ្ឋ​នៅ​ស្រុក​ចន្ទ្រា ខេត្ត​ស្វាយរៀង ផ្ដល់​បទ​សម្ភាសន៍​ឲ្យ​អ្នក​យក​ព័ត៌មាន​វិទ្យុ​អាស៊ីសេរី អំពី​ការ​បារម្ភ​ខ្លាច​បាត់បង់​ដី​ស្រែ​ដោយសារ​ការ​កំណត់​ព្រំដែន​ជាមួយ​ប្រទេស​វៀតណាម។
ពលរដ្ឋ​នៅ​ស្រុក​ចន្ទ្រា ខេត្ត​ស្វាយរៀង ផ្ដល់​បទ​សម្ភាសន៍​ឲ្យ​អ្នក​យក​ព័ត៌មាន​វិទ្យុ​អាស៊ីសេរី អំពី​ការ​បារម្ភ​ខ្លាច​បាត់បង់​ដី​ស្រែ​ដោយសារ​ការ​កំណត់​ព្រំដែន​ជាមួយ​ប្រទេស​វៀតណាម។
RFA/Uon Chhin

ស្ត្រី​ឈ្មោះ មាស ស្រី អាយុ​៣៨​ឆ្នាំ រស់​នៅ​ភូមិ​កោះ​ក្បាន​កណ្ដាល ដែល​ត្រូវ​បាន​គេ​បោះ​បង្គោល​ឈើ​តម្រុយ​សម្រាប់​កំណត់​បង្គោល​ព្រំដែន​លេខ​១៨៥ ចំ​ដី​ស្រែ​របស់​គាត់​កាល​ពី​ពេល​កន្លង​ទៅ មាន​ការ​សង្ស័យ​ចំពោះ​សកម្មភាព​របស់​មន្ត្រី​ទាំង​ពីរ​រូប​នោះ​កាល​ពី​ថ្ងៃ​សៅរ៍។

អ្នក​ស្រី មាស ស្រី បាន​បញ្ជាក់​ថា ៖ «បើ​លោក​ឯង​ធ្វើ​ការ​ត្រឹមត្រូវ លោក​ឯង​មិន​មក​វាស់​លួច​លាក់​អ៊ីចឹង​ទេ លោក​ឯង​ប្រាប់​ប្រជាជន​ឲ្យ​ដឹង​ហើយ ព្រោះ​លោក​ឯង​ចង់​ធ្វើ​ការ​អី ចង់​ធ្វើ​ការ​ស្ងាត់ៗ ហើយ​សុទ្ធ​តែ​លួច​លាក់​គ្នា​ទៀត ដល់​កន្លែង​ណា​សំខាន់​លោក​ឯង​សុទ្ធ​តែ​ស៊ីញ៉ូ​គ្នា»

អ្នកស្រី មាស ស្រី ក៏​បាន​ឲ្យ​ដឹង​ផង​ដែរ​ថា អ្នក​ស្រី​បាន​ប៉ះ​សម្ដី​ខ្លះ​ជាមួយ​មន្ត្រី​វាស់វែង​ព្រំដែន ៖ «គេ​បាន​ឡើង​ជិះ​ម៉ូតូ គេ​ថា​ឲ្យ​ខ្ញុំ គេ​បាន​ចង្អុល​មុខ​ខ្ញុំ គេ​ថា "មីង​ឯង​គេ​អត់​ដោះស្រាយ​ឲ្យ​ទេ បើ​ប្រជាជន​បាត់បង់​ដី​ថ្មើរ​ហ្នឹង​គេ​ដោះស្រាយ​ឲ្យ បើ​ស្រុក​មីង​ឯង​មួយ​គេ​មិន​ដោះស្រាយ​ឲ្យ​ទេ ព្រោះ​មីង​ឯង​តស៊ូ​ខ្លាំង​ពេក មីង​ឯង​ប្ដឹង​ខ្លាំង​ពេក" គេ​ថា​ឲ្យ​ខ្ញុំ​អ៊ីចឹង​ណា៎! ហើយ​ខ្ញុំ​ប្ដឹង​ខ្លាំង​ណាស់​រាល់​ថ្ងៃ​ហ្នឹង គេ​តាម​សង្កេត​ខ្ញុំ​គ្រប់​ពេល​គ្រប់វេលា ទៅ​ផ្លូវ​ណាៗ​គេ​ដឹង​ទាំង​អស់... ខ្ញុំ​មិន​ខ្លាច​នឹង​ប្ដឹង​ទេ...»

លោក ឈិន សុវ៉េត អាយុ​៣៨​ឆ្នាំ ជា​កសិករ​នៅ​ភូមិ​កោះ​ក្បាន​កណ្ដាល​ដែរ បាន​ប្រាប់​ថា លោក​មិន​យល់​ពី​សកម្មភាព​និង​បំណង​របស់​ក្រុម​មន្ត្រី​ទាំង​នោះ​ទេ។

លោក ឈិន សុវ៉េត បាន​ឲ្យ​ដឹង​ថា ៖ «វ៉ៃៗ​ម៉េច​ក៏​មិន​ប្រាប់​ប្រជាជន​ឲ្យ​ដឹង ព្រោះ​ប្រជាជន​គ្នា​មិន​ដែល​បាន​រៀន​សូត្រ​អី​ផង។ គ្នា​ងឿង​ឆ្ងល់ ឃើញ​គេ​ធ្វើ​ចម្លែកៗ​អ៊ីចឹង ចេះ​តែ​មាន​ការ​ងឿង​ឆ្ងល់ ចេះ​តែ​និយាយ ចេះ​តែ​ស្ដី​ទៅ​ណា៎!»

