ប័ណ្ណសារព័ត៌មាន
2024-04-12
រឿងរ៉ាវអវិជ្ជមានជាច្រើនបានកើតមានឡើងនៅក្នុងសង្គមកម្ពុជាក្នុងឆ្នាំចាស់ ដែលនឹងកន្លងទៅនាពេលដ៏ខ្លីខាងមុខនេះ។
2024-04-08
ភ្លាមៗក្រោយឡើងកាន់អំណាចជានាយករដ្ឋមន្ត្រីតាមរយៈការផ្ទេរអំណាចពីឪ លោក ហ៊ុន ម៉ាណែត ប្រកាសពីចក្ខុវិស័យចង់ឱ្យកម្ពុជាក្លាយជាប្រទេសអ្នកមានត្រឹមឆ្នាំ២០៥០។ ក៏ប៉ុន្តែ នៅមិនយូរប៉ុន្មានក្រោយឡើងកាន់អំណាច មិនខុសពីឪ អាជ្ញាធរនៃរដ្ឋាភិបាលរបស់លោកបានបន្តអនុវត្តយុទ្ធនាការបណ្ដេញពលរដ្ឋក្រីក្រចេញពីដីធ្លី និងផ្ទះសម្បែងដែលពួកគាត់រស់នៅ។
2024-03-30
អតីតនាយករដ្ឋមន្ត្រី លោក ហ៊ុន សែន បានទៅចូលរួមសន្និសីទប្រចាំឆ្នាំនៃវេទិកាបូអាវ (Boao Forum) រយៈពេល៣ថ្ងៃនៅខេត្តហៃណាន (Hainan) ប្រទេសចិន ចាប់ពីថ្ងៃទី២៧ ដល់ថ្ងៃទី២៩ ខែមីនា។ នេះគឺជាដំណើរទស្សនកិច្ចទៅក្រៅប្រទេសជាលើកទីមួយរបស់លោកចាប់តាំងពីលោកបានផ្ទេរអំណាចឱ្យកូនប្រុសច្បង គឺលោក ហ៊ុន ម៉ាណែត ធ្វើជានាយករដ្ឋមន្ត្រី។
2024-03-27
រឿងរ៉ាវអាស្រូវហិរញ្ញវត្ថុទ្រង់ទ្រាយធំនៃអាជីវកម្មវិនិយោគបែបឆបោករបស់ក្រុមហ៊ុន Cambodian Investors Corporation Plc. (CIC) កំពុងផ្ទុះកក្រើកក្នុងសង្គមកម្ពុជា ដែលមានប្រព័ន្ធច្បាប់ទន់ខ្សោយ។ ក្រុមហ៊ុននេះ រងនូវការចោទប្រកាន់ថាបានធ្វើឱ្យបាត់បង់ទន់វិនិយោគរាប់លានដុល្លារ ចាប់តាំងពីពាក់កណ្តាលឆ្នាំ២០២៣មក ដោយគ្មានមូលហេតុច្បាស់លាស់។
2024-03-25
លោក ហ៊ុន ម៉ាណែត ប្រកាសកាលពីថ្ងៃទី១៩ ខែមីនា ថា រដ្ឋាភិបាលរបស់លោកកំពុងយកចិត្តទុកដាក់ពង្រឹងវិស័យសុខាភិបាលគ្រប់កម្រិតបន្ថែមទៀត ដើម្បីធានាថា ពលរដ្ឋគ្រប់រូបទទួលបានសេវាសុខាភិបាលប្រកបដោយគុណភាព។
2024-03-20
រយៈពេល ៥ឆ្នាំចុងក្រោយនេះ ប្រទេសចិនឈានមុខគេក្នុងការបញ្ជូនអ្នកជំនួញមកវិនិយោគនៅកម្ពុជា ក្នុងទំហំទឹកប្រាក់រាប់ពាន់លានដុល្លារ។
2024-03-09
មន្ត្រីសង្គមស៊ីវិលបារម្ភអំពីករណីគ្រោះថ្នាក់ចរាចរណ៍ ដែលនៅតែកើតមានច្រើន ដោយសារការអនុវត្តច្បាប់ចរាចរណ៍មានភាពធូររលុង និងពុករលួយ។ ជាមួយគ្នានេះ ជនបង្កបានប្រើប្រាស់មធ្យោបាយសម្របសម្រួលបញ្ចប់បញ្ហាក្រៅប្រព័ន្ធតុលាការជាមួយជនរងគ្រោះ ឬប្រើលុយ ដើម្បីបិទមាត់ប៉ូលិស ពេលមានគ្រោះថ្នាក់តាមដងផ្លូវផ្ទាល់តែម្តង ហើយពេលខ្លះជនបង្ករត់គេចខ្លួនសិនរួចចាំដោះស្រាយតាមក្រោយ។
