សពលោក ប៉ែន សុវណ្ណ ត្រូវបានបូជានៅព្រឹកថ្ងៃអាទិត្យ ទី៦ វិច្ឆិកា នាវត្តឫស្សីសាញ់ ជិតគុកព្រៃស ឋិតនៅក្នុងខណ្ឌដង្កោ ជាយរាជធានីភ្នំពេញ។ ការបូជាសពនៅជាយក្រុងនេះ ដោយសារសាលារាជធានីភ្នំពេញមិនអនុញ្ញាតឲ្យបូជាសពនៅកណ្ដាលក្រុងភ្នំពេញ ដោយលើកហេតុផលថា នាំឲ្យប៉ះពាល់ដល់បរិស្ថាន។
ការបង្វែរទៅបូជាសពនៅជាយក្រុងនេះ ក្រោយពីមានភាពចម្រូងចម្រាសគ្នាជាច្រើនលើករវាងគណៈកម្មការបុណ្យសព និងសាលារាជធានីភ្នំពេញ អំពីទីកន្លែងបូជាសពនៅមុខវត្តបទុមវតី និងវត្តនិរោធ ព្រមទាំងទីតម្កល់សពសម្រាប់ធ្វើបុណ្យនៅវត្តនួនមណីរាម ហៅវត្តថាន់ រាជធានីភ្នំពេញ។
លោក ប៉ែន សុវណ្ណ បានទទួលមរណភាពនៅថ្ងៃទី២៩ ខែតុលា ឆ្នាំ២០១៦ នាគេហដ្ឋានរបស់លោក ឋិតនៅខេត្តតាកែវ។ លោកធ្លាប់ធ្វើជានាយករដ្ឋមន្ត្រីនៅក្នុងរបបសាធារណៈប្រជាមានិតកម្ពុជា និងជាតំណាងរាស្ត្រគណបក្សសង្គ្រោះជាតិ៕
[ ចុចត្រង់នេះ ដើម្បីអាន ឬស្ដាប់ព័ត៌មានបន្ថែមOpens in new window ]
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។