ប័ណ្ណសារព័ត៌មាន
2024-01-30
កាលពីសម័យសង្គមរាស្ត្រនិយម កម្ពុជាធ្លាប់មានកិត្តិនាមល្បីល្បាញថា ជា «ជង្រុកស្រូវ» និងជា «ជង្រុកត្រី» ដ៏ធំជាងគេនៅតំបន់អាស៊ីអាគ្នេយ៍។ ក៏ប៉ុន្តែ នៅសម័យកាលព្រះរាជាណាចក្រអច្ឆរិយ (Kingdom of Wonders) ដែលមានប្រព័ន្ធដឹកនាំបែបតពូជពីឪដល់កូនស្រដៀងគ្នាទៅនឹងមេដឹកនាំកូរ៉េខាងជើង (North Korea) នោះ បន្តិចម្ដងៗ «ជង្រុកស្រូវ» និង «ជង្រុកត្រី» នេះ ត្រូវបានក្រុមមេដឹកនាំនៃប្រទេស ដែលពោរពេញទៅដោយអំពើពុករលួយ ប្រែក្លាយទៅជា «ជង្រុកគ្រឿងញៀន» ដ៏គួរឱ្យព្រួយបារម្ភវិញម្តងសម្រាប់មនុស្សជំនាន់ក្រោយ។
2024-01-28
ពាក្យ «ប្រទេសតូចតែមានបេះដូងធំ» ត្រូវរដ្ឋាភិបាលកម្ពុជាតាំងពីសម័យនាយករដ្ឋមន្ត្រីឪដល់នាយករដ្ឋមន្ត្រីកូនយកមកអនុវត្តយ៉ាងខ្ជាប់ខ្ជួនដើម្បីសម្ញែងមុខមាត់នៅចំពោះមុខបរទេស។ ក៏ប៉ុន្តែ ពាក្យនេះកម្រត្រូវបានរដ្ឋាភិបាលយកមកអនុវត្តសម្រាប់ពលរដ្ឋខ្មែរខ្លួនឯងដែលជាម្ចាស់ស្រុក។
2024-01-22
កម្មវិធីជ្រើសរើសបវរកញ្ញា Miss Global 2023 បានក្លាយជារឿងរ៉ាវនយោបាយ បន្ទាប់ពីនាយករដ្ឋមន្ត្រីកម្ពុជា លោក ហ៊ុន ម៉ាណែត បានបញ្ជាឱ្យដកបេក្ខនារីបវរកញ្ញាទីបេ (Tibet) និងតៃវ៉ាន់ (Taiwan) ចេញពីការប្រកួត ក្រោយពីមានសម្ពាធពីមិត្តដែកថែបចិនឱ្យអនុវត្តតាម «គោលនយោបាយចិនមួយ»។
2024-01-19
ក្រោយលទ្ធផលនៃការបោះឆ្នោតជ្រើសរើសប្រធានាធិបតីតៃវ៉ាន់ (Taiwan) កាលពីថ្ងៃទី១៣ ខែមករា បង្ហាញថាគណបក្សកាន់អំណាច ដែលមាននិន្នាការប្រឆាំងប្រទេសចិនកុម្មុយនិស្ត បន្តឈ្នះឆ្នោតលើគណបក្សដទៃទៀត រដ្ឋាភិបាលកម្ពុជារបស់នាយករដ្ឋមន្ត្រី ហ៊ុន ម៉ាណែត បានឈានមុខគេក្នុងការប្រកាសជាថ្មី ពីការប្រកាន់ខ្ជាប់នូវ «គោលនយោបាយចិនមួយ»។
2024-01-14
លោកនាយករដ្ឋមន្ត្រី ហ៊ុន ម៉ាណែត ធ្លាប់លើកឡើងនៅចំពោះមុខកម្មកររាប់ពាន់នាក់ថា កម្ពុជាក្រោមការគ្រប់គ្រងរបស់លោកនឹងបន្តគោលនយោបាយពីឪពុករបស់លោក ក្នុងការបណ្ដុះបណ្ដាលធនធានមនុស្សលើគ្រប់វិស័យទាំងអស់ ពោលគឺមិនមែនត្រឹមតែវិស័យកាត់ដេរនោះទេ។
2024-01-10
រដ្ឋាភិបាលថ្មីរបស់នាយករដ្ឋមន្ត្រីកូន លោក ហ៊ុន ម៉ាណែត ដែលទើបប្រសូតបានជាង៤ខែ តាមរយៈផែនការផ្ទេរអំណាចជាកញ្ចប់របស់ឪពុកលោក បានកំណត់យកថ្ងៃទី២៩ ខែធ្នូ រៀងរាល់ឆ្នាំ ជា «ទិវាសន្តិភាពនៅកម្ពុជា»។ «ទិវាសន្តិភាព»ដែលរដ្ឋាភិបាលកំណត់ជាបុណ្យជាតិផ្លូវការនេះ ធ្វើឡើងដើម្បីឧទ្ទិសទៅដល់ឪពុកលោកដែលបានអនុវត្តគោលនយោបាយ«ឈ្នះ-ឈ្នះ» និងបញ្ជាក់ពីបំណងប្រាថ្នានៃ«ការស្រឡាញ់សន្តិភាព» និង«ការស្អប់ខ្ពើមសង្គ្រាម»។