2024-02-28
រដ្ឋាភិបាលថ្មីរបស់នាយករដ្ឋមន្ត្រីកូន លោក ហ៊ុន ម៉ាណែត បន្តលើកស្ទួយពាក្យស្លោក «អរគុណសន្តិភាព» មិនខុសពីសម័យកាលឪពុករបស់លោកឡើយ។ លោក និងឪពុករបស់លោក ត្រូវបានក្រុមមន្ត្រីក្រោមឱវាទលើកតម្កើង និងបញ្ចើចបញ្ចើជាបិតា «សន្តិភាព» ស្ទើរស្មើនឹងអាទិទេពដែលពលរដ្ឋខ្មែរត្រូវតែគោរពដឹងគុណគ្មានទីបញ្ចប់ និងដោយគ្មានការចោទសួរ ឬបញ្ចេញមតិរិះគន់ណាមួយឡើយ។
2024-02-26
ស្ត្រីខ្មែរមួយចំនួនដែលរួចខ្លួនចេញពីការជួញដូរផ្លូវភេទ ធ្លាប់ឱ្យវិទ្យុអាស៊ីសេរីដឹងថា បុរសចិន និងគ្រួសារខ្លះបានចាត់ទុកពួកនាងដូចជា ឧបករណ៍បង្កើតកូន។ ពួកនាងបានរងនូវការវាយធ្វើបាបលើរាងកាយ បង្ខាំងក្នុងបន្ទប់ និងគាបសង្កត់សេរីភាពគ្រប់បែបយ៉ាង។ ស្ត្រីខ្មែរទាំងនោះ ផ្ដាំផ្ញើដល់ស្ត្រីខ្មែរគ្រប់រូបនៅក្នុងប្រទេស កុំឱ្យចង់បានលុយពីចិន ហើយប្រថុយប្រថានរៀបការទៅតាមគេដោយងាយៗឱ្យសោះ ពីព្រោះបើសំណាងអាក្រក់ នឹងត្រូវគេវាយដំលើរាងកាយជារៀងរាល់ថ្ងៃ ដោយមិនមានឱកាសបានវិលត្រឡប់មកជួបជុំគ្រួសារវិញឡើយ។ ពោលគឺមានតែស្លាប់ចោលឆ្អឹងនៅស្រុកគេប៉ុណ្ណោះ។
2024-02-25
ការបោះឆ្នោតជ្រើសតាំងសមាជិកព្រឹទ្ធសភា កាលពីថ្ងៃអាទិត្យ ទី២៥ ខែកុម្ភៈ ធ្វើឡើងដើម្បីធ្វើឱ្យស្របច្បាប់ និងបំពេញមហិច្ឆតាបន្តក្រាញអំណាចផ្តាច់មុខគ្មានដែនកំណត់របស់អតីតនាយករដ្ឋមន្ត្រី ហ៊ុន សែន។ លោកនឹងមកធ្វើជាប្រធានព្រឹទ្ធសភាជំនួសឱ្យលោក សាយ ឈុំ ដែលត្រូវអស់អំណាច។ ការណ៍នេះនឹងនាំឱ្យត្រកូល «ហ៊ុន» អាចគ្រប់គ្រងអំណាចកំពូលៗរបស់ជាតិដោយចំហ និងគ្មានការលាក់លៀមតទៅទៀតឡើយ។
2024-02-20
នៅមិនដល់កន្លះឆ្នាំផងក្រោយនាយករដ្ឋមន្ត្រីកូន លោក ហ៊ុន ម៉ាណែត ឡើងកាន់អំណាចបន្តពីនាយករដ្ឋមន្ត្រីឪ ស្ថាប័នកំពូលៗរបស់ជាតិកំពុងត្រូវបានប្រែក្លាយ និងក្តោបក្តាប់ស្ទើរតែទាំងស្រុងដោយត្រកូល «ហ៊ុន»។ ប្រព័ន្ធគ្រួសារ-បក្ខពួកនិយមកំពុងចាក់ស្រេះកាន់តែខ្លាំងឡើងហួសឆ្ងាយជាងកាលពីសម័យនាយករដ្ឋមន្ត្រីឪ។
2024-02-18
