កុមារ២នាក់ស្លាប់ដោយសារទូកបុកគ្នានៅកំពង់ឆ្នាំង
2011.01.20
ជនរងគ្រោះឈ្មោះ គង់ ឆាយ អាយុ ៣៩ឆ្នាំ ថ្លែងប្រាប់វិទ្យុអាស៊ីសេរី នៅព្រឹកថ្ងៃទី១៩ ខែមករាថា កាលពីថ្ងៃទី១៧ ខែមករា គ្រួសារគាត់បានធ្វើដំណើរដោយទូកម៉ាស៊ីនទៅកាន់ចម្ការ។ ពេលដែលគាត់កាច់ចង្កូតទូកបម្រុងចូលចត ស្រាប់តែកប៉ាល់ដឹកអ្នកដំណើរប្រភេទល្បឿនលឿនឈ្មោះ ញ៉ូវ រ៉ូយាល់ បើកមកបុកទូកគាត់តែម្ដង។
លោក គង់ ឆាយ បន្ថែមថា ៖ «ខ្ញុំបើកកាណូតពីផ្ទះខ្ញុំមកហ្នឹង មកចូលចម្ការ។ ខ្ញុំចូលមកដល់កៀនខាងហើយហ្នឹង ស្រាប់តែអារ៉ូយ៉ាល់វាបើកមកបុកខ្ញុំនៅកៀនខាងនេះតែម្ដង។ កូនខ្ញុំ ២នាក់ លិចក្រឡាប់រកអត់ទាន់ឃើញទេ។ របស់ទ្រព្យខ្ញុំនៅលើទូកបាត់អស់ ហើយទូកក៏បែកជា២ ឥឡូវគេអូសយកមកទុកនៅកំពង់ឆ្នាំង»។
មេភូមិកោះឫស្សី លោក ណែត ស្រូយ ដែលបានទៅដល់ទីកើតហេតុមុនគេបំផុតនោះ បានឲ្យដឹងថា គ្រោះថ្នាក់ចរាចរណ៍ផ្លូវទឹកមួយនេះបានកើតឡើងនៅចំណុចភូមិកោះឫស្សី ឃុំប្រឡាយមាស ស្រុកកំពង់លែង ខេត្តកំពង់ឆ្នាំង។ លោកមេភូមិក៏បានឲ្យដឹងផងដែរថា ក្នុងឧបទ្ទវហេតុនេះ បានបណ្ដាលឲ្យកុមារា ២នាក់ ម្នាក់ឈ្មោះ ឈុន សម្បត្តិ អាយុ ៦ឆ្នាំ និងម្នាក់ទៀតឈ្មោះ ឈុន សំបូរ អាយុ ៤ឆ្នាំ ដែលត្រូវជាកូនរបស់ជនរងគ្រោះត្រូវបានបាត់ខ្លួន។
លោក ណែត ស្រូយ បន្តថា ៖ «ឃើញទិដ្ឋភាពទូកក៏បាក់បែក និងលិច ទាំងប្ដី និងប្រពន្ធរងរបួសអីវ៉ាន់លើទូកបាត់អស់។ កូន ២នាក់ក៏បាត់មិនដឹងយ៉ាងណា។ ខ្ញុំក៏បានជួយបញ្ជូនគាត់មកកាន់ទីបញ្ជាការនគរបាលជើងទឹកខេត្តរួចហើយ មិនដឹងជាគេចាត់ចែងយ៉ាងណាទៀតនោះទេ»។
នាយការិយាល័យនគរបាលចរាចរណ៍ជើងទឹកខេត្តកំពង់ឆ្នាំង គឺលោក ហែម ហៀង មានប្រសាសន៍ប្រាប់វិទ្យុអាស៊ីសេរី នៅល្ងាចថ្ងៃទី១៩ ខែមករាថា ករណីគ្រោះថ្នាក់ចរាចរណ៍ផ្លូវទឹកនេះមានគ្រោះថ្នាក់ដល់ជីវិតមនុស្ស ដូច្នេះលោកបានបញ្ជូនទៅឲ្យតុលាការហើយ ៖ «ខ្ញុំបានបញ្ជូនទៅព្រះរាជអាជ្ញាតាមសមត្ថកិច្ចរបស់ខ្ញុំរួចហើយ»។
