ប័ណ្ណសារព័ត៌មាន
2024-11-30
បុរសខ្លាំងខាងប្រើអំពើហិង្សាតែមកលើពលរដ្ឋខ្មែរគ្នាឯង និងជានាយករដ្ឋមន្ត្រីឪ លោក ហ៊ុន សែន កាលពីពេលថ្មីៗនេះ ទើបបានទទួលនូវអ្វីមួយដែលក្រុមរបស់លោកប្រកាសថាជា «ពានរង្វាន់លំដាប់អន្តរជាតិ» ថ្មីមួយ ហៅថា «ពានរង្វាន់សន្តិភាពដើម្បីមនុស្សជាតិ និងភពផែនដី»។ ពានរង្វាន់នេះ មិនមែនជាពានរង្វាន់ណូបែលសន្តិភាព (Nobel Peace Prize) ដែលពិភពលោកទទួលស្គាល់ និងឱ្យតម្លៃជាសាកលនោះឡើយ។ ក៏ប៉ុន្តែ គឺជាពានរង្វាន់ប្រគល់ឱ្យដោយអង្គការមួយដែលមានប្រភពមិនច្បាស់លាស់ និងដែលពិភពលោកមិនស្គាល់ឈ្មោះ ដែលគេដាក់ឈ្មោះថា «សភាអន្តរជាតិដើម្បីភាពអត់ឱន និងសន្តិភាព» (IPTP)។ គ្មានស្ថាប័នព័ត៌មានអន្តរជាតិណាមួយចុះផ្សាយពីការទទួលបានពានរង្វាន់«សន្តិភាព» ដែលលោក ហ៊ុន សែន ទើបទទួលបានថ្មីថ្មោងនេះឡើយ។
2024-09-19
ព្រឹត្តិការណ៍ ហ្គាំបល (GUMBALL 3000) នេះ គឺជាការសប្បាយរីករាយ យកមុខយកមាត់ និងជាការសម្ញែងទ្រព្យសម្បត្តិ ដែលបានមកពីអំពើពុករលួយរបស់ក្រុមអ្នកមានលុយមានអំណាច ដែលជិតស្និទ្ធនឹងរដ្ឋាភិបាលត្រកូលហ៊ុនតែប៉ុណ្ណោះ។ ជាពិសេសព្រឹត្តិការណ៍នេះ គេហាក់នាំគ្នាសប្បាយលើគំនរទុក្ខ និងទឹកភ្នែករបស់អ្នកភូមិអង្គរជាច្រើនរយគ្រួសារ ដែលអាជ្ញាធរបានបណ្តេញចេញពីលំនៅឋានទាំងបង្ខំ។
2024-09-16
មហាសេដ្ឋីសញ្ជាតិខ្មែរ-ថៃ ស្និទ្ធនឹងលោក ហ៊ុន សែន និងជាអ្នកកាន់កាប់ហឹបលុយឱ្យបក្សកាន់អំណាច គឺលោក លី យ៉ុងផាត់ ក្លាយជាបុគ្គលកម្ពុជាទី៦ ដែលរងទណ្ឌកម្មបង្កកទ្រព្យសម្បត្តិ និងហាមប្រាមមិនឱ្យធ្វើប្រតិបត្តិការហិរញ្ញវត្ថុជាអន្តរជាតិ ក្រោមច្បាប់ Global Magnitsky Act ដ៏មានឥទ្ធិពលរបស់អាមេរិក។ នេះក៏ដោយសារតែអាមេរិករកឃើញថា លោក និងសម្ព័ន្ធអាជីវកម្ម៥របស់លោកមានពាក់ព័ន្ធនឹងអំពើជួញដូរមនុស្ស និងពលកម្មដោយបង្ខំក្នុងជំនួញឆបោកតាមអនឡាញ និងរូបិយប័ណ្ណគ្រីបតូ (Crypto)។
2024-09-11
មួយឆ្នាំក្រោយឡើងកាន់អំណាចតាមរយៈការផ្ទេរអំណាចបន្តពូជ រដ្ឋាភិបាលលោកនាយករដ្ឋមន្ត្រី ហ៊ុន ម៉ាណែត កាន់តែបង្ហាញឱ្យឃើញពីកម្សោយ និងបញ្ហាប្រឈមក្នុងការប្រមូលថវិកាជាតិ។ ពីដំបូងឡើយ រដ្ឋាភិបាលរបស់លោកបានធ្វើឱ្យពលរដ្ឋស្ទើរគ្រប់ស្រទាប់វណ្ណៈក្តៅក្រហាយដោយសារតែការអនុវត្តវិធានការជំរិតយកពន្ធពីពលរដ្ឋជ្រុលហួសហេតុ។
2024-09-09