លោក ពៅ ភាព ជំទប់​ទី​២​នៃឃុំ​សំរោង បាន​អះអាង​ថា មន្ត្រី​វាស់វែង​ព្រំដែន​មិន​ដែល​ទាក់ទង​ឬ​សហការ​ជាមួយ​អាជ្ញាធរ​ឃុំ​ឡើយ ហើយ​លោក​ថា លោក​មិន​យល់​ទេ​នូវ​ទង្វើ​របស់​មន្ត្រី​កាល​ពី​ថ្ងៃ​សៅរ៍​នោះ។

លោក ពៅ ភាព បាន​ថ្លែង​ថា ៖ «គេ​ធ្វើ​អី​អ៊ីចឹង​គេ​អត់​ដែល​និយាយ ឬ​ផ្សព្វផ្សាយ​ជា​ព័ត៌មាន​ចេញ​ថា គេ​ធ្វើ​វាស់​អ៊ីចេះៗ​ទៅ​ខុស ឥឡូវ​ថា​ត្រូវ​កែ​តម្រូវ​អី​យ៉ាង​ម៉េចៗ គេ​អត់​បាន​ឲ្យ​ឮ ឲ្យ​ដឹង​អី​ទាំង​អស់! គេ​ដើរ​ហ្នឹង ដើរ​របៀប​ក្មេង​ទៅ​បំពុល​សត្វ​អ៊ីចឹង​ណា៎ ដើរ​តាម​វាល​ស្រែ​ហ្នឹង សរសេរ​កត់ៗ​យក​អ៊ីចឹង​ណា៎»

អភិបាល​ស្រុក​ចន្ទ្រា លោក ជា យាង បាន​មាន​ប្រសាសន៍​ថា លោក​មិន​បាន​ជ្រាប​អំពី​ការ​ដែល​ថា មាន​មន្ត្រី​វាស់វែង​ព្រំដែន​បាន​ចុះ​ធ្វើ​ការ​កាល​ពី​ថ្ងៃ​ទី​២៨ វិច្ឆិកា​នោះ​ទេ។

កាល​ពី​ថ្ងៃ​ទី​២៦ វិច្ឆិកា មន្ត្រី​មួយ​ក្រុម​នៃ​ទីស្ដីការ​គណៈរដ្ឋមន្ត្រី រួម​ទាំង​កម្លាំង​ការពារ​ព្រំដែន​ផង សរុប​មាន​ចំនួន​រាប់​សិប​នាក់ បាន​ចុះ​ទៅ​ពិនិត្យ​និង​ថត​ជា​ខ្សែ​វីដេអូ​ត្រង់​ចំណុច​ដែល​មេ​បក្ស​ប្រឆាំង លោក សម រង្ស៊ី បាន​ដក​បង្គោល​តម្រុយ​កំណត់​ព្រំដែន​ចេញ​ពី​ដីស្រែ​របស់​ប្រជា​កសិករ​ខ្មែរ​កាល​ពី​ថ្ងៃ​ទី​២៥ តុលា កន្លង​ទៅ។

ដោយ​ឡែក នៅ​ថ្ងៃ​ទី​២៦ វិច្ឆិកា អ្នក​យក​ព័ត៌មាន​វិទ្យុ​អាស៊ី​សេរី ព្រម​ទាំង​សកម្មជន​ការពារ​សិទ្ធិ​មនុស្ស​អាដហុក​មួយ​រូប​ផង មិន​ត្រូវ​បាន​អនុញ្ញាត​ឲ្យ​ចូល​ទៅ​ជិត​ឬ​ថត​សកម្មភាព​របស់​ក្រុម​មន្ត្រី​ទាំង​នោះ​ឡើយ៕

ព័ត៌មាន (19)
Share

អ្នក​អាន​អនាមិក

The activities done by the government officials are not standing on transparency to people whose serounding land. The secret is not a proper action of the government in democratic country.

Dec 01, 2009 10:11 PM

អ្នក​អាន​អនាមិក

After reading the news about Chantrea district, I feel sad and deeply sorry for the Kampuchean families who are facing this land dispute with Cambodian Government officials who are supposed to help their own people.

Dec 01, 2009 09:26 PM

អ្នក​អាន​អនាមិក

They are doing for power on, don't care about us.

Dec 01, 2009 08:26 PM

អ្នក​អាន​អនាមិក

The government has to think and protect about the interests of your own khmer people don't consider your khmer look like your slave ,what meaning Samdach Hun Xen said ,he don't want to lost khmer land even 1mm, and Mr. Cheam Yeab said ,he sacrifice his life if neighbor country took 1mm khmer land .The khmer people can discus by themself real or lie.

Dec 01, 2009 12:37 PM

អ្នក​អាន​អនាមិក

If the government has officials such as the people’s saying, they are alike the thief , sometimes it is activities of subversion. So, authorities or rulers have to check that people to find out some papers that appointing by government or paper of commission. It is a rule of management that the chief of commune or district has to carry out.

Nov 30, 2009 10:02 PM

មើល​មតិ​ទាំង​អស់.

គេហទំព័រ​ទាំងមូល