ជិត៤០ឆ្នាំក្រោមការដឹកនាំរបស់ត្រកូល «ហ៊ុន» ពីឪពុកតដល់កូន កសិករខ្មែរនៅតែបន្តធ្វើស្រែប្រវាស់មេឃ ខណៈរដ្ឋាភិបាលអសមត្ថភាពមិនអាចបង្កើតប្រព័ន្ធធារាសាស្ត្រគ្រប់គ្រាន់ដើម្បីផ្តល់ដំណោះស្រាយទឹកជូនប្រជាកសិករខ្មែរ។
2024-02-12
មេដឹកនាំចិន លោកប្រធានាធិបតី ស៊ី ជិនពីង (Xi Jinping) កំពុងខិតខំប្រឹងប្រែងយ៉ាងខ្លាំងក្នុងឆ្នាំថ្មី ឆ្នាំរោងដែលជាឆ្នាំប្រកបដោយប្រផ្នូលល្អនេះ ដើម្បីស្តារសេដ្ឋកិច្ចធំបំផុតទីពីររបស់ពិភពលោក ដែលបានដាំក្បាលចុះដល់ដំណាក់កាលនៃការរីកលូតលាស់យឺតយ៉ាវ បន្ទាប់ពីប្រទេសចិនបានពង្រីកសេដ្ឋកិច្ចក្នុងល្បឿនលឿនប្រកបគ្រោះថ្នាក់អស់រយៈពេលជាច្រើនទសវត្សរ៍រួចមក។ ក្រុមអ្នករិះគន់ និយាយថា វិធានការប៉ះប៉ូវរយៈពេលខ្លី នឹងមិនអាចជួយដោះស្រាយសេដ្ឋកិច្ចរបស់ប្រទេសចិន ដែលបានធ្លាក់ចុះដោយសារតែបញ្ហាចាក់ស្រេះជាប្រព័ន្ធជាច្រើន មានដូចជា បំណុលរដ្ឋាភិបាលមូលដ្ឋានដែលចេះតែកើនឡើង ទីផ្សារអចលនទ្រព្យធ្លាក់ចុះ និងការដួលរលំដោយសារតែវិធីសាស្ត្រផ្ដោតចម្បងទៅលើវិស័យសន្តិសុខជាតិរបស់លោក ស៊ី ជិនពីង ក្នុងនោះមានដូចជាការបង្ក្រាបលើវិស័យបច្ចេកវិទ្យា និងសហគ្រិនអ្នកមាន ព្រមទាំងគោលនយោបាយបំភ័យដល់វិនិយោគិនបរទេស ជាដើម៕
2024-01-30
កាលពីសម័យសង្គមរាស្ត្រនិយម កម្ពុជាធ្លាប់មានកិត្តិនាមល្បីល្បាញថា ជា «ជង្រុកស្រូវ» និងជា «ជង្រុកត្រី» ដ៏ធំជាងគេនៅតំបន់អាស៊ីអាគ្នេយ៍។ ក៏ប៉ុន្តែ នៅសម័យកាលព្រះរាជាណាចក្រអច្ឆរិយ (Kingdom of Wonders) ដែលមានប្រព័ន្ធដឹកនាំបែបតពូជពីឪដល់កូនស្រដៀងគ្នាទៅនឹងមេដឹកនាំកូរ៉េខាងជើង (North Korea) នោះ បន្តិចម្ដងៗ «ជង្រុកស្រូវ» និង «ជង្រុកត្រី» នេះ ត្រូវបានក្រុមមេដឹកនាំនៃប្រទេស ដែលពោរពេញទៅដោយអំពើពុករលួយ ប្រែក្លាយទៅជា «ជង្រុកគ្រឿងញៀន» ដ៏គួរឱ្យព្រួយបារម្ភវិញម្តងសម្រាប់មនុស្សជំនាន់ក្រោយ។
2024-01-28
ពាក្យ «ប្រទេសតូចតែមានបេះដូងធំ» ត្រូវរដ្ឋាភិបាលកម្ពុជាតាំងពីសម័យនាយករដ្ឋមន្ត្រីឪដល់នាយករដ្ឋមន្ត្រីកូនយកមកអនុវត្តយ៉ាងខ្ជាប់ខ្ជួនដើម្បីសម្ញែងមុខមាត់នៅចំពោះមុខបរទេស។ ក៏ប៉ុន្តែ ពាក្យនេះកម្រត្រូវបានរដ្ឋាភិបាលយកមកអនុវត្តសម្រាប់ពលរដ្ឋខ្មែរខ្លួនឯងដែលជាម្ចាស់ស្រុក។