រដ្ឋាភិបាលលោកនាយករដ្ឋមន្ត្រី ហ៊ុន ម៉ាណែត បានផ្ដួចផ្ដើមដឹកមនុស្សទាំងហ្វូងទៅមើលព្រំដែនភាគឦសានជាប់តំបន់ត្រីកោណអភិវឌ្ឍន៍ CLV ដោយឥតគិតថ្លៃរហូតដល់ចុងឆ្នាំ២០២៤។ រដ្ឋាភិបាលអះអាងថា ដំណើរទស្សនកិច្ចនេះ គឺដើម្បីផ្ដល់ឱកាសដល់ពលរដ្ឋឱ្យបានឃើញដោយផ្ទាល់នូវការអភិវឌ្ឍជាក់ស្ដែងតាមតំបន់ព្រំដែន។
2024-09-04
នាយករដ្ឋមន្ត្រីកូន លោក ហ៊ុន ម៉ាណែត បានផ្ដួចផ្ដើមឱ្យមានការរៃអង្គាសប្រាក់ដ៏សម្បើមមួយមិនធ្លាប់មានពីមុនមកនៅទូទាំងប្រទេស ដោយអះអាងថាយកទៅ «កសាងហេដ្ឋារចនាសម្ព័ន្ធតាមព្រំដែន»។
2024-08-26
គិតត្រឹមថ្ងៃទី២២ ខែសីហា លោក ហ៊ុន ម៉ាណែត បានឡើងអង្គុយកៅអីនាយករដ្ឋមន្ត្រីបន្តពូជតាមរយៈការលើកបន្តុប និងប្រគល់ឱ្យពីឪពុករបស់លោក គឺលោក ហ៊ុន សែន អស់រយៈពេល១ឆ្នាំហើយ។ រដ្ឋាភិបាលរបស់លោកបានប្រញាប់ប្រញាល់អួតអាងពីសមិទ្ធផលជាច្រើន បើទោះជាសមិទ្ធផលទាំងនោះពុំមានអ្វីជាក់លាក់ ហើយត្រូវក្រុមអ្នកឃ្លាំមើលមួយចំនួនហៅថាជាសមិទ្ធផល «ខ្យល់» ក៏ដោយ។
2024-08-12
ក្នុងរយៈពេលមិនដល់ជាង២ឆ្នាំមកនេះ ក្នុងតំបន់អាស៊ី យ៉ាងហោចណាស់មានមេដឹកនាំ២នាក់ហើយ ដែលគ្រប់គ្រងប្រទេសតាមបែបផ្តាច់ការ កណ្ដាប់ដៃដែក គ្រួសារបក្ខពួកនិយមតពូជ និងពុករលួយ ត្រូវបានប្រជាជនខ្លួនឯងទម្លាក់ចេញពីអំណាចជាបន្តបន្ទាប់។
2024-08-04
កម្ពុជាក្រោមការគ្រប់គ្រងរបស់ត្រកូល «ហ៊ុន» ប្រកាសបើកការដ្ឋានសាងសង់ព្រែកជីកហ្វូណនតេជោដ៏ចម្រូងចម្រាសនៅព្រឹកថ្ងៃទី០៥ ខែសីហា ចំថ្ងៃខួបកំណើតកែប្រែរបស់ប្រធានព្រឹទ្ធសភា លោក ហ៊ុន សែន។ ពិធីបើកការដ្ឋានជីកព្រែកជាប្រវត្តិសាស្ត្រនេះ ត្រូវគេធ្វើឡើងយ៉ាងអធិកអធមដោយមានការវាយគង ជួង រគាំង ទូងស្គរ ទះប៉ោត និងគោះត្រដោកនៅតាមទីកន្លែងសាធារណៈសំខាន់ៗរាប់ចាប់តាំងពីស្ថាប័នរដ្ឋរហូតដល់វត្តអារាម និងសាលារៀន ខណៈរដ្ឋាភិបាលអនុញ្ញាតឱ្យមន្ត្រីរាជការ កម្មករ និយោជិត និងសិស្សនិស្សិត ឈប់សម្រាក១ថ្ងៃដើម្បីចូលរួមអបអរពិធីនេះ។
2024-07-30
នាយករដ្ឋមន្ត្រីនៃប្រទេសកម្ពុជា ឡាវ និងវៀតណាម កាលពី២៥ឆ្នាំមុន ពោលគឺនៅឆ្នាំ១៩៩៩ បាននាំគ្នាចុះហត្ថលេខាបង្កើតកិច្ចសហប្រតិបត្តិការអភិវឌ្ឍន៍តំបន់ត្រីកោណនៃប្រទេសទាំង៣ ដែលមានសរុប១៣ខេត្តជាប់ព្រំដែនរួមគ្នា លើផ្ទៃដីទំហំ ១៤៤.៣៤១ គីឡូម៉ែត្រការ៉េ។
2024-07-25