ព្រះរាជអាជ្ញាអមសាលាដំបូងខេត្តកំពង់ឆ្នាំង លោក ពេញ វិបុល មានប្រសាសន៍ថា លោកបានទទួលសំណុំរឿងខាងលើនេះរួចហើយ ជនបង្កគ្រោះថ្នាក់កំពុងត្រូវបានឃាត់ខ្លួនបណ្ដោះអាសន្ន រង់ចាំការការដោះស្រាយតាមនីតិវិធីនៃច្បាប់។
គួរបញ្ជាក់ថា រហូតមកដល់ព្រឹកថ្ងៃទី១៩ ខែមករានេះ សាកសពកុមាររងគ្រោះម្នាក់ត្រូវបានរកឃើញ តែគេមិនអាចសម្គាល់បានថា ជាកុមារ ឈុន សម្បត្តិ ឬកុមារ ឈុន សំបូរ នោះឡើយ ដោយសាកសពត្រូវបានហើមខូចទ្រង់ទ្រាយដែលមិនអាចសម្គាល់បាន៕
រឿងដែលគេអានច្រើនបំផុត
RFA
- តើលោក គឹម សន្តិភាព ជានរណា?
- លោក គា សុគន្ធ អ្នកនិពន្ធគំរូក្នុងការឆ្លុះបញ្ចាំងការពិត និងបណ្ដុះស្មារតីស្នេហាជាតិ
- លោកខាងលិចចង់ឃើញការបោះឆ្នោតជាតិប្រព្រឹត្តទៅដោយសេរី និងយុត្តិធម៌ ក្រោយការចាប់ខ្លួនលោក ថាច់ សេដ្ឋា
- ក្រុមមន្ត្រីជាន់ខ្ពស់គណបក្សកាន់អំណាចប្រតិកម្មនឹងពលរដ្ឋខ្មែររស់នៅក្រៅប្រទេស ជេរប្រមាថលោក ហ៊ុន ម៉ាណែត តាមបណ្ដាញសង្គម
- ថៃយល់ព្រមឱ្យកម្ពុជាប្រើពាក្យ «គុនខ្មែរ» ក្នុងព្រឹត្តិការណ៍ស៊ីហ្គេម២០២៣
រឿងដែលគេអានច្រើនបំផុត
ព័ត៌មានថ្មីៗ
- គណបក្សចំនួន៣ ចូលរួមប្រកួតដណ្ដើមកៅអីក្រុមប្រឹក្សាស្រុកក្រុងទើបបំបែកថ្មី
- ពលរដ្ឋចោទនគរបាលម្នាក់ដែលជាម្ចាស់ហាងពន្លឺជាប់ចិត្តនៅតាខ្មៅថា ប្រើកាំភ្លើងភ្ជង់ក្បាលយុវជន
- លោក រ៉ុង ឈុន នឹងដឹកនាំធ្វើធម្មយាត្រាលើកកម្ពស់សីលធម៌សង្គមនៅសប្តាហ៍ក្រោយ
- មន្ត្រីបក្សប្រឆាំង និងអ្នកវិភាគឈឺចិត្តជួសលោក គង់ គាំ ដែលត្រូវរើអីវ៉ាន់ចេញពីដីផ្ទះទាំងបង្ខំ
- គណបក្សភ្លើងទៀនប្រជុំថ្នាក់ដឹកនាំតាមរាជធានីខេត្ត ក្រោយបក្សកាន់អំណាចធ្វើទុក្ខបុកម្នេញ