ពលរដ្ឋខ្មែរនិងចាមចុះពិនិត្យបញ្ហាព្រំដែននៅត្បូងឃ្មុំ
ដោយ អ៊ួន ឈិន និង ម៉ម មុនីរតន៍
2015.05.31
2015.05.31
ពលរដ្ឋខ្មែរ មានមន្ត្រីបក្សប្រឆាំង និងជនជាតិចាម ប្រមាណ ៥០០នាក់ នាំគ្នាចុះពិនិត្យមើលទីតាំងដីមានជម្លោះនៅព្រំដែនខ្មែរ-វៀតណាម ក្នុងឃុំជាំ ស្រុកមេមត់ នៅថ្ងៃទី៣១ ខែឧសភា។
ប៉ូលិសព្រំដែនវៀតណាម បានព្យាយាមរារាំងមិនឲ្យពលរដ្ឋខ្មែរចូលទៅកាន់ដីមានជម្លោះនោះទេ ដោយពួកគេអះអាងថា ទីតាំងនោះស្ថិតក្នុងទឹកដីវៀតណាម។ ពលរដ្ឋខ្មែរនិងចាម បានព្យាយាមសម្រុកចូល រហូតមានការរុញច្រានគ្នាមួយរយៈពេលខ្លី។ តែទោះជាមានការរាំងខ្ទប់យ៉ាងណា ក៏ពលរដ្ឋខ្មែរនិងចាមបានចូលទៅដល់ចំណុចដីមានជម្លោះ ១៦ហិកតារ នៅភូមិជើង ឃុំជាំ ស្រុកមេមត់ ខេត្តត្បូងឃ្មុំ៕