កម្ពុជាក្រោមការដឹកនាំរបស់លោកនាយករដ្ឋមន្ត្រី ហ៊ុន ម៉ាណែត កាលពីថ្ងៃទី១៩ ខែកក្កដា បានសម្ពោធបង្គោលស្លាកឈ្មោះផ្លូវមួយខ្សែដោយប្រសិទ្ធនាមថា «មហាវិថី ស៊ី ជីនពីង»។ បើទោះបីជាកម្ពុជាខ្ចីបុលលុយពីចិនក្នុងតម្លៃ ២៧៣លានដុល្លារ ដើម្បីសាងសង់ផ្លូវនេះក៏ដោយ ក៏ការយកឈ្មោះមេដឹកនាំចិនមកដាក់លើឈ្មោះផ្លូវខ្មែរនេះ ត្រូវរដ្ឋាភិបាលកម្ពុជាអះអាងថា ដើម្បីជា «ការដឹងគុណ» របស់កម្ពុជា ចំពោះចិន។ ផ្លូវក្រវាត់ក្រុងទី៣ ប្រវែងជាង ៤៧គីឡូម៉ែត្រនេះ នឹងប្រទាក់ក្រឡាគ្នាជាមួយបណ្តាញផ្លូវជាតិ និងផ្លូវខេត្តសំខាន់ៗ ដូចជាផ្លូវអាស៊ានហាយវ៉េយ ផ្លូវល្បឿនលឿនភ្នំពេញ-ក្រុងព្រះសីហនុ និងផ្លូវល្បឿនលឿនភ្នំពេញ-បាវិត ដែលនឹងត្រូវសាងសង់នាពេលខាងមុខ។
2024-07-24
ប្រធានាធិបតីវៀតណាម លោក តូ ឡឹម (To Lam) បានចូលកាន់តំណែងជាអគ្គលេខាធិការបក្សកុម្មុយនិស្តស្តីទី បន្ទាប់ពីលោក ង្វៀង ភូជុង (Nguyen Phu Trong) ជាមេបក្សដែលកាន់អំណាចយូរ បានទទួលមរណភាព។
2024-07-19
រូបភាពជាច្រើនសន្លឹកផ្សាយដោយក្រុមហ៊ុនថតរូបភាពតាមផ្កាយរណបពាណិជ្ជកម្មរបស់សហរដ្ឋអាមេរិក បង្ហាញឱ្យឃើញពីនាវាទេសចរណ៍ប្រណីតមួយគ្រឿងរបស់មេដឹកនាំកូរ៉េខាងជើង លោក គីម ជុងអ៊ុន (Kim Jong Un) កំពុងធ្វើដំណើរចេញពីឆ្នេរសមុទ្រមួយកន្លែងនៅភាគខាងកើតនៃប្រទេសក្រីក្ររបស់លោក។ រូបភាពទាំងនេះ បាននាំឱ្យមានការវិភាគថា មេដឹកនាំជំនាន់ទី៣របស់ប្រទេសនេះ កំពុងសម្រាកលម្ហែកាយវិស្សមកាលរដូវក្តៅជាលក្ខណៈគ្រួសារ។
2024-07-18
ក្រោមការដឹកនាំរបស់អតីតនាយករដ្ឋមន្ត្រី ហ៊ុន សែន និងនាយករដ្ឋមន្ត្រីកូន លោក ហ៊ុន ម៉ាណែត ការធ្វើទុក្ខបុកម្នេញ និងការរឹតត្បិតសិទ្ធិសេរីភាព កំពុងកើតឡើងតាមគ្រប់រូបភាព ទាំងផ្នែកអាណាចក្រ និងពុទ្ធិចក្រ។
2024-07-16
រដ្ឋមន្ត្រីបរិស្ថាន លោក អ៊ាង សុផល្លែត ដែលឡើងកាន់តំណែងនេះតាមរយៈសែស្រឡាយជាកូនប្រសារបស់លោក ជា សុផារ៉ា ថ្មីៗនេះបានចោទប្រកាន់សកម្មជនបរិស្ថានថា ពួកគេ «គ្មានជំនាញ» បរិស្ថានច្បាស់លាស់ និង «ចេះតែសម្ដែង» ដោយគ្មានការទទួលខុសត្រូវ។ លោកថ្លែងដូច្នេះ ក្រោយអាជ្ញាធររដ្ឋាភិបាលដឹកនាំដោយចៅហ្វាយនាយរបស់លោក គឺលោក ហ៊ុន ម៉ាណែត បានចាប់ខ្លួនសកម្មជនយុវជនចលនាមាតាធម្មជាតិ៥នាក់ និងជាម្ចាស់ពានរង្វាន់ Right Livelihood Award 2023 ដែលមានតម្លៃប្រហាក់ប្រហែលនឹងពានរង្វាន់ណូបែល ដាក់គុកពី៦ឆ្នាំទៅ៨ឆ្នាំ ក្រោមបទចោទ «រួមគំនិតក្បត់» និង «ប្រមាថព្រះមហាក្សត្រ» ខណៈសកម្មជនបរិស្ថាន៥នាក់ផ្សេងទៀតត្រូវបានកាត់ទោសកំបាំងមុខ។
